Ohuchaaka 11
11
Omunaara kwa Bbabbilooni
1Bulaanu, abaandu bohu syaalo boosi bali ab'olulimi lulala, nibehoonyera emboosi nasilala. 2Haandi koti lu baandu bali nibawuuya ohutula ebukwe, banyoola esyaalo sy'esipaapi mu Sinari mani nibamenyamo. 3Mani nibaboolanira bati, “Lehe huhubbe amatafwaali hukasaambe bulai muno.” Mani nibehoonyera amatafwaali ako koti amakina neende ewula koti eby'ohwoombahira. 4Baboola bati, “Lehe hweyoombahire abeene esiko neende omunaara muleeyi okwoola muukulu, mani hweholere eliita abeene, hu huhae ohusalaanira hu syaalo syoosi.” 5Omwaami niyabona atyo yeeha aasi ohubona esiko neende omunaara ku baana b'abaandu bano bali niboombaahe. 6Omwaami yaboola ati, “Bone, mbao bali esiindu silala, haandi boosi balomaloma olulimi lulala; haandi sino nisyo esiholwa sichaaka esy'ebiindu bi bachia ohuhola; haandi sibulao esiindu syoosi si babaasa ohuhola esichia ohubahaya ohuhola bulaanu. 7Lehe hwiihe aasi, huchie hudoondobanie olulimi lwaabwe olwo, mani bahaye ohumanya bi buli otula sy'aboola.” 8Omwaami mani naabasalaania hu syaalo syoosi, nibalehana neende eby'ohwoombaha esiko. 9Esiko esyo syalaangwa Bbabbeli olwohuba eyo niyo yi Omwaami yadoondobanisira olulimi lwohu syaalo syoosi; haandi eyo niyo yi Omwaami yabasalaanisira hu syaalo syoosi.
Abeechuhulu ba Seemu
(1 Biha 1:24-27)
10Bano nibo abeechuhulu ba Seemu. Seemu niyali neende emyaaka emia ndala (100) eky'obuhuluundu, yeebula Aripakusaadi emyaaka kibiri nikibitireo ohutula amaachi k'ofwomboole nikaweere. 11Seemu n'amalire ohwiibula Aripakusaadi, yayiindira ohumala emyaaka emia chitaanu (500), haandi yeebula abaana baandi abasyaani neende abahaana.
12Arupakusaadi niyoosa emyaaka amahumi kadatu neende kitaanu eky'obuhuluundu, yeebula Sela. 13Arupakusaadi n'amalire ohwiibula Sela, yayiindira ohumala emyaaka emia chine neende kidatu (403), haandi niyeebula abaana baandi abasyaani neende abahaana.
14Sela niyoosa emyaaka amahumi kadatu eky'obuhuluundu, yeebula Ebberi. 15Sela n'amalire ohwiibula Ebberi, yayiindira ohumala emyaaka emia chine neende kidatu (403) haandi niyeebula abaana baandi abasyaani neende abahaana.
16Ebberi niyoosa emyaaka amahumi kadatu neende kine eky'obuhuluundu, yeebula Pelegi. 17Ebberi n'amalire ohwiibula Pelegi, yayiindira ohumala emyaaka emia chine neende amahumi kadatu (430), haandi yeebula abaana baandi abasyaani neende abahaana.
18Pelegi niyoosa emyaaka amahumi kadatu eky'obuhuluundu, yeebula Rewu. 19Pelegi n'amalire ohwiibula Rewu, yayiindira ohumala emyaaka emia chibiri neende kitaanu-na-kine (209), haandi yeebula abaana baandi abasyaani neende abahaana.
20Rewu niyoosa emyaaka amahumi kadatu neende kibiri eky'obuhuluundu, yeebula Serugi. 21Rewu n'amalire ohwiibula Serugi, yayiindira ohumala emyaaka emia chibiri neende kitaanu-na-kibiri (207) haandi yeebula abaana baandi abasyaani neende abahaana.
22Serugi niyoosa emyaaka amahumi kadatu eky'obuhuluundu, yeebula Nahori. 23Serugi n'amalire ohwiibula Nahori, yayiindira ohumala emyaaka emia chibiri (200) haandi niyeebula abaana baandi abasyaani neende abahaana.
24Nahori niyoosa emyaaka amahumi kabiri neende kitaanu-na-kine eky'obuhuluundu, yeebula Tera. 25Nahori n'amalire ohwiibula Tera, yayiindira ohumala emyaaka emia ndala neende ehumi neende kitaanu-na-kine (119) haandi niyeebula abaana baandi abasyaani neende abahaana.
26Tera niyoosa emyaaka amahumi kataanu-na-kabiri, yeebula Abburamu, Nahori, neende Harani.
Abeechuhulu ba Tera
27Bano nibo abeechuhulu ba Tera. Tera yeebula Abburamu, Nahori neende Harani; nae Harani niyeebula Loti. 28Harani yafwa ohutaangirira Tera laatang'ene mu syaalo siyebulirwamo esya Wuri, esyali esy'Abakalidaani. 29Abburamu neende mwaanang'ina Nahori beecha badeehya. Eliita ly'omuhasi wa Abburamu lyali Sarai, nae eliita ly'omuhasi wa Nahori lyali Milika omuhaana wa Harani laatang'ene Yisika yesi. 30Sarai yali omukuumba naabula omwaana yeesi.
31Tera n'abukula Abburamu omwaana wae neende Loti omwaana wa Harani omwiichuhulu wae, neende Sarai muhoomwaana wae Abburamu, mani nibatula Wuri esy'Abakalidaani nibachia ohumenya mu loba lya Kanani. Nae niboola Harani, mani nibamenya ao. 32Tera yayiindira ohumala emyaaka emia chibiri neende kitaanu (205) n'afwiira Harani.
सध्या निवडलेले:
Ohuchaaka 11: SAMIA
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
©Bible Society of Kenya, 2019
©Bible Society of Uganda, 2019
Ohuchaaka 11
11
Omunaara kwa Bbabbilooni
1Bulaanu, abaandu bohu syaalo boosi bali ab'olulimi lulala, nibehoonyera emboosi nasilala. 2Haandi koti lu baandu bali nibawuuya ohutula ebukwe, banyoola esyaalo sy'esipaapi mu Sinari mani nibamenyamo. 3Mani nibaboolanira bati, “Lehe huhubbe amatafwaali hukasaambe bulai muno.” Mani nibehoonyera amatafwaali ako koti amakina neende ewula koti eby'ohwoombahira. 4Baboola bati, “Lehe hweyoombahire abeene esiko neende omunaara muleeyi okwoola muukulu, mani hweholere eliita abeene, hu huhae ohusalaanira hu syaalo syoosi.” 5Omwaami niyabona atyo yeeha aasi ohubona esiko neende omunaara ku baana b'abaandu bano bali niboombaahe. 6Omwaami yaboola ati, “Bone, mbao bali esiindu silala, haandi boosi balomaloma olulimi lulala; haandi sino nisyo esiholwa sichaaka esy'ebiindu bi bachia ohuhola; haandi sibulao esiindu syoosi si babaasa ohuhola esichia ohubahaya ohuhola bulaanu. 7Lehe hwiihe aasi, huchie hudoondobanie olulimi lwaabwe olwo, mani bahaye ohumanya bi buli otula sy'aboola.” 8Omwaami mani naabasalaania hu syaalo syoosi, nibalehana neende eby'ohwoombaha esiko. 9Esiko esyo syalaangwa Bbabbeli olwohuba eyo niyo yi Omwaami yadoondobanisira olulimi lwohu syaalo syoosi; haandi eyo niyo yi Omwaami yabasalaanisira hu syaalo syoosi.
Abeechuhulu ba Seemu
(1 Biha 1:24-27)
10Bano nibo abeechuhulu ba Seemu. Seemu niyali neende emyaaka emia ndala (100) eky'obuhuluundu, yeebula Aripakusaadi emyaaka kibiri nikibitireo ohutula amaachi k'ofwomboole nikaweere. 11Seemu n'amalire ohwiibula Aripakusaadi, yayiindira ohumala emyaaka emia chitaanu (500), haandi yeebula abaana baandi abasyaani neende abahaana.
12Arupakusaadi niyoosa emyaaka amahumi kadatu neende kitaanu eky'obuhuluundu, yeebula Sela. 13Arupakusaadi n'amalire ohwiibula Sela, yayiindira ohumala emyaaka emia chine neende kidatu (403), haandi niyeebula abaana baandi abasyaani neende abahaana.
14Sela niyoosa emyaaka amahumi kadatu eky'obuhuluundu, yeebula Ebberi. 15Sela n'amalire ohwiibula Ebberi, yayiindira ohumala emyaaka emia chine neende kidatu (403) haandi niyeebula abaana baandi abasyaani neende abahaana.
16Ebberi niyoosa emyaaka amahumi kadatu neende kine eky'obuhuluundu, yeebula Pelegi. 17Ebberi n'amalire ohwiibula Pelegi, yayiindira ohumala emyaaka emia chine neende amahumi kadatu (430), haandi yeebula abaana baandi abasyaani neende abahaana.
18Pelegi niyoosa emyaaka amahumi kadatu eky'obuhuluundu, yeebula Rewu. 19Pelegi n'amalire ohwiibula Rewu, yayiindira ohumala emyaaka emia chibiri neende kitaanu-na-kine (209), haandi yeebula abaana baandi abasyaani neende abahaana.
20Rewu niyoosa emyaaka amahumi kadatu neende kibiri eky'obuhuluundu, yeebula Serugi. 21Rewu n'amalire ohwiibula Serugi, yayiindira ohumala emyaaka emia chibiri neende kitaanu-na-kibiri (207) haandi yeebula abaana baandi abasyaani neende abahaana.
22Serugi niyoosa emyaaka amahumi kadatu eky'obuhuluundu, yeebula Nahori. 23Serugi n'amalire ohwiibula Nahori, yayiindira ohumala emyaaka emia chibiri (200) haandi niyeebula abaana baandi abasyaani neende abahaana.
24Nahori niyoosa emyaaka amahumi kabiri neende kitaanu-na-kine eky'obuhuluundu, yeebula Tera. 25Nahori n'amalire ohwiibula Tera, yayiindira ohumala emyaaka emia ndala neende ehumi neende kitaanu-na-kine (119) haandi niyeebula abaana baandi abasyaani neende abahaana.
26Tera niyoosa emyaaka amahumi kataanu-na-kabiri, yeebula Abburamu, Nahori, neende Harani.
Abeechuhulu ba Tera
27Bano nibo abeechuhulu ba Tera. Tera yeebula Abburamu, Nahori neende Harani; nae Harani niyeebula Loti. 28Harani yafwa ohutaangirira Tera laatang'ene mu syaalo siyebulirwamo esya Wuri, esyali esy'Abakalidaani. 29Abburamu neende mwaanang'ina Nahori beecha badeehya. Eliita ly'omuhasi wa Abburamu lyali Sarai, nae eliita ly'omuhasi wa Nahori lyali Milika omuhaana wa Harani laatang'ene Yisika yesi. 30Sarai yali omukuumba naabula omwaana yeesi.
31Tera n'abukula Abburamu omwaana wae neende Loti omwaana wa Harani omwiichuhulu wae, neende Sarai muhoomwaana wae Abburamu, mani nibatula Wuri esy'Abakalidaani nibachia ohumenya mu loba lya Kanani. Nae niboola Harani, mani nibamenya ao. 32Tera yayiindira ohumala emyaaka emia chibiri neende kitaanu (205) n'afwiira Harani.
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
©Bible Society of Kenya, 2019
©Bible Society of Uganda, 2019