Ducas 22 मधील लोकप्रिय बायबल वचने

सामायिक करा

Papa, ¿ada ubi natiamequin mëyadmenquio ictsia? Ubi bunacpaden namenquiocquimbi mibi bunacpadombuen nameta, Papa, quepanëdash Esus Nuquin Papa chiec.

Aden mibitedi Mayan Icsa Satanasën iuatiadquio iquec, quequin tantiaquin Nuquin Papa naden chiombi: Simon ubëd icquidquio neque. Mayan Icsa Satanasën iua yannushe. Aidën: Nuquin Papan Chiaid niac niacmenu, casho adomenda, Papa, quequin chiombi. Adec ubëd icbuedi cuëshëdtsembosh chouashun padpidec cuëshëdenquio icquin cumapenen ubi tantiaquin ubëd icquid utsibo adombuembidi cuëshëdenquio icnuc cumapenen ubi tantiameta, capanëdash Esusën Petedo chuiquin.

Adoshombic pan bedshun: Mimbi uaid nëid pete bëdambo iquec, Papa, quequin Nuquin Papa chuitanquin cuëshshun abëd icquido naden chuiquin menepanëdash: Mibitedi icsaid bedshunacsho ubided cuidquin mëyanquin uënës uaidën namibimbuecquid neque. Ubimbo tantiaquin pededneta, capanëdash Esusën.

Adoshombic adembidi dëshoten uba chinaid ënë cushtoshon menec: Nëid cun intacbimbuecquid neque. Aid acquin: Ubi cuidmenquiocnoen Esusded Nuquin Papan cuidmiac aton intac siquebudpambuec uënësposh. Adsho issun aid tantiaquid icsho Nuquin Papan ubi cuidenquio iquec, quequin tantiata, quepanëdash.

Aden chieshtomenquio icaqui natiaquiec uëshquec Nuquin Papa chuiquiequi ichacbëd intac daëdash nidaidën pasquebudnepanëdash.

Mibitedi adquid iquenda. Nadquidquio icta. Chuiquid nebi, quec tsiuec caniquidbimbuecquid icta. Chuiquid icquin iuan nacbimbuen utsibo nashunquidquio icta.

Adoaquien: Tantia. Chuinu, Petedo. Cachina cuëdabicnuc nëid uëshëmbi ubi caic: Umbi isacmaid nec, quequin mimbi 3teden chiendac, capanëdash Esusën.