SAN LUCAS 23 मधील लोकप्रिय बायबल वचने

सामायिक करा

Huan cuac quicuoupampilojtoyaj Jesús, ijcuacón quijtoj Yejuatzin ijcuín: ―Notajtzin Dios, xiquintapojpolui nijín taca porín amo cajsicamatij toni quichiutocque. Huan ne itilma Jesús quicuicque ne soldados huan quichiuque ne tatanilis para quitasquía de catiyejua tasal de Jesús cuicasquía cada soldado.

Ijcuacón Jesús quinanquilij ijcuín: ―Yec melau ten nimitzilía que axcan nohuan tiyetotiu ne eluiyactzinco campa Dios tayecantica.

Ijcuacón yejua quilij Jesús ijcuín: ―Tejua Jesús, xinechonelnamiqui ne tonal cuac tejua ticonselitiu ya in tanahuatil de mohueyichicahualis imaco Totajtzin Dios.

Ijcuacón Jesús chicaucatzajtzic huan quijtoj ijcuín: ―Notajtzin Dios, nimotemactía momacotzinco, xiconseli notalnamiquilis. Huan cuac quitamiijtoj ya nijín tajtol, ijcuacón Yejuatzin momiquilij.

Huan cuac ajsitoj ya ne campa motanotza miquetzontecomatan, ijcuacón quicuoupampilojque Jesús ihuan ome taca ten no quintelchiuque. Huan se tachtecque quicuoupampilojque iyecmacopaca huan in ocsé iopochcopaca de Jesús.

Huan nepa queme nepanta ya, ijcuacón sepan san tayohuayantic tech nochi in semanahuac huan tayohuayantitoya hasta eyi hora de tiotac. Huan in tonaltzin nochi pojpolihuic imeyoyo huan mocahuac tayohuayanijtic. Huan ne tasal ten pilcatoya ne hueyi tiopanijtic campa in altar, yejua ne ixtzayanic sen tatajco.

Huan cuac ne tayecanque soldado quitac ya toni mochihuac, ijcuacón yejua quimohuistilij Totajtzin Dios huan quijtoj ijcuín: ―Yec melau nijín tagat Jesús yejua yolchipaucatagat catca.