LUCAS 20
20
Jesusta atiyninmanta tapusqanku
(Mt 21.23-27; Mr 11.27-33)
1Huk p'unchaymi Dios yupaychana wasipi runakunata Jesús yachachispan Diosmanta allin willakuykunata willashaqtin, sacerdote umallikuna, kamachikuy simita yachachiqkuna, kurak runakunapiwan Jesusman asuykuspa 2nirqanku: —Niwayku, ¿ima atiywanmi kaykunata ruwanki? ¿Pitaq kay atiyta qorqasunki? nispa.
3Hinaqtinmi Jesusqa paykunata nirqan: —Ñoqapas hukta tapuykusqaykichis. 4¿Pitaq Juanta kachamurqan bautizananpaq? ¿Dioschu? Icha, ¿runakunachu? Niwaychis, nispa.
5Hinan paykunaqa ninakurqanku: —“Diosmi” nisun chayqa, ninqan: ¿Imaraykun payta mana creerqankichischu? nispan. 6“Runakunan” nisun chayqa, llapa runan ch'aqewasun, Juanqa cheqaq profetapuni*f** kasqanta yuyasqankurayku, nispa. 7Chaymi nirqanku: —Pichus kachamusqantaqa manan yachaykuchu, nispa. 8Chaymi Jesuspas paykunata nirqan: —Ñoqapas manallataqmi niykichismanchu ima atiywanchus kaykunata ruwasqayta, nispa.
Uvas chakrata llank'aqkunamanta
(Mt 21.33-46; Mr 12.1-12)
9Kay rikch'anachiy simitan runakunaman Jesusqa nirqan: —Huk runan chakranpi uvas yurakunata plantarqan, hinaspan llank'aqkunaman wakiypi qospa unaypaq karuman ripurqan. 10Uvas pallana chayamuqtinmi chakrayoqqa huknin kamachinta kacharqan payman tupaq uvasta llank'aqkunamanta chaskinanpaq. Llank'aqkunataq ichaqa maqaykuspa mana imayoqta qatirparirqanku. 11Wakmantataq paykunaman hukkaq kamachinta kacharqan, chaytapas maqaykuspa millayta k'amispa, mana imayoqta qatirparirqanku. 12Hukkaqtañataq wakmanta kacharqan. Chaytapas maqaykuspallataq qarqorqanku.
13Hinaqtinmi uvas chakrayoqqa nirqan: —¿Imanasaqtaq? Munasqay churiyta kachasaq, payta rikuspaqa ichapas respetanqaku, nispa. 14Llank'aqkunataq ichaqa payta rikuspa ninakurqanku: —Kayqa chakrayoqpa churinmi, wañurqachisun, chakrataq ñoqanchispaq kapunqa, nispanku. 15Hinaspan uvas chakra hawaman aysaspa wañuchirqanku.
Chaymi Jesusqa nirqan: —Uvas chakrayoqqa, ¿imananqataq paykunata? 16Hamunqan, hinaspan kay llank'aqkunata wañuchinqa, uvas chakrantataq hukkunaman qopunqa, nispa.
Chayta uyarispankutaq runakunaqa nirqanku: —¡Amayá chay hinaqa kachunchu! nispanku.
17Jesustaq paykunata qhawaykuspa nirqan: —Sut'inchawaychis, Diospa Simin Qelqan kay hinata nin:
Wasi perqaqkunaq wikch'usqan rumin
esquina hap'iq churasqa kapun, nispa.
18Pipas chay rumi pataman urmaqqa p'akikunqan, piqpa patanmanchus rumi urmaykuspataqmi ñut'unqa, nispa.
Contribucionmanta
(Mt 22.15-22; Mr 12.13-17)
19Hinan sacerdote umallikunaqa kamachikuy simita yachachiqkunapiwan chay rato Jesusta hap'irqoytapuni munarqanku, paykuna contra chay rikch'anachiy simita nisqanta reparaspanku, ichaqa runakunatan manchakurqanku.
20Hinamantataq chanin runaman tukuq qhamiyaqkunata kacharqanku ima rimasqallanpipas Jesusta hap'irqospa chayman tumpalla kamachikuqman payta entreganankupaq. 21Paykunan Jesusta tapurqanku: —Yachachikuq, chanin rimasqaykitapas yachachisqaykitapas yachaykun. Qanqa manan pimanpas sayakunkichu, aswanpas Diospa munayninman hinapuni kawsanatan yachachinki. 22¿Allinchu hatun rey Cesarman contribucionta pagay? Icha, ¿manachu? nispa.
23Jesustaq ichaqa llullallawan tapusqankuta yachaspan nirqan: 24—Qhawachiwaychis huk qolqeta. ¿Piqpa uyantaq kaypi kashan? ¿Piqpa sutintaq kaypi qelqasqa kashan? nispa.
Hinan paykunaqa: —Hatun rey Cesarpan, nirqanku.
25Hinaqtinmi Jesusqa nirqan: —Hatun rey Cesarpa kaqtaqqa Cesarman qopuychis, Diospa kaqtataq Diosman qopuychis, nispa.
26Chay hinapin runakunaq qayllanpi mana pantaspa rimaqtin mana hap'irqoyta atirqankuchu, aswanmi kutichikusqanmanta musphaspa upallarqanku.
Kawsarimpuymanta tapusqanku
(Mt 22.23-33; Mr 12.18-27)
27Saduceokunaqa*f** kawsarimpuy kananta manan creenkuchu. Chaymi wakinninku Jesusman asuykuspa tapurqanku: 28—Yachachikuq, Moisesmi qelqapuwarqanku: Piqpa wawqenpas casarakuspa mana wawayoq kashaspa wañukapunman chayqa, wawqenmi chay viudawan casarakunan, hinaspan wawqenpaq wawata churiyapunan, nispa. 29Qanchis wawqekunan karqanku, ñawpaqkaqmi casarakurqan, manaraq wawayoq kashaspataq wañukapurqan. 30Iskay kaqpas viudawan casarakurqan, hinan chaypas mana wawallayoqtaq wañukapurqan, 31kinsakaqpas chay viudawan casarakullarqantaq, chay hinatakama qanchisnintin casarakuspa mana wawayoqkama wañukapurqanku. 32Warmipas qhepankuta wañukapullarqantaq. 33Kawsarimpuy p'unchaypi kawsarimpuqtinkuri, ¿mayqenkaqpa warmintaq kanqa? Qanchisnintinmi paywanqa casarakurqanku, nispa.
34Hinaqtinmi Jesusqa paykunata nirqan: —Kay pachallapin qharipas warmipas casarakunku, casarachisqataq kankupas, 35ichaqa wañusqakunamanta kawsarimpunankupaq Diospa akllasqankunaqa hamuq kawsaypiqa manañan casarakunqakuchu, manallataq casarachisqapaschu kanqaku, 36manaña wañuq kasqankurayku. Paykunaqa angelkuna hinañan, Diospa wawankunan kanqaku wañusqakunamanta kawsarimpusqankurayku. 37Wañusqakunaq kawsarimpunan kasqantaqa Moisespas yachachirqanmi t'ankarmanta qelqasqanpi, Señor Diosta “Abrahampa Diosnin, Isaacpa Diosnin, Jacobpa Diosnin”, nispa nishaspa. 38Diosqa manan wañusqakunaq Diosninchu, aswanmi kawsaqkunaq Diosnin, paypaqqa llapankupas kawsanmi, nispa.
39Kamachikuy simita yachachiqkunamanta wakinnintaq nirqanku: —Allintan ninki, Yachachikuq, nispa.
40Manañan astawanqa imatapas tapurqankuñachu.
Kamachikuy simi yachachiqkunata Jesuspa tapusqan
(Mt 22.41-46; Mr 12.35-37)
41Jesustaq paykunata nirqan: —¿Imaynataq ninku Diospa Akllasqan Cristoqa rey Davidpa miraynin kasqanta?
42Kikin Davidmi Salmos qelqapi nin:
Señor Diosmi Señorniyta nirqan:
Pañaneqeyman tiyaykuy
43awqaykikunata pasaqta atipanaykama, nispa.
44Davidmi payta “Señor” nin, ¿imaynapitaq paypa mirayninqa kanman? nispa.
Cuidakuychis kamachikuy simita yachachiqkunamanta, nisqan
(Mt 23.1-36; Mr 12.38-40; Lc 11.37-54)
45Llapa runakuna uyarishaqtinmi Jesusqa yachachisqankunata nirqan: 46Cuidakuychis kamachikuy simita yachachiqkunamanta, paykunan munanku qoysu p'achayoq puriyta, plazakunapi runakunaq napaykunanta, Diosmanta yachachina wasikunapi kurak runakunaq tiyanankunata, hatun mikhuykunapipas allinkaq tiyanakunata. 47Chaywanpas wakcha viudakunaq kaqnintan qechunku, Diosmanta unayta mañakuspataq chay ruwasqankuta pakayta munanku. Paykunan aswan huchachasqaqa kanqaku, nispa.
सध्या निवडलेले:
LUCAS 20: QC88
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Biblia en Quechua de Cuzco © Sociedades Bíblicas Unidas, 1988.
LUCAS 20
20
Jesusta atiyninmanta tapusqanku
(Mt 21.23-27; Mr 11.27-33)
1Huk p'unchaymi Dios yupaychana wasipi runakunata Jesús yachachispan Diosmanta allin willakuykunata willashaqtin, sacerdote umallikuna, kamachikuy simita yachachiqkuna, kurak runakunapiwan Jesusman asuykuspa 2nirqanku: —Niwayku, ¿ima atiywanmi kaykunata ruwanki? ¿Pitaq kay atiyta qorqasunki? nispa.
3Hinaqtinmi Jesusqa paykunata nirqan: —Ñoqapas hukta tapuykusqaykichis. 4¿Pitaq Juanta kachamurqan bautizananpaq? ¿Dioschu? Icha, ¿runakunachu? Niwaychis, nispa.
5Hinan paykunaqa ninakurqanku: —“Diosmi” nisun chayqa, ninqan: ¿Imaraykun payta mana creerqankichischu? nispan. 6“Runakunan” nisun chayqa, llapa runan ch'aqewasun, Juanqa cheqaq profetapuni*f** kasqanta yuyasqankurayku, nispa. 7Chaymi nirqanku: —Pichus kachamusqantaqa manan yachaykuchu, nispa. 8Chaymi Jesuspas paykunata nirqan: —Ñoqapas manallataqmi niykichismanchu ima atiywanchus kaykunata ruwasqayta, nispa.
Uvas chakrata llank'aqkunamanta
(Mt 21.33-46; Mr 12.1-12)
9Kay rikch'anachiy simitan runakunaman Jesusqa nirqan: —Huk runan chakranpi uvas yurakunata plantarqan, hinaspan llank'aqkunaman wakiypi qospa unaypaq karuman ripurqan. 10Uvas pallana chayamuqtinmi chakrayoqqa huknin kamachinta kacharqan payman tupaq uvasta llank'aqkunamanta chaskinanpaq. Llank'aqkunataq ichaqa maqaykuspa mana imayoqta qatirparirqanku. 11Wakmantataq paykunaman hukkaq kamachinta kacharqan, chaytapas maqaykuspa millayta k'amispa, mana imayoqta qatirparirqanku. 12Hukkaqtañataq wakmanta kacharqan. Chaytapas maqaykuspallataq qarqorqanku.
13Hinaqtinmi uvas chakrayoqqa nirqan: —¿Imanasaqtaq? Munasqay churiyta kachasaq, payta rikuspaqa ichapas respetanqaku, nispa. 14Llank'aqkunataq ichaqa payta rikuspa ninakurqanku: —Kayqa chakrayoqpa churinmi, wañurqachisun, chakrataq ñoqanchispaq kapunqa, nispanku. 15Hinaspan uvas chakra hawaman aysaspa wañuchirqanku.
Chaymi Jesusqa nirqan: —Uvas chakrayoqqa, ¿imananqataq paykunata? 16Hamunqan, hinaspan kay llank'aqkunata wañuchinqa, uvas chakrantataq hukkunaman qopunqa, nispa.
Chayta uyarispankutaq runakunaqa nirqanku: —¡Amayá chay hinaqa kachunchu! nispanku.
17Jesustaq paykunata qhawaykuspa nirqan: —Sut'inchawaychis, Diospa Simin Qelqan kay hinata nin:
Wasi perqaqkunaq wikch'usqan rumin
esquina hap'iq churasqa kapun, nispa.
18Pipas chay rumi pataman urmaqqa p'akikunqan, piqpa patanmanchus rumi urmaykuspataqmi ñut'unqa, nispa.
Contribucionmanta
(Mt 22.15-22; Mr 12.13-17)
19Hinan sacerdote umallikunaqa kamachikuy simita yachachiqkunapiwan chay rato Jesusta hap'irqoytapuni munarqanku, paykuna contra chay rikch'anachiy simita nisqanta reparaspanku, ichaqa runakunatan manchakurqanku.
20Hinamantataq chanin runaman tukuq qhamiyaqkunata kacharqanku ima rimasqallanpipas Jesusta hap'irqospa chayman tumpalla kamachikuqman payta entreganankupaq. 21Paykunan Jesusta tapurqanku: —Yachachikuq, chanin rimasqaykitapas yachachisqaykitapas yachaykun. Qanqa manan pimanpas sayakunkichu, aswanpas Diospa munayninman hinapuni kawsanatan yachachinki. 22¿Allinchu hatun rey Cesarman contribucionta pagay? Icha, ¿manachu? nispa.
23Jesustaq ichaqa llullallawan tapusqankuta yachaspan nirqan: 24—Qhawachiwaychis huk qolqeta. ¿Piqpa uyantaq kaypi kashan? ¿Piqpa sutintaq kaypi qelqasqa kashan? nispa.
Hinan paykunaqa: —Hatun rey Cesarpan, nirqanku.
25Hinaqtinmi Jesusqa nirqan: —Hatun rey Cesarpa kaqtaqqa Cesarman qopuychis, Diospa kaqtataq Diosman qopuychis, nispa.
26Chay hinapin runakunaq qayllanpi mana pantaspa rimaqtin mana hap'irqoyta atirqankuchu, aswanmi kutichikusqanmanta musphaspa upallarqanku.
Kawsarimpuymanta tapusqanku
(Mt 22.23-33; Mr 12.18-27)
27Saduceokunaqa*f** kawsarimpuy kananta manan creenkuchu. Chaymi wakinninku Jesusman asuykuspa tapurqanku: 28—Yachachikuq, Moisesmi qelqapuwarqanku: Piqpa wawqenpas casarakuspa mana wawayoq kashaspa wañukapunman chayqa, wawqenmi chay viudawan casarakunan, hinaspan wawqenpaq wawata churiyapunan, nispa. 29Qanchis wawqekunan karqanku, ñawpaqkaqmi casarakurqan, manaraq wawayoq kashaspataq wañukapurqan. 30Iskay kaqpas viudawan casarakurqan, hinan chaypas mana wawallayoqtaq wañukapurqan, 31kinsakaqpas chay viudawan casarakullarqantaq, chay hinatakama qanchisnintin casarakuspa mana wawayoqkama wañukapurqanku. 32Warmipas qhepankuta wañukapullarqantaq. 33Kawsarimpuy p'unchaypi kawsarimpuqtinkuri, ¿mayqenkaqpa warmintaq kanqa? Qanchisnintinmi paywanqa casarakurqanku, nispa.
34Hinaqtinmi Jesusqa paykunata nirqan: —Kay pachallapin qharipas warmipas casarakunku, casarachisqataq kankupas, 35ichaqa wañusqakunamanta kawsarimpunankupaq Diospa akllasqankunaqa hamuq kawsaypiqa manañan casarakunqakuchu, manallataq casarachisqapaschu kanqaku, 36manaña wañuq kasqankurayku. Paykunaqa angelkuna hinañan, Diospa wawankunan kanqaku wañusqakunamanta kawsarimpusqankurayku. 37Wañusqakunaq kawsarimpunan kasqantaqa Moisespas yachachirqanmi t'ankarmanta qelqasqanpi, Señor Diosta “Abrahampa Diosnin, Isaacpa Diosnin, Jacobpa Diosnin”, nispa nishaspa. 38Diosqa manan wañusqakunaq Diosninchu, aswanmi kawsaqkunaq Diosnin, paypaqqa llapankupas kawsanmi, nispa.
39Kamachikuy simita yachachiqkunamanta wakinnintaq nirqanku: —Allintan ninki, Yachachikuq, nispa.
40Manañan astawanqa imatapas tapurqankuñachu.
Kamachikuy simi yachachiqkunata Jesuspa tapusqan
(Mt 22.41-46; Mr 12.35-37)
41Jesustaq paykunata nirqan: —¿Imaynataq ninku Diospa Akllasqan Cristoqa rey Davidpa miraynin kasqanta?
42Kikin Davidmi Salmos qelqapi nin:
Señor Diosmi Señorniyta nirqan:
Pañaneqeyman tiyaykuy
43awqaykikunata pasaqta atipanaykama, nispa.
44Davidmi payta “Señor” nin, ¿imaynapitaq paypa mirayninqa kanman? nispa.
Cuidakuychis kamachikuy simita yachachiqkunamanta, nisqan
(Mt 23.1-36; Mr 12.38-40; Lc 11.37-54)
45Llapa runakuna uyarishaqtinmi Jesusqa yachachisqankunata nirqan: 46Cuidakuychis kamachikuy simita yachachiqkunamanta, paykunan munanku qoysu p'achayoq puriyta, plazakunapi runakunaq napaykunanta, Diosmanta yachachina wasikunapi kurak runakunaq tiyanankunata, hatun mikhuykunapipas allinkaq tiyanakunata. 47Chaywanpas wakcha viudakunaq kaqnintan qechunku, Diosmanta unayta mañakuspataq chay ruwasqankuta pakayta munanku. Paykunan aswan huchachasqaqa kanqaku, nispa.
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Biblia en Quechua de Cuzco © Sociedades Bíblicas Unidas, 1988.