God Da Gaga Reka Re

<div class="version vid3575 iso6393bjz" data-vid="3575" data-iso6393="bjz">
 <div class="book bkJHN">
 <div class="chapter ch3" data-usfm="JHN.3">
 <div class="label">3</div><div class="s1">3:1-21 Iesu Na Nikodemus Iruguturia Re.</div><div class="p"> 1Moses da Gaga Kaifa kakatoda* einida ragaro Nikodemus, um&#243; Jiusi enemboda beforo righari emb&#243; eini re. 2Unona tumba eini aria, Iesu dava bubua egh&#225; ririe. &#8220;Rabbi, n&#225;mane reisi-gerore, God na ririeta, im&#243; irugari kato ea fureravore. Avona undufa unda anomi jo inda rora ivata anogha, aghagonu ambi aita rouvie. God ing&#225; dano irambi irasua, inda eta rora, jo sirorambi asue.&#8221; 3Agh&#225; ririeta, Iesu na mino und&#250; egh&#225; ririe, &#8220;Am&#243; ind&#250; gaabee rere: avona jo rekago sirorambi adua, um&#243; jo God da natofoda* rorova terua, God unda natofo kaifa aita rouvia kambesi gambi aita rouvie.&#8221; </div><div class="p"> 4Agh&#225; ririeta, Nikodemus na ririe, &#8220;Im&#243; daiyagha rere? Emb&#243; beemi rekago jo kaverea ya nueda uro rova sirorambi aita rouvie.&#8221;</div><div class="p"> 5Agh&#225; ririeta, Iesu na mino ririe, &#8220;Am&#243; ind&#250; gaabee rere. Avona um&#243; uvumi kot&#250; God da Asisi Kakarami rekago jo sirorambi adua, um&#243; jo God da natofoda rorova terua, God unda natofo kaifa aita rouvia kambesi gambi aita rouvie. 6At&#225; tamo eto, an&#225; aya afaghami utuaveta buta rouvie. Tago, enemboda asisi God da asisimi utuaveta jebugeta rouvie. 7At&#225;, anda im&#243; rekago sirorasiravore retora-du, rourogo im&#243; mana-mana ara-degea rere. 8Yauranu nundubea gigo! Yaura unda uno niavo yaita ariva iru-furu uaveta, eronu ningita roravore. Agh&#225;-gea, um&#243; niavo reiya o niavo reifia, im&#243; jo gambi eta roravore. Gari dabako aghagonu, God da Asisi unda unomi iru-furu urota, reaveta enembo dumeni jebugeta rousue,&#8221;</div><div class="p"> 9Agh&#225; ririeta, Nikodemus na uriga urie, &#8220;En&#225; daiyagha ea siroradu?&#8221;</div><div class="p"> 10Ririeta, Iesu na egh&#225; ririe, &#8220;Im&#243; namonde am&#243; Israel enemboda irugari kato jojabe eini re-tago daiyagha mana-mana ro? 11Am&#243; ind&#250; gaabee rere. N&#225;mane egh&#225; regegeta rosora mo, jo tefunu-tefunu regegambi eta rosore. N&#225;mane donu niningigea kot&#250; gigiguturera, an&#225; nuenembo n&#237;mandu regegeta rosore. Agh&#225; regegeta rosore-tago, n&#237;mane jo n&#225;manda gaga bambi egegeta rosoravore. 12En&#225; eini-eini oreki endava vitia-du reta rore-tago, im&#243; jo gaabee ambi eta roravore. Agh&#225;-gea, eini-eini donu uutuva vitia-da gaga rata ningadora mo, im&#243; daiyagha ea gaabee ado? 13Kot&#250; eini-eini uutuva vitia, enembo eini avona jo yava gambi vitie. Avotago Enemboda Jojabee* uutuvareta vorea furie-gea, unona avo irirota gerurie. 14#Num 21:9Kot&#250;, Moses na uvu tefo, enembo irambi kambesiva ningabu ririkurieta eroruria aghagonu, Enemboda Jojabee agh&#225; righota eraita rouvie. 15Agh&#225; ata-gea, enembo avona um&#243; gaabee egegadua, jebuga tumanadu irari baita rousue. 16Anada bee mo, God um&#243; enembo neno bua gogh&#243; urota, jebuga tumanadu irarinu bari-du rea, unda Mendi dabako bee dabako ututurieta furie. Unda furia-da bee mo, avona um&#243; gaabee adua, jo ambua sidara ambi aita rouvie, jebuga tumanadu irarinu baita rouvie. 17God jo unda Mendi endava enembo gia irurari-du rea, ninengota furambi re. N&#250;mane sonembota, jebuga bubugari-du rea ninenguturieta furie. 18Enembo avona God da Mendinu gaabee rousua, God jo n&#250;mane gia irurambi re. Tago, avona God da Mendinu jo gaabee ambi rousua, God na n&#250;mane gia irurea mema, utaita rouvie. Anada bee mo, God da Mendi dabako bee re-tago, n&#250;mane jo gaabee ambi rousue. 19At&#225;, en&#225; gia irureta rouvia-da bee evere. Unana endava enembodava furie-tago, enembo injigha egeguturie. N&#250;mane unana jo neno bambi, bingoinu neno bubugeta rousue. Anada bee mo, n&#250;manda ari-bari an&#225; sembago-gea, unanava yari uno ambi eta rousue. 20Enembo avona ari-bari akokogo eta rousua, n&#250;mane unana injigha eta rousue. Rourogo n&#250;manda ari-bari akokogonu gigigauve-degea, n&#250;mane jo unanava yambi eta rousue. 21At&#225;, enembo avona, gaa beeda aito fugari bee nuenembo urota irita rousua, unanava futa rousue. Anada bee mo, God da anomi n&#250;manda donu egegeta rousua-nu enembo oruabemi gigigari-du rea, unanava fufugeta rousue.&#8221;</div><div class="s1">3:22-30 Jon Bafutaito Ari Kato Na, Iesu Da Ragaro Ririkurieta Erorurie.</div><div class="p"> 22Anada ambova, Iesu unda ambo nimbide dano Judia Frovensi avo igiguturie. Fefera dumeni numonde anava iririguturota, Iesu na enembo bafutaito eta urie. 23-24#Mat 14:3; Mak 6:17; Luk 3:19-20An&#225; frovensi dabako avo Jon Bafutaito ari kato beago, naa eini ragaro Ainon, avo bafutaito eta urie. Anada bee mo, avo uvu oruabe kot&#250;, enembo oruabe fufugeta urie. En&#225; naa Ainon rera, um&#243; naa eini ragaro Salim da kasava re. Jon Bafutaito ari kato jo dibura ambi irirota, enembo furuaveta, n&#250;mane avo bafutaito eta urie. 25Agh&#225; ueta, Jon da ambo nimbi dumenimi Jiusi emb&#243; einide besiga tutuno egeguturie. Numonde besiga egeguturia-da ruru mo, irugari eini tamode eini-einide seghari-da agho dari amindu rea, besiga tutuno egeguturie. 26Agh&#225; ea aria, Jon dava bubua, egh&#225; ririe, &#8220;Irugari kato, Jordan uvu beina fefera vitari kenava emb&#243; eini furia ing&#225; irieta, unda tamova gaga rirera rei-nundubutora? Oreki um&#243; tutuno ea bafutaito ueta, enembo dano namonde am&#243; dodogea undava reisi-igigutue.&#8221; 27Agh&#225; regeguturieta, Jon na mino egh&#225; ririe, &#8220;God na emb&#243; avona buro eta rouvia-du &#8216;avore&#8217; radua, ata bee siroraita rouvie. 28#Jon 1:20Agh&#225;-gea, am&#243; gaga daiyagha rieta niningiguturera, nenuka nu reisi-geroravore. God Emb&#243; eini ninengota furaita rouvia riria, jo am&#243; irambi re. Anona an&#225; Emb&#243;da emboro rerebari-du rea, God na ninenguturieta, furere. 29At&#225;, an&#225; emb&#243; rera, um&#243; eto-bato emb&#243; einimi evetu reka yagera aita rouvia aghago re. O am&#243; mo, an&#225; emb&#243; evetu yagera aita rouvia-da mambu, aghagonu kasava jiria irirota, unda mambu gaga reiria-da eronu niningurota, gangoro eta rore. Am&#243; und&#250; gangoromi rei-jaritore. 30Amindu, um&#243; baria jojabe asueta, am&#243; ijoko asire.&#8221;</div><div class="s1">3:31-36 Iesu Da Uutuva Reta Furia Gaga Re.</div><div class="p"> 31Jon rekago egh&#225; ririe, &#8220;Um&#243; avona uutuvareta vorefuria, um&#243; enembo nanjogoda itiva re. At&#225; avona endava siroradua, um&#243; endada irarinu nundubuturota, anada gaga nuenembo rirota iraita rouvie. Kot&#250; an&#225; emb&#243; uutuva reta vorefuria, um&#243; iti bee itiva re. 32Amindu rea, unda minonova, um&#243; donu geruria kot&#250; nininguria nuenembo reta rouvie. Tago, unda gaga enembo eini avona jo ningambi eta rouvie. 33Kot&#250;, unda gaga enembo avona niningigea gaabee egegadua-mi rei-irugutue: gaa bee mok&#243;da ruru, an&#225; God unuka um&#243; re. 34God da ninenguturieta furia emb&#243;mi God da gaga nuenembo reta rouvie. Anada bee mo, God unda Asisida ano an&#225; Emb&#243;dava averegeaveta, vitia beda ea, eto dirigea voreta rouvie. 35#Mat 11:27; Luk 10:22Afa God, unda Mendi neno rururota, eini-eini dano unda ingova ututurie. 36Amindu avona God da Mendi gaabee adua, um&#243; an&#225; jebuga tumanadu irari baita rouvie. At&#225; enembo avona unda Mendida gaga ningia gaabee ambi adua, jebuga tumanadu irari, um&#243; jo bambi irirota, God da neno sembagonu tumanadu itatama urota iraita rouvie.&#8221;</div>
 </div>
 </div>
</div>

Moses da Gaga Kaifa kakatoda* einida ragaro Nikodemus, umó Jiusi enemboda beforo righari embó eini re. Unona tumba eini aria, Iesu dava bubua eghá ririe. “ Rabbi , námane reisi-gerore, God na ririeta, imó irugari kato ea fureravore. Avona undufa unda anomi jo inda rora ivata anogha, aghagonu ambi aita rouvie. God ingá dano irambi irasua, inda eta rora, jo sirorambi asue.” Aghá ririeta, Iesu na mino undú eghá ririe, “Amó indú gaabee rere: avona jo rekago sirorambi adua, umó jo God da natofoda* rorova terua, God unda natofo kaifa aita rouvia kambesi gambi aita rouvie.”
Aghá ririeta, Nikodemus na ririe, “Imó daiyagha rere? Embó beemi rekago jo kaverea ya nueda uro rova sirorambi aita rouvie.”
Aghá ririeta, Iesu na mino ririe, “Amó indú gaabee rere. Avona umó uvumi kotú God da Asisi Kakarami rekago jo sirorambi adua, umó jo God da natofoda rorova terua, God unda natofo kaifa aita rouvia kambesi gambi aita rouvie. Atá tamo eto, aná aya afaghami utuaveta buta rouvie. Tago, enemboda asisi God da asisimi utuaveta jebugeta rouvie. Atá, anda imó rekago sirorasiravore retora-du, rourogo imó mana-mana ara-degea rere. Yauranu nundubea gigo! Yaura unda uno niavo yaita ariva iru-furu uaveta, eronu ningita roravore. Aghá-gea, umó niavo reiya o niavo reifia, imó jo gambi eta roravore. Gari dabako aghagonu, God da Asisi unda unomi iru-furu urota, reaveta enembo dumeni jebugeta rousue,”
Aghá ririeta, Nikodemus na uriga urie, “Ená daiyagha ea siroradu?”
Ririeta, Iesu na eghá ririe, “Imó namonde amó Israel enemboda irugari kato jojabe eini re-tago daiyagha mana-mana ro? Amó indú gaabee rere. Námane eghá regegeta rosora mo, jo tefunu-tefunu regegambi eta rosore. Námane donu niningigea kotú gigiguturera, aná nuenembo nímandu regegeta rosore. Aghá regegeta rosore-tago, nímane jo námanda gaga bambi egegeta rosoravore. Ená eini-eini oreki endava vitia-du reta rore-tago, imó jo gaabee ambi eta roravore. Aghá-gea, eini-eini donu uutuva vitia-da gaga rata ningadora mo, imó daiyagha ea gaabee ado? Kotú eini-eini uutuva vitia, enembo eini avona jo yava gambi vitie. Avotago Enemboda Jojabee* uutuvareta vorea furie-gea, unona avo irirota gerurie. Kotú, Moses na uvu tefo, enembo irambi kambesiva ningabu ririkurieta eroruria aghagonu, Enemboda Jojabee aghá righota eraita rouvie. Aghá ata-gea, enembo avona umó gaabee egegadua, jebuga tumanadu irari baita rousue. Anada bee mo, God umó enembo neno bua goghó urota, jebuga tumanadu irarinu bari-du rea, unda Mendi dabako bee dabako ututurieta furie. Unda furia-da bee mo, avona umó gaabee adua, jo ambua sidara ambi aita rouvie, jebuga tumanadu irarinu baita rouvie. God jo unda Mendi endava enembo gia irurari-du rea, ninengota furambi re. Númane sonembota, jebuga bubugari-du rea ninenguturieta furie. Enembo avona God da Mendinu gaabee rousua, God jo númane gia irurambi re. Tago, avona God da Mendinu jo gaabee ambi rousua, God na númane gia irurea mema, utaita rouvie. Anada bee mo, God da Mendi dabako bee re-tago, númane jo gaabee ambi rousue. Atá, ená gia irureta rouvia-da bee evere. Unana endava enembodava furie-tago, enembo injigha egeguturie. Númane unana jo neno bambi, bingoinu neno bubugeta rousue. Anada bee mo, númanda ari-bari aná sembago-gea, unanava yari uno ambi eta rousue. Enembo avona ari-bari akokogo eta rousua, númane unana injigha eta rousue. Rourogo númanda ari-bari akokogonu gigigauve-degea, númane jo unanava yambi eta rousue. Atá, enembo avona, gaa beeda aito fugari bee nuenembo urota irita rousua, unanava futa rousue. Anada bee mo, God da anomi númanda donu egegeta rousua-nu enembo oruabemi gigigari-du rea, unanava fufugeta rousue.”

Anada ambova, Iesu unda ambo nimbide dano Judia Frovensi avo igiguturie. Fefera dumeni numonde anava iririguturota, Iesu na enembo bafutaito eta urie. Aná frovensi dabako avo Jon Bafutaito ari kato beago, naa eini ragaro Ainon, avo bafutaito eta urie. Anada bee mo, avo uvu oruabe kotú, enembo oruabe fufugeta urie. Ená naa Ainon rera, umó naa eini ragaro Salim da kasava re. Jon Bafutaito ari kato jo dibura ambi irirota, enembo furuaveta, númane avo bafutaito eta urie. Aghá ueta, Jon da ambo nimbi dumenimi Jiusi embó einide besiga tutuno egeguturie. Numonde besiga egeguturia-da ruru mo, irugari eini tamode eini-einide seghari-da agho dari amindu rea, besiga tutuno egeguturie. Aghá ea aria, Jon dava bubua, eghá ririe, “Irugari kato, Jordan uvu beina fefera vitari kenava embó eini furia ingá irieta, unda tamova gaga rirera rei-nundubutora? Oreki umó tutuno ea bafutaito ueta, enembo dano namonde amó dodogea undava reisi-igigutue.” Aghá regeguturieta, Jon na mino eghá ririe, “God na embó avona buro eta rouvia-du ‘avore’ radua, ata bee siroraita rouvie. Aghá-gea, amó gaga daiyagha rieta niningiguturera, nenuka nu reisi-geroravore. God Embó eini ninengota furaita rouvia riria, jo amó irambi re. Anona aná Embóda emboro rerebari-du rea, God na ninenguturieta, furere. Atá, aná embó rera, umó eto-bato embó einimi evetu reka yagera aita rouvia aghago re. O amó mo, aná embó evetu yagera aita rouvia-da mambu, aghagonu kasava jiria irirota, unda mambu gaga reiria-da eronu niningurota, gangoro eta rore. Amó undú gangoromi rei-jaritore. Amindu, umó baria jojabe asueta, amó ijoko asire.”

Jon rekago eghá ririe, “Umó avona uutuvareta vorefuria, umó enembo nanjogoda itiva re. Atá avona endava siroradua, umó endada irarinu nundubuturota, anada gaga nuenembo rirota iraita rouvie. Kotú aná embó uutuva reta vorefuria, umó iti bee itiva re. Amindu rea, unda minonova, umó donu geruria kotú nininguria nuenembo reta rouvie. Tago, unda gaga enembo eini avona jo ningambi eta rouvie. Kotú, unda gaga enembo avona niningigea gaabee egegadua-mi rei-irugutue: gaa bee mokóda ruru, aná God unuka umó re. God da ninenguturieta furia embómi God da gaga nuenembo reta rouvie. Anada bee mo, God unda Asisida ano aná Embódava averegeaveta, vitia beda ea, eto dirigea voreta rouvie. Afa God, unda Mendi neno rururota, eini-eini dano unda ingova ututurie. Amindu avona God da Mendi gaabee adua, umó aná jebuga tumanadu irari baita rouvie. Atá enembo avona unda Mendida gaga ningia gaabee ambi adua, jebuga tumanadu irari, umó jo bambi irirota, God da neno sembagonu tumanadu itatama urota iraita rouvie.”

ऐका Jon 3