Genesis 8
8
Ullitornivaksoaᴋ sorairpoᴋ.
1Gudible Noa erᴋarpâ, ômajullo tamaita nergjutillo tamaita umiaᴋsoamioᴋatingit, anoremiglo anordlertitsivoᴋ nunab ᴋângagut, imaᴋsoarlo tinersoariarpoᴋ.
2Ittinersûblo puilavingit simiktaulerput, ᴋilaublo igalângit, sillaluksoarlo ᴋilangmit sorairᴋojauvoᴋ.
3Imaᴋsûblo nuna ᴋemalerpâ ᴋemakpalliavlugo, imaᴋsoarlo miklivoᴋ, uvlut 150 nângmatta.
4Taᴋᴋit sepangata uvlungita sepasenanganne umiaᴋsoaᴋ ikkarikpoᴋ Araratib ᴋaᴋᴋangane.
5Imaᴋsoarlo miklivalliavoᴋ taᴋᴋit sinangat tikkidlugo. Taᴋᴋit sinangata uvlungita sivorlerpânganne ᴋaᴋᴋat ᴋângit nuitainarput.
6Uvlullo 40 nângmatta, Noab igalâᴋ umiaᴋsoarmêtoᴋ sanajane upkoerpâ.
7Tullugarlo annitipâ, tâmna aularpoᴋ uttertarlunelo, nuna imaᴋarungnailerᴋârtinago.
8Taubelo annitipâ ᴋaujijomavlune imaᴋanginersaungimangât nuname.
9Taubele miviksaminik naipitsinginame, tâpsomunga uttilerivoᴋ umiaᴋsoarmut, imaᴋarmat sulle nunaᴋsoarme ilûnâne. Issaktorlugo tiguvâ tagva, ingminut pitilugo umiaᴋsoarmut.
10Utaᴋᴋivorlo amma uvlunik sepanik, amma taube annitilugo umiaᴋsoarmit.
11Taubiblo tâpsoma tikkipâ unnulermat, sunaubvalo, napârtub orᴋsuliub millukattanganik ômarmik kingmiartoᴋ. Tagva Noa tukkisilerpoᴋ imaᴋsoaᴋ miklisimangmat.
12Sullelo utaᴋᴋivoᴋ amma uvlunik sepanik; taubelo umiaᴋsoarmit annitingmago, uttervigijungnairpâ.
13(Noa) jâreᴋarmat 601nik, taᴋᴋerub sivorliub uvlungita sivorlerpânganne nuna imairutivoᴋ. Tagva Noab umiaᴋsûb ᴋânga pêrpâ nautsertorlunelo, sunaubva, nunab ᴋânga imairutivoᴋ.
14Taᴋᴋerublo aipangata uvlungita 27ingane nuna pannerpoᴋ.
15Gudiblo Noa oᴋarvigivâ oᴋarlunelo:
16Umiaᴋsoarmit annilerit igvit nuliallo ernitillo ernivillo nuliangit illagivlugit.
17Omajullo ilûnatik illingnêtut, uvinilît ilûnatik illagijangit, tingmitjallo nergjutillo pâmgortullo ilûnatik pâmgorpaktut nuname annilit illagivlutit; pivalliajuksauvut nuname, kinguvâktârᴋattarlutiglo unuksivalliajuksauvut nuname.
18Tagva Noa annilerpoᴋ ernine nulianelo ernermelo nuliangit illagivlugit.
19Taimaktauᴋ ômajut ilûnatik, pâmgortullo ilûnatik, tingmitjallo ilûnatik, pâmgorpaktullo nuname ilûnatik, ingmikut illagêklutik, annilerput umiaᴋsoarmit.
20Noalo Nâlekamut tunerguserviliorpoᴋ, tigusivlunelo nergjutit ivsornaitut sunatuinait illanginik, tingmitjallo ivsornaitut sunatuinait illanginik, ôtaksanik tunerguserpoᴋ tunerguserviub ᴋângane.
21Nâlekablo naimavâ tippitsiariktoᴋ, ômamigullo oᴋarpoᴋ: Kingorngane nuna ominarsititsomairtara inuit pitjutigivlugit; inub ômatingata kajungilarningit ajortoᴋsôngmatta sorusioninganit, kingornganelo ômajut tamaita nungutitsomairtakka, sorlo pisimagama.
22Kingorngagut nunaᴋsûb uvlungit nâvlugit karngasuiviksaᴋ kattersuiviksarlo, itje kiaglo, aujaᴋ okiorlo, uvloᴋ unnuarlo sorairniatsangilat.
Одоогоор Сонгогдсон:
Genesis 8: LIHB08
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Labrador Inuttitut Heritage Bible © Canadian Bible Society, 2008.