GÉNESIS 2
2
1Hanaq pachapas kay pachapas tukusqataq karqan, lliw ima hayk'a kaqkunapas. 2Diosmi qanchiskaq p'unchaypi tukurqan ruwasqanta, hinaspan qanchiskaq p'unchaypi samakurqan lliw ruwasqanmanta. 3Chaymi Diosqa qanchiskaq p'unchayta samincharqan sapaqcharqantaq, chay p'unchaypin Diosqa lliw kamasqanmanta samakurqan.
Edenpi runaq tiyasqan
4Kay hina kamasqan karqan hanaq pachapas kay pachapas.
Apu Señor Dios kay pachata hanaq pachata ruwaqtinqa, 5manan kay pachapi ima ch'aphrapas karqanraqchu, manallataq ima q'omer qorapas phutumurqanraqchu. Apu Señor Diosqa manan kay pachaman parachimurqanraqchu, manan runapas hallp'a llank'ananpaq karqanraqchu. 6Aswanpas pukyun pampamanta phullpumuspa kay pachantinman llimp'arqan. 7Hinamantataq ñut'u hallp'amanta Apu Señor Diosqa runata#Hebreo qelqapin kaypi “adam” simi rikhurin, kaymi “runa” nisqa simiman t'ikrakun; “adama” nisqa simimanmi rikch'akun, chay simin “hallp'a” ninanta nin. “Adam” simiqa sutillataqmi, chay hinan 4.25 cheqasmanta qhepaman “Adán” sutiwan t'ikrakun. ruwarqan, hinaspa kawsay samayta senqanman samaykurqan, chaymi runaqa kawsashaq kapurqan.
8Apu Señor Diosmi Edenpi huertata plantarqan, inti lloqsimuy kinraypi, hinaspan ruwasqan runata chayman churarqan. 9Apu Señor Diostaq hallp'amanta phutuchimurqan lliw munayllaña sach'akunata, mikhunapaqpas sumaqta. Churallarqantaq huerta chawpipi kawsachiq sach'atapas, allinkaqta mana allinkaqta reqsichiq sach'atapas.
10Edenmantataq huk mayu lloqsimurqan huertata qarpananpaq, chaymantataq tawaman p'alqarqan. 11Ñawpaqkaqpa sutinmi Pisón karqan, chaymi Havila nisqa lliw hallp'anta purin, chaypin kan qori. 12Chay hallp'a qoriqa ch'uyan, chaypin kallantaq q'apaq gomapas yanayoq yuraq umiñapas. 13Iskaykaq mayuq sutintaq Gihón karqan, Kus nisqa lliw hallp'anta purin. 14Kinsakaq mayuq sutintaq Tigris karqan, chaymi Asiriaq inti lloqsimuy kinrayninta purin. Tawakaq mayutaq Eufrates karqan.
15Apu Señor Diosmi runata Edén huertaman churarqan llank'ananpaq waqaychananpaqwan, 16hinaspan runata kamachirqan:
—Atinkin huertapi llapa sach'a ruru mikhuyta, 17ichaqa allinkaqta mana allinkaqta reqsichiq sach'a rurutan ama mikhunkichu, chayta mikhunki chayqa, wañunkipunin, nispa. 18Hinaspan Apu Señor Diosqa nirqan:
—Manan allinchu qhariq sapallan kanan, paypaq hinapuni yanapaqninta ruwapusaq, nispa. 19-20Hinan Apu Señor Diosqa hallp'amanta ruwarqan lliw salqa uywakunata, llapa phalaq animalkunatapas, hinaspan runaman chaykunata asuykachirqan sutichananpaq. Hinaqtinmi runaqa suticharqan llapa uywata, phalaq animaltapas, llapa salqa uywakunatapas, hinan sapanka animalqa runaq sutichasqan kapurqan, runapaqmi ichaqa paypaq hinapuni yanapaqnin mana karqanchu. 21Chaymi Apu Señor Diosqa runata misk'ita puñurqochirqan, puñushaqtintaq huknin waqtanta horqorqan, hinaspataq aychanta wisq'aykapurqan. 22Hinaspan Apu Señor Diosqa qharimanta horqosqan waqtamanta warmita ruwarqan, hinaspataq qhariman pusamurqan.
23Hinan qhariqa kusikurqan:
—¡Kaymá!
Tulluy tulluyoqqa,
aychay aychayoqqa,
kaymi “Warmi” sutiyoq kanqa
qharimanta horqosqa kasqanrayku #Hebreo rimaypi “warmi” simiqa “ishshah” nisqa qelqasqa kashan, “qhari” simitaq “ish” nisqa., nispa.
24Chayrayku, qhariqa taytantapas mamantapas saqepunqa, hinaspan warminman hukllachaykakapunqa, huk aychallataq kapunqaku.
25Iskayninkutaq q'alalla karqanku, qharipas warmipas, manataq p'enqanakurqankuchu.
सध्या निवडलेले:
GÉNESIS 2: QC88
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Biblia en Quechua de Cuzco © Sociedades Bíblicas Unidas, 1988.
GÉNESIS 2
2
1Hanaq pachapas kay pachapas tukusqataq karqan, lliw ima hayk'a kaqkunapas. 2Diosmi qanchiskaq p'unchaypi tukurqan ruwasqanta, hinaspan qanchiskaq p'unchaypi samakurqan lliw ruwasqanmanta. 3Chaymi Diosqa qanchiskaq p'unchayta samincharqan sapaqcharqantaq, chay p'unchaypin Diosqa lliw kamasqanmanta samakurqan.
Edenpi runaq tiyasqan
4Kay hina kamasqan karqan hanaq pachapas kay pachapas.
Apu Señor Dios kay pachata hanaq pachata ruwaqtinqa, 5manan kay pachapi ima ch'aphrapas karqanraqchu, manallataq ima q'omer qorapas phutumurqanraqchu. Apu Señor Diosqa manan kay pachaman parachimurqanraqchu, manan runapas hallp'a llank'ananpaq karqanraqchu. 6Aswanpas pukyun pampamanta phullpumuspa kay pachantinman llimp'arqan. 7Hinamantataq ñut'u hallp'amanta Apu Señor Diosqa runata#Hebreo qelqapin kaypi “adam” simi rikhurin, kaymi “runa” nisqa simiman t'ikrakun; “adama” nisqa simimanmi rikch'akun, chay simin “hallp'a” ninanta nin. “Adam” simiqa sutillataqmi, chay hinan 4.25 cheqasmanta qhepaman “Adán” sutiwan t'ikrakun. ruwarqan, hinaspa kawsay samayta senqanman samaykurqan, chaymi runaqa kawsashaq kapurqan.
8Apu Señor Diosmi Edenpi huertata plantarqan, inti lloqsimuy kinraypi, hinaspan ruwasqan runata chayman churarqan. 9Apu Señor Diostaq hallp'amanta phutuchimurqan lliw munayllaña sach'akunata, mikhunapaqpas sumaqta. Churallarqantaq huerta chawpipi kawsachiq sach'atapas, allinkaqta mana allinkaqta reqsichiq sach'atapas.
10Edenmantataq huk mayu lloqsimurqan huertata qarpananpaq, chaymantataq tawaman p'alqarqan. 11Ñawpaqkaqpa sutinmi Pisón karqan, chaymi Havila nisqa lliw hallp'anta purin, chaypin kan qori. 12Chay hallp'a qoriqa ch'uyan, chaypin kallantaq q'apaq gomapas yanayoq yuraq umiñapas. 13Iskaykaq mayuq sutintaq Gihón karqan, Kus nisqa lliw hallp'anta purin. 14Kinsakaq mayuq sutintaq Tigris karqan, chaymi Asiriaq inti lloqsimuy kinrayninta purin. Tawakaq mayutaq Eufrates karqan.
15Apu Señor Diosmi runata Edén huertaman churarqan llank'ananpaq waqaychananpaqwan, 16hinaspan runata kamachirqan:
—Atinkin huertapi llapa sach'a ruru mikhuyta, 17ichaqa allinkaqta mana allinkaqta reqsichiq sach'a rurutan ama mikhunkichu, chayta mikhunki chayqa, wañunkipunin, nispa. 18Hinaspan Apu Señor Diosqa nirqan:
—Manan allinchu qhariq sapallan kanan, paypaq hinapuni yanapaqninta ruwapusaq, nispa. 19-20Hinan Apu Señor Diosqa hallp'amanta ruwarqan lliw salqa uywakunata, llapa phalaq animalkunatapas, hinaspan runaman chaykunata asuykachirqan sutichananpaq. Hinaqtinmi runaqa suticharqan llapa uywata, phalaq animaltapas, llapa salqa uywakunatapas, hinan sapanka animalqa runaq sutichasqan kapurqan, runapaqmi ichaqa paypaq hinapuni yanapaqnin mana karqanchu. 21Chaymi Apu Señor Diosqa runata misk'ita puñurqochirqan, puñushaqtintaq huknin waqtanta horqorqan, hinaspataq aychanta wisq'aykapurqan. 22Hinaspan Apu Señor Diosqa qharimanta horqosqan waqtamanta warmita ruwarqan, hinaspataq qhariman pusamurqan.
23Hinan qhariqa kusikurqan:
—¡Kaymá!
Tulluy tulluyoqqa,
aychay aychayoqqa,
kaymi “Warmi” sutiyoq kanqa
qharimanta horqosqa kasqanrayku #Hebreo rimaypi “warmi” simiqa “ishshah” nisqa qelqasqa kashan, “qhari” simitaq “ish” nisqa., nispa.
24Chayrayku, qhariqa taytantapas mamantapas saqepunqa, hinaspan warminman hukllachaykakapunqa, huk aychallataq kapunqaku.
25Iskayninkutaq q'alalla karqanku, qharipas warmipas, manataq p'enqanakurqankuchu.
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Biblia en Quechua de Cuzco © Sociedades Bíblicas Unidas, 1988.