If you would like a copy of this version please contact info@davaraudiobibles.org

Mori Old Testament

<div class="version vid3813 iso6393xmz" data-vid="3813" data-iso6393="xmz">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="s">I Kai ka i Abeli</div><div class="r"> 4:1-26</div><div class="p"> 1Mia atuu mewowaliakono i Hawa, beineno. Beine atuu mentia, ka ipe'anaakono i Kai ka ipotae, &#8221;Mohawe akumo asa tama a pontulungi-Do i Ue.&#8221; 2Ka i'amba me'anaakono i Abeli, uaino i Kai. I Abeli gagi puu pompakambi asa bawaa bembe bimba, sekono i Kai gagi puu mpelere. 3Ba opia tempo lembuino, i Kai mompesombaako asa ntia inso a hasilino wita atuu ndi Ondae i Ue gagi pesombano; 4#Ibr. 11:4i Abeli mbo'u mompesombaako asa ntia inso a ana amba-ambano asa bawaa bembe bimbano saru tabano. Ondae i Ue merioo i Abeli saru pesombano atuu, 5sine i Kai ka pesombano nahi Doperioo. Ka i'amba i Kai gagi tedoa mokula aroano, ka rupano mompemasusa. 6Mepau Ira i Ue ndi Kai, &#8221;Tembio kaimokula aroamu ka rupamu mompemasusa? 7Komba ta moleoke rupamu, tewala moweweuko anu moiko? Sine tewala nahi moiko wineweumu, hala padasoomo i arono pewowa. Po'eheno aroano te'aro ndi omue, sine asalakono ka upabawaio.&#8221; 8#Mat. 23:35; Luk. 11:51; 1Yoh. 3:12Motae i Kai ndi Abeli, uaino, &#8221;Aiwa ka tolako a mpada.&#8221; Tempono ondae kongko a mpada, borono i Kai sumapoio i Abeli, uaino, ka ipepateo. 9Mepau Ira i Ue ndi Kai, &#8221;Isua i Abeli, uaimu atuu?&#8221; Sangkino, &#8221;Nahi kuto'orio! Ongkueke puu mpodagai uaiku?&#8221; 10#Ibr. 12:24Mepau Ira, &#8221;Hapake anu umari wineweumu andio? Reano uaimu meboo-booli ndi Ongkue inso a wita. 11Kanandio-andio, tetotonaakomo, tensia inso a wita anu menganga tumarimao reano uaimu atuu inso a ngkaemu. 12Tewala mo'anggako wita atuu, wita atuu nahi ta moweeko mbo'u hasilino. Omue kogagi mia molai ka topelakopi i tolino.&#8221; 13Motae i Kai ndi Ondae i Ue, &#8221;Hukuku atuu langkaiopo sekono anu aku mokotembio. 14Kanandio-andio Isaari aku inso i wita andio, ka aku tewuni inso i aro-Miu ka gagi mia molai ka topelakopi i tolino. Isema anu ta tepotowoku, manasa ta mepate aku.&#8221; 15Mepau Ira i Ue ndi onae, &#8221;Naahi ntu'u, isemamo koa anu mepateo i Kai ta pinombaloako meluka pepintu.&#8221; Ka Do'amba i Ue monaakono tondonino i Kai, ka si dompepateo mia isemamo koa anu tepotowoakono. 16Ka i'amba i Kai lumako inso i aro-Do i Ue ka ipo'ia i wita Nodi, i sabaano oleo Paradesi. 17I Kai mewowaliakono beineno, ka i'amba beine atuu mentia ka ipe'anaakono i Heno. Ka i'amba i Kai mowangu asa kota anu ineeakono Heno, montonda neeno anano. 18I Heno hinao anano i Iradi, ka i Iradi hinao anano i Mehuiaeli, ka i Mehuiaeli hinao anano i Metusaeli ka i Metusaeli hinao anano i Lameki. 19I Lameki orua beineno, anu asa meneeako i Ada, anu susuano meneeako i Sila. 20I Ada me'anaakono i Yabali; onaemo anu gagi amado mia anu mpo'ia a ngkema ka mpompekaria pinotuwu. 21Neeno uaino, i Yubali; onaemo anu gagi amado luwuno mia anu mpemaeakono katapi ka siloli. 22I Sila mbo'u me'anaakono i Tubali-Kai, pese'eludo luwuno puu mpo'angga mala ka puu mpo'angga labu. Uaino beine i Tubali-Kai onaemo i Na'ama. 23Motaeomo i Lameki a orua beineno,</div><div class="q1">&#8221;Ada ka Sila, iperorongeakono pauku,</div><div class="q2">hei omiu beineno i Lameki, ita'oomo birimiu a mpinauku andio:</div><div class="q1">Kupepateomo asa tama hangano ibelai aku,</div><div class="q2">mompepate asa mia mongura hangano ibelai aku; 24Tewala i Kai asalakono pinombaloako meluka pepintu, i Lameki meluka pitu pulu ka opitu.&#8221;</div><div class="p"> 25I Adama mewowaliakono mbo'u beineno. Ka i'amba beine atuu me'anaakono asa ana ntama ka ineeakono i Seti, hangano ipotae, &#8221;Ondae Ue Ala moweeakunemo asa mia inule anu susua gagi euno i Abeli, hangano ipepateomo i Kai.&#8221; 26Asa mbo'u ana ntamano i Seti pine'anaako, ka ineeakono i Enosi. I tempomo atuu mia mpompu'u mpoboio nee-Do i Ue.</div>
 </div>
 </div>
</div>

Mia atuu mewowaliakono i Hawa, beineno. Beine atuu mentia, ka ipe'anaakono i Kai ka ipotae, ”Mohawe akumo asa tama a pontulungi-Do i UE.” Ka i'amba me'anaakono i Abeli, uaino i Kai. I Abeli gagi puu pompakambi asa bawaa bembe bimba, sekono i Kai gagi puu mpelere. Ba opia tempo lembuino, i Kai mompesombaako asa ntia inso a hasilino wita atuu ndi Ondae i UE gagi pesombano; i Abeli mbo'u mompesombaako asa ntia inso a ana amba-ambano asa bawaa bembe bimbano saru tabano. Ondae i UE merioo i Abeli saru pesombano atuu, sine i Kai ka pesombano nahi Doperioo. Ka i'amba i Kai gagi tedoa mokula aroano, ka rupano mompemasusa. Mepau Ira i UE ndi Kai, ”Tembio kaimokula aroamu ka rupamu mompemasusa? Komba ta moleoke rupamu, tewala moweweuko anu moiko? Sine tewala nahi moiko wineweumu, hala padasoomo i arono pewowa. Po'eheno aroano te'aro ndi omue, sine asalakono ka upabawaio.” Motae i Kai ndi Abeli, uaino, ”Aiwa ka tolako a mpada.” Tempono ondae kongko a mpada, borono i Kai sumapoio i Abeli, uaino, ka ipepateo. Mepau Ira i UE ndi Kai, ”Isua i Abeli, uaimu atuu?” Sangkino, ”Nahi kuto'orio! Ongkueke puu mpodagai uaiku?” Mepau Ira, ”Hapake anu umari wineweumu andio? Reano uaimu meboo-booli ndi Ongkue inso a wita. Kanandio-andio, tetotonaakomo, tensia inso a wita anu menganga tumarimao reano uaimu atuu inso a ngkaemu. Tewala mo'anggako wita atuu, wita atuu nahi ta moweeko mbo'u hasilino. Omue kogagi mia molai ka topelakopi i tolino.” Motae i Kai ndi Ondae i UE, ”Hukuku atuu langkaiopo sekono anu aku mokotembio. Kanandio-andio Isaari aku inso i wita andio, ka aku tewuni inso i aro-Miu ka gagi mia molai ka topelakopi i tolino. Isema anu ta tepotowoku, manasa ta mepate aku.” Mepau Ira i UE ndi onae, ”Naahi ntu'u, isemamo koa anu mepateo i Kai ta pinombaloako meluka pepintu.” Ka Do'amba i UE monaakono tondonino i Kai, ka si dompepateo mia isemamo koa anu tepotowoakono. Ka i'amba i Kai lumako inso i aro-Do i UE ka ipo'ia i wita Nodi, i sabaano oleo Paradesi. I Kai mewowaliakono beineno, ka i'amba beine atuu mentia ka ipe'anaakono i Heno. Ka i'amba i Kai mowangu asa kota anu ineeakono Heno, montonda neeno anano. I Heno hinao anano i Iradi, ka i Iradi hinao anano i Mehuiaeli, ka i Mehuiaeli hinao anano i Metusaeli ka i Metusaeli hinao anano i Lameki. I Lameki orua beineno, anu asa meneeako i Ada, anu susuano meneeako i Sila. I Ada me'anaakono i Yabali; onaemo anu gagi amado mia anu mpo'ia a ngkema ka mpompekaria pinotuwu. Neeno uaino, i Yubali; onaemo anu gagi amado luwuno mia anu mpemaeakono katapi ka siloli. I Sila mbo'u me'anaakono i Tubali-Kai, pese'eludo luwuno puu mpo'angga mala ka puu mpo'angga labu. Uaino beine i Tubali-Kai onaemo i Na'ama. Motaeomo i Lameki a orua beineno,
”Ada ka Sila, iperorongeakono pauku,
hei omiu beineno i Lameki, ita'oomo birimiu a mpinauku andio:
Kupepateomo asa tama hangano ibelai aku,
mompepate asa mia mongura hangano ibelai aku; Tewala i Kai asalakono pinombaloako meluka pepintu, i Lameki meluka pitu pulu ka opitu.”
I Adama mewowaliakono mbo'u beineno. Ka i'amba beine atuu me'anaakono asa ana ntama ka ineeakono i Seti, hangano ipotae, ”Ondae Ue Ala moweeakunemo asa mia inule anu susua gagi euno i Abeli, hangano ipepateomo i Kai.” Asa mbo'u ana ntamano i Seti pine'anaako, ka ineeakono i Enosi. I tempomo atuu mia mpompu'u mpoboio nee-Do i UE.

ऐका Tegagia 4