Matayo 18
18
Eribya nga bana
1Oko mugulu oyo abiga mobahika oko Yesu bati, Nindi yo mukulu omo bwami bwelubula kwehi? 2Naye mwabirikira okwiye omwana mulere, mwamwimania omukati kati kabo, 3mwabuga ati, Kwenene, ngababwira, mwama tindabinduka eribya nga bana balere, simwendisingira omo bwami bwelubula na kera. 4Oyu kayikehaya ngo mwana mulere oyu, asyabya mukulu okwilaba omo bwami bwelubula. 5Nomundundi oyu kakokaya mwana muguma ngoyu omo rina ryage akanyikokaya; 6nikwa omundundi oyu wasyaleka muguma goko balere aba abakanyikiriraya erikola ebibi, ritolere iniaboherwa ko luso lunene omo bikya biwe iniasendibwa omwiriba ryengetsi. 7Obulige oko kihugo busana nerilengwako erikakolesaya ebibi! Kusangwa ritolere erilenga iryasa, nikwa obulige oko mundu oyo kaleta erilenga eryo! 8Nebyala byawe kutse ekisandu kyawe byamaleka iwakola ebibi, utwekyo ugu sekyo hali kuwe; ryowene ndeke busana nawe eriingira omo ngebe inune kirema kutse lugata kwilaba eribya nebyala bibiri nebisandu bibiri neriguswa oko muliro wa kera na kera. 9Neriso ryawe ryamaleka ukakola ebibi, ukureryo uguseryo hali kuwe; ryowene ndeke kuwe eriingira omo ngebe neriso riguma kwilaba eriguswa omo kyuna kyomuliro na meso abiri. 10Mulebaye isimwapona omuguma woko balere aba; kusangwa ngababwira omo lubula abalaika babo bakatungerera ebiro byosi obusu bwa Tata wage oyuri mo lubula. (11Kusangwa Mugala womundu mwasa erilamya ababya batere.) 12Muka ganirayaki kwehi? Omundu amabya awite asyombuli erigana, enguma yamusyo yamatala, siarisiga amakumi mwenda no mwenda oko bitwa iniaya sonda-sonda enguma eyiriatala kwehi? 13Amabanayo, kwenene ngabuga nenyu nyiti, akatse merayo kwilaba amakumi mwenda nomwenda esitetatala na kera. 14Ritya Tata wage oyuri elubula sianzire omuguma oko balere aba akahera.
Ngoko twangakunga
15Omugala wenyu amakukola nabi, ugende umubwire ebibi biwe, uwe naye imwe bene. Amakowa, iwamabana mugala wenyu. 16Amatindakowa, wimaye omuguma kutse abandi babiri haguma nawe, oburi kinywa kitoke erisingana busana neritulago ryabalangiri babiri kutse abasatu. 17Amagana erio wabo, iwabwira ekanisa; amagana eriowa nekanisa, abye kuwe ngoweBihanda nomusolesya. 18Kwenene ngabuga nenyu, ebyosi mukasenga omo kihugo byasyasengwa omo lubula, nebyosi mwasyasengula omo kihugo byasyasengulwa omo lubula. 19Kandi ngabuga nenyu nyiti, ababiri kwinywe bami kirirania omo kihugo kino busana nekinduki basyabulya, basyakolerwakyo na Tata wage oyuri elubula. 20Kusangwa aho babiri kutse abasatu bahindene omo rina ryage, inyineho omukati-kati kabo.
Eribuyirana
21Neryo Petero mwahikaho mwabuga naye ati, Mukama, engendo singahi mugala wetu asyanyikola nabi, nage inamu buyira kwehi? Nga ngendo sirinda kwehi? 22Yesu mwamu bwira ati, Sindibuga nawe engendo sirinda, nikwa amakumi arinda engendo sirinda. 23Neryo obwami bwelubula bwasya ringiriranibwa nomwami oyo wasonda eribuga eriganza haguma na bagombe buwe. 24Omugulu atsuka eriganza, mobamuletera muguma owabya nomwinda wesyofaranka maelfu makumi atanu. 25Nikwa mwabula ekyeririha, omwami wuwe mwa tegeka ati, agulibawe, haguma nomukali wuwe na bana nebyosi awite, omwinda atuhawe. 26Omugombe oyo mwagwa oko malwi wuwe, erimugonga-gonga ati, Mukama, undindirire, nasyakutuha ebyosi. 27Nomukama womugombe oyo mwa mukwira obulige mwamubohola mwamubuyira omwinda. 28Nikwa omugombe oyo, abere akahuluka mwahindana nogundi mugombe mulikyabo oyu wabya nomwinda wuwe wesyofaranka elfu nguma; mwamuwatira omo bikya ati, Nduhe omwinda wage. 29Nikwa omugombe mulikyabo mwagwa ahisi mwamugonga-gonga ati, Undindirire, nasyakutuha. 30Naye mwagana mwayamuhira omo nyumba yomuliki erihika aho asyatuhira omwinda. 31Omugulu abagombe balikyabo balangira ebyamabya, mobabya nobulige bunene, mobaya tulirago omukama wabo ebyosi byabere. 32Neryo mukama wuwe mwamubirikira mwabuga naye ati, Uwe mugombe mubi! Nyiriakubuyira omwinda oyo gosi kusangwa urianyigonga gonga; 33nawe siwangakwirire mugombe mulikyenyu obulige, ngoko nyiriakukwirabo kwehi? 34Nomwihitana omukama wuwe mwamuha abakagalaya erihika aho asyatuhira omwinda gosi. 35Ritya Tata wage welubula asyakola oburi mundu kwinywe, mwamatindisyabuyira mugala wenyu omo mitima yenyu.
सध्या निवडलेले:
Matayo 18: NTN62
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Le Nouveau Testament et les Psaumes en Ndandi © British and Foreign Bible Society, 1962.
Matayo 18
18
Eribya nga bana
1Oko mugulu oyo abiga mobahika oko Yesu bati, Nindi yo mukulu omo bwami bwelubula kwehi? 2Naye mwabirikira okwiye omwana mulere, mwamwimania omukati kati kabo, 3mwabuga ati, Kwenene, ngababwira, mwama tindabinduka eribya nga bana balere, simwendisingira omo bwami bwelubula na kera. 4Oyu kayikehaya ngo mwana mulere oyu, asyabya mukulu okwilaba omo bwami bwelubula. 5Nomundundi oyu kakokaya mwana muguma ngoyu omo rina ryage akanyikokaya; 6nikwa omundundi oyu wasyaleka muguma goko balere aba abakanyikiriraya erikola ebibi, ritolere iniaboherwa ko luso lunene omo bikya biwe iniasendibwa omwiriba ryengetsi. 7Obulige oko kihugo busana nerilengwako erikakolesaya ebibi! Kusangwa ritolere erilenga iryasa, nikwa obulige oko mundu oyo kaleta erilenga eryo! 8Nebyala byawe kutse ekisandu kyawe byamaleka iwakola ebibi, utwekyo ugu sekyo hali kuwe; ryowene ndeke busana nawe eriingira omo ngebe inune kirema kutse lugata kwilaba eribya nebyala bibiri nebisandu bibiri neriguswa oko muliro wa kera na kera. 9Neriso ryawe ryamaleka ukakola ebibi, ukureryo uguseryo hali kuwe; ryowene ndeke kuwe eriingira omo ngebe neriso riguma kwilaba eriguswa omo kyuna kyomuliro na meso abiri. 10Mulebaye isimwapona omuguma woko balere aba; kusangwa ngababwira omo lubula abalaika babo bakatungerera ebiro byosi obusu bwa Tata wage oyuri mo lubula. (11Kusangwa Mugala womundu mwasa erilamya ababya batere.) 12Muka ganirayaki kwehi? Omundu amabya awite asyombuli erigana, enguma yamusyo yamatala, siarisiga amakumi mwenda no mwenda oko bitwa iniaya sonda-sonda enguma eyiriatala kwehi? 13Amabanayo, kwenene ngabuga nenyu nyiti, akatse merayo kwilaba amakumi mwenda nomwenda esitetatala na kera. 14Ritya Tata wage oyuri elubula sianzire omuguma oko balere aba akahera.
Ngoko twangakunga
15Omugala wenyu amakukola nabi, ugende umubwire ebibi biwe, uwe naye imwe bene. Amakowa, iwamabana mugala wenyu. 16Amatindakowa, wimaye omuguma kutse abandi babiri haguma nawe, oburi kinywa kitoke erisingana busana neritulago ryabalangiri babiri kutse abasatu. 17Amagana erio wabo, iwabwira ekanisa; amagana eriowa nekanisa, abye kuwe ngoweBihanda nomusolesya. 18Kwenene ngabuga nenyu, ebyosi mukasenga omo kihugo byasyasengwa omo lubula, nebyosi mwasyasengula omo kihugo byasyasengulwa omo lubula. 19Kandi ngabuga nenyu nyiti, ababiri kwinywe bami kirirania omo kihugo kino busana nekinduki basyabulya, basyakolerwakyo na Tata wage oyuri elubula. 20Kusangwa aho babiri kutse abasatu bahindene omo rina ryage, inyineho omukati-kati kabo.
Eribuyirana
21Neryo Petero mwahikaho mwabuga naye ati, Mukama, engendo singahi mugala wetu asyanyikola nabi, nage inamu buyira kwehi? Nga ngendo sirinda kwehi? 22Yesu mwamu bwira ati, Sindibuga nawe engendo sirinda, nikwa amakumi arinda engendo sirinda. 23Neryo obwami bwelubula bwasya ringiriranibwa nomwami oyo wasonda eribuga eriganza haguma na bagombe buwe. 24Omugulu atsuka eriganza, mobamuletera muguma owabya nomwinda wesyofaranka maelfu makumi atanu. 25Nikwa mwabula ekyeririha, omwami wuwe mwa tegeka ati, agulibawe, haguma nomukali wuwe na bana nebyosi awite, omwinda atuhawe. 26Omugombe oyo mwagwa oko malwi wuwe, erimugonga-gonga ati, Mukama, undindirire, nasyakutuha ebyosi. 27Nomukama womugombe oyo mwa mukwira obulige mwamubohola mwamubuyira omwinda. 28Nikwa omugombe oyo, abere akahuluka mwahindana nogundi mugombe mulikyabo oyu wabya nomwinda wuwe wesyofaranka elfu nguma; mwamuwatira omo bikya ati, Nduhe omwinda wage. 29Nikwa omugombe mulikyabo mwagwa ahisi mwamugonga-gonga ati, Undindirire, nasyakutuha. 30Naye mwagana mwayamuhira omo nyumba yomuliki erihika aho asyatuhira omwinda. 31Omugulu abagombe balikyabo balangira ebyamabya, mobabya nobulige bunene, mobaya tulirago omukama wabo ebyosi byabere. 32Neryo mukama wuwe mwamubirikira mwabuga naye ati, Uwe mugombe mubi! Nyiriakubuyira omwinda oyo gosi kusangwa urianyigonga gonga; 33nawe siwangakwirire mugombe mulikyenyu obulige, ngoko nyiriakukwirabo kwehi? 34Nomwihitana omukama wuwe mwamuha abakagalaya erihika aho asyatuhira omwinda gosi. 35Ritya Tata wage welubula asyakola oburi mundu kwinywe, mwamatindisyabuyira mugala wenyu omo mitima yenyu.
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Le Nouveau Testament et les Psaumes en Ndandi © British and Foreign Bible Society, 1962.