The Zaramo New Testament

<div class="version vid2373 iso6393zaj" data-vid="2373" data-iso6393="zaj">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s1">Yesu Kogaligwa ha Pilato</div><div class="r">(Mat. 27:1-2, 11-14; Mlk. 15:1-5; Yoh. 18:28-38)</div><div class="p"> 1Dale jose dinuka, wamsola Yesu wamgala ha Pilato. 2Wasonga kumtagusa wolonga, &#8220;Tum'vika munhu ino yowagiza wanhu zetu, yowagomesa sambiwamulihe kodi Kaisali,#23:2 Kaisali nhegulo yake Mndewa wa Loma. na mwenyego koikema kamba heyo iyo Kilisto, Mndewa.&#8221;</div><div class="p"> 3Pilato kamuuza, &#8220;Gweye iyo mndewa wa Wayahudi?&#8221;</div><div class="p">Yesu kamwidika, &#8220;Gweye iyo ulonga avo.&#8221;</div><div class="p"> 4Abaho, Pilato kawalongela wakulu wa wakulu wa nhambiko na dija didale da wanhu, &#8220;Siyona mbuli ya kumtagusila munhu ino.&#8221;</div><div class="p"> 5Ila hewo wananahila ng'hani wolonga, &#8220;Mafundo gake genula mzahimzahi mwa wanhu wose wa Yudea, kasonga Galilaya na sambi kahano.&#8221;</div><div class="s1">Yesu Kogaligwa ha Helode</div><div class="p"> 6Pilato viyahulike gano, kawauza, &#8220;Munhu ino kolawa Galilaya?&#8221; 7Viyavitangile goya kamba Yesu kokala yolawa isi yootawala Helode Antipa, kamgala ha Helode, yakalile Yelusalemu kipigiti kija. 8Helode kadeng'helela ng'hani viyamuwene Yesu, kwavija kakala yohulika mbuli zake, avo kipigiti kitali kakala yolonda kumona. Kakala yotamanila kumona Yesu viyotenda mzonza. 9Avo Helode kamuuza Yesu mbuli bwando, ila Yesu kamnyamalila. 10Wakulu wa wakulu wa nhambiko na wafundiza Malagizo ga Musa wakwenhuka, wamtagusa Yesu na lusango. 11Helode na asikali zake wamtendela mzihaka Yesu na kumgela kinyala, abaho, wam'vaza guo da undewa, ikwisha wam'bweza kabili ha Pilato. 12Pilato na Helode wakala waihile, ila songela zua dija wakala wambwiga.</div><div class="s1">Yesu Kotagusigwa Kudanganhika</div><div class="r">(Mat. 27:15-26; Mlk. 15:6-15; Yoh. 18:39&#8212;19:16)</div><div class="p"> 13Pilato kawakema hamoja wakulu wa wakulu wa nhambiko, wakulu wa isi, na wanhu. 14Kawalongela, &#8220;Mumgala munhu ino kumwangu mulonga kowagiza wanhu. Avo nimpelemba hano hameso genu, sonile mbuli yoyose ihile imumtagusila. 15Helode na heyo honile mbuli ihile, kileka mana yam'bwezile kumwetu. Haduhu kinhu chochose kihile chayatendile munhu ino kilumbile munhu ino kudanganhika. 16Avo nolagiza yalanhigwe, abaho, nomuleka yagende na zake.&#8221; 17Kila kipigiti cha Lusona lwa Pasaka Pilato kawafungulilaga mfungigwa imwe.#23:17 Nyandiko ziyagwe za umwaka zabule mnhongo wa 17.</div><div class="p"> 18Dale jose diguta nyangi walonga, &#8220;Mkome hiyo! Tufungulile Balaba!&#8221; 19Balaba kakala yafungigwe sama ya mzahimzahi wa kuilema silikali ulawilile mdiwambo na kukoma.</div><div class="p"> 20Pilato kalonda kumfungula Yesu, avo kalawilila kabili haulongozi wa ididale da wanhu. 21Ila wagendelela kutoa nyangi, wolonga, &#8220;Yawambigwe mumsalaba, yawambigwe mumsalaba!&#8221;</div><div class="p"> 22Pilato kawalongela mwanza wa ikadatu, yolonga, &#8220;Mbuli ilihi ihile yaatendile? Nie siyona mbuli yoyose ihile yaatendile ilumbile heyo kudanganhika! Kolanhigwa, abaho, kolekesigwa.&#8221;</div><div class="p"> 23Ila wagendelela kutoa nyangi ng'hani wolonga Yesu kolondigwa yawambigwe mumsalaba. Hakimambukizo, nyangi zao zihuma. 24Avo Pilato kawatogolela waja iwanhu vija vowokala womulonda Yesu. 25Avo kawafungulila Balaba iwamulondile, munhu yakalile mkifungo sama ya kugala mzahimzahi wa kuilema silikali na kukoma, na kumgela Yesu mmakono ga asikali, wamtende kamba vowolonda Wayahudi.</div><div class="s1">Yesu Kowambigwa Mumsalaba</div><div class="r">(Mat. 27:32-44; Mlk. 15:21-32; Yoh. 19:17-27)</div><div class="p"> 26Viwakalile womgala, wamgoga munhu imwe yokemigwa Simoni, munhu wa isi ya Kilene, yakalile yokwingila mdiwambo yolawa kumgunda. Wamdikwa msalaba, kaupapa hachugu cha Yesu.</div><div class="p"> 27Dale kulu da wanhu dimkweleleza, mmwanza wao kukala na watwanzi wokala womulilila na kumuyalalila. 28Yesu kawahindukila kawalongela, &#8220;Mweye watwanzi wa Yelusalemu! Sambimunililile nie, ila ililileni wenyego na wanenu, 29kwavija mazua gokwiza wanhu wokwiza kulonga, &#8216;Wana mhome watwanzi walibule wana, na waja hawalelile na waja hawakong'heze.&#8217; 30Kipigiti hicho wanhu wosonga kuilongela migongo, &#8216;Tulagalile!&#8217; Na vigongo, &#8216;Tufise!&#8217; 31Kwavija kamba vinhu kamba vino votendeka mum'biki mbisi, vowaze mum'biki unyalile?&#8221;</div><div class="p"> 32Wanhu wayagwe wabili, wakalile watendaga gehile, vivija na hewo walongozwa wachola kukomigwa hamoja na Yesu. 33Viwavikile hanhu hokemigwa, &#8220;Fulu da Pala,&#8221; wamuwamba Yesu mumsalaba hamoja na watenda gehile wabili, imwe kumkono wake wa ukulume na iyagwe kumkono wake wa ukumoso. 34Yesu kalonga, &#8220;Tata, wagele kumgongo kwavija hawagatangile gaja gowotenda.&#8221;</div><div class="p">Waigolela vivalo vake mkutoa kula. 35Wanhu wema haja wolola kipigiti wakulu wa Wayahudi viwakalile womtendela uponela, wolonga, &#8220;Kawakombola wayagwe, na yaikombole mwenyego kamba heyo iyo Kilisto yasaguligwe na Mulungu.&#8221; </div><div class="p"> 36Asikali vivija wamtendela uponela, wamkwenhukila wamgwelela divai ya ugwadu, 37wolonga, &#8220;Kamba gweye iyo Mndewa wa Wayahudi, ikombole mwenyego!&#8221;</div><div class="p"> 38Hachana ya umsalaba wake wandika vino, &#8220;ino iyo mndewa wa wayahudi.&#8221;</div><div class="p"> 39Mtenda gehile imwe yatungikigwe haja kamuliga Yesu yolonga, &#8220;Kamba gweye iyo Kilisto, ikombole mwenyego, abaho, utukombole na tweye.&#8221;</div><div class="p"> 40Ila ija mtenda gehile iyagwe kamkomhokela miyage yolonga, &#8220;Gweye humdumba Mulungu? Gweye kwa mumgayo kamba heyo. 41Kumwetu tweye vilumba kwavija tugweleligwa gaja galumbile na gaja gatutendile, ila ino hatendile mbuli yoyose ihile.&#8221; 42Abaho, kamulongela Yesu, &#8220;Yesu, ung'humbuke vondawize Muundewa wako.&#8221;</div><div class="p"> 43Yesu kamulongela, &#8220;Nokulongela ikweli, lelo kowa hamoja na nie Paladiso.&#8221;</div><div class="s1">Yesu Kodanganhika</div><div class="r">(Mat. 27:45-56; Mlk. 15:33-41; Yoh. 19:28-30)</div><div class="p"> 44Viivikile kamba saa sita, ziza diigubika isi yose mbaka saa tisa 45kwavija zua diziziwala, na idiguo ditungikwe Muing'anda ya Mulungu didegeka vidanga vibili. 46Yesu kenula dizwi, kalila yolonga, &#8220;Tata, mmakono gako noika loho yangu!&#8221; Viyeshile kulonga vino, kadanganhika.</div><div class="p"> 47Ija imkulu wa iwaasikali mia wa Loma kagona gaja galawilile, kamuyenzi Mulungu yolonga, &#8220;Kweli, munhu ino kakala mwende!&#8221;</div><div class="p"> 48Wanhu wakalile waiting'hane haja kulola mbuli ija wagona gaja galawilile, wose wabwela ukae yao wokiitoatoa zimhambaga wokiiyalala ng'hani. 49Wose wakalile wambwiga zake Yesu, hamoja na watwanzi wakalile womkweleleza kulawa Galilaya, wema hatalitali wolola.</div><div class="s1">Lukuli lwa Yesu Lokwikigwa Mdipanga</div><div class="r">(Mat. 27:57-61; Mlk. 15:42-47; Yoh. 19:38-42)</div><div class="p"> 50Kukala na munhu imwe yokemigwa Usufu, yakalile imwe wa wanhu wa Ikitala Kikulu cha Isi ya Wayahudi, kakala mwende wa Mulungu, 51na hatogole gaja gawalamule. Kakala yolawa kukiwambo cha Wayahudi kikemigwa Alimataya, na kakala youbeta Undewa wa Mulungu. 52Munhu hiyo kachola ha Pilato kulupula lukuli lwa Yesu. 53Abaho, kaluhumulusa hasi ulukuli, kaluvaza sanda, abaho, kalugela mdipanga dipukigwe mdibwe, dikalile hadinazikilwa munhu yoyose. 54Dikala zua da kuisasala na Zua da Mhumulo kwavija Zua da Mhumulo dikala behi kusonga.</div><div class="p"> 55Waja iwatwanzi, wakalile womkweleleza Yesu kulawa Galilaya, wamkweleleza Usufu. Avo wajona dipanga na avija lukuli lwa Yesu vulwikigwe. 56Abaho, wabwela mkae zao kusasala vinung'hanung'ha na mavuta ga kunung'hila ga kulubaka lukuli lwa Yesu.</div><div class="p">Muna Idizua da Mhumulo, wahumula kamba ndagizi vuzilagize.</div>
 </div>
 </div>
</div>

Zaramo Bible Translation Project: © 2023 Pioneer Bible Translators  New Testament is a revision of: Zaramo New Testament: © 2020 The Word for the World International and © 2020 Pioneer Bible Translators

Dale jose dinuka, wamsola Yesu wamgala ha Pilato. Wasonga kumtagusa wolonga, “Tum'vika munhu ino yowagiza wanhu zetu, yowagomesa sambiwamulihe kodi Kaisali, na mwenyego koikema kamba heyo iyo Kilisto, Mndewa.”
Pilato kamuuza, “Gweye iyo mndewa wa Wayahudi?”
Yesu kamwidika, “Gweye iyo ulonga avo.”
Abaho, Pilato kawalongela wakulu wa wakulu wa nhambiko na dija didale da wanhu, “Siyona mbuli ya kumtagusila munhu ino.”
Ila hewo wananahila ng'hani wolonga, “Mafundo gake genula mzahimzahi mwa wanhu wose wa Yudea, kasonga Galilaya na sambi kahano.”

Pilato viyahulike gano, kawauza, “Munhu ino kolawa Galilaya?” Viyavitangile goya kamba Yesu kokala yolawa isi yootawala Helode Antipa, kamgala ha Helode, yakalile Yelusalemu kipigiti kija. Helode kadeng'helela ng'hani viyamuwene Yesu, kwavija kakala yohulika mbuli zake, avo kipigiti kitali kakala yolonda kumona. Kakala yotamanila kumona Yesu viyotenda mzonza. Avo Helode kamuuza Yesu mbuli bwando, ila Yesu kamnyamalila. Wakulu wa wakulu wa nhambiko na wafundiza Malagizo ga Musa wakwenhuka, wamtagusa Yesu na lusango. Helode na asikali zake wamtendela mzihaka Yesu na kumgela kinyala, abaho, wam'vaza guo da undewa, ikwisha wam'bweza kabili ha Pilato. Pilato na Helode wakala waihile, ila songela zua dija wakala wambwiga.


Pilato kawakema hamoja wakulu wa wakulu wa nhambiko, wakulu wa isi, na wanhu. Kawalongela, “Mumgala munhu ino kumwangu mulonga kowagiza wanhu. Avo nimpelemba hano hameso genu, sonile mbuli yoyose ihile imumtagusila. Helode na heyo honile mbuli ihile, kileka mana yam'bwezile kumwetu. Haduhu kinhu chochose kihile chayatendile munhu ino kilumbile munhu ino kudanganhika. Avo nolagiza yalanhigwe, abaho, nomuleka yagende na zake.” Kila kipigiti cha Lusona lwa Pasaka Pilato kawafungulilaga mfungigwa imwe.
Dale jose diguta nyangi walonga, “Mkome hiyo! Tufungulile Balaba!” Balaba kakala yafungigwe sama ya mzahimzahi wa kuilema silikali ulawilile mdiwambo na kukoma.
Pilato kalonda kumfungula Yesu, avo kalawilila kabili haulongozi wa ididale da wanhu. Ila wagendelela kutoa nyangi, wolonga, “Yawambigwe mumsalaba, yawambigwe mumsalaba!”
Pilato kawalongela mwanza wa ikadatu, yolonga, “Mbuli ilihi ihile yaatendile? Nie siyona mbuli yoyose ihile yaatendile ilumbile heyo kudanganhika! Kolanhigwa, abaho, kolekesigwa.”
Ila wagendelela kutoa nyangi ng'hani wolonga Yesu kolondigwa yawambigwe mumsalaba. Hakimambukizo, nyangi zao zihuma. Avo Pilato kawatogolela waja iwanhu vija vowokala womulonda Yesu. Avo kawafungulila Balaba iwamulondile, munhu yakalile mkifungo sama ya kugala mzahimzahi wa kuilema silikali na kukoma, na kumgela Yesu mmakono ga asikali, wamtende kamba vowolonda Wayahudi.


Viwakalile womgala, wamgoga munhu imwe yokemigwa Simoni, munhu wa isi ya Kilene, yakalile yokwingila mdiwambo yolawa kumgunda. Wamdikwa msalaba, kaupapa hachugu cha Yesu.
Dale kulu da wanhu dimkweleleza, mmwanza wao kukala na watwanzi wokala womulilila na kumuyalalila. Yesu kawahindukila kawalongela, “Mweye watwanzi wa Yelusalemu! Sambimunililile nie, ila ililileni wenyego na wanenu, kwavija mazua gokwiza wanhu wokwiza kulonga, ‘Wana mhome watwanzi walibule wana, na waja hawalelile na waja hawakong'heze.’ Kipigiti hicho wanhu wosonga kuilongela migongo, ‘Tulagalile!’ Na vigongo, ‘Tufise!’ Kwavija kamba vinhu kamba vino votendeka mum'biki mbisi, vowaze mum'biki unyalile?”
Wanhu wayagwe wabili, wakalile watendaga gehile, vivija na hewo walongozwa wachola kukomigwa hamoja na Yesu. Viwavikile hanhu hokemigwa, “Fulu da Pala,” wamuwamba Yesu mumsalaba hamoja na watenda gehile wabili, imwe kumkono wake wa ukulume na iyagwe kumkono wake wa ukumoso. Yesu kalonga, “Tata, wagele kumgongo kwavija hawagatangile gaja gowotenda.”
Waigolela vivalo vake mkutoa kula. Wanhu wema haja wolola kipigiti wakulu wa Wayahudi viwakalile womtendela uponela, wolonga, “Kawakombola wayagwe, na yaikombole mwenyego kamba heyo iyo Kilisto yasaguligwe na Mulungu.”
Asikali vivija wamtendela uponela, wamkwenhukila wamgwelela divai ya ugwadu, wolonga, “Kamba gweye iyo Mndewa wa Wayahudi, ikombole mwenyego!”
Hachana ya umsalaba wake wandika vino, “INO IYO MNDEWA WA WAYAHUDI.”
Mtenda gehile imwe yatungikigwe haja kamuliga Yesu yolonga, “Kamba gweye iyo Kilisto, ikombole mwenyego, abaho, utukombole na tweye.”
Ila ija mtenda gehile iyagwe kamkomhokela miyage yolonga, “Gweye humdumba Mulungu? Gweye kwa mumgayo kamba heyo. Kumwetu tweye vilumba kwavija tugweleligwa gaja galumbile na gaja gatutendile, ila ino hatendile mbuli yoyose ihile.” Abaho, kamulongela Yesu, “Yesu, ung'humbuke vondawize Muundewa wako.”
Yesu kamulongela, “Nokulongela ikweli, lelo kowa hamoja na nie Paladiso.”


Viivikile kamba saa sita, ziza diigubika isi yose mbaka saa tisa kwavija zua diziziwala, na idiguo ditungikwe Muing'anda ya Mulungu didegeka vidanga vibili. Yesu kenula dizwi, kalila yolonga, “Tata, mmakono gako noika loho yangu!” Viyeshile kulonga vino, kadanganhika.
Ija imkulu wa iwaasikali mia wa Loma kagona gaja galawilile, kamuyenzi Mulungu yolonga, “Kweli, munhu ino kakala mwende!”
Wanhu wakalile waiting'hane haja kulola mbuli ija wagona gaja galawilile, wose wabwela ukae yao wokiitoatoa zimhambaga wokiiyalala ng'hani. Wose wakalile wambwiga zake Yesu, hamoja na watwanzi wakalile womkweleleza kulawa Galilaya, wema hatalitali wolola.


Kukala na munhu imwe yokemigwa Usufu, yakalile imwe wa wanhu wa Ikitala Kikulu cha Isi ya Wayahudi, kakala mwende wa Mulungu, na hatogole gaja gawalamule. Kakala yolawa kukiwambo cha Wayahudi kikemigwa Alimataya, na kakala youbeta Undewa wa Mulungu. Munhu hiyo kachola ha Pilato kulupula lukuli lwa Yesu. Abaho, kaluhumulusa hasi ulukuli, kaluvaza sanda, abaho, kalugela mdipanga dipukigwe mdibwe, dikalile hadinazikilwa munhu yoyose. Dikala zua da kuisasala na Zua da Mhumulo kwavija Zua da Mhumulo dikala behi kusonga.
Waja iwatwanzi, wakalile womkweleleza Yesu kulawa Galilaya, wamkweleleza Usufu. Avo wajona dipanga na avija lukuli lwa Yesu vulwikigwe. Abaho, wabwela mkae zao kusasala vinung'hanung'ha na mavuta ga kunung'hila ga kulubaka lukuli lwa Yesu.
Muna Idizua da Mhumulo, wahumula kamba ndagizi vuzilagize.

ऐका LUKA 23