Genesis 8
8
Ḍubạ dakʼ tayom
1Jahajre Noha ar uni sãote tinạkʼ ạsul ar bir janwarko tahẽkan Isor do onkoakʼ katha bae hiṛińleda. Uni do dhạrti cetanre hoeye ạgukeda, ar onate dakʼ do ańjedokʼ ehopʼen. 2Unre ot latar khon dakʼ oḍokokʼ ar serma reakʼ paṛakʼ hõ bondena ar dakʼ ńurokʼ hõ thirena. 3Ar ot cetan reakʼ dakʼ do ańjedokʼ ehopʼena, ar ḍubạ ehobokʼ mitʼsae mõṛẽgel din tayom dakʼ do ḍher ańjetʼena. 4Onate eae cando reakʼ gel eaeakʼ dinre jahaj do Ararat burure ḍhaṅena. 5Noa tayom hõ dakʼ do ańjedokʼtege tahẽyena, ar gel cando reakʼ pạhilakʼ dinre buruko reakʼ cuṛạ ńelena.
6Noa pongel din tayom Noha do jahaj reakʼ khiṛkiye jhicʼkeda, 7ar mitʼṭen bhonḍa kạhũi aṛakʼkedea. Uni kạhũ do ot cetan khon dakʼ ạuri ańjetʼ cabakʼ hạbicʼ hante nate manḍrao baṛaye ehopʼena. 8Noha do ot khon dakʼ ańjetʼena se baṅ ona baḍae lạgitʼ ar mitʼṭen potame aṛakʼkedea. 9Menkhan unrehõ otre dakʼ do tahẽkana, onate okarehõ abokʼ jaega bae ńamletʼte Noha ṭhengeye ruạṛ hecʼena. Ar Noha do ti tiạrkate uni potame ataṅ daramkedea. 10Ona eae din tayom uni do arhõ uni potame aṛakʼkedea. 11Ar ạyubokʼ jokhecʼ potam do jahajre Noha ṭhene ruạṛ hecʼena ar ṭhonṭate jạitun dare reakʼ mitʼṭecʼ sakame ger ạgukeda. Onate Noha doe bujhạukeda ot khon dakʼ do ańjetʼ akana. 12Uni do eae din tayom arhõ uni potame aṛakʼkedea, menkhan niạ dhao uni do ar bae ruạṛ hecʼlena.
13Nohawakʼ umer do unre turuisae mitʼ bochor hoyakan tahẽkana. Ar ona bochor reakʼ pạhil cando reakʼ pạhil hilokʼ ot khon dakʼ do ocokʼena. Unre Noha do jahaj reakʼ chat ocokʼ kateye ńelkeda, ot do hawedokʼ ehopʼena. 14Ado dosar cando reakʼ bargel eaeyakʼ dinre ot do rohoṛ utạrena.
15Unre Isor do Nohae metadea, 16“Am do amren bạhu ar amren hoponko ar onkoren bạhuko soṅgekate jahaj khon oḍok hijukʼme, 17Ar ona sãote janwarko cẽṛẽko ar leńokʼ ṭunḍạṅko, metakʼme tinạkʼ jiwiyanko menakʼko onko sanamko hõm oḍok ạgukoa. Ińakʼ khojogokʼakʼ do dhạrtire onkoren bõsko bạḍokʼma arko saṅge idikʼte lekhareko ḍherokʼma.” 18Unre Noha do acʼren bạhu ar hoponko ar onkoren bạhuko soṅgekate jahaj khone oḍok hecʼena. 19Onko sãote joto janwar ar cẽṛẽko ar lacʼte taṛam jiwiyanko, metakʼme ot cetanre ạcur baṛae sanam jiwiyanko akoakʼ jạtko lekako oḍok hecʼena.
Noha dãṛẽye samaṅetʼ
20Ona tayom Noha do Probhu Isor ńutumte mitʼṭecʼ pinḍe benaokeda ar mimitʼ jạtren sapha janwarko ar cẽṛẽko khon hataokate pinḍ cetanreye dãṛẽketʼkoa. 21Probhu Isor do ona dãṛẽ reakʼ jut so iạteye kusiyena ar mon monteye menkeda, “Manwa iạte ar tishõ ot do ar bạń sarapakʼa, ente cetʼleka sanam jiwiyankoń marao cabaketʼko onka do ar tishõ bạń onkaea. 22Tinạkʼ din noa dhạrti tahen unạkʼ din niạm lekate itạ do er ar irokʼa, rabaṅ din ar lolo din, siń ar ńindạ hoyokʼtege tahena.”
सध्या निवडलेले:
Genesis 8: SBT
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Santali Bible © Bangladesh Bible Society, 2021.
Genesis 8
8
Ḍubạ dakʼ tayom
1Jahajre Noha ar uni sãote tinạkʼ ạsul ar bir janwarko tahẽkan Isor do onkoakʼ katha bae hiṛińleda. Uni do dhạrti cetanre hoeye ạgukeda, ar onate dakʼ do ańjedokʼ ehopʼen. 2Unre ot latar khon dakʼ oḍokokʼ ar serma reakʼ paṛakʼ hõ bondena ar dakʼ ńurokʼ hõ thirena. 3Ar ot cetan reakʼ dakʼ do ańjedokʼ ehopʼena, ar ḍubạ ehobokʼ mitʼsae mõṛẽgel din tayom dakʼ do ḍher ańjetʼena. 4Onate eae cando reakʼ gel eaeakʼ dinre jahaj do Ararat burure ḍhaṅena. 5Noa tayom hõ dakʼ do ańjedokʼtege tahẽyena, ar gel cando reakʼ pạhilakʼ dinre buruko reakʼ cuṛạ ńelena.
6Noa pongel din tayom Noha do jahaj reakʼ khiṛkiye jhicʼkeda, 7ar mitʼṭen bhonḍa kạhũi aṛakʼkedea. Uni kạhũ do ot cetan khon dakʼ ạuri ańjetʼ cabakʼ hạbicʼ hante nate manḍrao baṛaye ehopʼena. 8Noha do ot khon dakʼ ańjetʼena se baṅ ona baḍae lạgitʼ ar mitʼṭen potame aṛakʼkedea. 9Menkhan unrehõ otre dakʼ do tahẽkana, onate okarehõ abokʼ jaega bae ńamletʼte Noha ṭhengeye ruạṛ hecʼena. Ar Noha do ti tiạrkate uni potame ataṅ daramkedea. 10Ona eae din tayom uni do arhõ uni potame aṛakʼkedea. 11Ar ạyubokʼ jokhecʼ potam do jahajre Noha ṭhene ruạṛ hecʼena ar ṭhonṭate jạitun dare reakʼ mitʼṭecʼ sakame ger ạgukeda. Onate Noha doe bujhạukeda ot khon dakʼ do ańjetʼ akana. 12Uni do eae din tayom arhõ uni potame aṛakʼkedea, menkhan niạ dhao uni do ar bae ruạṛ hecʼlena.
13Nohawakʼ umer do unre turuisae mitʼ bochor hoyakan tahẽkana. Ar ona bochor reakʼ pạhil cando reakʼ pạhil hilokʼ ot khon dakʼ do ocokʼena. Unre Noha do jahaj reakʼ chat ocokʼ kateye ńelkeda, ot do hawedokʼ ehopʼena. 14Ado dosar cando reakʼ bargel eaeyakʼ dinre ot do rohoṛ utạrena.
15Unre Isor do Nohae metadea, 16“Am do amren bạhu ar amren hoponko ar onkoren bạhuko soṅgekate jahaj khon oḍok hijukʼme, 17Ar ona sãote janwarko cẽṛẽko ar leńokʼ ṭunḍạṅko, metakʼme tinạkʼ jiwiyanko menakʼko onko sanamko hõm oḍok ạgukoa. Ińakʼ khojogokʼakʼ do dhạrtire onkoren bõsko bạḍokʼma arko saṅge idikʼte lekhareko ḍherokʼma.” 18Unre Noha do acʼren bạhu ar hoponko ar onkoren bạhuko soṅgekate jahaj khone oḍok hecʼena. 19Onko sãote joto janwar ar cẽṛẽko ar lacʼte taṛam jiwiyanko, metakʼme ot cetanre ạcur baṛae sanam jiwiyanko akoakʼ jạtko lekako oḍok hecʼena.
Noha dãṛẽye samaṅetʼ
20Ona tayom Noha do Probhu Isor ńutumte mitʼṭecʼ pinḍe benaokeda ar mimitʼ jạtren sapha janwarko ar cẽṛẽko khon hataokate pinḍ cetanreye dãṛẽketʼkoa. 21Probhu Isor do ona dãṛẽ reakʼ jut so iạteye kusiyena ar mon monteye menkeda, “Manwa iạte ar tishõ ot do ar bạń sarapakʼa, ente cetʼleka sanam jiwiyankoń marao cabaketʼko onka do ar tishõ bạń onkaea. 22Tinạkʼ din noa dhạrti tahen unạkʼ din niạm lekate itạ do er ar irokʼa, rabaṅ din ar lolo din, siń ar ńindạ hoyokʼtege tahena.”
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Santali Bible © Bangladesh Bible Society, 2021.