Neto'te 22
22
Abraham bam nelo' mén i ngamte Nsi yi
1Tshen #Héb. 11.17-19nu là lo be tôge, Nsi ghù lo' nzenu num Abraham, ntshob yi ndù: Abraham, Abraham bùnte ndù: Tshù me li. 2Nsi #2 Kron. 3.1tshob yi ndù: Lo' nshum o, z'a be wù ntshù', z'o be nkô i là, Isak, nèn yi mum ngô Morija, num mbat ze me nsi la'te wù là, nton i bwe fafa ngamt'àm yi. 3Abraham lo nsi mà nkebnjù, nabte kekwèn i, ndo' ghafa' tse bàa, mba nshum i Isak. A bag ntshwèn jule'te Nsi z'a nsi ton nà, ntam nze nenèn dù' ze Nsi na' ntshob yi là. 4A be kum lé'njù tat Abraham bù' miag mi njen dù' là tà ngùanesà. 5Abraham tshob ghafa' tse ndù: Bin tswe nsen ni bin à kekwène. Bag mén àm nèn nsen din ngamte Nsi bwe kà nse'e.
6Abraham lo' ntshwèn jule'te Nsi z'a ton nà, njab tu nshum i Isak, ntshùb mbwôg bo bi bu i, bo yi nèn ntu tshob bàa ku ntshù'. 7Isak bétte tàab Abraham ndù: Tàa, a bùnte ndù: Ṅ nshum àm. Isak bèn ntshob ndù: Tshù mbwôg bo ntshwèn nà, là, njùmbwe ze be nsi ton nà yà? 8Abraham bùnte ndù: Nshum àm, a b'a Nsi nsi bèn fà njùmbwe ze be nsi ton yi là be; bo yi nèn ntu tshob bàa ku ntshù'.
9Ndùse #Yako. 2.21bo zin nkum dù' ze Nsi la'te là, Abraham bom tômbwôg bwe, njab ntshwèn mbwôge, ngom nshum i Isak nkule, njab i num tômbwôge, num ntshwèn. 10Abraham tshag bu ndo' bi nese tô nshum i yi. 11Là Angél Tshùaben tsin mfe kamànyam ntsiaṅ i, ntshob ndù: Abraham! Abraham! Abraham bùnte ndù: Tshù me li, 12Angél tshob ndù: Kà yab bu num mén nà! Kà ghù sàm kebwô num i. Me lèn ndonni ndù o be mbwôg Nsi, nummb'o ke' gha me nelo' nshum o ngamt'àm yi, yi z'a be nkwimén nà. 13Abraham bù' miag mi njen mo' komnjù ndù ndù' lamte num ndô mi num tswe'tù. Abraham nèn nkiagte komnjù là, nton Nsi num ze dù' nshum i. 14Abraham tswi lén dù' là ndù: Tshùaben bèn fà. Ndùlala bo be ntshob ndonni ndù: Tshùaben nsi fà ju z'a tsi là mfe num mbal i.
15Angél bèn ntsin mfe kamànyam ntsiaṅ Abraham mbatte yoṅ bàa, 16ntshob #Héb. 6.13-14yi ndù: Tshùaben tshob ndù: Mb'o ghù ndùlala, ke gha me nelo' nshum o ngamt'àm yi, yi z'a be nkwimén nà, 17me #Héb. 11.12nsi yab kàn wù, ghù nzwil o yàm mba nsa mi a mfe kamànyam nà, njàm mba nkwango' mbaṅ dibantse là, ghù ndùlala kà nzwil o lo' ngô ghakeban tse. 18Me #Mfa' Gha. 3.25nsi tshùa njam nzwil o kà yab kàn ngôngô ts'a nsitsha' là, nummb'o ju' ntshu àm.
19Ndùlala Abraham bèn njam mbaṅ ghafa' tse, boa bo lo ku ntshù' nèn Ber-Shéba dù' ze Abraham ke ntswe là.
Nzwit Nakor
20Tshen nu li lo be tôge, Abraham ju' ndù Milka bwe bon bandum mfèl i Nakor. 21Uts tuswe i bo Buz mfèl i, Kemuel, tà Aram, 22Késed, Hazo, Jidlaf bo Bétuél. 23Bétuél bwe Rébéka. Tshen benntùn fom ni b'a tse Milka na' mbwe Nakor, mfèt Abraham nà. 24Màndà i ze lén se be Réuma là bwe ze Tébak, Gaham, Tabash bo Maaka.
सध्या निवडलेले:
Neto'te 22: BMa
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
La Sainte Bible en Bamiléké-Medùmba © Alliance Biblique du Cameroun, 1993. All rights reserved.
Neto'te 22
22
Abraham bam nelo' mén i ngamte Nsi yi
1Tshen #Héb. 11.17-19nu là lo be tôge, Nsi ghù lo' nzenu num Abraham, ntshob yi ndù: Abraham, Abraham bùnte ndù: Tshù me li. 2Nsi #2 Kron. 3.1tshob yi ndù: Lo' nshum o, z'a be wù ntshù', z'o be nkô i là, Isak, nèn yi mum ngô Morija, num mbat ze me nsi la'te wù là, nton i bwe fafa ngamt'àm yi. 3Abraham lo nsi mà nkebnjù, nabte kekwèn i, ndo' ghafa' tse bàa, mba nshum i Isak. A bag ntshwèn jule'te Nsi z'a nsi ton nà, ntam nze nenèn dù' ze Nsi na' ntshob yi là. 4A be kum lé'njù tat Abraham bù' miag mi njen dù' là tà ngùanesà. 5Abraham tshob ghafa' tse ndù: Bin tswe nsen ni bin à kekwène. Bag mén àm nèn nsen din ngamte Nsi bwe kà nse'e.
6Abraham lo' ntshwèn jule'te Nsi z'a ton nà, njab tu nshum i Isak, ntshùb mbwôg bo bi bu i, bo yi nèn ntu tshob bàa ku ntshù'. 7Isak bétte tàab Abraham ndù: Tàa, a bùnte ndù: Ṅ nshum àm. Isak bèn ntshob ndù: Tshù mbwôg bo ntshwèn nà, là, njùmbwe ze be nsi ton nà yà? 8Abraham bùnte ndù: Nshum àm, a b'a Nsi nsi bèn fà njùmbwe ze be nsi ton yi là be; bo yi nèn ntu tshob bàa ku ntshù'.
9Ndùse #Yako. 2.21bo zin nkum dù' ze Nsi la'te là, Abraham bom tômbwôg bwe, njab ntshwèn mbwôge, ngom nshum i Isak nkule, njab i num tômbwôge, num ntshwèn. 10Abraham tshag bu ndo' bi nese tô nshum i yi. 11Là Angél Tshùaben tsin mfe kamànyam ntsiaṅ i, ntshob ndù: Abraham! Abraham! Abraham bùnte ndù: Tshù me li, 12Angél tshob ndù: Kà yab bu num mén nà! Kà ghù sàm kebwô num i. Me lèn ndonni ndù o be mbwôg Nsi, nummb'o ke' gha me nelo' nshum o ngamt'àm yi, yi z'a be nkwimén nà. 13Abraham bù' miag mi njen mo' komnjù ndù ndù' lamte num ndô mi num tswe'tù. Abraham nèn nkiagte komnjù là, nton Nsi num ze dù' nshum i. 14Abraham tswi lén dù' là ndù: Tshùaben bèn fà. Ndùlala bo be ntshob ndonni ndù: Tshùaben nsi fà ju z'a tsi là mfe num mbal i.
15Angél bèn ntsin mfe kamànyam ntsiaṅ Abraham mbatte yoṅ bàa, 16ntshob #Héb. 6.13-14yi ndù: Tshùaben tshob ndù: Mb'o ghù ndùlala, ke gha me nelo' nshum o ngamt'àm yi, yi z'a be nkwimén nà, 17me #Héb. 11.12nsi yab kàn wù, ghù nzwil o yàm mba nsa mi a mfe kamànyam nà, njàm mba nkwango' mbaṅ dibantse là, ghù ndùlala kà nzwil o lo' ngô ghakeban tse. 18Me #Mfa' Gha. 3.25nsi tshùa njam nzwil o kà yab kàn ngôngô ts'a nsitsha' là, nummb'o ju' ntshu àm.
19Ndùlala Abraham bèn njam mbaṅ ghafa' tse, boa bo lo ku ntshù' nèn Ber-Shéba dù' ze Abraham ke ntswe là.
Nzwit Nakor
20Tshen nu li lo be tôge, Abraham ju' ndù Milka bwe bon bandum mfèl i Nakor. 21Uts tuswe i bo Buz mfèl i, Kemuel, tà Aram, 22Késed, Hazo, Jidlaf bo Bétuél. 23Bétuél bwe Rébéka. Tshen benntùn fom ni b'a tse Milka na' mbwe Nakor, mfèt Abraham nà. 24Màndà i ze lén se be Réuma là bwe ze Tébak, Gaham, Tabash bo Maaka.
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
La Sainte Bible en Bamiléké-Medùmba © Alliance Biblique du Cameroun, 1993. All rights reserved.