लूकाल 23 मधील लोकप्रिय बायबल वचने

सामायिक करा

अस्‍के, “पेनबाबा, ईर बतल कीसंतुरो, अद ईरके तेळियो. अदुनहाटीं ईर्कुन मापि कीम,” इंचि येसु इत्‍तोर. पजा सिपाइल्क सिट्‍टिं वाट्‍सि ओना कपडिन पंचकुत्‍तुर.

अस्‍के येसु ओन, “नना नीकु निजम वेहचेके, निमे इय्यालेन नावातोनि स्वर्गमते मनकिन,” इंचि इत्‍तोर.

मर्रा येसुन, “येसु, निमे राजाल आतस्के नाकुन मति कीम,” इंचि इत्‍तोर.

अस्‍के येसु, “ए पेनबाबा! नना नावा आत्मातुन नीवा कय्‍दे अप्‍पजेपंतन,” इंचि लगांचि वरगेयसि जीवा होळस्तोर.

पजा ओर “तला बोरसेम” इनना जेगातगा एवतुर. एवतस्‍के येसुन क्रुसुनपोर्रो मोल्‍लां कोह्‍किसि वेलाड वाटतुर. अल्‍हेने पेद्‍दा तप्पु कीता आ इव्वुर मनकालोर्कुनगुडा येसुनतोनि ओना तिना बाजुंक वरोन, रोड्‍डा बाजुंक वरोन क्रुसुनपोर्रो वेलाड वाटतुर.

अद वेलाक पिय्यटा पन्‍नेंड एगानस्‍केटाल अय्ते मूड एगनदाका पूरा बूमिअंता हीकट आता. पोळ्‍दुना वेल्‍गुगुडा दिसाकोंटा आता. अस्‍के येरुसलेम सहरते मनना गुळिता लोप्पो पवित्र जेगा आनि अन्‍नि जेगांकन्‍ना एक्‍को पवित्र जेगाता नड्‍डुम मत्‍ता परदा, पोर्रोटाल हिळुदाका हर्सि रोंडु तुकडां आता.

नूर मंदि सिपाइल्कुनपोर्रो मनना दरोगाल अगा जर्गतद हूळसि, “ई मनकल निजमे नीतिमंतुड आंदुर,” इंचेके पेनदुन तल्‍सकुत्‍तोर.