मति 2 मधील लोकप्रिय बायबल वचने

सामायिक करा

कालाउ इङको साअ्ता थुकातेङ इम्बालाइ लिता दुल्हि कालाउ ओबालाइ जामालहेङ वाको आमाइ मरियमको कोल्हेता तिङहि। कालाउ इम्बालाइ वासेहेङ तुघुरतेङ आराधाना पाहि, कालाउ ता-ताइको सिपि खाइतेङ वासेहेङ सोना, मालामालाका धुमाना कालाउ मुर्रा दोअ्का ओसेरे चढाइहि।

जेलाउ राजा हेरोद यहुदिया जिल्लाता सासन पातेङ हिघाहि, कालाउ इङको सोमोइता येसुको जोलोम इङको जिल्लाको बेथेलेहेम देराता जेङहि। बुद्दिमान वाबालाइ जाइ फुरुगेलाइको बारेता आध्यान पाखे, नुहेको सारभिसो यरुसेलेम सहरता लोहि कालाउ हिलि तेङहि, “उङको जामाल हिसो हि, जेदोङ यहुदिगेलाइको राजा जेङलिको भाअ्सिङ जोलोम जेङका हि? हाइपालिपानु केलाइ वाको जोलोमको बिसोइता थाहा गिपाका फुरुहेङ नुहे भारि तिङन्हाहि कालाउ केलाइ वासेहेङ तुघुरतेङ आराधाना पालि लोका हिन्हाहि।

कालाउ ओदोङ भाअ्सिङ ओबालाइ हानिहि, कालाउ दामाता इम्बालाइ ओदोङ फुरु तिङहि जेदोङ ओबालाइ नुहे भारि तिङका हिघाखे। जेलाउ इम्बालाइ फुरु तिङहि, कालाउ हेन्जा लेङचाहि इङको फुरु ओबालाइको लाङ-लाङ हानिहि, कालाउ उङको जामाल हिका साअ्ता थुकातेङ आरिहि।

कालाउ इम्बालाइ न्हुसो सोपन्ता राजा हेरोदकोता घुरितेङ मानेसु दोअ्का परमेस्वरको चेताउनि निङहि, कालाउ इम्बालाइ भेनेङ दामा पाहासो ताइको सारभिता घुरिहि, कालाउ इम्बालाइ राजा हेरोदहेङ हाइ दोङ मादोअ्हि। उङको बुद्दिमान वाबालाइ हानिलि दोतेङ, योसेफ सोपन्ता प्रभुको एमि स्वर्गदुतहेङ तिङहि कालाउ स्वर्गदुत योसेफहेङ दोअ्हि, ल्हो, धेमाङ जामाल कालाउ वाको आमाइहेङ चुम्पुतेङ मिस्रो सारभिता खाअ्सु। कालाउ का दोङ घुरितेङ मालो दोअ्पा धाउ नेलाइ इन्ताङ हिसु, हाइपालिपानु राजा हेरोद जामालहेङ भोतेङ हि कालाउ वासेहेङ सेअ्लि खाङखे।