Wapëgwala 14
14
Ipehët Lot g'ipankël gë Melëkiseɗek
1-6Wëlin itëfëta uw̃ët sankaf vëhnaw̃ ŋa. Hnë wabëhn pëhw gë waki hna (12), ahnaw̃ ale w̃aciko Kedor-Lawomër avë Elam ỹa w̃ëkëkëhniwo vëhnaw̃ vëỹëntaw̃ va, vëhni ye: Bera avë Sodom ỹa, gë Birësa avë Gomor ỹa, gë Sineyab avë Adëma ỹa, gë Semeber avë Seboyim ỹa do gë avë Bela ỹa, umë w̃acëɗe fëna Sowar. Ɓare hnë hwëhn pëhw gë watar hna (13), vërac ŋañënaniho. Hnë bëhn hwëhn pëhw gë wahnah hna (14), Kedor-Lawomer gë vëhnaw̃ vërar vële nkeniho va, (ahnaw̃ Amërafel avë Mesopotami ỹa, gë Ariyok avë Elasar ỹa, do gë Tidal avë Goyim ỹa) mëkënihëhniwo Warefayi w̃a hnë Asëtarot-Karënayim hna, Wasus w̃a hnë Ham hna, do gë Wa-emi w̃a hnë Save-Kiriyatayim hna. Mëkënihëhniwo Wahori w̃a ỹal hni hna wahuŋ walëw̃ hni Seyir hna, do tëfëlehnënihëhniwo hafo atëh El-Paran hna, ɗarël wula hna. 7Tac më mbokani gë cape En-Misëpat, umë lehnëɗe Kades. Më nihëni nkal Wamalesi ŋa fop do mëkënihëhni fëna Wa-amor wale lëɗëko Hasason-Tamar va.
8Awa ahnaw̃ avë Sodom ỹa, gë avë Gomor ỹa, gë avë Adëma ỹa, gë avë Seboyim ỹa do gë avë Bela ỹa, (umë ye Sowar), më canënihëhni wasoɗaɗe walëw̃ hni w̃a soŋe pëhwëtani w̃ët sankaf w̃a hnë lañ Sidim hna, umë ye tame Wov Waŋiry ŋa, 9gë vëhnaw̃ vëỹëntaw̃ vële nkeniho gë Kedor-Lawomer va. Vëhnaw̃ imbëɗ w̃ëtëɗëho gë vëhnah. 10Nkeho hnam vankëɗ vajaɓah gudëro. Ahnaw̃ avë Sodom ỹa g'avë Gomor ỹa hn'igary dëw̃ hni hna, më njoni hnam; vële fehëko va gë wahuŋ cow̃aniho. 11Vële w̃ëkëkëhniwo va më nufëni fop hnapul vëvë Sodom gë Gomor va, do gë fop rokëtok le pehnaniho ỹa, njilehnëni. 12Kaɓi Lot, fatah aheryu Abëram fa, Sodom hna ntëɗëntiko, njoryaryënihawo fëna, gë hnapul lëw̃u ỹa fop.
13Ale yaryëko më njik pëƴahna Abëram Ebëre le lëɗëko ɗarël vatëh vacëvah Mamëre Hamor ỹa, umë yeho acëru Esëkol gë Aner; vëhni vërar tak nkwëryëlëniho gë Abëram. 14Ga njëtak Abëram fatah aheryu fa aramp ntiyik, më mbarëpëkëhni vësan wakeme watar g'ipëhw g'imbëɗ gë vërar (318) vële hnagiko tere lëw̃u va, do tëfëlehnënihëhni hafo Dan hna. 15Abëram më pitëndëlehnëkëhniwo vësan vërac wakore waƴaɓah do pëgwëhni vëỹew̃ va g'umëɗ. Ndaw̃ëɗëhëhniwo do tëfëlehnëɗëhëhniwo hafo Oba, gë cape rahahn gë pëhna lav Damas ka. 16Më mbijëk hnapul lëw̃u ỹa fop, do mbijëkawo fëna Lot gë hnapul lëw̃u ỹa, gë vësëval va do gë vëramp vëỹëntaw̃ va.
Abëram gë Melëkiseɗek
17Ga mbokajëk Abëram ante mëkinihëhniwo vëhni Kedor-Lawomer do gë vëhnaw̃ vërar vële nkeniho va, ahnaw̃ avë Sodom ỹa kacakawo hnë lañ Save hna, (umë ye: Lañ Ahnaw̃). 18Melëkiseɗek#14.18 Melëkiseɗek fëhnëtanëk ahnaw̃ usatah., ahnaw̃ Salem#14.18 Salem fëhnëtanëk ƴam. Nkol tac w̃acëɗe gaki Yerusalem. do yeho asëna wasaɗëha W̃ën Hunte Sëpëk Fop ŋa, më njojëk mburu do g'uñen. 19Më ndëwanëka Abëram aki:
«Araɓi W̃ën Hunte Sëpëk Fop ŋa do lik ambin iŋi g'inkal iŋi ndëwana Abëram.
20Araɓi W̃ën Hunte Sëpëk Fop ŋa cëmbi kaɓi njëɗëki imëk vëỹew̃ hu va!»
Awa Abëram më njëɗaka ihwëhn pëhw-wo hnë vile nuỹajëko hn'uw̃ët va.
21Ahnaw̃ avë Sodom ỹa më ntehnëka Abëram: «Ɓësaryew̃ëhni vahnë vi do aworyary hnapul ỹi.»
22Abëram më ntëkwaka: «Tufaɓuha Ahwëhn a, W̃ën Hunte Sëpëk Fop ŋa do lik ambin iŋi g'inkal iŋi: 23lëk, ñoñ nufëɗa viỹë vile hwëhnëru vi, wëla faỹaw̃ar ma ỹëba wapary. Koyëna koɗila ahnës: “Mbetandanëɓuha Abëram.” 24Ñoñ ñaɗa soŋe lëmën ge gena ile tokëni vahnë mën ỹi do gë sah vële lapëhnajëko vi: Aner, gë Esëkol, do gë Mamëre, vëhni teɓaɗëni.»
सध्या निवडलेले:
Wapëgwala 14: cou
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
© 2018, Wycliffe Bible Translators, Inc. All rights reserved.
Wapëgwala 14
14
Ipehët Lot g'ipankël gë Melëkiseɗek
1-6Wëlin itëfëta uw̃ët sankaf vëhnaw̃ ŋa. Hnë wabëhn pëhw gë waki hna (12), ahnaw̃ ale w̃aciko Kedor-Lawomër avë Elam ỹa w̃ëkëkëhniwo vëhnaw̃ vëỹëntaw̃ va, vëhni ye: Bera avë Sodom ỹa, gë Birësa avë Gomor ỹa, gë Sineyab avë Adëma ỹa, gë Semeber avë Seboyim ỹa do gë avë Bela ỹa, umë w̃acëɗe fëna Sowar. Ɓare hnë hwëhn pëhw gë watar hna (13), vërac ŋañënaniho. Hnë bëhn hwëhn pëhw gë wahnah hna (14), Kedor-Lawomer gë vëhnaw̃ vërar vële nkeniho va, (ahnaw̃ Amërafel avë Mesopotami ỹa, gë Ariyok avë Elasar ỹa, do gë Tidal avë Goyim ỹa) mëkënihëhniwo Warefayi w̃a hnë Asëtarot-Karënayim hna, Wasus w̃a hnë Ham hna, do gë Wa-emi w̃a hnë Save-Kiriyatayim hna. Mëkënihëhniwo Wahori w̃a ỹal hni hna wahuŋ walëw̃ hni Seyir hna, do tëfëlehnënihëhniwo hafo atëh El-Paran hna, ɗarël wula hna. 7Tac më mbokani gë cape En-Misëpat, umë lehnëɗe Kades. Më nihëni nkal Wamalesi ŋa fop do mëkënihëhni fëna Wa-amor wale lëɗëko Hasason-Tamar va.
8Awa ahnaw̃ avë Sodom ỹa, gë avë Gomor ỹa, gë avë Adëma ỹa, gë avë Seboyim ỹa do gë avë Bela ỹa, (umë ye Sowar), më canënihëhni wasoɗaɗe walëw̃ hni w̃a soŋe pëhwëtani w̃ët sankaf w̃a hnë lañ Sidim hna, umë ye tame Wov Waŋiry ŋa, 9gë vëhnaw̃ vëỹëntaw̃ vële nkeniho gë Kedor-Lawomer va. Vëhnaw̃ imbëɗ w̃ëtëɗëho gë vëhnah. 10Nkeho hnam vankëɗ vajaɓah gudëro. Ahnaw̃ avë Sodom ỹa g'avë Gomor ỹa hn'igary dëw̃ hni hna, më njoni hnam; vële fehëko va gë wahuŋ cow̃aniho. 11Vële w̃ëkëkëhniwo va më nufëni fop hnapul vëvë Sodom gë Gomor va, do gë fop rokëtok le pehnaniho ỹa, njilehnëni. 12Kaɓi Lot, fatah aheryu Abëram fa, Sodom hna ntëɗëntiko, njoryaryënihawo fëna, gë hnapul lëw̃u ỹa fop.
13Ale yaryëko më njik pëƴahna Abëram Ebëre le lëɗëko ɗarël vatëh vacëvah Mamëre Hamor ỹa, umë yeho acëru Esëkol gë Aner; vëhni vërar tak nkwëryëlëniho gë Abëram. 14Ga njëtak Abëram fatah aheryu fa aramp ntiyik, më mbarëpëkëhni vësan wakeme watar g'ipëhw g'imbëɗ gë vërar (318) vële hnagiko tere lëw̃u va, do tëfëlehnënihëhni hafo Dan hna. 15Abëram më pitëndëlehnëkëhniwo vësan vërac wakore waƴaɓah do pëgwëhni vëỹew̃ va g'umëɗ. Ndaw̃ëɗëhëhniwo do tëfëlehnëɗëhëhniwo hafo Oba, gë cape rahahn gë pëhna lav Damas ka. 16Më mbijëk hnapul lëw̃u ỹa fop, do mbijëkawo fëna Lot gë hnapul lëw̃u ỹa, gë vësëval va do gë vëramp vëỹëntaw̃ va.
Abëram gë Melëkiseɗek
17Ga mbokajëk Abëram ante mëkinihëhniwo vëhni Kedor-Lawomer do gë vëhnaw̃ vërar vële nkeniho va, ahnaw̃ avë Sodom ỹa kacakawo hnë lañ Save hna, (umë ye: Lañ Ahnaw̃). 18Melëkiseɗek#14.18 Melëkiseɗek fëhnëtanëk ahnaw̃ usatah., ahnaw̃ Salem#14.18 Salem fëhnëtanëk ƴam. Nkol tac w̃acëɗe gaki Yerusalem. do yeho asëna wasaɗëha W̃ën Hunte Sëpëk Fop ŋa, më njojëk mburu do g'uñen. 19Më ndëwanëka Abëram aki:
«Araɓi W̃ën Hunte Sëpëk Fop ŋa do lik ambin iŋi g'inkal iŋi ndëwana Abëram.
20Araɓi W̃ën Hunte Sëpëk Fop ŋa cëmbi kaɓi njëɗëki imëk vëỹew̃ hu va!»
Awa Abëram më njëɗaka ihwëhn pëhw-wo hnë vile nuỹajëko hn'uw̃ët va.
21Ahnaw̃ avë Sodom ỹa më ntehnëka Abëram: «Ɓësaryew̃ëhni vahnë vi do aworyary hnapul ỹi.»
22Abëram më ntëkwaka: «Tufaɓuha Ahwëhn a, W̃ën Hunte Sëpëk Fop ŋa do lik ambin iŋi g'inkal iŋi: 23lëk, ñoñ nufëɗa viỹë vile hwëhnëru vi, wëla faỹaw̃ar ma ỹëba wapary. Koyëna koɗila ahnës: “Mbetandanëɓuha Abëram.” 24Ñoñ ñaɗa soŋe lëmën ge gena ile tokëni vahnë mën ỹi do gë sah vële lapëhnajëko vi: Aner, gë Esëkol, do gë Mamëre, vëhni teɓaɗëni.»
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
© 2018, Wycliffe Bible Translators, Inc. All rights reserved.