Kîam 20
20
Iburahimu na Abimeleki
1Iburahimu nîwathaamire akiuma Mamure akîthiî mwena wa îveti wa Kanaani na agîtûûra gatagatî ga Kadeshi na Shuri. Vuvarî nîwathiîre Gerari. 2#Kîam 12.13; 26.7 Arî kûu nîwaugire atî mûka Sara aarî mwarwang'ina. Kwoguo Abimeleki mûthamaki wa Gerari nîwaugire avirîrwe Sara. 3Nwatî na njîra ya kîroto Ngai nîwaumîrîre Abimeleki na akîmwîra atîrî, “We nîûgûkua nîûndû wa gwoca mûndûmûka ûyû. Ke nî mûka wene.”
4Nwatî Abimeleki ndaamenyanîte kîîmwîrî na Sara. Kwoguo nîwaugire atîrî, “Ngai-Mûnene, we nwa ûmbûrage wa vamwe na andû akwa na gûtirî ûndû mûcûku mbîkîte? 5Kinthî Iburahimu tîke wambîrire atî Sara nî mwarwang'ina, na Sara akîmbîra wa guo? Nie nekire ûndû ûyû ndarî na thamiri ikûnjuka, na kwoguo ndirî na mavîtia.” 6Nake Ngai-Mûnene nîwacokerie Abimeleki na njîra ya kîroto akîmwîra atîrî, “Îî, Nîmbicî atî wekire ûndû ûcio na thamiri îtarî na ûcuke, na nînie nagiririe ûmvîtîria na ngîgiria ûkuvîvîria Sara. 7Nwatî rîu, cokia mûndûmûka ûyû kûrî mûthuuriwe. Mûthuuri ûcio wake nî mûrathi, na nîagûkûvoera nîguo ndûgaakue. Nwatî ethîrwa tîûmûcokia, nîrakwîra nama atî we nîûgûkua vamwe na andû aku onthe.”
8Mûthenya ûcio wîngî kîraûko tene Abimeleki nîwetire ndungata ciake na agîciîra maûndû mau monthe. Andû acio nîmaamakire mûno. 9Abimeleki nîwacokire agîta Iburahimu na akîmûria atîrî, “Nîkwa ûtwîkire atîa? Nî ûndû ûrîkû mûcûku ngwîkire nîguo ûtûme ndeterwe mathîna nie wana andû arîa mbathaga. Nîûmbîkîte ûndû ûrîa ndagîrîrwe nî gwîkwa. 10Nake Abimeleki nîwaûririe Iburahimu atîrî, ‘Wekire ûguo nîkî?’ ”
11Iburahimu nîwacokirie atîrî, “Nie nekire ûguo nîûndû neciragia gûkû gûtingîthîrwa kûrî na mûndû wîtigîrîte Ngai, na atî nwambûragwe nîûndû wa mûka wakwa. 12Nama ke nî mwarwaiya, nwatî tûtirî a ng'ina ûmwe na nîwatuîkire mûka wakwa. 13Vîndî îrîa Ngai aatûmire nthame nyume kwa vava mûciî, nînerire Sara atîrî, ‘Kûndû kûrîa kuonthe tûkathiîcaga, ûkoonanagia atî nîûmbathîkagîra na kuga atî, we ûrî mwarwaiya.’ ”
14Abimeleki nîwocire ng'ondu, ndegwa, ngombo cia arûme na cia aka, akîvirîra Iburahimu na akîmûcokeria mûka Sara. 15Abimeleki nîwerire Iburahimu atîrî, “Vûrûri ûyû wonthe nî wakwa na nwa ûtûûre wa varîa ûkwenda.” 16Nîwacokire akîra Sara atîrî, “Taroria, nie nînaava mûndû ûrîa mûciaranîrîtue nake mbeca cia sîlûva ngiri îmwe îrî njîra ya kwonia andû onthe arîa mûrî nao atî we ndûrî na ûndû mûcûku wîkîte.”
17Iburahimu nîwavoire Ngai nake akîvonia Abimeleki, mûka wa vamwe na ngombo ciake cia erîtu nîguo magîe na ciana. 18Iburahimu eekire ûguo nîûndû Ngai-Mûnene aarî mûvingu nda ya mûka wa Abimeleki na ndungata ciake cia erîtu nîguo matikaagîe ciana.
सध्या निवडलेले:
Kîam 20: KKB
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
©Bible Society of Kenya, 2019
Kîam 20
20
Iburahimu na Abimeleki
1Iburahimu nîwathaamire akiuma Mamure akîthiî mwena wa îveti wa Kanaani na agîtûûra gatagatî ga Kadeshi na Shuri. Vuvarî nîwathiîre Gerari. 2#Kîam 12.13; 26.7 Arî kûu nîwaugire atî mûka Sara aarî mwarwang'ina. Kwoguo Abimeleki mûthamaki wa Gerari nîwaugire avirîrwe Sara. 3Nwatî na njîra ya kîroto Ngai nîwaumîrîre Abimeleki na akîmwîra atîrî, “We nîûgûkua nîûndû wa gwoca mûndûmûka ûyû. Ke nî mûka wene.”
4Nwatî Abimeleki ndaamenyanîte kîîmwîrî na Sara. Kwoguo nîwaugire atîrî, “Ngai-Mûnene, we nwa ûmbûrage wa vamwe na andû akwa na gûtirî ûndû mûcûku mbîkîte? 5Kinthî Iburahimu tîke wambîrire atî Sara nî mwarwang'ina, na Sara akîmbîra wa guo? Nie nekire ûndû ûyû ndarî na thamiri ikûnjuka, na kwoguo ndirî na mavîtia.” 6Nake Ngai-Mûnene nîwacokerie Abimeleki na njîra ya kîroto akîmwîra atîrî, “Îî, Nîmbicî atî wekire ûndû ûcio na thamiri îtarî na ûcuke, na nînie nagiririe ûmvîtîria na ngîgiria ûkuvîvîria Sara. 7Nwatî rîu, cokia mûndûmûka ûyû kûrî mûthuuriwe. Mûthuuri ûcio wake nî mûrathi, na nîagûkûvoera nîguo ndûgaakue. Nwatî ethîrwa tîûmûcokia, nîrakwîra nama atî we nîûgûkua vamwe na andû aku onthe.”
8Mûthenya ûcio wîngî kîraûko tene Abimeleki nîwetire ndungata ciake na agîciîra maûndû mau monthe. Andû acio nîmaamakire mûno. 9Abimeleki nîwacokire agîta Iburahimu na akîmûria atîrî, “Nîkwa ûtwîkire atîa? Nî ûndû ûrîkû mûcûku ngwîkire nîguo ûtûme ndeterwe mathîna nie wana andû arîa mbathaga. Nîûmbîkîte ûndû ûrîa ndagîrîrwe nî gwîkwa. 10Nake Abimeleki nîwaûririe Iburahimu atîrî, ‘Wekire ûguo nîkî?’ ”
11Iburahimu nîwacokirie atîrî, “Nie nekire ûguo nîûndû neciragia gûkû gûtingîthîrwa kûrî na mûndû wîtigîrîte Ngai, na atî nwambûragwe nîûndû wa mûka wakwa. 12Nama ke nî mwarwaiya, nwatî tûtirî a ng'ina ûmwe na nîwatuîkire mûka wakwa. 13Vîndî îrîa Ngai aatûmire nthame nyume kwa vava mûciî, nînerire Sara atîrî, ‘Kûndû kûrîa kuonthe tûkathiîcaga, ûkoonanagia atî nîûmbathîkagîra na kuga atî, we ûrî mwarwaiya.’ ”
14Abimeleki nîwocire ng'ondu, ndegwa, ngombo cia arûme na cia aka, akîvirîra Iburahimu na akîmûcokeria mûka Sara. 15Abimeleki nîwerire Iburahimu atîrî, “Vûrûri ûyû wonthe nî wakwa na nwa ûtûûre wa varîa ûkwenda.” 16Nîwacokire akîra Sara atîrî, “Taroria, nie nînaava mûndû ûrîa mûciaranîrîtue nake mbeca cia sîlûva ngiri îmwe îrî njîra ya kwonia andû onthe arîa mûrî nao atî we ndûrî na ûndû mûcûku wîkîte.”
17Iburahimu nîwavoire Ngai nake akîvonia Abimeleki, mûka wa vamwe na ngombo ciake cia erîtu nîguo magîe na ciana. 18Iburahimu eekire ûguo nîûndû Ngai-Mûnene aarî mûvingu nda ya mûka wa Abimeleki na ndungata ciake cia erîtu nîguo matikaagîe ciana.
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
©Bible Society of Kenya, 2019