Luk 24 मधील लोकप्रिय बायबल वचने

सामायिक करा

Te, ene prio. Na Nina ka di paduglmere na kuri ta moglsre, ene Mudu Murubuglo inaiglmedi dedibo, inaiglkwa. Ba ene dumo Jerusalem magigl i sugl kan meglbi, na Mudu Murubuglo dedibo, God igne i, ene yobuglo tenabiwe di, Jisas yegl dugwa.

Ye adigl u kor ogwa. Magigl i ta pai moglkrukwa. Ye okna distrik Galili moglsre, ene ka ta di togwa i, pre meglmo?

Togo, ye Jisas moglmedi pre kan eribriko, Jisas tabre imim daglkwa. Jisas imim daglko, yagl suo i di ikne ikne ede, yegl dibrika, Nono konbauna u mungo, God kamo mem siragl mere paugwa i beke noro ugwa i, nono deno muduno mina pogglau boglko, wakai kaima prubuluwe dibrika.

Ere tedre, yegl dugwa, God kamo mina okna kibo beglkwa i, God Kere Yugwa yagl i, giugl prisre, gorabuka ba ege namba 3 adigl u kor enabe dugwa i, plau di kodumiwe dugwa. Ana na kana Jerusalem mabuno bogl beke tedre, okuo uglo kogl koglo di te ede enaiglkwa. Didre, ene yegl dio, Ene nomano yake tedre, Jisas pre mediglbi, God ene tadaglmeno gugl ede tenabe dinaiglme dugwa.

Ede kobuglo mur pidre, kanigwa i, kobuglo paglkane podo ta kobuglo dra si kegl dugwa i, i eglke edigo, kanigwa. Kandre, ede kobuglo mur yugugl eigwa ba Yagl Kade Jisas ogo nagie yekruko, kobuglo mur yoko yogo, kanigwa.