Juan 16 मधील लोकप्रिय बायबल वचने

सामायिक करा

Numetaka'eware tamutu eta juka apaesa etupiaka eta iuriwaina nuye'e apaesa takuija ekuichirawaina. Tayanapane ekatajiwayare muraka te juka apake'e, étumechawasera eta nuye'e, taicha nuti máijararunu'i ema Tata eta nukapakemuri'airayare namutu ena nánarana'i.

Te máitekapapa ema Machanewa Viya, émainapa timimaticha'eyare eta yátupikeneana, wa'i tasi'akenema'i te machuti eta maechejiriruwaya, ema timetaka'eyare tamutu eta masamakenaeana'i, émainapa timinekapa'eyare tamutu eta taiparakana étapa eta íchawakenewanayare.

Puíticha tájinaicha'a eyasearapina'ini me Tata te níjare; tikamunukare'i eyaseakayare ema tíjaraka'enapa, étainapa tikurisamurereka'eyare ichape.

Nutupiruwasera numetaka'e: tatuparaka'i eta nuyaniraya nuchawa, taicha te wa'i nukuyana, wa'i títekaima'i ema Tikatiucha'eya, ema tiúricha'eyare, tímikataka'eyare, tikurisamurecha'eyarewa. Te máitekapa ema, maimikaecherachainapa ena achaneana te juka apake'e, ena yátupikeneana'i kapekaturara'iana'i, énapa ena matapirawareana, tási'a naja'apuka nákani tijachapanaya eta maikuñarakiyare ema Viya.

Ene eka'eya eti, ekatisamure'i puiti, ánipichusera. Té'esera te viápechawa víma'akakaya, tétavikawa eta iúrisamurewaya. Nájinainawarepa ti'apapika'ema'i eta iúrisamurewa. “Te jena sácheyare, wa'i nútima'i eyaserekanu. Émasera ema Tata eyaserekayare'i ema, tíjaraka'eyare'i tamutu jákani eyasearuanayare te níjare.

Tási'a puiti, nutupiruwa numetaka'e eta íya'airainasamipa eti, ejapanuwairayarewa. Énasera ena apamuriana achaneana, tiúrisamureanainapa ena. Tási'asera te táekenenapa, waipa íya'aima'i. Tétavikawasera eta iúrisamurewainapa eta táitsiwaya.