Mataio 7 मधील लोकप्रिय बायबल वचने

सामायिक करा

“Gogō atu, oi fōki atu ai ki a te koutou; hakili atu, oi maua ai e koutou; tukituki atu, oi tatala mai ai te faitotoka ki a te koutou.

Auā ko nā tino uma e gogō atu, ka fōki mai ki ei, ko nā tino e hakili atu, ka maua e ki lātou, ko nā tino e tukituki atu, ka tatala mai ki ei te faitotoka.

“Ko te mea ia, ho he tino e lagona e ia nā kupu iēnei a āku ma uhitaki ki ei, e vēia ia ko he tino poto na fau tona fale i luga o te papa.

“Ko nā mea e fofou koutou ke fai e iētahi tino ki a te koutou, ke vēnā foki lava ona fai e koutou ki a te ki lātou; auā ko tēnei te uiga o te Tūlāfono a Mohe ma nā akoakoga a te kau pelofeta.

Kae ko te faitotoka ki te ola e vāiti, ma te auala e tau ki ei e faigatā, e tokaititi foki nā tino e ki lātou maua.

“Kui ki loto i te faitotoka vāiti, auā ko te faitotoka ki te malaia e lauefa, ma ko te auala e tau ki ei e faigōfie, e tokalahi foki nā tino e kui ai.

Kāfai la koutou, e ui lava e kino, kae e koutou iloa oi fōki nā mea lelei ma autou fānau, ka hē hili atu nei la te lahi o nā mea lelei ka fōki atu e te koutou Tamana i te lagi, ki nā tino e gogō atu ki a te ia!

“Nahe koutou fakamahino atu ki iētahi tino kae ke hē fakamahinoa ai koutou e te Atua, auā ko te fakamahinoga e koutou faia ki iētahi tino, ka fakamahino ai foki koutou, ma ko te fua e fakaaogā e koutou, ko te fua foki ia ka fakaaogā e te Atua ki a te koutou.

“Kae ho he tino e lagona e ia nā kupu iēnei a āku kae hē uhitaki ki ei, e vēia ia ko he tino valea na fau tona fale i luga o te oneone.

He ā te kitea ai e koe te mea otaota i loto o te mata o tō uho, kae e hē kē kitea te kogālakau i loto o tō mata? E lea vēhea koe ki tō uho, ‘Te uho, tuku mai tō mata ke keu kehe e au te mea otaota i loto,’ kae ko tēnā e i ei te kogālakau i loto o tō mata?

“Koutou ke fakaeteete i nā pelofeta pepelo: e ōmamai ki a te koutou e fōliga e vē ni māmoe i te kikila atu i fafo, kae ko loto, e vē lava ni luko fekai. Ka koutou iloa ki lātou ia lātou gāluega e fai. E hē fua mai e ni lākau tālatala ni vine, ma e hē fua mai e ni lākau mātuituia ni mati.

Ko te lākau e ola lelei, e fua mai ai nā fua lelei, kae ko te lākau e ola kino, e fua mai ai nā fua kino.

Ko te lākau e ola lelei e hē fua mai ai ni fua kino, ma ko te lākau e ola kino e hē fua mai ai ni fua lelei.

Ma ko ho he lākau e hē fua mai ai ni fua lelei, e ta ki lalo oi togi ki te afi.