Aepa Gemae 5
5
Atamu aginago vayaʼai apakimo haneʼniya gemae
1 #
Aep 1:27
Ina kava huno Atamu aginago vayaʼai apakimo haneʼniye. Gotiʼa vemo alo huʼniya afinaʼmo agaiʼagana huno alo huʼniye. 2#Mt 19:4-5Gotiʼa vemo alo huteno aʼmo alo huʼniye. Agaemo alo huno anateteno alino auleno anatetenoʼaeʼmo muki vayaʼaifeʼmo, vayane, huno apaki aeʼniye. 3Atamuʼa vani hataleti tetiʼa kafugamo maiteno ve mafaʼnemo agaiʼagana huno alino atetenoʼaeʼmo agiʼamo Setiʼae huno ateʼniye. 4Atamuʼa Setiʼmo alino atetenoʼaeʼmo eiti hataletiʼa kafugamo neʼmainoʼaeʼmo magoʼe huno ve mafaʼnemo alino apatege a mafaʼne alino apatege huteno faliʼniye. 5Atamuʼa muki kafugaʼamo naeni hataleti tetiʼa kafuga maiteno faliʼniye. 6Setiʼa vani hataleti faefuʼa kafugamo maiteno Inosiʼmo alino ateʼniye. 7Alino atetenoʼaeʼmo eiti hataleti seveniʼa kafugamo neʼmainoʼaeʼmo ve mafaʼnemo alino apatege a mafaʼnemo alino apatege huʼniye. 8Setiʼa muki kafugaʼamoʼmo naeni hataleti tuolofuʼa kafugamo maiteno faliʼniye.
9Inosiʼa naetiʼa kafugamo maiteno Kenaniʼmo alino ateʼniye. 10Alino atetenoʼaeʼmo eiti hataleti fifitiniʼa kafugamo neʼmainoʼaeʼmo ve mafaʼnemo alino apatege a mafaʼnemo alino apatege huʼniye. 11Inosiʼa muki kafugaʼamoʼmo naeni hataleti faefuʼa kafugamo maiteno faliʼniye.
12Kenaniʼa sevetiʼa kafugamo maiteno Mahalaleʼmo alino ateʼniye. 13Alino atetenoʼaeʼmo eiti hataleti fotiʼa kafugamo neʼmainoʼaeʼmo ve mafaʼnemo alino apatege a mafaʼnemo alino apatege huʼniye. 14Kenaniʼa muki kafugaʼamoʼmo naeni hataleti teniʼa kafugamo maiteno faliʼniye.
15 #
Lu 3:37
Mahalaleʼa sigisiti faefuʼa kafugamo maiteno Yaletiʼmo alino ateʼniye. 16Alino atetenoʼaeʼmo eiti hataleti tetiʼa kafugamo neʼmainoʼaeʼmo ve mafaʼnemo alino apatege a mafaʼnemo alino apatege huʼniye. 17Mahalaleʼa muki kafugaʼamoʼmo eiti hataleti naeti faefuʼa kafugamo maiteno faliʼniye.
18 #
Yu 14-15
Yaletiʼa vani hataleti sigisiti tuʼa kafugamo maiteno Inokiʼmo alino ateʼniye. 19Alino atetenoʼaeʼmo naeni hataleti sigisiti tuʼa kafugamo neʼmainoʼaeʼmo ve mafaʼnemo alino apatege a mafaʼnemo alino apatege huʼniye. 20Yaletiʼa muki kafugaʼamoʼmo naeni hataleti sigisiti tuʼa kafugamo maiteno faliʼniye.
21Inokiʼa sigisiti faefuʼa kafugamo maiteno Metusalaʼmo alino ateʼniye. 22Alino atetenoʼaeʼmo Inokiʼa tali hataletiʼa kafugamo Gotiʼeʼmo afalu afalu kava huno maiteno Gotiʼeʼmo magokepi lokaeno uneno nehunoʼaeʼmo ve mafaʼnemo alino apatege a mafaʼnemo alino apatege huʼniye. 23Inokiʼa muki kafugaʼamoʼmo tali hataleti sigisiti faefuʼa kafugamo ma mopafiʼmo maitenoʼaeʼmo ataleno uʼniye. 24#2 Kin 2:1,11; Hi 11:4Gotiʼeʼmo afalu afalu kava huno maiʼnigeno Gotiʼa avalelino uno haiʼniyaʼmofeʼmo magoʼe kafugamo ma mopafiʼmo oʼmaiʼniye.
25Metusalaʼa vani hataleti eiti seveniʼa kafugamo maiteno Lemekiʼmo alino ateʼniye. 26Alino atetenoʼaeʼmo Metusalaʼa seveni hataleti eiti seveniʼa kafugamo neʼmainoʼaeʼmo ve mafaʼnemo alino apatege a mafaʼnemo alino apatege huʼniye. 27Metusalaʼa muki kafugaʼamoʼmo naeni hataleti sigisiti naeniʼa kafugamo maiteno faliʼniye. 28Lemekiʼa vani hataleti eiti tuʼa kafugamo maiteno ve mafaʼnemo alino ateʼniye. 29Alino atetenoʼaeʼmo agiʼamo Noaʼae huno ateʼniye. Agaemo hunoʼaeʼmo, Ala kava neʼmoʼa geʼaletiʼmo mopamo alino hosu huno atalesigeta lahaise vose huta aliʼyaʼmo neʼaluna kavaʼamo laha maesigeta maita haga legaune, huno hapa paiʼniye. 30Lemekiʼa Noaʼmo alino atetenoʼaeʼmo faefu hataleti naeti faefuʼa kafugamo neʼmainoʼaeʼmo ve mafaʼnemo alino apatege a mafaʼnemo alino apatege huʼniye. 31Lemekiʼa muki kafugaʼamoʼmo seveni hataleti seveti seveniʼa kafugamo maiteno faliʼniye. 32Noaʼa faefu hataletiʼa kafugamo neʼmainoʼaeʼmo loleʼe magoʼe ve mafaʼnemo alino apateʼniye. Ani mafaʼne anagaʼai apakiʼapimo Semiʼagi Hamuʼagi Yafetiʼagi huno alino apateʼniye.
सध्या निवडलेले:
Aepa Gemae 5: kyg2013
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
© 2013, Wycliffe Bible Translators, Inc. All rights reserved.