Utumbulilu 17 मधील लोकप्रिय बायबल वचने

सामायिक करा

Chikahi Abulamu paakabhi na hyaka tisini na tisa, Bambo akumpitalili Abulamu, na kumpwaghila, “Nepani nde Chapanga Mwene Makili, ujengalyaje indela jangu na utamaje matamu gha ulongwana.

Lihina laku ngawilohakeki kabheti Abulamu, nambu lihina laku anaulowakika Ibulahimu, maghambu nukutendiki wehapa kubha tati wa mataifa ghamaheli.

“Ananulutenda lulaghilu lwangu kutamakila mileli pachilanda jangu na wehapa, na bhabhelakeka bhaku, na ibheleku yabhu, anamya Chapanga waku na Chapanga wa bhabhelakeka bhaku.

“Nepani ndenda lulaghilu alolu na wehapa: Wehapa anaukubha tati wa mataifa ghamaheli.

Bhela Chapanga akayangike, “Ngabhela! Nambu nhwanu waku Sala anaakubhelakya mwana wa chikambaku, nanau wandoha lihina laki Isaka. Nanatu anandenda lulaghilu lwangu lutamakyaje kwaki kubha lulaghilu lwa mileli kwa ndandi jaki na babhelakeka bhaki bhabhihikaje.

Inchi jokapi ja Kanaani, koutama sajenu ngati ungeni, ananukupekya wehapa jibya jaku mileli, na lubheleku lwaku, nanatu anamya Chapanga wabhu.”

Ibulahimu akachikimi ukutama, akahekiki na kupwagha muntima waki, “Bho, iwezikana le mundu wa hyaka mia jimu kubheleka mwana? Bho, na Sala joabhi na hyaka tisini le aweza kubheleka mwana?”

Kabhete Bambo akumpwaghi Ibulahimu, “Kwa upambala waka nhwanu waku Salai, ngawandohi kabhete lihina laki Salai, nambu lihina laki analowakika Sala.

Anaimpalika kuheketwa jando, na lijambu aleli analibya nginyulila ja lulaghilu pachilanda jangu nepani na mwehapa.

Nambu lulaghilu lwangu lola ananulutenda kutamakila kwaka Isaka, ambaju Sala anaakubhelakyaje mu chaka chechihika mu chikahi ngati chenjeno.”

Kwa ibheleku yeanaihikaje, kila mwana wa chikambaku pachilanda jinu joabhi na machobha nane anaimpalika kuheketa jando. Kila mwanalomi mu ibheleku yinu, akubhi mbelakeka wa munyumba au joahemaliki kwa mbija kuhuma kwaka ngeni, jola ambaju nga mbelakeka wako. Akubhi abhelakiki munyumba jaku au ahemaliki kwa mbija jaku, anaimpalika kuheketa jando. Lulaghilu lwangu mu hyegha yinu analukubha lulaghilu lwa mileli.