ཡུ་ཧན་ན། 1 मधील लोकप्रिय बायबल वचने

सामायिक करा

དག་པ་ཀབ་ཉི་ རོག་ཞུ་ཉི་ རོ་ཀ་མཚན་ག་ དད་པ་ཨ་ཁཱན་ སོ་ངོ་ཐམས་ཅན་ག་ དཀོན་མཆོག་ག་ སྲས་སྲས་མོ་རི་ལེ་ག་དབང་ཚད་ རོ་ཀི་ རོག་ཏེ་བ་ཀ་གནང་མ༌ཅ།

གོ་དང་པ་རང་ གསུང་ཆོ༌ཝ། ཉི་གསུང་ཤོ་ དཀོན་མཆོག་ཀབ་ཉི་ བཞུགས་པ་ཆོ༌ཝ། ཉི་ཨོ་ཉ་གསུང་ཤོ་ དཀོན་མཆོག་གི་ཝ་ཆོ༌ཝ།

ཨོ་ཉ་འོད་ཟེར་ མེར་བུ་ནང་ཀ་ཆར༌ཅ། དག་པ་ཀབ་ཉི་ མེར་བུ་གི་ འོད་ཟེར་ཧ་གོ་ལེ་མར་ཤི།

གསུང་སོ་ངོ་རི་ཉི་ འཛམ་གླིང་ནང་ཀ་བྱོན་ཐཱན་ ཨ་ཧ་བ་ཀབ་ཉི་ བཞུགས་པ་ཆོ༌ཝ། ཉི་རོག་ཤོ་ དེན་པ་དང་ ཐུགས་རྗེ་གི་ཕུང་མ་ཆོ༌ཝ། རོ་ཀ་གཟི་བརྗིད་ཁེ་པ་ ཨ་ཤི་མཇལ༌བ། ཉི་ཨོ་ཉ་གཟི་བརྗིད་ཁེ་པ་ རོག་ཐུར་ཤ་ཡབ་ག་ སྲས་གི་ཝ་ཨ་དེན་གེ་ ཡབ་གི་ རོ་ཀ་གནང་ཁཱན་ གཟི་བརྗིད་གི༌ལ།

ཉི་ཐམས་ཅན་རང་ རོ་ཀ་ཐུང་ཀེ་ཨ་ཉི་ བཀོད་པ་གི༌ལ། ཉི་བཀོད་ཁཱན་བ་ཀ་པོང་ཀེ་ ཐུར་བུ་ རོ་ཀི་མ་བཀོད་ཁཱན་མཱན༌ཅ། ཉི་རོ་ཀ་ནང་ཀ་ཚེ་ཆོ༌ཝ། ཉི་ཨོ་ཉ་ཚེ་ཤོ་ སོ་ངོ་བ་ཀ་དེན་གེ་ འོད་ཟེར་གི་ཝ་ཆོ༌ཝ།

ནམ་ནིང་ད་བུ་ ཡུ་ཧན་ན་གི་ ཡི་ཤུ་ རོག་བཞུགས་ས་ག་ཏཱན་ བྱོན་མ་གཟིགས་ཉི་ གསུངས་མ་ལ་ གོད་ཅོ་ རོག་ཤོ་ འཛམ་གླིང་ག་ སྡིག་པ་བང་ཉི་བསྣམས་ཁཱན་ དཀོན་མཆོག་ག་ ཤི་ཤ་ཀ་ཏོང་གི་ལ་ཨ༌ཉི།

གསུང་འཛམ་གླིང་ནང་ཀ་ བཞུགས་པ་ཆོ༌ཝ། དག་པ་ཀབ་ཉི་ འཛམ་གླིང་ཁེ་པ་ རོ་ཀ་ཐུང་ཀེ་ཨ་ཉི་ བཀོད་ཐཱན་རང་གི་ནེ་བུ་ འཛམ་གླིང་གི་ རོག་གུམ་ཡེ་ལེ་མར་ཤི། རོག་ཤོ་ རོག་ཏེན་ག་བཱརང་ཀ་ བྱོན་མ་ཆོ༌ཝ། དག་པ་ཀབ་ཉི་ རོ་ཀ་སོ་ངོ་བ་ཀི་ རོག་མ་ཞུན་ཤི།

སོ་ངོ་ཐམས་ཅན་ག་ འོད་ཟེར་གནང་ཁཱན་ འོད་ཟེར་ངོ་མ་ཁེ་པ་ འཛམ་གླིང་ནང་ཀ་ བྱོན་ཅ་གི་ཝ༌ལ།

དཀོན་མཆོག་གི་ མོ་ས་ག་ཐུང་ཀེ་ཨ་ཉི་ བཀའ་ཁྲིམས་གནང་མ༌ལ། དག་པ་ཀབ་ཉི་ ཐུགས་རྗེ་དང་ དེན་པ་ཁེ་པ་ ཡི་ཤུ་ཁིརིས་ག་ཐུང་ཀེ་ཨ་ཉི་ གནང་མ༌ཅ།