Matthieu 5 मधील लोकप्रिय बायबल वचने

सामायिक करा

Tuka ɛngi, ma wi ndang gde we ha lamba nɛ gde yo ha si kpana na. Ma, a beku yo gde ha zu solo lamba, tuka nde, hio wi ha zang twa azɔk saamɔa. Mɛgi, dea nde, saamɔ pɛ ɛnɛ aba ha li hio wi fɛt tuka nde, mbwa azɔk dede deamɔ pɛ ɛnɛ, nɛ mbwa alukisi Bafa ɛnɛ ka dung ha kuso ngɔn.»

«Ɛnɛ nê saamɔ mɔ nzan. Ɛ lɛm wusi gasa le ka dung ha zu ngari na.

Totɛ ha hio wi ndɔng ka sila mbwa nɛ saa, hazu mbwa bezɔk Sɔ!

Totɛ ha hio wi ndɔng ka wɔ nzengmɔ hɛl mbwa, hazu Sɔ begasisi wɔ pɛ mbwa!

Ma, pɔm, mi tɔ ha ɛnɛ nde, ɛnɛ angoy hio ngana pɛ ɛnɛ, nɛ ɛnɛ agɔ Sɔ hazu wan-namili ɛnɛ.

«Totɛ ha hio wi ndɔng, ka gde tazu mbwa ha tɛ Sɔ ndang sɔna, hazu mbwa bedung hio wi mɔ *Kongakandɔ pɛ Sɔ!

Totɛ ha hio wi ndɔng ka gde gaamɔ ha soko wi, hazu Sɔ besa mbwa nde, hio bem pɛa!

Totɛ ha hio wan-ngɔtɛ, hazu Sɔ beyɔkili mbwa!

Totɛ ha hio wi ndɔng ka hio wi namili mbwa hazu mbwa de mɔ ka dung nzeng ha li Sɔ. Yo nê mbwa ka bedung hio wi mɔ Kongakandɔ pɛ Sɔ!

Totɛ ha hio wi ndɔng ka de kobhe tɛ wi, hazu Sɔ bede kobhe tɛ mbwa!

«Totɛ ha ɛnɛ ka hio wi fɛngsi ɛnɛ, ka mbwa namili ɛnɛ, nɛ ka mbwa gɔn dalo gde ha nu ɛnɛ hazu ɛnɛ nê wi pɔm. Ɛnɛ de totɛ nɛ gaga, hazu mɔ-kɛ ɛnɛ nɛ gasaa ha zang ngɔn. Hio *wan-tɔkuliwen ka badung sɔngsi nɛ ɛnɛ, ɛ banamili mbwa gbesi tuka ɛngi fin.»

Totɛ ha hio mɛndi wi, hazu Sɔ beha mbwa nu nɛ likɔ!

«Ɛnɛ nê tɔng mɔ nzan. Ma, ka baa tɔng sabhala kari, ɛ lɛm kifiri yo nɛ baa fin na. Tɔng ɛngɛ lɛm de fin dedemɔ ndang na. Lɛma sɔna nde, ɛ agɔsi yo ka hio wi aum.

Mɛgi, dea nde, deamɔ pɛ ɛnɛ alɛm wɛɛ, gbesi tuka deamɔ pɛ Bafa ɛnɛ ka dung ha zang ngɔn lɛma wɛɛ.»

Ma, ɛnɛ tɔ sɔna ‹ey› mana ‹oho›. Hazu mɔ ka ɛ tɔ pen wen ndɔng, tɛ nɛ wal *Satan.»

«Ɛnɛ zea wen ka ɛ batɔ nde, wi ka gdɔy gbali ma wi, ɛ agdɔy gbali wa fin, nɛ wi ka gbin yini ma wi, ɛ agbin yini wa fin. Ma, pɔm, mi tɔ ha ɛnɛ nde, ka ɛnɛ akundiki gdangamɔ ka ɛ dea ha tɛ ɛnɛ na. Ka ma wi mɛla mbuku mɛ mɔ wal wekɔ, mɛ gde fin wɛnɛ amɛl bhalkɔa.

Nɛ ka gbali mɛ mɔ wal wekɔ dak mɛ pi ha dea gdangamɔ, kɔti yo pi nɛyɛa! Hazu yo nɛdedea ha mɛ nde, ma gbakɔ tɛ mɛ ndang ayɔ, pen pio mɛ nɛ kili tɛ ha we ka bisi na. Nɛ ka kɔ mɛ mɔ wal wekɔ dak mɛ pi ha dea gdangamɔ, gɔn yo pi nɛyɛa! Hazu yo nɛdedea ha mɛ nde, ma gbakɔ tɛ mɛ ndang ayɔ, pen pio mɛ nɛ kili tɛ ha we ka bisi na.»