Yoˇhanˬ li‸ 8 मधील लोकप्रिय बायबल वचने

सामायिक करा

Hkʼe te leh, Yeˍsuˆ teˇ pawˆ kʼaw‸ kʼoˆ ve, Ngaˬ lehˬ miˬguiˬ ve awˬ gʼeuˆ hpeh‸ ve yoˬ. Ngaˬ awˬ hkʼaˇ suh laˬ ve chaw lehˬ, naˆ ho‸ ve awˬ hkʼaw lo maˇ kʼaw‸ kʼai. Co ha te‸ piˇ lawˬ ve awˬ gʼeuˆ hta‸ yawˇ gʼa tuˬ yoˬ teh‸, yawˇ hui hta‸ kʼoˆ piˇ ve yoˬ.

Hteˇ ve cawˇ ve awˬ ceuˬ hta‸ nawˬ hui shiˍ tuˬ yoˬ. Hteˇ ve cawˇ ve awˬ ceuˬ oˇ ve lehˬ, nawˬ hui hta‸ hpehˇ laˇ tuˬ yoˬ teh‸ kʼoˆ piˇ ve yoˬ.

Hkʼe te leh, yawˇ hta‸ yonˍ ve Yuˇda‸ chaw teˇ hpaˍ hta‸ Yeˍsuˆ kʼoˆ piˇ ve, Ngaˬ ve tawˇ hkawˇ awˬ hkʼaw lo nawˬ hui chehˇ yeˬ ve kʼo, nawˬ hui ngaˬ ve awˬ la‸ gʼawˇ awˬ tehˬ awˬ na hpeh‸ ve yoˬ.

Yaˇ hpu lehˬ, nawˬ hui hta‸ hpehˇ laˇ ve kʼo, nawˬ hui awˬ tehˬ awˬ na gʼa ponˬ tuˬ yoˬ.

Ya‸ hkʼaˇ, yawˇ hui yawˇ hta‸ na nyi tcuhˉ taˍ ve pa taw, yawˇ hteˇ lehˍ kʼaw‸ te leh kʼoˆ ve, Nawˬ hui awˬ hkʼaw lo venˇbaˆ maˇ cawˬ ve chaw teˇ gʼaˇ lehˬ, haˉ pui yuˬ leh yawˇ hta‸ awˉ lawˉ baˬ-o‸ teh‸, yawˇ hui hta‸ kʼoˆ piˇ ve yoˬ.

Yeˍsuˆ kʼaw‸ kʼoˆ ve, Ngaˬ nawˬ hui hta‸ awˬ tehˬ awˬ na kʼoˆ laˇ ve, venˇbaˆ te ve chaw teˇ gʼaˇ le le lehˬ, venˇbaˆ ve awˬ ceˬ hpeh‸ ve yoˬ.

Oˇ htaˇ, Yeˍsuˆ hteˇ lehˍ kʼaw‸ te leh kʼoˆ ve, Yaˇ miˇ-oˬ, yawˇ hui hkʼaˬ lo kʼai peuˬ le. Chaw teˇ gʼaˇ ka‸ nawˬ hta‸ maˇ ciˍ yanˍ laˇ leh laˇ teh‸, yawˇ hta‸ kʼoˆ piˇ ve yoˬ. Yaˇ miˇ oˇ ve kʼaw‸ kʼoˆ ve, Jawˇmawˇ-oˬ, teˇ gʼaˇ ka‸ maˇ ciˍ yanˍ laˇ teh‸ kʼoˆ piˇ ve yoˬ. Yeˍsuˆ kʼoˆ ve, Ngaˬ htawˇ nawˬ hta‸ maˇ ciˍ yanˍ. Kʼai loˬ. Venˇbaˆ taˇ kʼaw‸ te teh‸ kʼoˆ piˇ ve yoˬ.