Matthew 27 मधील लोकप्रिय बायबल वचने

सामायिक करा

မွန်းလွဲဆုံးနာရီလောက်မှာ ကိုယ်တော်ယေရှုဟ အဆံအက္လယ်ဟုန်းန "ဧလိ၊ ဧလိ၊ လာမာရှာဗခသာနိ" လောက် အော်ဟစ်တော်မူလေဟယ်။ ဟဲင်းဟာရဲ့အဓိပ္ပာယ်မှာ "အကျွန်ုပ်ရဲ့ဘုရား၊ အကျွန်ုပ်ရဲ့ဘုရား၊ ကျွန်ုပ်ကော် စာလောက်စွန့်ပစ်တော်မူဟား" ဆိုမောက်ဖြစ်ဟယ်။

ဟဲင်းအချိန်မှာ ဗိမာန်တော်ရှိ ကန့်လန့်ကာကူးဟ အထက်မှအောက်‌ကော် နှေခြမ်းကွဲဟားမောက် မ္လေကြီးဟလဲ တုန်ခါမောက် ကျောက်ဆောင်တေဟလဲ အက်ကွဲကြဟယ်။ ဟဲင်းအပြင် စုတ်စံဂူတေလဲ ပွင့်လာမောက် ဆေဟားခဲ့တဲ့ ဆူတော်စင်အများဟုန်းဟလဲ အဆက်ပ္လန်ရှင်လာကြဟယ်။

ပြီးခါ ကိုယ်တော်ယေရှုဟ နောက်တခါ အဆံအက္လယ်ဟုန်းန ကြွေးကြော်ပြီးခါ ဆူ့ရဲ့အဆက်ကော် စွန့်တော်မူလေဟယ်။

တပ်မှူးန ကိုယ်တော်ယေရှုကော် စောင့်ကြည့်နေဆမားတေဟ မ္လေငလျင်လှုပ်ခြင်းန ဖြစ်ပျက်ဆမျှ အကြောင်းအရာတေကော် မြင်တွေ့ကြရတဲ့အခါ အကြီးကျယ်ကြောက်ဟားမောက် "အဲလူဟ ဟုတ်တည်းတည်း ဘုရားရှင်ရဲ့ဆားတော်ဖြစ်လေဟယ်" လောက် ပြောဆိုကြလေဟယ်။

မွန်းတည့်ချိန်ဟနေစမောက် မွန်းလွဲဆုံးနာရီအထိ မ္လေပြင်တစ်ခွင်လုံး မှောင်မိုက်နေလေဟယ်။

ပိလတ်ဘုရင်ခံဟလဲ "ဟဲင်းလဲဆိုခါ ကယ်တင်ရှင်ခရစ်တော် လောက်ခေါ်တဲ့ယေရှုကော် ငါစာလုပ်ရမဟား" လောက် မေးခါ ဆူ့တော့အကုန်ဟုန်းဟ "လက်ဝါးကပ်တိုင်ပေါ်ကော် တင်မောက် ဆတ်လိုက်ပါ" လောက် ဖ္လေကြလေဟယ်။ ဟဲင်းခါ ပိလတ်ဘုရင်ခံဟ "စာလောက်ဟား။ ဆူဟ ဖယ်လဲပြစ်မှုကော် ကျူးလွန်ခဲ့လောက်ဟား" လောက် မေးလေဟယ်။ ဟဲင်းပေမဲ့ ဆူ့တော့ဟ "ဆူ့ကော် လက်ဝါးကပ်တိုင်ပေါ်တင်မောက် ဆတ်လိုက်ပါ" လောက်ပဲ အက္လယ်ဟုန်း အော်ဟစ်ပြောဆိုကြလေဟယ်။