JUAN 7
7
Jesuspa wawqenkunaq mana iñisqanku
1Chaykuna qhepatan Jesusqa Galileapi purirqan, Judeapiqa manan puriyta munarqanchu, Judío umallikuna payta wañuchiytapuni munaqtinku. 2Judío runakunaq Ch'uklla Ruway Fiestanmi sispamusharqanña. 3Wawqenkunan Jesusta nirqanku: —Ama kaypichu qhepay, aswanpas Judeaman ripuy, chaypi yachachisqaykikunapas ruwasqaykikunata rikunankupaq. 4Pipas reqsichikuyta munaspaqa, manan pakapiqa imatapas ruwanchu. Milagrokunata ruwashaspaykiqa llapa runaq rikusqanyá ruway, nispa. 5Wawqenkunapas manan paypiqa iñirqankuchu.
6Jesustaq paykunata nirqan: —Ñoqaq tiempoyqa manaraqmi chayamunchu, qankunapaqmi ichaqa ima tiempopas allillan. 7Qankunataqa manan runakunaqa cheqnikusunkichismanchu, ñoqatan ichaqa cheqnikuwan ruwasqanku mana allin kasqanta sut'inchashasqayrayku. 8Qankunayá fiestamanqa wichaychis, ñoqaqa manaraqmi chay fiestamanqa wichasaqchu, tiempoyqa manaraq hunt'akusqanrayku, nispa.
9Chayta paykunaman nispataq Galileapi qhepakurqan.
Ch'uklla Ruway Fiestapi Jesuspa kasqan
10Wawqenkuna wichaqtinkutaq ichaqa, Jesuspas fiestamanqa wichallarqantaq, manan sut'itachu, aswanpas pakapi hinallan. 11Judío umallikunataq payta maskharqanku: —¿Maypitaq chay runaqa? nispa.
12Jesusmantan runakuna anchata chhiwchinakurqanku. Wakinmi nirqanku: —Allin runan, nispa. Wakintaq nirqanku: —Manan, aswanpas runakunatan q'otun, nispa. 13Ichaqa manan pipas sut'ita paymanta rimaqchu Judío umallikunata manchakuspa.
14Kuskan fiestaña kashaqtintaq Jesusqa Dios yupaychana wasiman wicharqan, hinaspan yachachirqan. 15Chaymi Judío umallikunaqa musphaspa nirqanku: —¿Imaynatan kay runaqa mana yachachisqa kashaspa imaymanata yachan? nispa.
16Hinan Jesusqa paykunata nirqan: —Yachachikuyniyqa manan ñoqaqchu, aswanpas kachamuwaqniy Diospan. 17Pipas Diospa munayninta ruwayta munaqqa, yachanqan Diosmantachus yachachikuyniy kasqanta, icha ñoqa kikillaymantachus rimasqaytapas. 18Pay kikinmanta rimaqqa hukkunaq hatunchanallantan maskhan, kachamuqninpaq hatunchayta maskhaqmi ichaqa cheqaq-kayta rimaq, payqa chanintaqmi kanpas.
19Moisesqa kamachikuy simitan churapurqasunkichis riki. Chaywanpas manan mayqenniykichispas kamachikuy simitaqa hunt'ankichischu. ¿Imanaqtintaq wañuchiytapuni munashawankichis? nispa.
20Runakunataq nirqanku: —Supaypa hunt'aykusqanmi kanki, ¿pin qanta wañuchiyta munashasunki? nispa.
21Jesustaq paykunata nirqan: —Huk milagrotan ruwarqani, chaymi lliwlla musphashankichis. 22Moisesmi qhari-kay qaracha señalayta saqerqasunkichis, chaymi samana p'unchaypipas qhari wawata señalankichis. (Manan Moisespachu, aswanpas ñawpa machulakunaqmi karqan). 23Moisespa kamachikuy simin mana p'akisqa kananpaqmi samana p'unchaypipas qhari wawata señalankichis, ¿chaychu ñoqapaq phiñakunkichis, samana p'unchaypi huk runata qhaliy-qhalita qhaliyachisqayrayku? 24Ama imayna rikch'akusqanman hinallaqa juzgaychischu, aswanpas allin chaninchaywan juzgaychis, nispa.
Maymantachus kasqanta Jesuspa rimasqan
25Jerusalén llaqta wakin runakunataq nirqanku: ¿Manachu kay runaqa wañuchinankupaq maskhasqanku? 26Qhawariychis, lliwpa rikusqanmi rimashan, manataq payta ima ninkupaschu. ¿Cheqaqtachu icha kamachikuqkunaqa yachanku paypuni Diospa Akllasqan Cristoqa kasqanta? 27Chaywanpas reqsinchismi riki maymantachus kasqanta, Diospa Akllasqan Cristo hamuqtinmi ichaqa mana pipas yachanqachu maymantachus kasqanta, nispa.
28Hinan Jesusqa Dios yupaychana wasipi yachachishaspa kunkayoqta nirqan: —¿Ñoqataqa reqsiwankichispunichu? ¿Yachankichischu maymantachus kasqaytapas? Manan kikiymantachu hamuni, kachamuwaqniy Yayan ichaqa cheqaq, paytan qankunaqa mana reqsinkichischu. 29Ñoqaqa payta reqsinin paymanta hamusqayrayku, paytaqmi kachamuwarqan, nispa.
30Chaymi Jesusta hap'iytapuni munarqanku, ichaqa manan pipas payta hap'irqanchu, manaraq hora chayamusqanrayku. 31Askha runakunataq paypi iñirqanku, hinaspan nirqanku: —Diospa Akllasqan Cristo hamuspaqa, ¿aswantaraqchu milagrokunata ruwanqa kay runaq ruwasqanmantaqa? nispa.
Jesusta presota apayta munasqanku
32Fariseokunan*f** uyarirqanku Jesusmanta runakunaq chhiwchinakusqankuta, hinaspan sacerdote umallikuna fariseokunapiwan*f** Dios yupaychana wasi guardiakunata kacharqanku Jesusta hap'imunankupaq. 33Chaymi Jesusqa nirqan: —Pisi tiempollatawanñan qankunawan kasaq, hinaspan kachamuwaqniyman kutipusaq. 34Maskhawankichismi manataq tariwankichischu, maypichus ñoqa kasaq chaymanqa manan chayayta atiwaqchischu, nispa.
35Chaymi Judío umallikunaqa ninakurqanku: —¿Maytataq kayri ripunqa mana tarimunanchispaq? ¿Wak llaqtakunapi ch'eqesqa Judío runakunaqtachu ripunqa? Icha, ¿mana Judío runakunata yachachiqchu rinqa? 36¿Ima ninantataq kay runaqa nin: Maskhawankichismi manataq tariwankichischu, maypichus ñoqa kasaq chaymanqa manan chayayta atiwaqchischu, nispaqa? nispanku.
Kawsachiq unumanta
37Fiesta tukukuy hatun p'unchaypin Jesusqa sayaykuspa kunkayoqta nirqan: —Pipas ch'akichikuqqa ñoqaman hamuchun hinaspa ukyachun. 38Pipas ñoqapi iñiqmantaqa kawsachiq unu mayukunan sonqonmanta puririnqa, Diospa Simin Qelqaq nisqanman hina, nispa.
39Jesusqa chayta nirqan paypi iñiqkuna Santo Espirituta chaskinankumantan, Santo Espirituqa iñiqkunaman manaraqmi hamurqanchu, Jesuspa hanaq pachaman manaraq kutisqanrayku.
Yuyayta mana tupachisqanku
40Chayta uyarispan wakin runakunaqa nirqanku: —Cheqaqtapunin kay runaqa suyakusqanchis profeta*f**, nispa.
41Hukkunataq: —Payqa Diospa Akllasqan Cristopunin, nirqanku. Wakinñataq ichaqa nirqanku: —¿Galileamanta Cristoqa kanmanchu? 42Diospa Simin Qelqan nin: Rey Davidpa mirayninmanta Davidpa kasqan Belén llaqtamantawanmi Diospa Akllasqan Cristoqa hamunqa, nispa. ¿Manachu chayqa hinapuni? nispa.
43Chaymi runakunaqa pay hawa mana yuyayninkuta tupachirqankuchu. 44Hinan wakinninku Jesusta hap'iyta munarqanku, ichaqa manan mayqenpas payta hap'irqanchu.
Kamachikuqkunaq Jesuspi mana iñisqanku
45Dios yupaychana wasi guardiakunan kutirqanku sacerdote umallikunaq fariseokunaq*f** kasqanman, hinan paykunaqa tapurqanku: —¿Imaraykun chay runata mana apamunkichischu? nispa.
46Dios yupaychana wasi guardiakunataq nirqanku: —¡Manan hayk'aqpas chay runa hinaqa pipas rimarqanchu! nispa.
47Chaymi fariseokunaqa*f** paykunata nirqanku: —¿Qankunapas q'oturqachikullankichistaqchu? 48Mayqellanpas kamachikuqkunamanta fariseokunamantawan*f**, ¿Jesuspi iñirqankuchu? 49Chay runakunaqa kamachikuy simitan mana yachankuchu, chaymi paykunaqa ñakasqa kanku, nispa.
50Nicodemoqa fariseokunaq*f** hukninmi karqan, paymi Jesusman tutalla risqa. Chay Nicodemon paykunata nirqan: 51—Kamachikuy siminchisman hinaqa, ¿runa huchachayta atisunmanchu manaraq payta uyarishaspa, manaraq ima ruwasqantapas yachashaspa? nispa.
52Hinan paykunaqa nirqanku: —¿Qanpas Galileamantachu kanki? T'aqwiy Diospa Simin Qelqata, hinaspan yachanki mana hayk'aqpas Galileamanta profetaq*f** sayarimusqanta, nispa.
Wasanchaypi hap'isqa warmimanta
53Hinaspan sapanka wasinkuta ripurqanku.
सध्या निवडलेले:
JUAN 7: QC88
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Biblia en Quechua de Cuzco © Sociedades Bíblicas Unidas, 1988.
JUAN 7
7
Jesuspa wawqenkunaq mana iñisqanku
1Chaykuna qhepatan Jesusqa Galileapi purirqan, Judeapiqa manan puriyta munarqanchu, Judío umallikuna payta wañuchiytapuni munaqtinku. 2Judío runakunaq Ch'uklla Ruway Fiestanmi sispamusharqanña. 3Wawqenkunan Jesusta nirqanku: —Ama kaypichu qhepay, aswanpas Judeaman ripuy, chaypi yachachisqaykikunapas ruwasqaykikunata rikunankupaq. 4Pipas reqsichikuyta munaspaqa, manan pakapiqa imatapas ruwanchu. Milagrokunata ruwashaspaykiqa llapa runaq rikusqanyá ruway, nispa. 5Wawqenkunapas manan paypiqa iñirqankuchu.
6Jesustaq paykunata nirqan: —Ñoqaq tiempoyqa manaraqmi chayamunchu, qankunapaqmi ichaqa ima tiempopas allillan. 7Qankunataqa manan runakunaqa cheqnikusunkichismanchu, ñoqatan ichaqa cheqnikuwan ruwasqanku mana allin kasqanta sut'inchashasqayrayku. 8Qankunayá fiestamanqa wichaychis, ñoqaqa manaraqmi chay fiestamanqa wichasaqchu, tiempoyqa manaraq hunt'akusqanrayku, nispa.
9Chayta paykunaman nispataq Galileapi qhepakurqan.
Ch'uklla Ruway Fiestapi Jesuspa kasqan
10Wawqenkuna wichaqtinkutaq ichaqa, Jesuspas fiestamanqa wichallarqantaq, manan sut'itachu, aswanpas pakapi hinallan. 11Judío umallikunataq payta maskharqanku: —¿Maypitaq chay runaqa? nispa.
12Jesusmantan runakuna anchata chhiwchinakurqanku. Wakinmi nirqanku: —Allin runan, nispa. Wakintaq nirqanku: —Manan, aswanpas runakunatan q'otun, nispa. 13Ichaqa manan pipas sut'ita paymanta rimaqchu Judío umallikunata manchakuspa.
14Kuskan fiestaña kashaqtintaq Jesusqa Dios yupaychana wasiman wicharqan, hinaspan yachachirqan. 15Chaymi Judío umallikunaqa musphaspa nirqanku: —¿Imaynatan kay runaqa mana yachachisqa kashaspa imaymanata yachan? nispa.
16Hinan Jesusqa paykunata nirqan: —Yachachikuyniyqa manan ñoqaqchu, aswanpas kachamuwaqniy Diospan. 17Pipas Diospa munayninta ruwayta munaqqa, yachanqan Diosmantachus yachachikuyniy kasqanta, icha ñoqa kikillaymantachus rimasqaytapas. 18Pay kikinmanta rimaqqa hukkunaq hatunchanallantan maskhan, kachamuqninpaq hatunchayta maskhaqmi ichaqa cheqaq-kayta rimaq, payqa chanintaqmi kanpas.
19Moisesqa kamachikuy simitan churapurqasunkichis riki. Chaywanpas manan mayqenniykichispas kamachikuy simitaqa hunt'ankichischu. ¿Imanaqtintaq wañuchiytapuni munashawankichis? nispa.
20Runakunataq nirqanku: —Supaypa hunt'aykusqanmi kanki, ¿pin qanta wañuchiyta munashasunki? nispa.
21Jesustaq paykunata nirqan: —Huk milagrotan ruwarqani, chaymi lliwlla musphashankichis. 22Moisesmi qhari-kay qaracha señalayta saqerqasunkichis, chaymi samana p'unchaypipas qhari wawata señalankichis. (Manan Moisespachu, aswanpas ñawpa machulakunaqmi karqan). 23Moisespa kamachikuy simin mana p'akisqa kananpaqmi samana p'unchaypipas qhari wawata señalankichis, ¿chaychu ñoqapaq phiñakunkichis, samana p'unchaypi huk runata qhaliy-qhalita qhaliyachisqayrayku? 24Ama imayna rikch'akusqanman hinallaqa juzgaychischu, aswanpas allin chaninchaywan juzgaychis, nispa.
Maymantachus kasqanta Jesuspa rimasqan
25Jerusalén llaqta wakin runakunataq nirqanku: ¿Manachu kay runaqa wañuchinankupaq maskhasqanku? 26Qhawariychis, lliwpa rikusqanmi rimashan, manataq payta ima ninkupaschu. ¿Cheqaqtachu icha kamachikuqkunaqa yachanku paypuni Diospa Akllasqan Cristoqa kasqanta? 27Chaywanpas reqsinchismi riki maymantachus kasqanta, Diospa Akllasqan Cristo hamuqtinmi ichaqa mana pipas yachanqachu maymantachus kasqanta, nispa.
28Hinan Jesusqa Dios yupaychana wasipi yachachishaspa kunkayoqta nirqan: —¿Ñoqataqa reqsiwankichispunichu? ¿Yachankichischu maymantachus kasqaytapas? Manan kikiymantachu hamuni, kachamuwaqniy Yayan ichaqa cheqaq, paytan qankunaqa mana reqsinkichischu. 29Ñoqaqa payta reqsinin paymanta hamusqayrayku, paytaqmi kachamuwarqan, nispa.
30Chaymi Jesusta hap'iytapuni munarqanku, ichaqa manan pipas payta hap'irqanchu, manaraq hora chayamusqanrayku. 31Askha runakunataq paypi iñirqanku, hinaspan nirqanku: —Diospa Akllasqan Cristo hamuspaqa, ¿aswantaraqchu milagrokunata ruwanqa kay runaq ruwasqanmantaqa? nispa.
Jesusta presota apayta munasqanku
32Fariseokunan*f** uyarirqanku Jesusmanta runakunaq chhiwchinakusqankuta, hinaspan sacerdote umallikuna fariseokunapiwan*f** Dios yupaychana wasi guardiakunata kacharqanku Jesusta hap'imunankupaq. 33Chaymi Jesusqa nirqan: —Pisi tiempollatawanñan qankunawan kasaq, hinaspan kachamuwaqniyman kutipusaq. 34Maskhawankichismi manataq tariwankichischu, maypichus ñoqa kasaq chaymanqa manan chayayta atiwaqchischu, nispa.
35Chaymi Judío umallikunaqa ninakurqanku: —¿Maytataq kayri ripunqa mana tarimunanchispaq? ¿Wak llaqtakunapi ch'eqesqa Judío runakunaqtachu ripunqa? Icha, ¿mana Judío runakunata yachachiqchu rinqa? 36¿Ima ninantataq kay runaqa nin: Maskhawankichismi manataq tariwankichischu, maypichus ñoqa kasaq chaymanqa manan chayayta atiwaqchischu, nispaqa? nispanku.
Kawsachiq unumanta
37Fiesta tukukuy hatun p'unchaypin Jesusqa sayaykuspa kunkayoqta nirqan: —Pipas ch'akichikuqqa ñoqaman hamuchun hinaspa ukyachun. 38Pipas ñoqapi iñiqmantaqa kawsachiq unu mayukunan sonqonmanta puririnqa, Diospa Simin Qelqaq nisqanman hina, nispa.
39Jesusqa chayta nirqan paypi iñiqkuna Santo Espirituta chaskinankumantan, Santo Espirituqa iñiqkunaman manaraqmi hamurqanchu, Jesuspa hanaq pachaman manaraq kutisqanrayku.
Yuyayta mana tupachisqanku
40Chayta uyarispan wakin runakunaqa nirqanku: —Cheqaqtapunin kay runaqa suyakusqanchis profeta*f**, nispa.
41Hukkunataq: —Payqa Diospa Akllasqan Cristopunin, nirqanku. Wakinñataq ichaqa nirqanku: —¿Galileamanta Cristoqa kanmanchu? 42Diospa Simin Qelqan nin: Rey Davidpa mirayninmanta Davidpa kasqan Belén llaqtamantawanmi Diospa Akllasqan Cristoqa hamunqa, nispa. ¿Manachu chayqa hinapuni? nispa.
43Chaymi runakunaqa pay hawa mana yuyayninkuta tupachirqankuchu. 44Hinan wakinninku Jesusta hap'iyta munarqanku, ichaqa manan mayqenpas payta hap'irqanchu.
Kamachikuqkunaq Jesuspi mana iñisqanku
45Dios yupaychana wasi guardiakunan kutirqanku sacerdote umallikunaq fariseokunaq*f** kasqanman, hinan paykunaqa tapurqanku: —¿Imaraykun chay runata mana apamunkichischu? nispa.
46Dios yupaychana wasi guardiakunataq nirqanku: —¡Manan hayk'aqpas chay runa hinaqa pipas rimarqanchu! nispa.
47Chaymi fariseokunaqa*f** paykunata nirqanku: —¿Qankunapas q'oturqachikullankichistaqchu? 48Mayqellanpas kamachikuqkunamanta fariseokunamantawan*f**, ¿Jesuspi iñirqankuchu? 49Chay runakunaqa kamachikuy simitan mana yachankuchu, chaymi paykunaqa ñakasqa kanku, nispa.
50Nicodemoqa fariseokunaq*f** hukninmi karqan, paymi Jesusman tutalla risqa. Chay Nicodemon paykunata nirqan: 51—Kamachikuy siminchisman hinaqa, ¿runa huchachayta atisunmanchu manaraq payta uyarishaspa, manaraq ima ruwasqantapas yachashaspa? nispa.
52Hinan paykunaqa nirqanku: —¿Qanpas Galileamantachu kanki? T'aqwiy Diospa Simin Qelqata, hinaspan yachanki mana hayk'aqpas Galileamanta profetaq*f** sayarimusqanta, nispa.
Wasanchaypi hap'isqa warmimanta
53Hinaspan sapanka wasinkuta ripurqanku.
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Biblia en Quechua de Cuzco © Sociedades Bíblicas Unidas, 1988.