ወንጌል ዘዮሐንስ 5 मधील लोकप्रिय बायबल वचने

सामायिक करा

አማን አማን እብለክሙ ዘይሰምዕ ቃልየ ወየአምን በዘፈነወኒ ይረክብ ሕይወተ ዘለዓለም ወኢየሐውር ውስተ ደይን አላ ዐደወ እሞት ውስተ ሕይወት።

ወኪያሁ ርእዮ እግዚእ ኢየሱስ እንዘ ይሰክብ ውስተ ዐራቱ አእመረ ከመ ጐንደየ ውስተ ደዌሁ ወይቤሎ ትፈቅድኑ ትሕየው።

ኅሡ ትርአዩ ውስተ መጻሕፍት እስመ ቦቶን ይመስለክሙ ዘትረክቡ ሕይወተ ዘለዓለም ወእማንቱ ሰማዕትየ። ወኢትፈቅዱ ትምጽኡ ኀቤየ ከመ ትርከቡ ሕይወተ ዘለዓለም።

ወይቤሎ እግዚእ ኢየሱስ ተንሥእ ወንሣእ ዐራተከ ወሑር። ወሐይወ ሶቤሃ ውእቱ ብእሲ ወነሥአ ዐራቶ ወሖረ ወሰንበት አሜሃ ይእቲ ዕለት።

ወእምዝ አውሥአ እግዚእ ኢየሱስ ወይቤሎሙ አማን አማን እብለክሙ ኢይክል ወልድ ገቢረ ዘእምኀቤሁ ወኢምንተኒ ዘእንበለ ዘርእዮ ለአብ ይገብር እስመ ግብረ ዘይገብር አብ ወልድኒ ኪያሁ ይገብር በአምሳሉ።