Luˉka‸ li‸ 22 मधील लोकप्रिय बायबल वचने

सामायिक करा

A pa-oˬ, nawˬ nyi ma cawˇ ve kʼo, kawˆ chi hta‸ ngaˬ gʼa ponˬ kʼai tuˬ a ciˉ te laˇ-oˆ. Ya‸ hkʼaˇ, ngaˬ a loˍ cawˇ ve hkʼe taˇ hpeh‸ piˇ. Nawˬ a loˍ cawˇ ve hkʼe hpeh‸ piˇ-oˆ teh‸ bon lawˬ ve yoˬ.

Ya‸ hkʼaˇ, nawˬ yonˍ ve teˇ ceuˬ maˇ gʼa luˬ kʼai tuˬ, ngaˬ nawˬ awˬ pon bon lawˬ peuˬ. Nawˬ kʼaw‸ hpfuhˆ kʼaw‸ la ve teˇ yanˇ, nawˬ ve awˬ viˉ awˬ nyi teˇ hpaˍ hta‸ awˬ gʼaˇ piˇ-oˆ teh‸ kʼoˆ ve yoˬ.

Hkaoˍmonˇ hta‸ htawˇ yawˇ yuˬ leh bon hta‸ chiˇ mvuh ve yoˬ. Peuˬ leh yawˇ hkaoˍ monˇ hta‸ hkʼeh‸ leh, awˬ la‸ gʼawˇ hui hta‸ piˇ leh kʼoˆ ve, Chi lehˬ, nawˬ hui awˬ pon tanˇ piˇ ve ngaˬ ve awˬ to yoˬ. Ngaˬ hta‸ dawˇ nawˇ tuˬ chi hkʼe te-o teh‸ kʼoˆ ve yoˬ.

Oˇ ve hkʼa shuˍ shuˍ mvuhˇ haˉ awˍ caˇ peuˬ hkʼaw‸ nawˉ, kawˆ hta‸ htawˇ yawˇ yuˬ leh kʼoˆ ve, Kawˆ chi lehˬ, nawˬ hui awˬ pon ngeuˍ pfuhˍ ve, ngaˬ ve awˬ suhˍ awˬ hkʼaw lo te taˍ ve ka ti‸ shaˉ caˆ awˬ suhˉ hpeh‸ ve yoˬ.

Yawˇ nyi ma hkʼaw tu‸ jaˇ hkanˍ jaˇ ve pa taw, yawˇ leuˉ leh gʼaˇ hte‸ bon lawˬ ve yoˬ. Yawˇ kuiˍ tawˆ la ve lehˬ, awˬ suhˍ diˬ hkʼe hpeh‸ leh miˬ chaˇ hkʼoˆ ce ve yoˬ.

Ya‸ hkʼaˇ, nawˬ hui awˬ hkʼaw lo chi hkʼe maˇ gʼa te. Nawˬ hui awˬ hkʼaw lo shu a‸ kehˉ uiˍ ve teˇ gʼaˇ lehˬ, shu a‸ kehˉ i ve teˇ gʼaˇ hkʼe te-o, Awˬ hoˉ teˇ gʼaˇ htawˇ, awˬ ceˬ teˇ gʼaˇ hkʼe te-o.

Yeˍsuˆ kʼaw‸ kʼoˆ ve, Peˍtruˆ-oˬ, ngaˬ nawˬ hta‸ kʼoˆ laˇ ve, ya‸ puiˉ gʼaˆ hpfuh maˇ bvuhˬ sheˍ htaˇ, nawˬ ngaˬ hta‸ maˇ shiˍ teh‸ shehˆ pawˆ hkʼa gaˬ gʼawˬ hkʼaˆ tuˬ yoˬ teh‸ kʼoˆ ve yoˬ.