NƐHIMAYA 9
9
Nungeisia ti Ngayeinga a ti Jumbuisia
1Kiahuna folo nuu gbɔyɔngɔ mahu naani ma ngawui ji hu ti Isleɛl nungeisia ti yandɔilɔ a hou la tawao bɛkii gulangaa ti ti ma, tawao fufulengaa ti yɛ ti wumbeisia ya. 2Na wooma Isleɛl mbondeisia ti tiayekpe gbuailɔ hotangeisia gbi lia kɛ ti loonga ti ngayei a ti jumbuisia kɛ jumbui nasia ti mbondeisia ti yɛ wɔ pieni. 3Ti loilɔ ti heimei kɛ ti kɔlɔ gaanga a gbua Ndemɔi ti Yewɔi jawa gɔlei hu haawa sawa va kɛ haawa sawa weka va ti ngayeilɔ kɛ ti Ndemɔi ti Yewɔi vɛlinga. 4Na wooma Jɛsua kɛ Banai, kɛ Kadimiɛli kɛ Sɛbanaya, kɛ Buni, kɛ Sɛlɛbaya kɛ Bani kɛ Kɛnani ti loilɔ Livaitisia ti kpakpawulu heimeisia ma kɛ ti wɔlɔnga ngeleya Ndemɔi ti Yewɔi gama. 5Na wooma Livaitisia, Jɛsua kɛ Kadimiɛli, kɛ Banai, kɛ Hasabɛnɛya, kɛ Sɛlɛbaya, kɛ Hodaya, kɛ Sɛbanaya, kɛ Pɛtahaya ndeilɔ tɛɛ, “A hiye wu Ndemɔi wu Yewɔi lato kunafɔ va. Luba i yɛ bi mavo biyei ma, na ngaa lɛngɔ i lewe lubei kɛ tatoi gbi ma.”
Kaye Hei Jumbuisia va
6Kɛ Ɛsla ndenga yɛ: “Bia yakpe mia Ndemɔi a bie; bi ngelegohu gbatɛnga, ngelegohuisia ti yelegohui, taa ti vahein gbi, ndunyei kɛ nasia gbi ti ma, gboyeisia kɛ nasia gbi ti hu. Bi ti gbi ngɔilɔ a ndɛvu, tawao ngelegohu vahein a bi vɛlilɔ. 7Bia mia Ndemɔi a bie, Ngewɔ na loko looni Eblam ma kɛ bi ngi gbuanga Uɔ Kaldia lɔɔlei ma, kɛ bi ngi lahenga a Eblahami; 8kɛ bi tɔnga kɛ ngi lanayeilɔ ngi lii hu bi gulɔ, kɛ bi hindayayilinga a ngie fe va ngi lengeisia wɛ Kenanaitisia ti lɔɔlei, kɛ Hitaitisia, kɛ Amɔlaitisia, kɛ Pɛlisaitisia, kɛ Jɛbusaitisia kɛ Gigasaitisia; tawao bi bi lahedi yahitinga, ajifa bi wɔnangɔ.
9“Tawao bi mu kɛkɛni ti lii mɔnei lɔilɔ Ijipti lɔɔlei hu kɛ bi ti wɔlɔwoi mɛninga Gboya Gbɔlungɔi ma. 10Bi tɔmaselingaa kɛ kabande hindangaa wielɔ a Feɛlo, kɛ ngi bɔilopoisia kɛ ngi lɔɔlei hubleisia gbi, gbamaile bi kɔilɔ kɛ ti hinda nyamu wielɔ a mu kɛkɛni. Bi biyei gbatɛilɔ bia yekpe va, na i na i too foloi ji ma. 11Kɛ bi gboyei luahu gɔlɛnga ti gulɔ, fale ti leweilɔ gboyei lia ndɔɔlɔma bengɔi ma, kɛɛ bi ti yakpɛbleisia wililɔ yee susumeisia, kia lekee kɔtu a gula nja wai hu. 12Kpɛlɛngɔ na ma, bi lilɔ a tie ligbili lɔkɔi hu a foloi kɛ gɔmbu voo lɔkɔ a kpindii, fofo ve va ti wɛ kia ta yee li la. 13Bi yeilɔ gbɔma Saina Yeyei ma, kɛ bi yɛpɛnga ti gama bi woi a gbua ngelegohu, kɛ bi ndahin wɔnangɔngaa venga ti wɛ kɛ sawa wɔnangɔngaa, kɛ kaa yekpe kɛ saweisia, 14kɛ bi pienga ti bi Gayema Lɛvu Voloi gɔɔ kɛ bi sawangaa venga ti wɛ kɛ kaa yekpe a bi bɔilopoi Mojisi hu wee. 15Ti lɔlei va bi ti ngɔilɔ a mɛhɛɛ na gbuani ngelegohu, tawao ti bolohu bei va bi wuailɔ a nja ti va a gbua fawei hu, kɛ bi ndenga kɔɔ ti jɔkɔ tawao ti ndɔɔlei na wumbu bi lahedi wumbuni fe va ti wɛ.
16“Kɛɛ tia kɛ mu kɛkɛni ti wasuilɔ tawao ti ngoligbɔnda wielɔ tawao tii bi jaweisia houni, 17ti gangailɔ golo va; tawao tii kiliya gbatɛni a kabandei nasia bi yɛ pieni ti lia; kɛɛ ti wuvivilɔ ti ti liisia hu yili yama va nduwɔyei hu Ijipti lɔɔlei hu. Kɛɛ bia Ngewɔ mia a bie bi magbatɛngɔ manuma gɛ va, bi yauwandangɔ tawao bi manumangɔ, bɛɛ liilewelei fulo tawao bia heini ndoma waa hu, tawao bii wogbuani ti woo hu. 18Kia bɛ ti nɔmuli gbatɛni a nika tiayekpe va kɛ ti ndenga tɛɛ, ‘Ji mia wu Yewɔi le na wu gbuani Ijipti lɔɔlei hu,’ tawao ti hinda nyamungaa wienga, 19bia bi manuma waisia hu bi woo gbuani ti woo hu ŋanya lɔɔlei ma; ligbili na hu wee bi yɛ li a tie, a pelei na bii gbuani ti gblanga a foloi, tawao ngɔmbu vooi na i ti gɔɔni a fofo a kpindii, a pelei na ngɛɛ a tie ta lii la. 20Bi bi yafa yekpei veilɔ ti wɛ ti gaa va, tawao bi bi mɛhɛɛ na gbuani ti la, tawao bi ti ngɔilɔ a nja kpɔli va ti bolohu bei va. 21Bi ti ngɔilɔ foo nuu fele gbɔyɔngɔ gohu ŋanya lɔɔlei ma kɔɔ wɔi ta hami hinda gbi va; ti guleisia tii mblamblani tawao ti gɔwɔisia ti veni. 22Tawao bi mahawuisia kɛ nungeisia veilɔ ti wɛ, kɛ bi ndɔɔlei gbi lekee venga ti wɛ, fale ti Saihɔni Hɛsibɔni Mahei lɔɔlei wumbuilɔ kɛ Ɔg Besani Mahei lɔɔlei. 23Bi ti lengeisia gbɔtoilɔ kia lekee ngelema lumbekeisia ti na, kɛ bi wanga a tie ndɔɔlei na hu bi ndeni ti kɛkɛni ta jɔkɔ na tawao ti na wumbu. 24Fale ti lengeisia ti jɔkɔi lɔ na kɛ ti yee ndɔɔlei wumbunga, kɛ bi pienga yee ndɔɔlɔhubleisia ti yaa i yii ti gulɔ, Kenanibleisia, kɛ bi ti wuanga ti yeya, taa ti mahangeisia kɛ yee nungei nasia ti yɛ yee ndɔɔlei hu, kɔɔ ti pie a tie kia a nɛɛ la ti wɛ. 25Kɛ ti ta wai magatangɔisia hounga kɛ ndɔɔlɔ yekpe, kɛ ti pɛlɛngaa wumbunga na fendangɔ a kpatɛ haningaa, nja lowa bɔngɔngaa, ndɔ yeyakɔ gbaangaa, ɔlivi wuluisia, kɛ ngulu wua gbotongaa, fale ti mɛlɔ, kɛ ti ngo venga kɛ ti wɔlɔnga, tawao ti gohu i nɛɛlɔ bi gbekpeya wai va.
26“Na hu gbi tii koloya veni bi wɛ tawao ti wasuilɔ a bie kɛ ti gbee gbuanga bi jawei hu kɛ ti bi gulɔmayialebleisia waanga, nasia ti yɛ ti lahin kɔɔ ti yama bi gama, tawao ti hinda nyamu gbotongaa wielɔ. 27Fale bi ti wailɔ ti gɔnyɔuisia yeya, nasia ti pieni ti mɔnɛni. Na wooma ti mɔnɛ watii hu ti wɔlɔilɔ bi gama kɛ bi ti woi mɛninga ngelegohu, tawao ndalongɔ bi manuma waisia ma bi ti ngɔilɔ a kpɔmableisia nasia ti ti mabawoni ti gɔnyɔuisia yeya. 28Kɛɛ ji ti lɛvuni, ti hinda nyamu wielɔ gbɔma bi gulɔ, kɛ bi gbeenga ti ma ti gɔnyɔuisia yeya, fale ti temaya jɔɔilɔ ti mahu; nahu gbi ji ti woteni kɛ ti wɔlɔnga bi gama, bi ti woi mɛnilɔ ngelegohu, tawao watii gbotoma bi ti mabawoilɔ ndaloongɔ bi manumeisia ma. 29Kɛ bi ti lahinga kɔɔ ti wote gbɔma bi jaweisia gama. Na hu gbi ti jumbu hinda wielɔ tawao tii bi jaweisia houni kɛ ti jumbu wienga a bi jaweisia, na numu hounga a yɛlɔ ndɛvu hu. Ti wuvivi lɔ la tawao ti pieni. 30Foo gboto va bi ndii gɔlɛ gɛlɔ a tie kɛ bi ti lahinga a bi yafei hu wee a bi gulɔmayialebleisia hu wee; na hu gbi tii wolooni. Fale bi ti veilɔ ndɔɔlɔhubleisia wɛ. 31Na hu gbi, bi manuma wai hu, bi ti jukuuni tawao bi gbeegbuani ti mahinda hu, gbamaile ngauwanda kɛ manuma Yewɔ mia a bie.
32“Kiahuna naa, mu Yewɔi, bi wɔlɔngɔ tawao bi gbayangɔ, kɛ maluwa Yewɔi, na a hindayayilingɔ tawao a ndoma ngɛɛ, ba mu hinda gbɔndei gbi wumbu a saali na waa mu mahu, mu mahangeisia kɛ mu jamangeisia, mu jaagbuableisia, mu gulɔmayialebleisia, kɛ mu wɔɔ mableisia bi nungeisia gbi, i hiye Asilia mahangeisia ti watii ma i too foloi ji ma. 33Bi wɔnangɔi hindei nasia kpɛlɛɛ hu wanga mu mahu, gbamaile bi wɔnailɔ a mue kɛ mua mu pielɔ a nyamu; 34mu mahangeisia, mu jamangeisia, mu jaagbuableisia kɛ mu kɛkɛni ti bi jawei houni tawao ti wolooni bi jaweisia ma kɛ ndahinsia ma bi feni. 35Ti nda mahawuisia vulii hu, kɛ kpekpeya wai na bi feni ti wɛ kɛ ndɔɔlɔ lakpangɔi kɛ kpekpengɔi na bi feni ti wɛ, tii bi magbeegbuani tawao tii woveni ti wiehinda nyamuisia ma. 36Nduwɔngeisia mia a mue i too foloi ji ma, nduwɔngeisia mia a mue ndɔɔlei na hu bi feni mu kɛkɛni wɛ, kɔɔ ti yee nguluwuɛisia mɛ kɛ boyahani yekpeisia. 37Yee kpekpengɔi nasia ta wala a li mahangei nasia gama lɔ bi ti heini mu mahu mu jumbuisia va; kpaya lɔ ti yeya mu luwuisia ma kɛ mu lohanisia kia ta loola, tawao mua ndiinyani wa hu.”
Nungeisia ti Hindayayilingɔi Jɛwɛlinga
38Jisia gbi va mia mu hindayayilini a kɔlɔ nyɛingɔ hu wee, tawao yee kɔlɔ lagbɔwungɔi na hu mia, mu jamangeisia, kɛ mu Livaitisia, kɛ mu jaagbuableisia ti biyeisia ti na.
सध्या निवडलेले:
NƐHIMAYA 9: RMB
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Mende Bible Portions © Bible Society in Sierra Leone and Lutheran Bible Translators, 2020.
NƐHIMAYA 9
9
Nungeisia ti Ngayeinga a ti Jumbuisia
1Kiahuna folo nuu gbɔyɔngɔ mahu naani ma ngawui ji hu ti Isleɛl nungeisia ti yandɔilɔ a hou la tawao bɛkii gulangaa ti ti ma, tawao fufulengaa ti yɛ ti wumbeisia ya. 2Na wooma Isleɛl mbondeisia ti tiayekpe gbuailɔ hotangeisia gbi lia kɛ ti loonga ti ngayei a ti jumbuisia kɛ jumbui nasia ti mbondeisia ti yɛ wɔ pieni. 3Ti loilɔ ti heimei kɛ ti kɔlɔ gaanga a gbua Ndemɔi ti Yewɔi jawa gɔlei hu haawa sawa va kɛ haawa sawa weka va ti ngayeilɔ kɛ ti Ndemɔi ti Yewɔi vɛlinga. 4Na wooma Jɛsua kɛ Banai, kɛ Kadimiɛli kɛ Sɛbanaya, kɛ Buni, kɛ Sɛlɛbaya kɛ Bani kɛ Kɛnani ti loilɔ Livaitisia ti kpakpawulu heimeisia ma kɛ ti wɔlɔnga ngeleya Ndemɔi ti Yewɔi gama. 5Na wooma Livaitisia, Jɛsua kɛ Kadimiɛli, kɛ Banai, kɛ Hasabɛnɛya, kɛ Sɛlɛbaya, kɛ Hodaya, kɛ Sɛbanaya, kɛ Pɛtahaya ndeilɔ tɛɛ, “A hiye wu Ndemɔi wu Yewɔi lato kunafɔ va. Luba i yɛ bi mavo biyei ma, na ngaa lɛngɔ i lewe lubei kɛ tatoi gbi ma.”
Kaye Hei Jumbuisia va
6Kɛ Ɛsla ndenga yɛ: “Bia yakpe mia Ndemɔi a bie; bi ngelegohu gbatɛnga, ngelegohuisia ti yelegohui, taa ti vahein gbi, ndunyei kɛ nasia gbi ti ma, gboyeisia kɛ nasia gbi ti hu. Bi ti gbi ngɔilɔ a ndɛvu, tawao ngelegohu vahein a bi vɛlilɔ. 7Bia mia Ndemɔi a bie, Ngewɔ na loko looni Eblam ma kɛ bi ngi gbuanga Uɔ Kaldia lɔɔlei ma, kɛ bi ngi lahenga a Eblahami; 8kɛ bi tɔnga kɛ ngi lanayeilɔ ngi lii hu bi gulɔ, kɛ bi hindayayilinga a ngie fe va ngi lengeisia wɛ Kenanaitisia ti lɔɔlei, kɛ Hitaitisia, kɛ Amɔlaitisia, kɛ Pɛlisaitisia, kɛ Jɛbusaitisia kɛ Gigasaitisia; tawao bi bi lahedi yahitinga, ajifa bi wɔnangɔ.
9“Tawao bi mu kɛkɛni ti lii mɔnei lɔilɔ Ijipti lɔɔlei hu kɛ bi ti wɔlɔwoi mɛninga Gboya Gbɔlungɔi ma. 10Bi tɔmaselingaa kɛ kabande hindangaa wielɔ a Feɛlo, kɛ ngi bɔilopoisia kɛ ngi lɔɔlei hubleisia gbi, gbamaile bi kɔilɔ kɛ ti hinda nyamu wielɔ a mu kɛkɛni. Bi biyei gbatɛilɔ bia yekpe va, na i na i too foloi ji ma. 11Kɛ bi gboyei luahu gɔlɛnga ti gulɔ, fale ti leweilɔ gboyei lia ndɔɔlɔma bengɔi ma, kɛɛ bi ti yakpɛbleisia wililɔ yee susumeisia, kia lekee kɔtu a gula nja wai hu. 12Kpɛlɛngɔ na ma, bi lilɔ a tie ligbili lɔkɔi hu a foloi kɛ gɔmbu voo lɔkɔ a kpindii, fofo ve va ti wɛ kia ta yee li la. 13Bi yeilɔ gbɔma Saina Yeyei ma, kɛ bi yɛpɛnga ti gama bi woi a gbua ngelegohu, kɛ bi ndahin wɔnangɔngaa venga ti wɛ kɛ sawa wɔnangɔngaa, kɛ kaa yekpe kɛ saweisia, 14kɛ bi pienga ti bi Gayema Lɛvu Voloi gɔɔ kɛ bi sawangaa venga ti wɛ kɛ kaa yekpe a bi bɔilopoi Mojisi hu wee. 15Ti lɔlei va bi ti ngɔilɔ a mɛhɛɛ na gbuani ngelegohu, tawao ti bolohu bei va bi wuailɔ a nja ti va a gbua fawei hu, kɛ bi ndenga kɔɔ ti jɔkɔ tawao ti ndɔɔlei na wumbu bi lahedi wumbuni fe va ti wɛ.
16“Kɛɛ tia kɛ mu kɛkɛni ti wasuilɔ tawao ti ngoligbɔnda wielɔ tawao tii bi jaweisia houni, 17ti gangailɔ golo va; tawao tii kiliya gbatɛni a kabandei nasia bi yɛ pieni ti lia; kɛɛ ti wuvivilɔ ti ti liisia hu yili yama va nduwɔyei hu Ijipti lɔɔlei hu. Kɛɛ bia Ngewɔ mia a bie bi magbatɛngɔ manuma gɛ va, bi yauwandangɔ tawao bi manumangɔ, bɛɛ liilewelei fulo tawao bia heini ndoma waa hu, tawao bii wogbuani ti woo hu. 18Kia bɛ ti nɔmuli gbatɛni a nika tiayekpe va kɛ ti ndenga tɛɛ, ‘Ji mia wu Yewɔi le na wu gbuani Ijipti lɔɔlei hu,’ tawao ti hinda nyamungaa wienga, 19bia bi manuma waisia hu bi woo gbuani ti woo hu ŋanya lɔɔlei ma; ligbili na hu wee bi yɛ li a tie, a pelei na bii gbuani ti gblanga a foloi, tawao ngɔmbu vooi na i ti gɔɔni a fofo a kpindii, a pelei na ngɛɛ a tie ta lii la. 20Bi bi yafa yekpei veilɔ ti wɛ ti gaa va, tawao bi bi mɛhɛɛ na gbuani ti la, tawao bi ti ngɔilɔ a nja kpɔli va ti bolohu bei va. 21Bi ti ngɔilɔ foo nuu fele gbɔyɔngɔ gohu ŋanya lɔɔlei ma kɔɔ wɔi ta hami hinda gbi va; ti guleisia tii mblamblani tawao ti gɔwɔisia ti veni. 22Tawao bi mahawuisia kɛ nungeisia veilɔ ti wɛ, kɛ bi ndɔɔlei gbi lekee venga ti wɛ, fale ti Saihɔni Hɛsibɔni Mahei lɔɔlei wumbuilɔ kɛ Ɔg Besani Mahei lɔɔlei. 23Bi ti lengeisia gbɔtoilɔ kia lekee ngelema lumbekeisia ti na, kɛ bi wanga a tie ndɔɔlei na hu bi ndeni ti kɛkɛni ta jɔkɔ na tawao ti na wumbu. 24Fale ti lengeisia ti jɔkɔi lɔ na kɛ ti yee ndɔɔlei wumbunga, kɛ bi pienga yee ndɔɔlɔhubleisia ti yaa i yii ti gulɔ, Kenanibleisia, kɛ bi ti wuanga ti yeya, taa ti mahangeisia kɛ yee nungei nasia ti yɛ yee ndɔɔlei hu, kɔɔ ti pie a tie kia a nɛɛ la ti wɛ. 25Kɛ ti ta wai magatangɔisia hounga kɛ ndɔɔlɔ yekpe, kɛ ti pɛlɛngaa wumbunga na fendangɔ a kpatɛ haningaa, nja lowa bɔngɔngaa, ndɔ yeyakɔ gbaangaa, ɔlivi wuluisia, kɛ ngulu wua gbotongaa, fale ti mɛlɔ, kɛ ti ngo venga kɛ ti wɔlɔnga, tawao ti gohu i nɛɛlɔ bi gbekpeya wai va.
26“Na hu gbi tii koloya veni bi wɛ tawao ti wasuilɔ a bie kɛ ti gbee gbuanga bi jawei hu kɛ ti bi gulɔmayialebleisia waanga, nasia ti yɛ ti lahin kɔɔ ti yama bi gama, tawao ti hinda nyamu gbotongaa wielɔ. 27Fale bi ti wailɔ ti gɔnyɔuisia yeya, nasia ti pieni ti mɔnɛni. Na wooma ti mɔnɛ watii hu ti wɔlɔilɔ bi gama kɛ bi ti woi mɛninga ngelegohu, tawao ndalongɔ bi manuma waisia ma bi ti ngɔilɔ a kpɔmableisia nasia ti ti mabawoni ti gɔnyɔuisia yeya. 28Kɛɛ ji ti lɛvuni, ti hinda nyamu wielɔ gbɔma bi gulɔ, kɛ bi gbeenga ti ma ti gɔnyɔuisia yeya, fale ti temaya jɔɔilɔ ti mahu; nahu gbi ji ti woteni kɛ ti wɔlɔnga bi gama, bi ti woi mɛnilɔ ngelegohu, tawao watii gbotoma bi ti mabawoilɔ ndaloongɔ bi manumeisia ma. 29Kɛ bi ti lahinga kɔɔ ti wote gbɔma bi jaweisia gama. Na hu gbi ti jumbu hinda wielɔ tawao tii bi jaweisia houni kɛ ti jumbu wienga a bi jaweisia, na numu hounga a yɛlɔ ndɛvu hu. Ti wuvivi lɔ la tawao ti pieni. 30Foo gboto va bi ndii gɔlɛ gɛlɔ a tie kɛ bi ti lahinga a bi yafei hu wee a bi gulɔmayialebleisia hu wee; na hu gbi tii wolooni. Fale bi ti veilɔ ndɔɔlɔhubleisia wɛ. 31Na hu gbi, bi manuma wai hu, bi ti jukuuni tawao bi gbeegbuani ti mahinda hu, gbamaile ngauwanda kɛ manuma Yewɔ mia a bie.
32“Kiahuna naa, mu Yewɔi, bi wɔlɔngɔ tawao bi gbayangɔ, kɛ maluwa Yewɔi, na a hindayayilingɔ tawao a ndoma ngɛɛ, ba mu hinda gbɔndei gbi wumbu a saali na waa mu mahu, mu mahangeisia kɛ mu jamangeisia, mu jaagbuableisia, mu gulɔmayialebleisia, kɛ mu wɔɔ mableisia bi nungeisia gbi, i hiye Asilia mahangeisia ti watii ma i too foloi ji ma. 33Bi wɔnangɔi hindei nasia kpɛlɛɛ hu wanga mu mahu, gbamaile bi wɔnailɔ a mue kɛ mua mu pielɔ a nyamu; 34mu mahangeisia, mu jamangeisia, mu jaagbuableisia kɛ mu kɛkɛni ti bi jawei houni tawao ti wolooni bi jaweisia ma kɛ ndahinsia ma bi feni. 35Ti nda mahawuisia vulii hu, kɛ kpekpeya wai na bi feni ti wɛ kɛ ndɔɔlɔ lakpangɔi kɛ kpekpengɔi na bi feni ti wɛ, tii bi magbeegbuani tawao tii woveni ti wiehinda nyamuisia ma. 36Nduwɔngeisia mia a mue i too foloi ji ma, nduwɔngeisia mia a mue ndɔɔlei na hu bi feni mu kɛkɛni wɛ, kɔɔ ti yee nguluwuɛisia mɛ kɛ boyahani yekpeisia. 37Yee kpekpengɔi nasia ta wala a li mahangei nasia gama lɔ bi ti heini mu mahu mu jumbuisia va; kpaya lɔ ti yeya mu luwuisia ma kɛ mu lohanisia kia ta loola, tawao mua ndiinyani wa hu.”
Nungeisia ti Hindayayilingɔi Jɛwɛlinga
38Jisia gbi va mia mu hindayayilini a kɔlɔ nyɛingɔ hu wee, tawao yee kɔlɔ lagbɔwungɔi na hu mia, mu jamangeisia, kɛ mu Livaitisia, kɛ mu jaagbuableisia ti biyeisia ti na.
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Mende Bible Portions © Bible Society in Sierra Leone and Lutheran Bible Translators, 2020.