Simuluho 5
5
Lusika lwa Adama
(1 Lita 1.1-4)
1 #
Sim 1.27-28
Ki wo mukoloko wa lusika lwa Adama. Mulimu ha n'a bupile Adama, n'a mu bupile ka siswaniso sa hae. 2#Mat 19.4; Mar 10.6 A bupa munna ni musali. A ba tohonolofaza, mi a ba biza Mutu, ha ba se ba bupilwe. 3Adama ha n'a s'a na ni lilimo ze mwanda ni mashumi a malalu, a ba ni mwana ya n'a swana ni yena, mi a mu biza Seta. 4Mwamulaho a fo, Adama a pila hape lilimo ze mianda ye supile ka u li muñwi. A ba ni bana ba bañwi ba bashimani ni basizana. 5A shwa a nz'a na ni lilimo ze mianda ye supile ka ye mibeli, ni mashumi a malalu.
6Seta ha n'a na ni lilimo ze mwanda u li muñwi ni ze ketalizoho, a ba ni mwana wa mushimani ya bizwa Enoshi. 7A pila hape lilimo ze mianda ye supile ka u li muñwi ni ze supile. A ba ni bana ba bañwi ba bashimani ni basizana. 8A shwa ha s'a na ni lilimo ze mianda ye supile ka ye mibeli ni lishumi ka ze peli.
9Enoshi ha s'a na ni lilimo ze mashumi a supile ni a mabeli, a ba ni mwana wa mushimani ya bizwa Kenani. 10A pila hape lilimo ze mianda ye supile ka u li muñwi ni lishumi ka ze ketalizoho. A ba ni bana ba bañwi ba bashimani ni basizana. 11A shwa a nz'a na ni lilimo ze mianda ye supile ka ye mibeli ni ze ketalizoho.
12Kenani ha s'a na ni lilimo ze mashumi a supile, a pepa mushimani ya bizwa Mahalalele. 13A pila hape lilimo ze mianda ye supile ka u li muñwi ni mashumi a mane. A ba ni bana ba bañwi ba bashimani ni basizana. 14A shwa a nz'a na ni lilimo ze mianda ye supile ka ye mibeli ni ze lishumi.
15Mahalalele ha s'a na ni lilimo ze silezi ka ze ketalizoho, a pepa mushimani ya bizwa Jaredi. 16A pila hape lilimo ze mianda ye supile ka u li muñwi ni mashumi a malalu. A ba ni bana ba bañwi ba bashimani ni basizana. 17A shwa a nz'a na ni lilimo ze mianda ye supile ka u li muñwi ka mashumi a supile ni a mabeli ka ze ketalizoho.
18Jaredi ha s'a na ni lilimo ze mwanda ni mashumi a silezi ni ze peli, a pepa mushimani ya bizwa Enoke. 19A pila hape lilimo ze mianda ye supile ka u li muñwi. A ba ni bana ba bañwi ba bashimani ni basizana. 20A shwa a nz'a na ni lilimo ze mianda ye supile ka ye mibeli ni mashumi a silezi ni ze peli.
21Enoke ha s'a li wa lilimo ze mashumi a silezi ka ze ketalizoho, a pepa mushimani ya bizwa Metusela. 22A pila ka ku ipeya ku Mulimu lilimo ze mianda ye milalu, mi a ba ni bana ba bañwi ba bashimani ni basizana. 23A pila hape ku fitela ha s'a na ni lilimo ze mianda ye milalu ni mashumi a silezi ni ze ketalizoho. 24#Litu 44.16; 49.14; Maheb 11.5; Juda 14 Enoke a pila a nz'a sebeleza Mulimu mwa bupilo bwa hae kaufela, mi n'a si ka bonahala hape kakuli n'a ngilwe ki Mulimu.
25Metusela ha s'a na ni lilimo ze mwanda ni mashumi a supile ka li li liñwi ni ze supile, a pepa mushimani ya bizwa Lameke. 26A pila hape lilimo ze mianda ye supile ni mashumi a supile ka li li liñwi ni ze peli. A ba ni bana ba bañwi ba bashimani ni basizana. 27A shwa a nz'a na ni lilimo ze mianda ye supile ni ye mibeli ni mashumi a silezi ni ze supile ka ze peli.
28Lameke ha s'a na ni lilimo ze mwanda ni mashumi a supile ka li li liñwi ni ze peli, a pepa mushimani. 29A li, “Mbututu yo, u ta lu pumulisa kwa misebezi ya luna ye tata mwa lifasi le, le li kutilwe ki Muñ'a Bupilo.” Kiha s'a mu biza Nuwe. 30Lameke a pila hape lilimo ze mianda i ketalizoho ni mashumi a supile ka a mabeli ni ze ketalizoho. A ba ni bana ba bañwi ba bashimani ni basizana. 31A shwa a nz'a na ni lilimo ze mianda ye supile ka mashumi a supile ni ze supile.
32Nuwe ha s'a na ni lilimo ze mianda i ketalizoho, a pepa bashimani ba balalu, ili bo Sema, Kama ni Jafeta.
Одоогоор Сонгогдсон:
Simuluho 5: Lozi09
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Lozi Interconfessional Bible, Catholic Edition © Bible Society of Zambia, 2009.