Mark 10 मधील लोकप्रिय बायबल वचने

सामायिक करा

လူရဲ့ဆားပင်လျှင် လူတော့ရဲ့အလုပ်အကျွေးပြုခြင်းကော် ခံယူဖော့ ကြွလာဟာမဟုတ်၊ဆူ့ရဲ့အဆက်ကော်စွန့်မောက် လူတေကော်ရွေးနုတ်ကယ်တင်ပြီး အလုပ်အကျွေးပြုဖော့ ကြွလာဟာဖြစ်ဟယ်" လောက်မိန့်ဆိုလေဟယ်။

ကိုယ်တော်ဟ “လူတေမတတ်နိုင်တဲ့အရာကော် ဘုရားဟတတ်နိုင်ပါဟယ်” လောက်ပြောပြလေဟယ်။

ကိုယ်တော်ယေရှုဟ "ဆွားလော။သင်ရဲ့ယုံကြည်ချက်ဟ သင့်ကော် အနာရောဂါကင်းငြိမ်းစေပြီ" လောက်မိန့်တော်မူခါ တခါတည်းဟဲင်းလူရဲ့မျက်စိဟ အမြင်ပ္လန်ရဟားမောက် လမ်းမကူးတစ်လျှောက် ကိုယ်တော်ဆွားရာနောက်ကော် လိုက်ပါဟားခဲ့လေဟယ်။

ဆိုလိုဟာဟ ဘုရားရှင်ဟ အတူတကွပေါင်းသင်းနေထိုင်ဖော့ ဖန်ဆင်းပေးဟားတဲ့ ယောက်ျားနမိန်းမကော် မဆူ့မှ မခွဲသင့်ပေ။

ထိုအခါ ကိုယ်တော်ဟ ဟဲင်းစဌေးကော်ချစ်ခင်စွာကြည့်လျှက် “နဲင်လုပ်ရမယ့် ကိစ္စတစ်ခုပဲကျန်တော့ဟယ်။ ပိုင်ဆိုင်ဆမျှ အားလုံးကော် ရောင်းချပြီး ဒုက္ခဆင်းရဲ ရောက်နေဆမားတေကော် စွန့်ကြဲလိုက်ပါ၊ ပြီးရင် ငါနလိုက်ခဲ့ပါ။နဲင်ဟာ နိဗ္ဗာန်ရွှေမြို့တော်မှာချမ်းဆာ ကြွယ်ဝဆမား ဖြစ်လာလိမ့်မယ်” လောက် စဌေးကော်ပြောလေဟယ်။

ပြီးခါ ကိုယ်တော်ဟ ဆူ့ကော် "သင်စာအလိုရှိဟား"‌ လောက်မေးခါ ဟဲင်းမျက်မမြင်ဟ "ဆရာ ကျွန်ုပ်ရဲ့မျက်စိမြင်လိုပါဟယ်" လောက် လျှောက်တင်လေဟယ်။

ဟဲင်းပေမဲ့ သင်တော့အကြားမှာ ဟဲင်းသလဲမဟုတ်။သင်တော့အကြားမှာ ကြီးမြတ်လိုတဲ့ဆမားဟ အစေခံသလဲ ပြုမူရမဲင်။

သေချာနားထောင်ကြပါ။ငါမှန်ဟာကော်ပြောမဲင်။ဘုရားရှင်ရဲ့ဆာဆနာတော်ဟ ဟဲင်းလူဆငယ်တေသလဲ ယုံကြည်လက်ခံမားအတွက်သာဖြစ်ဟယ်" လောက်မိန့်လေဟယ်။

ဤကမ္ဘာမှာ ဦးဆုံးနေရာရနေကြဆမားအများစုဟ နောင်ကမ္ဘာမှာ နောက်ဆုံးနေရာကော် ရောက်ဟားကြလိမ့်မဲင်။ခုအချိန်မှာ နောက်ဆုံးနေရာကော် ရောက်နေကြတဲ့လူတေဟ နောင်လာမဲ့ကမ္ဘာမှာ ပထမဆုံးနေရာကော် ရောက်လိမ့်မဲင်ဖြစ်ဟယ်" လောက် ကိုယ်တော်ဟ မိန့်တော်မူခဲံလေဟယ်။

ဟဲင်းပေမဲ့ ကမ္ဘာဦးအစကတည်းက ဘုရားရှင်ဟ လူယောက်ျားနလူမိန်းမကော် ဖန်ဆင်းတော်မူခဲ့ဟယ်။ ဟဲင်းအကြောင်းကြောင့်လူယောက်ျားဟာ ဆူ့မိဖတေကော်စွန့်ခွာမောက် မိန်းမန လက်ထပ်ပေါင်းသင်းနေထိုင်ပြီး နှစ်ကိုယ်တစ်စိတ်ဖြစ်လာကြလေဟယ်။ ဟဲင်းကြောင့် ဟဲင်းယောက်ျားနမိန်းမဟ နှစ်ကိုယ်တစ်စိတ်ဖြစ်ဟားကြမောက် ဆူ့တော့ဟ လူနှေယောက်မဟုတ်တော့ဘဲ လူတစ်ယောက်တည်း ဖြစ်ဟားကြလေဟယ်။