Piligu 39 मधील लोकप्रिय बायबल वचने

सामायिक करा

Ka Yawɛ daa be Yisifu sani ka chɛ ka o diri nasara o tuma ni. O daa bela o dana ŋun nyɛ Ijipti nir’ maa yiŋa.

Dinzuɣu ka Pɔtifa daa zaŋ o ni mali shɛlikam zaa niŋ Yisifu nuu ni. Yisifu ni daa be o sani maa zuɣu, o baɣa daa lan ka shɛl’ ni n-naɣ’ pahila bindir’ shɛl’ o ni daa diri ni. Yisifu daa yi nachimbil’ viɛlli pam, ka o lihibu viɛla.

Ka dansarika gul’ maa daa zaŋ sarikanim’ bɛn zaa be sarika maa ni niŋ Yisifu nuu ni, ka Yisifu daa nyɛ ŋun niŋdi binshɛɣukam zaa nimaani.

Ka Yisifu dan’ maa daa gbaag’ o n-zaŋ o ti niŋ sarika ni din nyɛ luɣ’ shɛli bɛ ni daa zaŋ naa sarikanim’ niŋ, ka o daa be sarika maa ni. Amaa ka Naawuni daa be Yisifu sani ka niŋ o nirilim, ka chɛ ka dansarika gul’ maa suhu yu o.

Ka di daa niŋ daba ayi ka Yisifu dan’ maa paɣ’ ti lihir’ o kɔre lihigu, ka yɛl’ o, “Chɛ ka m min’ a dɔni.” Amaa ka Yisifu daa zaɣisi ka yɛl’ o dan’ paɣ’ maa, “Nyama, n ni be n dan’ sani ŋɔ, o baɣa lan ka shɛl’ ni yil’ ŋɔ. O zaŋ o ni mali shɛlikam niŋla n nuu ni. O bi galisi gari ma yili ŋɔ puuni, o mi bi mɔŋ ma shɛli naɣila nyini, dama a nyɛla o paɣa; ka wula ka n ni tooi tum ninvuɣ’ biɛtali tuun’ titali ŋɔ n-tum alahichi zaŋ chaŋ Naawuni sani?”

Amaa ka Yisifu daa ti kpe yili maa ni dahin’ shɛli ni o ti tum o tuma, ka ninvuɣ’ shɛb’ bɛn daa be yili maa ni kani. Ka paɣ’ maa daa gbaai Yisifu binyɛrigu gbib’ ka yɛl’ o, “Chɛ ka m min’ a dɔni.” Amaa ka Yisifu daa fuɣ’ o binyɛrigu maa niŋ paɣ’ maa nuu ni, ka guui yi yili maa ni.