मत्ती 16
16
स्वर्गक चिन्हक माग
मर्कूस ८:११-१३; लूका १२:५४-५६
1एक दिन कुछ फरिसी ओ सदुकीहुँक्र येशूकठे अइल, ओ उहाँक जाँच कर्ना उद्देश्यले स्वर्गसे एकठो चिन्ह देखामङ्ल।#मत्ती १२:३८; लूक ११:१६
2उहाँ हुँकन जवाफ देल, “सन्झ्याक आकाश लाल हुइल् कलसे, टुह्र ‘काल दिन मजा रहुइया बा’ कठो। 3तर बिहान्क आकाश लाल ओ कर्या बद्री आइल बा कलसे, टुह्र ‘आज पानी अउइया बा’ कठो। टुह्र आकाश हेर्क मौसम कसिन हुउइया बा कना बात जन्ठो, तर आजकाल का हुइटीबा कना बात नैजन्टो। 4दुष्ट ओ परमेश्वरसे दूर गैल् मनै#१६:४ शाब्दिक अनुवाद: व्यभिचारी मनै। चिन्ह खोज्ठ, तर हुँकन अगमवक्ता योनक जीवनम घटल घट्नक चिन्ह बाहेक और कौनो चिन्ह नैदेखाजाई।”#१६:४ यी चिन्ह का रह कलसे, योना समुद्रम फँक्वापैल, एकठो बरानक मच्छी हुँकहीन लिलल्, परमेश्वर तीन दिन पाछ उ मच्छीह उल्टी कर लगैल। यिह चिन्हक बारेम येशू बट्वैल जौन चिन्हले उहाँक मृत्युह ओ मुवलमसे फेदोस्र जियल घट्नह संकेत कर (मत्ती १२:४०)। तबदोस्र येशू हुँकन छोर्क ओठेसे गैगिल।#मत्ती १२:३९; लूक ११:२९
फरिसी ओ सदुकीन्हक खमिर
मर्कूस ८:१४-२१
5चेलावँ समुद्रक उपार पुग्ल, तर हुँक्र खाइ पुग्ना रोटी लैजाइ बिस्रारख्लह। 6येशू हुँकन कल, “जागा रहो, फरिसी ओ सदुकीन्हक खमिरसे होसियार रहो।”#लूक १२:१
7हुँक्र अप्न-अप्न बटोइल, “हमारठे रोटी नैहो, उहओर्से कहठुइहीँ।”
8येशू यी बात थाहाँ पाक हुँकन कल, “खै टुन्हक विश्वास! रोटी नैहो कैक टुह्र काकर बट्वाइटो? 9का टुह्र आम्ही फे नैबुझ्टो? पाँच हजार मनैन पाँचठो रोटीले खवैलक बात का टुह्र बिस्राडर्लो? तब टुह्र उब्रल टुक्रिटुक्रा कै छिट्वा उठैलहो?#मत्ती १४:१७-२१ 10ओ चार हजार मनैन सातठो रोटीले खवाइबेर उब्रल टुक्रिटुक्रा कै छिट्वा उठैलहो?#मत्ती १५:३४-३८ 11मै रोटीक बारेम बट्वइलक नैहुइटुँ। टुह्र काजे बात नैबुझ्टो? मै त टुँहन फरिसी ओ सदुकीन्हक खमिरसे होसियार रहो पो कनहुँ।” 12बल्ल हुँक्र बात बुझ्ल, कि येशू रोटी फुलैना खमिरक बात नाहीँ तर फरिसी ओ सदुकीन्हक शिक्षासे होसियार रहहो कैक बट्वाइटलह।
पत्रुसक स्वीकार
मर्कूस ८:२७-३०; लूका ९:१८-२१
13येशू आपन चेलन्हकसँग कैसरिया फिलिप्पी कना सहरक आसपासम रहल ठाउँम पुग्ल। उहाँ आपन चेलन पुछ्ल, “मनै मै मनैयक छावक बारेम बट्वाइबेर महीह ‘के हो’ कैक कठ?”
14हुँक्र जवाफ देल, “कौनोजन अप्नह ‘बप्तिस्मा देहुइया यूहन्ना हुइट’ कठ, कौनोजन ‘एलिया हुइट’ कठ, कौनोजनजुन ‘यर्मिया या और अगमवक्तामध्ये एक जन हुइट’ कठ।”#मत्ती १४:१-२; मर्क ६:१४-१५; लूक ९:७-८
15तब येशू हुँकन पुछ्ल, “टुह्र जे, म्वार बारेम कह पर्लसे का कबो?”
16 #
यूह ६:६८-६९
सिमोन पत्रुस जबाफ देल, “अप्न जीवित परमेश्वरक छावा ख्रीष्ट हुइटी।”
17येशू हुँकहीन कल, “योनक छावा सिमोन, टुँ आशिष पाइल मनैया हुइटो, काकरकि यी बात टुँहीन कुई फे नैसिखाइल तर स्वर्गम रना म्वार बाबा प्रकट कैदेल। 18मै टुँहीन कहटुँ, कि टुँ पत्रुस हुइटो। मै आपन मण्डली यिह चट्टानम बनैम, ओ ओहीह मृत्यु जित नैसेक्नेहो।#१६:१८ येशू हुँकहार लौव नाउँ “पत्रुस” ढैदेल, ज्याकर अर्थ चट्टान हो। यिह चट्टान कलक “अप्न जीवित परमेश्वरक छावा ख्रीष्ट हुइटी।” कैक पत्रुसक करल स्वीकार हो। हुँकहार यिह विश्वासक जगम येशू आपन मण्डली बनुइया रलह। 19मै टुँहीन स्वर्ग राज्यक ड्वार खोल्ना साँचा देहम। ज्या टुँ पृथ्वीम बहन्बो, उ स्वर्गम बाहान्जाई, ओ ज्या टुँ पृथ्वीम छोर्बो, उ स्वर्गम छोरजाई।”#मत्ती १८:१८; यूह २०:२३ 20तबदोस्र येशू अप्न मनैन मुक्ति देहुइया ख्रीष्ट रहल बात किहुह जिन कहहो कैक चेलन कर्रा आज्ञा देल।
येशू आपन मृत्युक बारेम पैल्ह फ्यारा बट्वइलक
मर्कूस ८:३१–९:१; लूका ९:२२-२७
21तबठेसे येशू अप्न भ्वागपर्ना दुःखक बारेम आपन चेलनसे बट्वाइलग्ल। उहाँ कल, “मै यरूशलेम जैम, उहाँ अगुवन, मुख्य पूजारीनसे, ओ शास्त्रीहुँकनसे दुःख पैम। मै मुवापैम, तर तीसर दिनम फेदोस्र जिजैम।”
22पत्रुस उहाँह एकओर लैजाक हप्काइलग्ल, “परमेश्वर असिन हुइनासे रोकहीँ, प्रभु, अप्न असिक नैबट्वाइपर्ना रह।”
23येशू पत्रुसकओर घुम्क कल, “शैतान, ओट्टी जा! टैँ म्वार डगरिम ठ्यास लग्ना पत्थ्रा ढर खोज्ठ्या। टैँ परमेश्वरक हिसाबले नैसोँच्ट्या, तर मनैन्हक हिसाबले सोँच्ठ्या।”
24तबदोस्र येशू आपन चेलन कल, “यदि कौनो मनैया म्वार चेला हुइ चहठा कलसे, ऊ आपन इच्छा छ्वारपर्ठा ओ मुवपर्लसे फे इच्छुक होक आपन क्रूस ब्वाकपर्ठा ओ म्वार पाछ लागपर्ठा।#मत्ती १०:३८; लूक १४:२७ 25आपन प्राण बचाइ खोजुइयन प्राण गुमैहीँ। तर म्वार पाछ लग्लक कारण आपन प्राण गुमुइयन जीवन पैहीँ।#मत्ती १०:३९; लूक १७:३३; यूह १२:२५ 26संसारभरिक धनसम्पत्ति हाँठ पार्क फे, मनैया आपन प्राण गुमाइल कलसे, ओहीह का फाइदा? अथवा मनैयक प्राणसे धेर म्वालक और कुछु चिज बा का? 27मै मनैयक छावा आपन परमेश्वर बाबक महिमम स्वर्गदूतन्हकसँग अइम, ओ हरेक मनैयह वाकर काम अनुसारक इनाम देहम।#मत्ती २५:३१; भज ६२:१२; रोम २:५ 28मै टुँहन जाट्टीसे कहटुँ, कि अठे ठह्र्याइल कौनो-कौनो मनै मै मनैयक छावह आपन राज्यम आइल नैद्याखट्सम नैमुनेहुइट।”
सध्या निवडलेले:
मत्ती 16: thl
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
© 2020, Wycliffe Bible Translators, Inc. All rights reserved.
मत्ती 16
16
स्वर्गक चिन्हक माग
मर्कूस ८:११-१३; लूका १२:५४-५६
1एक दिन कुछ फरिसी ओ सदुकीहुँक्र येशूकठे अइल, ओ उहाँक जाँच कर्ना उद्देश्यले स्वर्गसे एकठो चिन्ह देखामङ्ल।#मत्ती १२:३८; लूक ११:१६
2उहाँ हुँकन जवाफ देल, “सन्झ्याक आकाश लाल हुइल् कलसे, टुह्र ‘काल दिन मजा रहुइया बा’ कठो। 3तर बिहान्क आकाश लाल ओ कर्या बद्री आइल बा कलसे, टुह्र ‘आज पानी अउइया बा’ कठो। टुह्र आकाश हेर्क मौसम कसिन हुउइया बा कना बात जन्ठो, तर आजकाल का हुइटीबा कना बात नैजन्टो। 4दुष्ट ओ परमेश्वरसे दूर गैल् मनै#१६:४ शाब्दिक अनुवाद: व्यभिचारी मनै। चिन्ह खोज्ठ, तर हुँकन अगमवक्ता योनक जीवनम घटल घट्नक चिन्ह बाहेक और कौनो चिन्ह नैदेखाजाई।”#१६:४ यी चिन्ह का रह कलसे, योना समुद्रम फँक्वापैल, एकठो बरानक मच्छी हुँकहीन लिलल्, परमेश्वर तीन दिन पाछ उ मच्छीह उल्टी कर लगैल। यिह चिन्हक बारेम येशू बट्वैल जौन चिन्हले उहाँक मृत्युह ओ मुवलमसे फेदोस्र जियल घट्नह संकेत कर (मत्ती १२:४०)। तबदोस्र येशू हुँकन छोर्क ओठेसे गैगिल।#मत्ती १२:३९; लूक ११:२९
फरिसी ओ सदुकीन्हक खमिर
मर्कूस ८:१४-२१
5चेलावँ समुद्रक उपार पुग्ल, तर हुँक्र खाइ पुग्ना रोटी लैजाइ बिस्रारख्लह। 6येशू हुँकन कल, “जागा रहो, फरिसी ओ सदुकीन्हक खमिरसे होसियार रहो।”#लूक १२:१
7हुँक्र अप्न-अप्न बटोइल, “हमारठे रोटी नैहो, उहओर्से कहठुइहीँ।”
8येशू यी बात थाहाँ पाक हुँकन कल, “खै टुन्हक विश्वास! रोटी नैहो कैक टुह्र काकर बट्वाइटो? 9का टुह्र आम्ही फे नैबुझ्टो? पाँच हजार मनैन पाँचठो रोटीले खवैलक बात का टुह्र बिस्राडर्लो? तब टुह्र उब्रल टुक्रिटुक्रा कै छिट्वा उठैलहो?#मत्ती १४:१७-२१ 10ओ चार हजार मनैन सातठो रोटीले खवाइबेर उब्रल टुक्रिटुक्रा कै छिट्वा उठैलहो?#मत्ती १५:३४-३८ 11मै रोटीक बारेम बट्वइलक नैहुइटुँ। टुह्र काजे बात नैबुझ्टो? मै त टुँहन फरिसी ओ सदुकीन्हक खमिरसे होसियार रहो पो कनहुँ।” 12बल्ल हुँक्र बात बुझ्ल, कि येशू रोटी फुलैना खमिरक बात नाहीँ तर फरिसी ओ सदुकीन्हक शिक्षासे होसियार रहहो कैक बट्वाइटलह।
पत्रुसक स्वीकार
मर्कूस ८:२७-३०; लूका ९:१८-२१
13येशू आपन चेलन्हकसँग कैसरिया फिलिप्पी कना सहरक आसपासम रहल ठाउँम पुग्ल। उहाँ आपन चेलन पुछ्ल, “मनै मै मनैयक छावक बारेम बट्वाइबेर महीह ‘के हो’ कैक कठ?”
14हुँक्र जवाफ देल, “कौनोजन अप्नह ‘बप्तिस्मा देहुइया यूहन्ना हुइट’ कठ, कौनोजन ‘एलिया हुइट’ कठ, कौनोजनजुन ‘यर्मिया या और अगमवक्तामध्ये एक जन हुइट’ कठ।”#मत्ती १४:१-२; मर्क ६:१४-१५; लूक ९:७-८
15तब येशू हुँकन पुछ्ल, “टुह्र जे, म्वार बारेम कह पर्लसे का कबो?”
16 #
यूह ६:६८-६९
सिमोन पत्रुस जबाफ देल, “अप्न जीवित परमेश्वरक छावा ख्रीष्ट हुइटी।”
17येशू हुँकहीन कल, “योनक छावा सिमोन, टुँ आशिष पाइल मनैया हुइटो, काकरकि यी बात टुँहीन कुई फे नैसिखाइल तर स्वर्गम रना म्वार बाबा प्रकट कैदेल। 18मै टुँहीन कहटुँ, कि टुँ पत्रुस हुइटो। मै आपन मण्डली यिह चट्टानम बनैम, ओ ओहीह मृत्यु जित नैसेक्नेहो।#१६:१८ येशू हुँकहार लौव नाउँ “पत्रुस” ढैदेल, ज्याकर अर्थ चट्टान हो। यिह चट्टान कलक “अप्न जीवित परमेश्वरक छावा ख्रीष्ट हुइटी।” कैक पत्रुसक करल स्वीकार हो। हुँकहार यिह विश्वासक जगम येशू आपन मण्डली बनुइया रलह। 19मै टुँहीन स्वर्ग राज्यक ड्वार खोल्ना साँचा देहम। ज्या टुँ पृथ्वीम बहन्बो, उ स्वर्गम बाहान्जाई, ओ ज्या टुँ पृथ्वीम छोर्बो, उ स्वर्गम छोरजाई।”#मत्ती १८:१८; यूह २०:२३ 20तबदोस्र येशू अप्न मनैन मुक्ति देहुइया ख्रीष्ट रहल बात किहुह जिन कहहो कैक चेलन कर्रा आज्ञा देल।
येशू आपन मृत्युक बारेम पैल्ह फ्यारा बट्वइलक
मर्कूस ८:३१–९:१; लूका ९:२२-२७
21तबठेसे येशू अप्न भ्वागपर्ना दुःखक बारेम आपन चेलनसे बट्वाइलग्ल। उहाँ कल, “मै यरूशलेम जैम, उहाँ अगुवन, मुख्य पूजारीनसे, ओ शास्त्रीहुँकनसे दुःख पैम। मै मुवापैम, तर तीसर दिनम फेदोस्र जिजैम।”
22पत्रुस उहाँह एकओर लैजाक हप्काइलग्ल, “परमेश्वर असिन हुइनासे रोकहीँ, प्रभु, अप्न असिक नैबट्वाइपर्ना रह।”
23येशू पत्रुसकओर घुम्क कल, “शैतान, ओट्टी जा! टैँ म्वार डगरिम ठ्यास लग्ना पत्थ्रा ढर खोज्ठ्या। टैँ परमेश्वरक हिसाबले नैसोँच्ट्या, तर मनैन्हक हिसाबले सोँच्ठ्या।”
24तबदोस्र येशू आपन चेलन कल, “यदि कौनो मनैया म्वार चेला हुइ चहठा कलसे, ऊ आपन इच्छा छ्वारपर्ठा ओ मुवपर्लसे फे इच्छुक होक आपन क्रूस ब्वाकपर्ठा ओ म्वार पाछ लागपर्ठा।#मत्ती १०:३८; लूक १४:२७ 25आपन प्राण बचाइ खोजुइयन प्राण गुमैहीँ। तर म्वार पाछ लग्लक कारण आपन प्राण गुमुइयन जीवन पैहीँ।#मत्ती १०:३९; लूक १७:३३; यूह १२:२५ 26संसारभरिक धनसम्पत्ति हाँठ पार्क फे, मनैया आपन प्राण गुमाइल कलसे, ओहीह का फाइदा? अथवा मनैयक प्राणसे धेर म्वालक और कुछु चिज बा का? 27मै मनैयक छावा आपन परमेश्वर बाबक महिमम स्वर्गदूतन्हकसँग अइम, ओ हरेक मनैयह वाकर काम अनुसारक इनाम देहम।#मत्ती २५:३१; भज ६२:१२; रोम २:५ 28मै टुँहन जाट्टीसे कहटुँ, कि अठे ठह्र्याइल कौनो-कौनो मनै मै मनैयक छावह आपन राज्यम आइल नैद्याखट्सम नैमुनेहुइट।”
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
© 2020, Wycliffe Bible Translators, Inc. All rights reserved.