Uripiv-Wala-Rano-Atchin: Uripiv New Testament New Testament only

Naul On Nga Mimerr Uripiv

<div class="version vid525 iso6393upv" data-vid="525" data-iso6393="upv">
 <div class="book bkMAT">
 <div class="chapter ch10" data-usfm="MAT.10">
 <div class="label">10</div><div class="s">Aposol esngav&#246;l drromon eru se Iesu</div><div class="p"> 1Ko Iesu everus jinibb sen esngav&#246;l drromon eru (12), nga marveruse nir aposol, parini mori. Ko elai derteren tevir nga paroji nem&#771;in nga marsij nir, ko nga parloli nir nga marmesi mesien lele parres luwi.</div><div class="p"> 2Ngel evi nise aposol esngav&#246;l drromon eru: nga womuj nen Saemon, nga marveruse kele e Pita, ko Antru Pita tasin, ko Jemes natu Sepeti ko Jon Jemes tasin, 3ko Pilip, ko Batolomiu, ko Tomas, ko Matiu nga mok-lai nev&#246;t ne takis bonevis, ko Jemes natu Alpeas, ko Tateas, 4ko Saemon nga bonevis m&#771;ilik ji nir nga marmerreni paroji tweni m&#771;eri Rom nir, ko Jutas Iskariot, nga vitunen pia-teka kerasi Iesu.</div><div class="s">Iesu okoni tweni aposol sen nir</div><div class="p"> 5Jinibb esngav&#246;l drromon eru ngel Iesu okonir van. Ko daron nga mukonir e, ko ewer sesesre erpel tevir: &#8220;Sete kapan ji jinibb ne vare nir, ko sete kapan renge ngaim san se m&#771;eri Sameria nir, pijki. 6Rrek kapan wor ji m&#771;eri Isrel nir. Nir arirpe sipsip nga marivel sarrsarr. 7Ko daron nga kapan, ko kapok-werwer pirpel, kapwera &#8216;Otomori le pa batun vanu ne melrin p&#771;irrmali.&#8217; 8Kaploli nir nga marmesi parres, ko kaploli nir nga marmij parmaur luwi, ko kaploli nir nga marmesie mesien nga niber m&#771;im&#771;emaul parwokwok, ko kapoji tweni demij nga marsisilvi jinibb nir. Ngok evi derteren nga marlai nawone tevi kami. Sete kamwuli. Ko kami kele kaplai nawon tevi jinibb nir.</div><div class="p"> 9Sete kapsongni nev&#246;t renge baos se kami; poro pivi nev&#246;t nga milep, rreknga nev&#246;t nga welili, ko sete kapsongni, pijki. 10Ko sete kapsa narr se kami daron nga kapiel e, ko sete kaptori sunsun p&#771;ieru, rreknga but se kami, rreknga nai nga mok-tor etete kami. Sete kaptori nanu ngok nir, suri oto ji lartul nga kammajing ser para-la nanu ngok nir tevi kami.</div><div class="p"> 11&#8220;Ko daron nga kapan renge ngaim nga milep san, rrek nga welili san, kappej siko nga m&#771;irres ren, ko kaplik tevi, pijpari daron nga kapa-ivel. 12Ko daron nga kapan renge naim sen, ko kapwera erres tevi nir nga marlik ren. 13Ko poro nga nir parivi jinibb nga marres, ko kaplinglingi rijen se kami nga m&#771;irres ngok puto jer jir. Ko poro nga nir sete parivi jinibb nga marres, ko</div><div class="m">kaploli rijen se kami nga m&#771;irres ngok pulwi vinuk ji kami. 14Ko poro sopor sete parmarong kami kapan ji nir, ko sete parunge nale se kami, daron nga kapiel lingi lut nen, erres kapwirrwirrleni tweni maw nga muto re but se kami, nga piviseni tevir nga marloli m&#771;isij. 15Nuwretun nuwrai tevi kami, renge nabong nga Atua pia-wera suri lat nga puto suri tevi jinibb nir, pia-sij wor pia-asie renge nir ngok renge nir ne Sotom ko nir ne Gomora, nga marsup&#771;e tuwi pa suri nololien ser nga marsij.</div><div class="s">Jinibb nir para-loli p&#771;isij tevi jinibb se Iesu nir</div><div class="p"> 16&#8220;Kapmurrong. Bokoni tweni kami kapirpe sipsip nga paran renge liv&#246; ne guli rrum nir. Kapkulu metmet p&#771;irres pirpe num&#771;et, ko kapirpe kele wum&#771;er nga sete orongwos puloli p&#771;isij. 17Kapmetmet re jinibb nir. Para-tekai kami van re nosp&#771;en se numal ser nir, ko renge naim gortien ser, para-revji kami tevi nai 18ko para-tekai kele kami van re no numal nga marlelep sopor kele, suri kamivi jinibb suk. Ko kapa-wera tweni nale suk tevi nir ko tevi jinibb ne vare nir.</div><div class="p"> 19&#8220;Ko daron nga para-tekai kami, sete kaprrorrmi p&#771;elake sev nga kapwerai ko pirpese nga kapwerai. Suri Nem&#771;in On pia-lai nale tevi kami nga kapa-werai renge mete nial mawos nen. 20Suri sete kami kis kaprij, ko Nem&#771;in On se Tata se kami nga pia-rij renge jingo kami.</div><div class="p"> 21&#8220;Ko tuwan pia-tekai tasin pia-lingi re mijen, ko tata kele pia-loli pirpok tevi natun; ko natur kele nir para-tur imare, para-teka tata ser ko tasu ser para-lingi van re mijen. 22Ko jinibb jile para-ungasi kami suri kamivi jinibb suk. Ko si nga pia-tur p&#771;iterter pijpari bongsin, Atua pia-la mauren tevi.</div><div class="p"> 23&#8220;Ko poro nga parloli esij tevi kami renge ngaim san, ko kapwolu van re ngaim nga surie. Nuwretun nuwrai tevi kami, setete kapiel p&#771;etp&#771;eti re ngaim ne Isrel nir, pijpari inu Jinibb Mawos bea-luwi vini. 24Sete jinibb san elep asi ni nga mok-visviseni, ko sete jinibb ne majingen san elep asi numal sen. 25Jinibb san purnge p&#771;irres kobbong nga pirpe numal sen. Ko poro san piveruse numal san puwra &#8216;Bielsepal&#8217; (ngok evi nise numal se demij nir), ko pia-rij pia-sij kele wor tevi jinibb sen nir, suri jinibb sen nir arivi jinibb nga welili kobbong.</div><div class="s">Sete erres jinibb se Iesu pimtutu</div><div class="p"> 26&#8220;Ngok, sete kapmetutue nir. Suri nanu jijle nga m&#771;itiwtawi ore, para-raji puto limjer; ko nanu jijle nga muto teptepi,</div><div class="m">para-rongwose kele e. 27Sev nga mowrai silveni tevi kami, ko kapa-werai limjer; ko sev nga mowra renge boro kami, kapkail van mare, kapwerai tevi jinibb nir.</div><div class="p"> 28&#8220;Ko sete kapmetutue nir nga marok-revji nibe jinibb, ko sete arongwose parevji nem&#771;ir. Kapmetutu wore Atua kobbong, suri ni orongwose pirevji kortoni niben ko nem&#771;in renge lat ne norongen nga m&#771;isij.</div><div class="p"> 29&#8220;Arok-wulwule num&#246;n nga wowarreng nir nowlir ean ngatan temijpal. Ko sete nir san pivitan aseni ngatan poro nga Tata se kami sete pimarong. 30Ko kami, kamlelep lingi nir wor ji Tata se kami. Erpe kami kamrrorrmi rao batu kami evi nanu nga welili kobbong; ko suri kamlelep p&#771;elak ji Tata se kami, ni orongwose jijle rao batu kami nir. 31Ngok, sete kapmetutu. Kamlelep temijpal wor asi num&#246;n nga wowarreng ngok nir, ko Tata se kami pimetmete kami kele wor.</div><div class="s">Jinibb nga muwra tweni nga ni evi se Iesu</div><div class="p"> 32&#8220;Si nga puwrowrai inu renge no jinibb nir, inu kele bea-werwerai ni renge no Tata suk nga m&#771;ilik re melrin. 33Ko si nga pivilvil ore inu renge no jinibb nir, inu kele bea-vilvil ore ni renge no Tata suk nga m&#771;ilik re melrin.</div><div class="s">Iesu ololi jinibb nir arwirr sarrsarr</div><div class="p"> 34&#8220;Sete kaprrorrmi nga nuvini tweni bokoni demat vini iel ngatan. Sete nuvini tweni bokoni demat, ko nuvini tweni b&#771;eti wukari jinibb nir, pivi meling p&#771;ieru e. 35Ko nuvini tweni bololi jinibb p&#771;itre tata sen, ko nesenwarreng p&#771;itre tasu sen, ko nesevinli p&#771;itre p&#771;ilen lekter. 36Ko devje nuval se jinibb nir parpelari re nir lulweni kobbong niaken.</div><div class="s">Jinibb se Iesu nir parloli ko wor Iesu puwomu renge mauren ser</div><div class="p"> 37&#8220;Ko poro jinibb san pimrreni tata sen rreknga tasu sen womu re inu, ko sete erres re pivi jinibb suk. Ko ni nga mimrreni natun norman rreknga nesevin womu re inu, ko sete erres kele re pivi jinibb suk. 38Ko si nga sete muwosi nai pelaot sen pivijuri inu, ko sete erres re pivi jinibb suk. 39Si nga putor totoni mauren sen p&#771;iterter iel ngatan, mian ko pia-tor jabble; ko si nga pimaronge mauren sen suri m&#771;imajing suk, ko mian ko pia-tor sweri mauren nga m&#771;irres.</div><div class="s">Atua pia-la nowli jinibb mawos</div><div class="p"> 40&#8220;Ko si nga pimarong kami kapan ji ni, ko erpe emarong kele inu ban ji ni. Ko ni nga pimarong ban ji ni, erpe emarong kele nga Tata suk nga mukoni inu pian ji ni. 41Ko si nga pimarong nga propet san pian ji ni suri evi propet, ni kele pia-lai nowli propet ji Atua. Ko si nga pimarong nga jinibb nga m&#771;irres san pian ji ni suri evi jinibb nga m&#771;irres, ni kele pia-lai nowli jinibb nga m&#771;irres san ji Atua. 42Ko si nga p&#771;ilai biles nuwi kobbong nga mimemrrali san tevi jinibb suk nga welili ngel san nga pimni, suri evi jinibb suk, erpe ololi nanu nga welili kobbong. Ko nuwretun nuwrai tevi kami, m&#771;ernen pia-lai nowlin nen ko wor ji Atua.&#8221;</div>
 </div>
 </div>
</div>

Ko Iesu everus jinibb sen esngavöl drromon eru (12), nga marveruse nir aposol, parini mori. Ko elai derteren tevir nga paroji nem̃in nga marsij nir, ko nga parloli nir nga marmesi mesien lele parres luwi.
Ngel evi nise aposol esngavöl drromon eru: nga womuj nen Saemon, nga marveruse kele e Pita, ko Antru Pita tasin, ko Jemes natu Sepeti ko Jon Jemes tasin, ko Pilip, ko Batolomiu, ko Tomas, ko Matiu nga mok-lai nevöt ne takis bonevis, ko Jemes natu Alpeas, ko Tateas, ko Saemon nga bonevis m̃ilik ji nir nga marmerreni paroji tweni m̃eri Rom nir, ko Jutas Iskariot, nga vitunen pia-teka kerasi Iesu.

Jinibb esngavöl drromon eru ngel Iesu okonir van. Ko daron nga mukonir e, ko ewer sesesre erpel tevir: “Sete kapan ji jinibb ne vare nir, ko sete kapan renge ngaim san se m̃eri Sameria nir, pijki. Rrek kapan wor ji m̃eri Isrel nir. Nir arirpe sipsip nga marivel sarrsarr. Ko daron nga kapan, ko kapok-werwer pirpel, kapwera ‘Otomori le pa batun vanu ne melrin p̃irrmali.’ Kaploli nir nga marmesi parres, ko kaploli nir nga marmij parmaur luwi, ko kaploli nir nga marmesie mesien nga niber m̃im̃emaul parwokwok, ko kapoji tweni demij nga marsisilvi jinibb nir. Ngok evi derteren nga marlai nawone tevi kami. Sete kamwuli. Ko kami kele kaplai nawon tevi jinibb nir.
Sete kapsongni nevöt renge baos se kami; poro pivi nevöt nga milep, rreknga nevöt nga welili, ko sete kapsongni, pijki. Ko sete kapsa narr se kami daron nga kapiel e, ko sete kaptori sunsun p̃ieru, rreknga but se kami, rreknga nai nga mok-tor etete kami. Sete kaptori nanu ngok nir, suri oto ji lartul nga kammajing ser para-la nanu ngok nir tevi kami.
“Ko daron nga kapan renge ngaim nga milep san, rrek nga welili san, kappej siko nga m̃irres ren, ko kaplik tevi, pijpari daron nga kapa-ivel. Ko daron nga kapan renge naim sen, ko kapwera erres tevi nir nga marlik ren. Ko poro nga nir parivi jinibb nga marres, ko kaplinglingi rijen se kami nga m̃irres ngok puto jer jir. Ko poro nga nir sete parivi jinibb nga marres, ko
kaploli rijen se kami nga m̃irres ngok pulwi vinuk ji kami. Ko poro sopor sete parmarong kami kapan ji nir, ko sete parunge nale se kami, daron nga kapiel lingi lut nen, erres kapwirrwirrleni tweni maw nga muto re but se kami, nga piviseni tevir nga marloli m̃isij. Nuwretun nuwrai tevi kami, renge nabong nga Atua pia-wera suri lat nga puto suri tevi jinibb nir, pia-sij wor pia-asie renge nir ngok renge nir ne Sotom ko nir ne Gomora, nga marsup̃e tuwi pa suri nololien ser nga marsij.

“Kapmurrong. Bokoni tweni kami kapirpe sipsip nga paran renge livö ne guli rrum nir. Kapkulu metmet p̃irres pirpe num̃et, ko kapirpe kele wum̃er nga sete orongwos puloli p̃isij. Kapmetmet re jinibb nir. Para-tekai kami van re nosp̃en se numal ser nir, ko renge naim gortien ser, para-revji kami tevi nai ko para-tekai kele kami van re no numal nga marlelep sopor kele, suri kamivi jinibb suk. Ko kapa-wera tweni nale suk tevi nir ko tevi jinibb ne vare nir.
“Ko daron nga para-tekai kami, sete kaprrorrmi p̃elake sev nga kapwerai ko pirpese nga kapwerai. Suri Nem̃in On pia-lai nale tevi kami nga kapa-werai renge mete nial mawos nen. Suri sete kami kis kaprij, ko Nem̃in On se Tata se kami nga pia-rij renge jingo kami.
“Ko tuwan pia-tekai tasin pia-lingi re mijen, ko tata kele pia-loli pirpok tevi natun; ko natur kele nir para-tur imare, para-teka tata ser ko tasu ser para-lingi van re mijen. Ko jinibb jile para-ungasi kami suri kamivi jinibb suk. Ko si nga pia-tur p̃iterter pijpari bongsin, Atua pia-la mauren tevi.
“Ko poro nga parloli esij tevi kami renge ngaim san, ko kapwolu van re ngaim nga surie. Nuwretun nuwrai tevi kami, setete kapiel p̃etp̃eti re ngaim ne Isrel nir, pijpari inu Jinibb Mawos bea-luwi vini. Sete jinibb san elep asi ni nga mok-visviseni, ko sete jinibb ne majingen san elep asi numal sen. Jinibb san purnge p̃irres kobbong nga pirpe numal sen. Ko poro san piveruse numal san puwra ‘Bielsepal’ (ngok evi nise numal se demij nir), ko pia-rij pia-sij kele wor tevi jinibb sen nir, suri jinibb sen nir arivi jinibb nga welili kobbong.

“Ngok, sete kapmetutue nir. Suri nanu jijle nga m̃itiwtawi ore, para-raji puto limjer; ko nanu jijle nga muto teptepi,
para-rongwose kele e. Sev nga mowrai silveni tevi kami, ko kapa-werai limjer; ko sev nga mowra renge boro kami, kapkail van mare, kapwerai tevi jinibb nir.
“Ko sete kapmetutue nir nga marok-revji nibe jinibb, ko sete arongwose parevji nem̃ir. Kapmetutu wore Atua kobbong, suri ni orongwose pirevji kortoni niben ko nem̃in renge lat ne norongen nga m̃isij.
“Arok-wulwule numön nga wowarreng nir nowlir ean ngatan temijpal. Ko sete nir san pivitan aseni ngatan poro nga Tata se kami sete pimarong. Ko kami, kamlelep lingi nir wor ji Tata se kami. Erpe kami kamrrorrmi rao batu kami evi nanu nga welili kobbong; ko suri kamlelep p̃elak ji Tata se kami, ni orongwose jijle rao batu kami nir. Ngok, sete kapmetutu. Kamlelep temijpal wor asi numön nga wowarreng ngok nir, ko Tata se kami pimetmete kami kele wor.

“Si nga puwrowrai inu renge no jinibb nir, inu kele bea-werwerai ni renge no Tata suk nga m̃ilik re melrin. Ko si nga pivilvil ore inu renge no jinibb nir, inu kele bea-vilvil ore ni renge no Tata suk nga m̃ilik re melrin.

“Sete kaprrorrmi nga nuvini tweni bokoni demat vini iel ngatan. Sete nuvini tweni bokoni demat, ko nuvini tweni b̃eti wukari jinibb nir, pivi meling p̃ieru e. Ko nuvini tweni bololi jinibb p̃itre tata sen, ko nesenwarreng p̃itre tasu sen, ko nesevinli p̃itre p̃ilen lekter. Ko devje nuval se jinibb nir parpelari re nir lulweni kobbong niaken.

“Ko poro jinibb san pimrreni tata sen rreknga tasu sen womu re inu, ko sete erres re pivi jinibb suk. Ko ni nga mimrreni natun norman rreknga nesevin womu re inu, ko sete erres kele re pivi jinibb suk. Ko si nga sete muwosi nai pelaot sen pivijuri inu, ko sete erres re pivi jinibb suk. Si nga putor totoni mauren sen p̃iterter iel ngatan, mian ko pia-tor jabble; ko si nga pimaronge mauren sen suri m̃imajing suk, ko mian ko pia-tor sweri mauren nga m̃irres.

“Ko si nga pimarong kami kapan ji ni, ko erpe emarong kele inu ban ji ni. Ko ni nga pimarong ban ji ni, erpe emarong kele nga Tata suk nga mukoni inu pian ji ni. Ko si nga pimarong nga propet san pian ji ni suri evi propet, ni kele pia-lai nowli propet ji Atua. Ko si nga pimarong nga jinibb nga m̃irres san pian ji ni suri evi jinibb nga m̃irres, ni kele pia-lai nowli jinibb nga m̃irres san ji Atua. Ko si nga p̃ilai biles nuwi kobbong nga mimemrrali san tevi jinibb suk nga welili ngel san nga pimni, suri evi jinibb suk, erpe ololi nanu nga welili kobbong. Ko nuwretun nuwrai tevi kami, m̃ernen pia-lai nowlin nen ko wor ji Atua.”

ऐका Matiu 10