Kɨrara gɨ daa (Exode) 15 मधील लोकप्रिय बायबल वचने

सामायिक करा

An̰ji waygɨ ba da: «Anə àlna ɨndi Gaba dama gɨ dɨrən bɨr̰ɨn̰ gɨ nə i Mãr̰ĩ dan di bɨn me, anə àlna mani nə tɨba dɨrənnə me, anə àlna bii ni gɨ ꞌwoo di gɨ bɨrmə duwa ladɨ me, anə àlna mani pad nə nə ɨrməng gandagɨ di gɨ bɨrmə day bá bá me da, mwom gɨ nə bwagɨ nare nə Ejibtɨ ta di, mɨn tenene kaw, nə ha àsang gandɨw bədə bɨr̰ɨn̰. Dara i ɨndi Gaba dama gɨ dɨrən bɨr̰ɨn̰ di me, nə i aba swang daa mwom dannə ɨndi.»

Aba dama gɨ dɨrəw bɨr̰ɨn̰ da, i dwana ni me, i gun gɨ nə ha tow diri bwaw sɨwə me, dara an̰ji kɨdən daa. An̰ji i Mãr̰ĩ ni, nə ha bwaw sɨwə! An̰ji i Mãr̰ĩ gɨnə aban duwa, nə ha ꞌwagaw gɨ jilay dara gasɨnani duwa.

I mãr̰ĩ gɨ we me wunɨm ɨjɨm Gaba dama gɨ dɨrəm bɨr̰ɨn̰ di mo? I wi me ladɨ wun mɨnaw jiga ya ɨjɨm de me, gɨ ha bwaw nɨm gɨ jilay mo? Gasɨnani dɨma da, àl lán̰a nan̰e me, mə àl mani nə dan̰a me ca.

Gɨ dusi dɨma dɨ lade di, mə ɨndara nare dɨma nə mə kɨdəgɨ daa di dɨrəgɨ lə, dwana dɨma wolgɨ ha gandagɨ mana gɨ lade gɨ wun mɨnaw jiga gɨ mə dam lə di.

Ɨr̰ɨ cendi gɨr mana mɨn gɨ gɨ ꞌwogɨw Mara. Mana gɨ Mara da, nimi ilə me cendi nem chàa gɨ nimi nə ta di bədə, dara nimi di ɗan̰e. I ta di me, gɨ ꞌwogɨ nɨm gɨ mana gɨ ta di «Mara» di, gɨndɨw dɨ biyə da, i «ɗan̰a». Mwom da, nare nə Israyel ɓɨr̰ɨn̰ hɨrajɨw Moyis ba da: «Ka da, də hárang chàa i na mo?» Ɨr̰ɨ Moyis soy ꞌwogɨ Aba dama gɨ dɨrəw bɨr̰ɨn̰ me, an̰ji gɨlɨw habda bɨw mwom da, Moyis u habda bɨw di àl nimi nə ta lə di me, nimi di cor gɨdɨ nə lade. I mana gɨ ta lə di me Aba dama gɨ dɨrəw bɨr̰ɨn̰ ꞌyàgɨ́ nɨm gɨ nare nə Israyel bii gɨ ꞌwoo lə me, mani nə cendi ba àlnagɨ lə me ca. I mana gɨ ta lə di me, an̰ji gɨrsəgɨ dara yara gɨ dusɨrəgɨ dɨ cendi kaldɨ dɨwə di me ca.