Genese 17 मधील लोकप्रिय बायबल वचने

सामायिक करा

KE nainte nain hunai Aberama, me ame manen dut Iehova kö Aberama, me ha kân, ka habe, Inya ang Khong Ataekhanahia; u ma he hnyi hnyimakök, ke wisa but.

Ke adre me ca he hmetu ka hwenyi iâm, me, Aberama, ke Aberahama bi iâm; anyin a oge hia but wiö u me kamen ta je hnyei ae se.

Ke oge me he ka ohmâ anyik ûhihinyköu möu me ta je mâtrânâm hwabâm hnyi anyidra ta je dö hnân ûhihinyköu ae ca ba balua, me oge me he ka Khongom me ta je mâtrânâm hwabâm.

Wâ bi, e unyâm anyik ûhihinyköu, ke u me he ka kamen ta je hnyei ae se.

Me Khong ame ha, ka habe, Ca me ha, ke ame he Sara âiâm ka hnokoâ nokom a baga; ke u me he ka hwenyi ien Isaaka: ke oge me he ka ohmâ anyik ûhihinyköu më, me ta je mâtrâniny hwaban hnân ûhihinyköu nyiele balua.

Me oge me he ka ham köu, me ta je mâtrânâm hwabâm, hnyei u me laba kanyua hnyin, a hnyei Kanana hia, hnân gam nyiele balua; ke oge me he ka Khongudrin.

Me Aberahama ame ta hnyikânâi, me hluma, me ha eû hnyi hnyekon, ka habe, Hawa, ama he at a khaca haded hunainy ka hnokoâ nokon? kʼ ame he Sara ka hnokoâ ke nainte but ta je hunainy?

Haba Khong ame ha kö Aberahama, ka habe, Haba Sarai âiâm, u me ca he hmetu ka hawâ, Sarai, kʼ ama Sara bi ien.

Adre me he ka peritomonâ unen unyibun; ke wale haten anyik ûhihinyköu möbun.

Ke haba anyik ûhihinyköu me, oge me he ka ohmâ e me Isaaka, at ame he Sara ka hnokoâ ûnyi gam hnyi ûen eang hnyi huna ame he ka o.

Kʼ adre me he ka peritomonâ at unyibun a eit ut bonginy, a ta je baga hia hnyi anyibun ta je dö, at adre hnokoâ hnyi hnyabam, me at adre ûco hnen mone anyin ta je atkanyua, a ca mâtrânâm bi. E ûnyi hnathu he ka peritomonâ at adre hnokoâ hnyi hnyabam, me hna ûco hnen ânyâm mone: kʼ ame he ka e bi hnyi je unyibun anyik ûhihinyköu hnân ûhihinyköu nyiele balua.