Wiwitan 25
25
Turunané Abraham sangka Ketura
25:1-6
1Abraham njupuk bojo menèh jenengé Ketura, 2kuwi nglairké anak: Simri, Yoksan, Medan, Midian, Isybak lan Suah. 3Yoksan nduwé anak Syéba lan Dédan, turunané Dédan ya kuwi bangsa Asyur lan bangsa Letusim lan bangsa Leum. 4Anaké Midian ya kuwi: Efa, Efer, Hénokh, Abida lan Elda, kuwi kabèh turunané Ketura. 5Abraham ngekèkké bandané kabèh marang Isak. 6Nanging para anak sing patutan sangka bojo wayuh mau pada dikèki berkah, lan terus dikongkon lunga, waktu dèkné ijik urip, pisah sangka Isak, menyang Negara Wétané.
Abraham mati lan dikubur
25:7-11
7Umuré Abraham kuwi 175 taun, 8Abraham terus ninggal ndonya, waktu wis okèh umuré, wis putih rambuté, terus diklumpukké karo para leluhuré. 9Terus dikubur karo Isak lan Ismaél ing guwa Mahpéla ing lemahé Efron anaké Sohar wong Hèt ing sisih wétané Mamré, 10#Wi 23:3-16lemah sing dituku Abraham sangka wong turunané Hèt; ya ing kono Abraham lan Sara pada dikubur. 11Sakwisé Abraham ninggal ndonya Gusti mberkahi Isak, anaké lanang lan Isak manggon ing sak tyedaké sumur Lahai-Roi.
Turunané Ismaél
25:12-18
12Iki turun-turunané Ismaél anaké Abraham, sing lair sangka Hagar wong Egipte, baturé Sara, patutan karo Abraham. 13Iki jenengé para anaké Ismaél, manut urutané lairé: Nébayot, Kedar, Adbeel, Mibsam, 14Misyma, Duma, Masa, 15Hadad, Tema, Yetur, Nafisi lan Kedma. 16Kuwi kabèh para anaké Ismaél, lan jenengé kuwi manut panggonané lan tarupé, ratu rolas déwé-déwé manut taleré. 17Umuré Ismaél kuwi: 137 taun, terus ninggal ndonya, diklumpukké karo para leluhuré. 18Panggonané turun-turunané mau wiwit sangka Hawila nganti tekan bawahé ing Sur, sisih wétané negara Egipte ing uruté Asyur. Enggoné pada mapan ing ngarepé para seduluré.
Esau lan Yakub
25:19-34
19Turunané Isak anaké Abraham. Abraham nduwé anak Isak. 20Lan Isak umuré patang puluh taun waktu njupuk bojo Ribka anaké Bétuèl wong Aram sangka Padan-Aram, seduluré Laban wong Aram. 21Isak ndongakké bojoné marang GUSTI, awit bojoné kuwi gabuk; lan GUSTI nuruti penjaluké, banjur Ribka bojoné terus meteng. 22Bareng bayiné pada suk-sukan ing wetengé, Ribka ngomong: “Yèn kaya mengkéné kenèng apa aku urip?” Terus lunga njaluk pinuntun marang GUSTI. 23#Rum 9:12GUSTI terus ngomongi: “Bangsa loro ing wetengmu, bangsa loro sing bakal pada pisahan wiwit sangka wetengmu; sing siji bakal luwih kuwat tenimbangané sijiné lan sing tuwa bakal dadi baturé marang sing tyilik.”
24Bareng tekan ing waktuné nglairké, pantyèn kembar metengé; 25sing lair ndisik kétok wuluné abang, sak kojur kaya dibuntel wulu, mulané dikèki jeneng Esau. 26Sakwisé mengkono adiké terus lair tangané nyekel tungkaké Esau, kuwi dikèki jeneng Yakub. Isak umuré 60 taun waktu duwé anak loro mau. 27Anak loro mau mundak gedé: Esau dadi wong sing pinter beburon, seneng manggon ing ara-ara, nanging Yakub kuwi wong sing meneng, sing seneng ing tarup. 28Isak kuwi trésna marang Esau, awit seneng mangan daging kéwan-kéwan beburon, nanging Ribka trésna Yakub.
29Sakwijiné dina waktu Yakub ijik masak, Esau teka beburon sangka ara-ara, kétok keselé. 30Esau terus nembung Yakub: “Mbok aku wènèhana mangan sing abang kuwi ta, awit aku kesel.” Ya iki jalarané jenengé dityeluk: Edom. 31Nanging Yakub nyauri: “Hakmu dadi anak mbarep kuwi dolen ndisik marang aku!” 32Semauré Esau: “Sedéla engkas aku bakal mati, apa kanggoné nduwé wibawa anak mbarep kuwi?” 33#Ibr 12:16Semauré Yakub: “Sumpaha marang aku ndisik!” Esau terus sumpah, lan hak anak mbarep didol marang Yakub. 34Yakub terus ngekèki roti lan masakan katyang abang marang Esau; lan terus mangan lan ngombé, sakwisé terus lunga. Mengkono Esau ora ngajèni hak dadi anak mbarep.
सध्या निवडलेले:
Wiwitan 25: KJS17
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Tèks © Surinaams Bijbelgenootschap 2018
Wiwitan 25
25
Turunané Abraham sangka Ketura
25:1-6
1Abraham njupuk bojo menèh jenengé Ketura, 2kuwi nglairké anak: Simri, Yoksan, Medan, Midian, Isybak lan Suah. 3Yoksan nduwé anak Syéba lan Dédan, turunané Dédan ya kuwi bangsa Asyur lan bangsa Letusim lan bangsa Leum. 4Anaké Midian ya kuwi: Efa, Efer, Hénokh, Abida lan Elda, kuwi kabèh turunané Ketura. 5Abraham ngekèkké bandané kabèh marang Isak. 6Nanging para anak sing patutan sangka bojo wayuh mau pada dikèki berkah, lan terus dikongkon lunga, waktu dèkné ijik urip, pisah sangka Isak, menyang Negara Wétané.
Abraham mati lan dikubur
25:7-11
7Umuré Abraham kuwi 175 taun, 8Abraham terus ninggal ndonya, waktu wis okèh umuré, wis putih rambuté, terus diklumpukké karo para leluhuré. 9Terus dikubur karo Isak lan Ismaél ing guwa Mahpéla ing lemahé Efron anaké Sohar wong Hèt ing sisih wétané Mamré, 10#Wi 23:3-16lemah sing dituku Abraham sangka wong turunané Hèt; ya ing kono Abraham lan Sara pada dikubur. 11Sakwisé Abraham ninggal ndonya Gusti mberkahi Isak, anaké lanang lan Isak manggon ing sak tyedaké sumur Lahai-Roi.
Turunané Ismaél
25:12-18
12Iki turun-turunané Ismaél anaké Abraham, sing lair sangka Hagar wong Egipte, baturé Sara, patutan karo Abraham. 13Iki jenengé para anaké Ismaél, manut urutané lairé: Nébayot, Kedar, Adbeel, Mibsam, 14Misyma, Duma, Masa, 15Hadad, Tema, Yetur, Nafisi lan Kedma. 16Kuwi kabèh para anaké Ismaél, lan jenengé kuwi manut panggonané lan tarupé, ratu rolas déwé-déwé manut taleré. 17Umuré Ismaél kuwi: 137 taun, terus ninggal ndonya, diklumpukké karo para leluhuré. 18Panggonané turun-turunané mau wiwit sangka Hawila nganti tekan bawahé ing Sur, sisih wétané negara Egipte ing uruté Asyur. Enggoné pada mapan ing ngarepé para seduluré.
Esau lan Yakub
25:19-34
19Turunané Isak anaké Abraham. Abraham nduwé anak Isak. 20Lan Isak umuré patang puluh taun waktu njupuk bojo Ribka anaké Bétuèl wong Aram sangka Padan-Aram, seduluré Laban wong Aram. 21Isak ndongakké bojoné marang GUSTI, awit bojoné kuwi gabuk; lan GUSTI nuruti penjaluké, banjur Ribka bojoné terus meteng. 22Bareng bayiné pada suk-sukan ing wetengé, Ribka ngomong: “Yèn kaya mengkéné kenèng apa aku urip?” Terus lunga njaluk pinuntun marang GUSTI. 23#Rum 9:12GUSTI terus ngomongi: “Bangsa loro ing wetengmu, bangsa loro sing bakal pada pisahan wiwit sangka wetengmu; sing siji bakal luwih kuwat tenimbangané sijiné lan sing tuwa bakal dadi baturé marang sing tyilik.”
24Bareng tekan ing waktuné nglairké, pantyèn kembar metengé; 25sing lair ndisik kétok wuluné abang, sak kojur kaya dibuntel wulu, mulané dikèki jeneng Esau. 26Sakwisé mengkono adiké terus lair tangané nyekel tungkaké Esau, kuwi dikèki jeneng Yakub. Isak umuré 60 taun waktu duwé anak loro mau. 27Anak loro mau mundak gedé: Esau dadi wong sing pinter beburon, seneng manggon ing ara-ara, nanging Yakub kuwi wong sing meneng, sing seneng ing tarup. 28Isak kuwi trésna marang Esau, awit seneng mangan daging kéwan-kéwan beburon, nanging Ribka trésna Yakub.
29Sakwijiné dina waktu Yakub ijik masak, Esau teka beburon sangka ara-ara, kétok keselé. 30Esau terus nembung Yakub: “Mbok aku wènèhana mangan sing abang kuwi ta, awit aku kesel.” Ya iki jalarané jenengé dityeluk: Edom. 31Nanging Yakub nyauri: “Hakmu dadi anak mbarep kuwi dolen ndisik marang aku!” 32Semauré Esau: “Sedéla engkas aku bakal mati, apa kanggoné nduwé wibawa anak mbarep kuwi?” 33#Ibr 12:16Semauré Yakub: “Sumpaha marang aku ndisik!” Esau terus sumpah, lan hak anak mbarep didol marang Yakub. 34Yakub terus ngekèki roti lan masakan katyang abang marang Esau; lan terus mangan lan ngombé, sakwisé terus lunga. Mengkono Esau ora ngajèni hak dadi anak mbarep.
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Tèks © Surinaams Bijbelgenootschap 2018