LUK 18
18
Thukhen mi dihtat lou
1Tuachi’n Aman miten lungkelou a athum ngitnget ding uh ahi chi atheina dingun akung uah, gente thu khat agen hi. 2“Khopi khat ah Pasian giinglou leh mihing zong bangma a simlou thukhen mi khat a um hi. 3Tua khopi sungah meithai khat a um a, amanu khu akunga hing hawin, akungah ka kilanpipa tungah phuba hing lahpieh in ahing chi hi. 4Tualeh amapa hun bangtan ahiei a na ut sih a, hinanleh anuain alungsim in Pasian giing louin, mihing bangma’n sim sih nanleng; 5Tam meithainu’n ahing suhbuoi ziehin, aphuba ka lahpieh mai ding hi, tuachilouin ahing pei thithe dinga ahing sugim kha ding,” achi hi. 6Tuachi’n Mangpa’n, “Thukhen dihtat loupa thugen ngai un. 7Atung uah dawzou tadi nanlezong, Ami telte sun leh zan a Ama han mite phuba Pasian in alapieh sih ding amah? 8Ka hing hil ahi, Aman aphuba uh alahpieh pai ding hi. Hinanleh Mihing Tapa ahing pei chiengin leitungah tuabang ginna ahing muna diei?” achi hi.
Pharisai leh sie dongmi gentena
9Tualeh mi dihtat hi a kigingta a, mi dangte simmaw koite ahiei kung ah zong tam gentena thu agen hi. 10“Mi ni Pasian biehinn ah thungetna nei dingin akuontou ua, khat Pharisai ahia, khat pen sie dongmi ahi. 11Pharisaipa adinga amatangin tambangin athum hi: Pasian, mi dang pauhat thu a mite neisa lahpiehte, mi dihloute, angkawmte, ahisihleh tam siedong mi bang ka hilou zieh in na tung ah ka kipah hi. 12Hapta khat in ni vei ann ka ngawl a, Ka nei zousie sawm a khat ka pe leng hi, achi hi.
13Tualeh siedongmi khu gamla tah a dingin vanlam zong adahtou ngam sih a, hinanleh Aw Pasian, Kei mikhiel tungah zangai in, chiin a awm a tum hi. 14#Mat. 23.12; Luk. 14.11Ka hinghil ahi, akhat pen pa sangin tam mipa khu siemtang in a inn ah apei suhta hi. Michin ama leh ama kitawisang pouma a ngiem dinga, akingaingiem pouma tawisangin a um ding hi.
Jesu’n naupangte a guolzawl
(Mak. 10.13-16; Mat. 19.13-15)
15Tuachi’n mipiten, ana thampieh dingin naupangte akungah ahing pui ua; hinanleh nuazuiten amu tahun aphawh uhi. 16Hinanleh Jesu’n ama uh akungah ahan a, “Naupang neute ka kungah hing peisah unlen khaam sih un, aziehpen Pasian gam khu hichibang mite a ding ahi hi. 17Chitahtahin ka hing hil ahi, koi hinanleh Pasian gam naupang neute banga kipahpi lou khu asungah alut vawtsih ding,” achi hi.
Hausatna in kumtawn hinna adal dan
(Mat. 19.16-26; Mak. 10.17-27)
18Tualeh vaihawm mi koi ahiei in akungah, “Siepa hoi, kumtawn, hinna ka tan theina dingin, bang ahiei ka bawl ding?” chiin adong hi. 19Tuachi’n Jesu’n akungah, “Bangding a hoi hing chi na hiei? mi khat chiloungal koima mi hoi a um sih, tua khu Pasian ahi. 20#Pawt. 20.14; Danp. 5.18; Pawt. 20.13; Danp. 5.17; Pawt. 20.15; Danp. 5.19; Pawt. 20.16; Danp. 5.20; Pawt. 20.12; Danp. 5.16Thupiehte na thei ve le: angkawm sin, tuolthat sin, gu sin, theipitu dihlouin pang sin, na nu leh na pa zatat in, chite,” achi hi. 21Aman “Tamte zousie ka naupan lai a kipat ka zui sieng ahita,” achi hi. 22Tuachi’n Jesu’n tam silte zousie azahtah in akungah, “Sil khat na sam nalai hi, na nei zousie zua inlen, mi zawngte kungah hawmpieh in, tuahileh van ah gou na nei ding a, tualeh hing pei inlen hing zui in,” achi hi. 23Hinanleh aman tua thute azahin alunggim mama ta hi, mi hausa mama ahi ziehin.
24Tuachi’n Jesu’n alunggim mama chi amu bep in, “Mi hausate Pasian gam a alut hasa hina va-ia e! 25Aziehpen Mi hausa Pasian gam a alut sangin, sangawngsau phinbil hawm a alut suoh abailam zaw hi,” achi hi. 26Tualeh tam thu zaten, “Tuachi ahileh koi hundam in a um zou diei?” achi uhi.
27Tuachi’n Aman “Mihing dinga sil hitheilou khu, Pasian a dingin ahi thei hi,” achi hi. 28Tuachi’n Peter in, “En vawi, Kouten bangkim nuasie in ka hing zui uhi,” achi hi. 29Tuachi’n Jesu’n akungah, “Adihtahin ka hing hil ahi, Pasian gam zieh a, a inn alou ahiei, anu apa ahiei, asanggamte ahiei azi leh atate ahiei, nuasie khu; 30Tu damsung hun mama a ale tamzaw; tualeh hun hing tung ding a, kumtawn hinna toh mulou ding koima a um sih hi,” achi hi.
Jesu’n ashi ding agenlawhna thumveina
31Tuachi’n Aman sawm leh nite khu apui tuom a, akung uah, “Ngai un, Jerusalem khuo a hawtou ding ihi ua, Mihing Tapa tungtang thua guolneite thugel zou sie ahing tangtung ding hi. 32Aziehpen Ama khu Jentelte khuta piehkhieh ahi ding a, chiemmui bawlna’n anei ding ua, zumhuoitahin chil aphit khum ding uhi; 33Tualeh avo ding ua, athat ding uhi. Tualeh nithum niin athoukia ding,” a chi hi. 34Hinanleh amaun tam silte atheisiem sih uhi, athugen khu alah uah phuol in a um a, thu kigente athei sih uhi.
Jesu’n mitto asuhdamna
(Mat. 20.29-34; Mak. 10.46-52)
35Tuachi’n Jeriko khuo atun kuon un, mitto koi ahiei khat khutdawin lam gei ah atou hi. 36Aman mihonpi pei thawmging azah in, bang thu um atai leh chi’n adong hi. 37Tuachi’n amaun “Nazareth Jesu hing pei ahi,” chiin ahil uhi. 38Tuachi’n aman “Jesu David tapa kei hing khotuo in,” chiin akikou hi. 39Tuachi’n amasalam a peiten sip dingin aphawh ua, hinanleh aman “David tapa kei hing khotuoin chiin akihakou semsem hi.”
40Tuachi’n Jesu adinga, ama khu akunga hing zawpi dingin thu apie a, tualeh akung ahing tun tahin ana donga; 41“Na tungah bang hing bawlpieh leng na ut ei?” achi hi. Aman “Mangpa mu thei ka ut hi” achi hi. 42Jesu’n akung ah, “Mu theita in, na ginna na dampi ahi,” achi hi. 43Tuachi’n thakhat in amu theita a, Pasian pahtawi kawmin ama azuita hi. Tualeh mi zousie’n tami amutah un Pasian aphat ta uhi.
सध्या निवडलेले:
LUK 18: ZOUBSI
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.
LUK 18
18
Thukhen mi dihtat lou
1Tuachi’n Aman miten lungkelou a athum ngitnget ding uh ahi chi atheina dingun akung uah, gente thu khat agen hi. 2“Khopi khat ah Pasian giinglou leh mihing zong bangma a simlou thukhen mi khat a um hi. 3Tua khopi sungah meithai khat a um a, amanu khu akunga hing hawin, akungah ka kilanpipa tungah phuba hing lahpieh in ahing chi hi. 4Tualeh amapa hun bangtan ahiei a na ut sih a, hinanleh anuain alungsim in Pasian giing louin, mihing bangma’n sim sih nanleng; 5Tam meithainu’n ahing suhbuoi ziehin, aphuba ka lahpieh mai ding hi, tuachilouin ahing pei thithe dinga ahing sugim kha ding,” achi hi. 6Tuachi’n Mangpa’n, “Thukhen dihtat loupa thugen ngai un. 7Atung uah dawzou tadi nanlezong, Ami telte sun leh zan a Ama han mite phuba Pasian in alapieh sih ding amah? 8Ka hing hil ahi, Aman aphuba uh alahpieh pai ding hi. Hinanleh Mihing Tapa ahing pei chiengin leitungah tuabang ginna ahing muna diei?” achi hi.
Pharisai leh sie dongmi gentena
9Tualeh mi dihtat hi a kigingta a, mi dangte simmaw koite ahiei kung ah zong tam gentena thu agen hi. 10“Mi ni Pasian biehinn ah thungetna nei dingin akuontou ua, khat Pharisai ahia, khat pen sie dongmi ahi. 11Pharisaipa adinga amatangin tambangin athum hi: Pasian, mi dang pauhat thu a mite neisa lahpiehte, mi dihloute, angkawmte, ahisihleh tam siedong mi bang ka hilou zieh in na tung ah ka kipah hi. 12Hapta khat in ni vei ann ka ngawl a, Ka nei zousie sawm a khat ka pe leng hi, achi hi.
13Tualeh siedongmi khu gamla tah a dingin vanlam zong adahtou ngam sih a, hinanleh Aw Pasian, Kei mikhiel tungah zangai in, chiin a awm a tum hi. 14#Mat. 23.12; Luk. 14.11Ka hinghil ahi, akhat pen pa sangin tam mipa khu siemtang in a inn ah apei suhta hi. Michin ama leh ama kitawisang pouma a ngiem dinga, akingaingiem pouma tawisangin a um ding hi.
Jesu’n naupangte a guolzawl
(Mak. 10.13-16; Mat. 19.13-15)
15Tuachi’n mipiten, ana thampieh dingin naupangte akungah ahing pui ua; hinanleh nuazuiten amu tahun aphawh uhi. 16Hinanleh Jesu’n ama uh akungah ahan a, “Naupang neute ka kungah hing peisah unlen khaam sih un, aziehpen Pasian gam khu hichibang mite a ding ahi hi. 17Chitahtahin ka hing hil ahi, koi hinanleh Pasian gam naupang neute banga kipahpi lou khu asungah alut vawtsih ding,” achi hi.
Hausatna in kumtawn hinna adal dan
(Mat. 19.16-26; Mak. 10.17-27)
18Tualeh vaihawm mi koi ahiei in akungah, “Siepa hoi, kumtawn, hinna ka tan theina dingin, bang ahiei ka bawl ding?” chiin adong hi. 19Tuachi’n Jesu’n akungah, “Bangding a hoi hing chi na hiei? mi khat chiloungal koima mi hoi a um sih, tua khu Pasian ahi. 20#Pawt. 20.14; Danp. 5.18; Pawt. 20.13; Danp. 5.17; Pawt. 20.15; Danp. 5.19; Pawt. 20.16; Danp. 5.20; Pawt. 20.12; Danp. 5.16Thupiehte na thei ve le: angkawm sin, tuolthat sin, gu sin, theipitu dihlouin pang sin, na nu leh na pa zatat in, chite,” achi hi. 21Aman “Tamte zousie ka naupan lai a kipat ka zui sieng ahita,” achi hi. 22Tuachi’n Jesu’n tam silte zousie azahtah in akungah, “Sil khat na sam nalai hi, na nei zousie zua inlen, mi zawngte kungah hawmpieh in, tuahileh van ah gou na nei ding a, tualeh hing pei inlen hing zui in,” achi hi. 23Hinanleh aman tua thute azahin alunggim mama ta hi, mi hausa mama ahi ziehin.
24Tuachi’n Jesu’n alunggim mama chi amu bep in, “Mi hausate Pasian gam a alut hasa hina va-ia e! 25Aziehpen Mi hausa Pasian gam a alut sangin, sangawngsau phinbil hawm a alut suoh abailam zaw hi,” achi hi. 26Tualeh tam thu zaten, “Tuachi ahileh koi hundam in a um zou diei?” achi uhi.
27Tuachi’n Aman “Mihing dinga sil hitheilou khu, Pasian a dingin ahi thei hi,” achi hi. 28Tuachi’n Peter in, “En vawi, Kouten bangkim nuasie in ka hing zui uhi,” achi hi. 29Tuachi’n Jesu’n akungah, “Adihtahin ka hing hil ahi, Pasian gam zieh a, a inn alou ahiei, anu apa ahiei, asanggamte ahiei azi leh atate ahiei, nuasie khu; 30Tu damsung hun mama a ale tamzaw; tualeh hun hing tung ding a, kumtawn hinna toh mulou ding koima a um sih hi,” achi hi.
Jesu’n ashi ding agenlawhna thumveina
31Tuachi’n Aman sawm leh nite khu apui tuom a, akung uah, “Ngai un, Jerusalem khuo a hawtou ding ihi ua, Mihing Tapa tungtang thua guolneite thugel zou sie ahing tangtung ding hi. 32Aziehpen Ama khu Jentelte khuta piehkhieh ahi ding a, chiemmui bawlna’n anei ding ua, zumhuoitahin chil aphit khum ding uhi; 33Tualeh avo ding ua, athat ding uhi. Tualeh nithum niin athoukia ding,” a chi hi. 34Hinanleh amaun tam silte atheisiem sih uhi, athugen khu alah uah phuol in a um a, thu kigente athei sih uhi.
Jesu’n mitto asuhdamna
(Mat. 20.29-34; Mak. 10.46-52)
35Tuachi’n Jeriko khuo atun kuon un, mitto koi ahiei khat khutdawin lam gei ah atou hi. 36Aman mihonpi pei thawmging azah in, bang thu um atai leh chi’n adong hi. 37Tuachi’n amaun “Nazareth Jesu hing pei ahi,” chiin ahil uhi. 38Tuachi’n aman “Jesu David tapa kei hing khotuo in,” chiin akikou hi. 39Tuachi’n amasalam a peiten sip dingin aphawh ua, hinanleh aman “David tapa kei hing khotuoin chiin akihakou semsem hi.”
40Tuachi’n Jesu adinga, ama khu akunga hing zawpi dingin thu apie a, tualeh akung ahing tun tahin ana donga; 41“Na tungah bang hing bawlpieh leng na ut ei?” achi hi. Aman “Mangpa mu thei ka ut hi” achi hi. 42Jesu’n akung ah, “Mu theita in, na ginna na dampi ahi,” achi hi. 43Tuachi’n thakhat in amu theita a, Pasian pahtawi kawmin ama azuita hi. Tualeh mi zousie’n tami amutah un Pasian aphat ta uhi.
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.