APAN AQAO: 3 मधील लोकप्रिय बायबल वचने

सामायिक करा

Ai: myiqe: wa sag' gae wa gyai yaung" ru we' ashi: qu" zo: nug sho' gai: rure myao: ra". Amung: yao: wa khoqhi" sho' mug' pho: pha,jhi" ba: li" nae" rure myid' ra". Airumung: yao: wa ai: ashi: re phyo' yu yang: zo" ra". Yao: wa dajhid' re yao" yham sang pho" re byid' ra". Yao: re: ai: shi: re zo" ra".

Ana"-lhao maui wa ASANG Mao"So kad' to" ra" gug'nyhug' mae" pyag' thao" ra" ja: ngad: ra". Lhao maui wa ai: myiqe: re khyae khug mae yaug: ra" agae alhab' mae" shi: re: dazo: ge,- ga: Mao"So wa gaigai: yao: ni" shid' tao re ta" ra" i? ga: myid' ra".

Ngo wa nao re we' myiqe: re yao: cao: jho" nghang: nhao nae"- yao" zo: dau qe we' ni" zo: dau qe wa khonhae" re: gyevo qe ngad: li" genae". Yao" zo: dau qe wa ni" au: re be, khyoe' li" genae"-nao wa yao: bam: khonhag' thaung: thao re thoe" li" nae"- ga: ta" ra".

Amung: Mao"So wa myiqe: re ngo wa ni" nho: gaung la" rumae qug: khai: myo" laug: li" nhao mung: zo:khau no no: li" nae". Ceru: boe" sho' ngadqere: nao wa naoyao" yham sang pho" re o kao bau: ra" myid bo: jo; shi nae". Nao wa yao" qao: mae na: ca" li" nae"- ga: ta" ra".

Nao re akhyao kad' yu: ra" myid zhai: khyo nao dam: tug' lo" yo, joe" sho' nao wa mau" zaui: qam: ke' mung: bau kyoe: thug' yang: khao" zo: ca" li" nae". Nao wa myid zhai: mae" kad' yu: ru ngad mung: myid zhai: dam: boe" lo" li" nae" ga:ta" ra".

Yao: wa yauggai re Nao wa ni" yham sang myhi" mho dao: re gyo: mung: ngo dazo: ein: ta" to" ra" shi: re nao zo" ra". Nao airu: kad' ruyang myid gaung wa nhang: kheim: zao" li" nae". Nao wa ni" qhid' mae" zo:ve laug sho' qo" sho' ni" pyad geim" mae mau" zaui: qam: ke' ca" li" nae".

Mao"So wa Ni" shid' tao gaung pyad' ngad ko" rure khag' ta" kyo" ra" i? Ngo dazo: ge, ein: ta" to" ra" shi: re naotao zo: vako" i? ga: myid' ra".

Aimung: yao: wa ai: khyae ba thug' shad' mae kherubin re nha: to: mung: shad' khao: ngo" khyo lhang: na: ra" myishae de; ra" shae re to: byid' ra". Ceru wa kao so' byid' ra" sag' gae khyo dayaug yaug te' li" na: rure gug: gam nae" qhid' mae" ngad: ra".

Adam wa yao" yham sang myhi" re Eva ga: mhang" byid' ra". Pe"mung:ga"re yao: wa xao su byu alhab' nho: yao: myhi" ngad: ra".