Utumbulilu 39 मधील लोकप्रिय बायबल वचने

सामायिक करा

Bambo Chapanga akabhili papamu na Yusufu, najombi akaneng'anili namaa, Yusufu akabhi atumika munyumba jaka bambo waki Mmisili.

Potifa akundekili Yusufu kujemalela kila chindu cheakabhi nachu, Yusufu paakabhi ajendalela kujemalela, Potifa ngacheakabhili na ndandi ja kumanya chindu chokapi chela, nambu chilebhi chaki mweni pela. Yusufu akabhi nkombu mnyahi, akabhi na makili na sula jinyahi.

Bhela, nkolongwa wa chifungo akumbekiki Yusufu akubha nkolongwa wa bhakongeka bhokapi papamu na kujemalela mambu ghokapi ghaghahengakiki muchifungu mola.

Potifa akuntoliki Yusufu, na kumbeka muchifungo, pandu pabhakongakiki bhakongeka bhaka nkolongwa, najombi akabhi monihomo. Bambo Chapanga akabhili papamu na Yusufu, akumpengalili na akuntendiki kupalakika palongi jaka nkolongwa wa chifungo.

Bhela, pachapetiki chikahi, nhwanu waka Potifa akuntokuli Yusufu, na kumpwaghila, “Uhikaje, ughonila na nepani kihyegha.” Nambu Yusufu akakanike. Akumpwaghi mbomba jola, “Lingalyaje, nepani nakabya ngati chiongozi, bambo wangu ngacheahusika na chindu chokapi chela munyumba jenjeno, kila chindu cheabhi nachu ambeki nepani. Pani panyumba njeta joabhi na lujiniku lukolongwa kupeta nepani, wala bambo wangu ngacheanhibhalili chindu chokapi chela nambu wehapa pela, maghambu wehapa nde nhwanu wake. Bho, ananhweza bhole kuhenga lihoku likolongwa ngati aleli na kunhokela Chapanga?”

Lichobha limu Yusufu akajingili mkati ja nyumba kuhenga mahengu ghake, wala ngachepabhili na mtumika jongi jokapi jola mkati ja nyumba jela. Bhela, nhwanu waka Potifa akakamwili ingobhu jeakawati Yusufu, na kumpwaghila, “Uhikaje tughonila na nepani kihyegha!” Nambu Yusufu akundekili ingobhu jaki mumabhoku ghaka mbomba jola, na kupita kunja ja nyumba jela koni akakembalaje.