लुका 13
13
येसुऎ हिङ्वाबाङ् ऎम्पकानॆ लोमिम्पा
1आक्रलॽन आक्कुबि चुखुबा हिप्पा सुम्पा याॽमिचिऎ येसु लोसुचि, “हिप्पा सुम्पा गालिलिचिऎ निवाँहाङ्मि ङारिङ्पि सङ्टिॽमॆ सिसुचिर पिलाटस लोमॆ रोम हाङ्डाम्बिऎ ढुया टुङ्घङ्पाऎ खोचिन सेॽमिटुचि हाङ् आक्खाचिम् हारि सङ्टिम्पा पोसुचिम् हारि नुङ्न ठुटिखारा।” 2येसुऎ आक्खाचि खानावाँ ऎम्पिटुचि, “माल, आन्नॆ आक्खा हिप्पा सुम्पा सेॽमिम्पा गालिलबिहा याॽमिचि आक्रहाङ् सेरुचि लोमार चोब्न गालिलबिहा याॽमिचिबाङ् खोचिऎ एट्टान हिङ्वा लॆटामि कामानुङ् मिङ्कानिहा? 3कॆ आन्ना लोकानि, आक्र हॆॽनॆ, टर आन्नॆ सङ्क टाङ्पाम् हिङ्वा मिॽलासे निवाँहाङ्पि निवाँ माऎनाम्नि हाङ्ग आक्रक्न सिखॆकानि। 4हाङ् आन्नॆ लेकाम्नि, सिलोआम लोमॆ ठालबि टक्भॆऎ खिम् टॆःक्ढिन्टार एपङ्बा याॽमिचि चिःप्सिटुचि। माल, आक्खा चिप्सिम्पा याॽमिचि यारुसालेम्पि पेङ्खुबा चोब्न याॽमिचिबाङ् एट्टान हिङ्वा नुङ्मा लॆटामि कामानुङ् मिङ्कानिहा? 5कॆ आन्ना लोकानि, आक्र हॆॽनॆ, टर आन्नॆ सङ्क टाङ्पाम् हिङ्वा मिॽलासे निवाँहाङ्पि निवाँ माऎनाम्नि हाङ्ग आक्रहाङ्न सिखॆकानि।”
उम्चा आसिखुबा सिङ्
6हाङ् येसुऎ आक्खाचि गरक्मा काठा लोसुचि, “एक्क याॽमिऎ खोम् चोप्लिङ्पि एक्क छाराक्फुमि बोटा लिरु। हाङ् आक्क छाराक्फुऎ उम्चा सिमॆ लःबि उम्चा सिसुयॆ रु कामानुङ् खाङ्सि खो ऎॽवा खेपा ऎरा। टर खोसॆ हानाम्स आक्क छाराक्फुऎ उम्चा मासिमिम्पा खाङु। 7मसॆ खोसॆ खोम् चोप्लिङ् खाङ्खुबा लोसु, ‘काङॆ इग छाराक्फुऎ उम्चा सिकुयॆ रु कामानुङ् खाङ्सि ऎमिम्पा सुम्चि निङ् लिसा टर एक्क सङ्क उम्चा मासिसु। मसॆ मान्ठा इग काम्नुऎ बाखाबि युङ्ढाङ्मॆ? गमि उम्साम् सङ्क मायुङ्ले बक्ढाङ्सॆ।’ 8टर चोप्लिङ् खाङ्खुबॆ लोसु, ‘टुङ्घङ्पो, हस एक्क निङ्ढारि ऎबक्ढाङ्मार काम्नुऎ लिऎ रु, काङॆ ग काम्नुःर खःक्सॆ मल्ल टिबिकुङ। 9टाऎ निङ्पि उम्चा सिइकुयॆ रु? सिसु हाङ्ग काम्नुऎन लि, टर मासिसु हाङ्ग आनॆ लोसिन्टॽन डेढ्ढाङ्कुङ्’।”
येसुऎ टुक्खा नुबक्मिडुवॆ
10इॽया नाचामॆ डिनाबि येसुऎ याहुडिचि खोम्ठाम् खिम्पि चिन्मॆ सिसुचि। 11आक्कुबि एक्क मेॽनुङ्मा चुआ। खो एपङ्बा निङ्बाङ् खारिक्माङ्ऎ खक्खक् पिखॆॽमिम्पा लॆटा हाङ् खो मिःक्म सङ्क खिङ्खिङ् लॆःॽमा माहेयुङ्सु। 12येसुऎ आक्क मेॽनुङ्मा खाङ्टकु हाङ् खोम् कॆक्पि सेःरु हाङ् लोसु, “आनामि टुक्मावाबाङ् नुबक्खाराना।” 13येसुऎ टाङ्पाम् हुक् आक्क मेॽनुङ्मामि खक्खक् लॆऎ डॆङ्कॽवाबि युङु, हाङ् आक्रलॽन मेॽनुङ्मा खिङ्खिङ् लॆपका हाङ् निवाँहाङ्मि निङ् ठेप्पकु।
14येसुऎ आक्क मेॽनुङ्मा नाचामॆ डिना नुबक्मिॽमिम्पा याहुडिचि खोम्ठम् खिम्पिऎ टुङ्घङ्पाऎ खाङ्टकुहाङ् सोम् खेॽमानुङ् याॽमिचि लोसुचि, “योम्पक् मुमाम् लागि ठुक्चि डिना पिडानि, मसॆ नुबक्मा यक्खुबाऎ ठुक्चि डिना हङ्सिॽन नुबकानॆ टर नाचामॆ डिना हॆॽनॆ।”
15येसुऎ आक्खाचि लोसुचि, “ओ काइसा निवाँ लॆखुबाचि, माल आन्नॆ नाचामॆ डिना आन्नामि पिक्चि हेनुकाम्निहाङ् योवा डुङ्सि लाखॆटाम्निनॆ? 16ग आबाराहाममि सामॆक्बिऎ साम्सामा, एपङ्बा निङ्बाङ् साइटानऎ हिक्भुङ्पा लॆ। नाचामॆ डिना आन्नामि पिक्चि हेनिन्टॽन ग मेॽनुङ्मा सङ्क साइटानमि ठुब्माराबाङ् हेम्पखॆॽमा लॆ हॆॽनॆ?” 17येसुऎ ऎम्पिॽमिम्पा खानावाँऎ खो इचाखुबाचि उम्चि टाङ्पाब्न ङेसिमा लुर लिसामि, टर होइढा डिरिक् याॽमिचि खोसॆ लॆःॽमिम्पा चोब्न आख्खॆॽमाहा योम्पक्बि चेन्चाआमि।
रायोमि चारिक् हाङ् सिढामि काठा
(मट्टि १३:३१-३३; मारकुस ४:३०-३२)
18हाङ् येसुऎ लोसु, “निवाँहाङ्मि हाङ्डाम् मान्टऎर कामानुङ् कॆ माङ् नुङ् ङॆॽमॆ? 19ग एक्क रायो साघामि चारिक् रक्मान, आक्क एक्क याॽमिऎ खोम् कठॆबारिबि लिरु, हाङ् आक्क पुबक्से सिङ् रकॆन लिबका हाङ् आक्कमि हाँगाबिगाबि सवाँचिऎ हाब्बाङ् हेबुचि।”
20हस येसुऎ लोसु, “निवाँहाङ्मि हाङ्डाम् मान्टऎर कामानुङ् कॆ माङ् नुङ् ङॆॽमॆ? 21ग चारेपा होम्बक्मिक्खुबा एक्क सिढा रक्मान। एक्क मेॽनुङ्माऎ चःक्मिम्पा डिरिक् खाॽमिॽबि मिःक्म सिढा ठुटिकु हाङ् आक्कसॆ चोब्न खाॽमि होम्बमिकु।”
बिॽबिॽपा लम्भॆरॆङ्मा
(मट्टि ७:१३-१४; २२-२३; ८:११-१२)
22येसु यारुसालेम खॆॽमार खो लाम्ढुमिम्पा लाम्फु गॆअङ्मॆअङ्हा हाटा नुङ् गाँवाँबि पेन्से याॽमिचि चिनुचि। 23आक्रल एक्क याॽमिऎ येसु सिमु, “टुङ्घङ्पो, माल निवाँहाङ्ऎ मिःॽम याॽमिचि टेःॽन उम्चि हिङ्वाबाङ् फागुकुचॆ।” येसुऎ खानावाँ ऎम्पिसे लोसु, 24“हेःरढारि बिॽबिॽपा लम्भॆरॆङ्माबाङ् निवाँहाङ्मि हाङ्डाम् हङ्सि भॆम्मा यगानॆ, मान्ठाभनॆ कॆ आन्ना लोकानि, डिरिक् याॽमिचि भॆम्मा यगुक्मि, टर भॆन्हिमिनि। 25हङ्सिॽयु भॆम्मॆ लः लुक्खॆहाङ् खिम्पिऎ टुङ्घङ्पाऎ लम्भॆरॆङ्मा सॆक्ठाङ्कु, हाङ् आन्ना चाइ ओम्फुबाङ्, ‘टङ्घङ्पो, काङ्कामि लागि लम्भॆरॆङ्मा हेम्बक्पिच्चिमॆ’ काकानि। हाङ् खोसॆ आन्ना गर लोकानि, ‘आन्ना हाम्पा टाडानिहा कॆ आन्ना लेसानिनि।’ 26हाङ् आन्नॆ लोकाम्नि, ‘काङ्का आनानुङ्न पेन्से चायुक्सिङ्का डुङ्युक्सिङ्का हाङ् आनॆ काङ्कामि गाँवाँबि चिन्युक्सुचिना।’ 27होइखेप्पा स खोसॆ आक्खाचि लोकुचि, ‘चाइबान कॆ आन्ना लोकानि, आन्ना हाबा टाडानिहा कॆ लेसानिनि। काइसा योम्पक् मुखुबा आन्ना काबाङ् खाइहाङ् इट्टानॆ।’ 28आन्नॆ आबाराहाम, इसाहाक, याकुब हाङ् चोब्न काम्नुहा निवाँहाङ्मि खानावाँ लोखुबाचि खोमि हाङ्डाम् हङ्सि पेम्मिम्पा खाङ्टकाम्नि। टर आन्ना चाइ बाहिरा कॽहाङ्कानि हाङ् आन्ना कॆङ् यिक्से हाबुकानि। 29बाखाटेम्पिहा चोब्न ठालबाङ् याॽमिचि निवाँहाङ्मि हाङ्डाम्पि टाःक्मिहाङ् भोजा चासि टाङ्पाम् ठालबि पेनुक्मि। 30हाङ् ग वाप्याकाम्नॆ, गरक्ल योम्पक् पिक्खुबा लोमिम्पाचि डॆङ्पि योम्पक् आपिक्खुबा लिक्मि, हाङ् गरक्ल योम्पक् आपिक्खुबाचि चाइ डॆङ्पि योम्पक् पिक्खुबा लिक्मि।”
यारुसालेम मिॽलासे येसुमि निवाँ टुःक्डॆ
(मट्टि २३:३७-३९)
31आक्रलॽन हिप्पा सुम्पा फारिसिचि टाआमि हाङ् येसु लोसुचि, “आना गबाङ् आम्पकॆहाङ् गॆअङ्मॆअङ्हा ठालबि खाइहाङ् इट्टॆ, मान्ठाभनॆ आना हेरोड हाङ् एन्टिपासऎ सेॽमा कामानुङ् यक्मॆ सि।” 32येसुऎ आक्खाचि लोसुचि, “खारानॆहाङ् आक्क स्याला गर लोसाम्नॆ, ‘एच्छक्लःढारि खारिॽमाङ्चि लाबक्मॆ नुङ् टुक्खाचि नुबक्मिॽमॆ योम्पक् मुङा हाङ् सॆॽलॽन काम योम्पक् लुक्पिकुङ। 33टर काङॆ काम योम्पक् मुसेमुसे यारुसालेम खॆॽमान लॆङा, मान्ठाभनॆ यारुसालेमबाङ् होइढा ठालबि निवाँहाङ्मि खानावाँ लोखुबाचि सेरुचिमिनि’।”
34“ओ यारुसालेमबिहा याॽमिचि, ओ यारुसालेमबिहा याॽमिचि! आन्नॆ निवाँहाङ्ऎ आन्नाबि पाङ्हाङ्पा निवाँहाङ्मि खानावाँ लोखुबाचि ऎॽवाहा खेप्पा लुङ्कॽवाऎ डॆराम्चिनि हाङ् सेराम्चिनि हाङ् हस आक्रक्न लॆःॽमा मिङ्कानि। आन्ना कोब्माडोब्माम् लागि कॆ काम् हुक् वारुॽमाऎ उम् पासाचि कुःप्माम् लागि लाप्रॆङ् फेसिन्टॽन फेसुङ् टर आन्ना माखासिआनि। 35मसॆ खाङानॆ, निवाँहाङ्ऎ आन्नामि खिम् याइकु हाङ् चाइबान कॆ आन्ना लोकानि, ‘हानाम्ढारि आन्नॆ पारभु निवाँहाङ्मि निङ्पि टाखुबा आसिका टक्चामिम्पान’ कासानिनि, आक्रलढारि आन्नॆ काङा खाङ्टङानिनि।”
सध्या निवडलेले:
लुका 13: LBR
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
© 2023, Wycliffe Bible Translators, Inc. and Nepal Bible Society
लुका 13
13
येसुऎ हिङ्वाबाङ् ऎम्पकानॆ लोमिम्पा
1आक्रलॽन आक्कुबि चुखुबा हिप्पा सुम्पा याॽमिचिऎ येसु लोसुचि, “हिप्पा सुम्पा गालिलिचिऎ निवाँहाङ्मि ङारिङ्पि सङ्टिॽमॆ सिसुचिर पिलाटस लोमॆ रोम हाङ्डाम्बिऎ ढुया टुङ्घङ्पाऎ खोचिन सेॽमिटुचि हाङ् आक्खाचिम् हारि सङ्टिम्पा पोसुचिम् हारि नुङ्न ठुटिखारा।” 2येसुऎ आक्खाचि खानावाँ ऎम्पिटुचि, “माल, आन्नॆ आक्खा हिप्पा सुम्पा सेॽमिम्पा गालिलबिहा याॽमिचि आक्रहाङ् सेरुचि लोमार चोब्न गालिलबिहा याॽमिचिबाङ् खोचिऎ एट्टान हिङ्वा लॆटामि कामानुङ् मिङ्कानिहा? 3कॆ आन्ना लोकानि, आक्र हॆॽनॆ, टर आन्नॆ सङ्क टाङ्पाम् हिङ्वा मिॽलासे निवाँहाङ्पि निवाँ माऎनाम्नि हाङ्ग आक्रक्न सिखॆकानि। 4हाङ् आन्नॆ लेकाम्नि, सिलोआम लोमॆ ठालबि टक्भॆऎ खिम् टॆःक्ढिन्टार एपङ्बा याॽमिचि चिःप्सिटुचि। माल, आक्खा चिप्सिम्पा याॽमिचि यारुसालेम्पि पेङ्खुबा चोब्न याॽमिचिबाङ् एट्टान हिङ्वा नुङ्मा लॆटामि कामानुङ् मिङ्कानिहा? 5कॆ आन्ना लोकानि, आक्र हॆॽनॆ, टर आन्नॆ सङ्क टाङ्पाम् हिङ्वा मिॽलासे निवाँहाङ्पि निवाँ माऎनाम्नि हाङ्ग आक्रहाङ्न सिखॆकानि।”
उम्चा आसिखुबा सिङ्
6हाङ् येसुऎ आक्खाचि गरक्मा काठा लोसुचि, “एक्क याॽमिऎ खोम् चोप्लिङ्पि एक्क छाराक्फुमि बोटा लिरु। हाङ् आक्क छाराक्फुऎ उम्चा सिमॆ लःबि उम्चा सिसुयॆ रु कामानुङ् खाङ्सि खो ऎॽवा खेपा ऎरा। टर खोसॆ हानाम्स आक्क छाराक्फुऎ उम्चा मासिमिम्पा खाङु। 7मसॆ खोसॆ खोम् चोप्लिङ् खाङ्खुबा लोसु, ‘काङॆ इग छाराक्फुऎ उम्चा सिकुयॆ रु कामानुङ् खाङ्सि ऎमिम्पा सुम्चि निङ् लिसा टर एक्क सङ्क उम्चा मासिसु। मसॆ मान्ठा इग काम्नुऎ बाखाबि युङ्ढाङ्मॆ? गमि उम्साम् सङ्क मायुङ्ले बक्ढाङ्सॆ।’ 8टर चोप्लिङ् खाङ्खुबॆ लोसु, ‘टुङ्घङ्पो, हस एक्क निङ्ढारि ऎबक्ढाङ्मार काम्नुऎ लिऎ रु, काङॆ ग काम्नुःर खःक्सॆ मल्ल टिबिकुङ। 9टाऎ निङ्पि उम्चा सिइकुयॆ रु? सिसु हाङ्ग काम्नुऎन लि, टर मासिसु हाङ्ग आनॆ लोसिन्टॽन डेढ्ढाङ्कुङ्’।”
येसुऎ टुक्खा नुबक्मिडुवॆ
10इॽया नाचामॆ डिनाबि येसुऎ याहुडिचि खोम्ठाम् खिम्पि चिन्मॆ सिसुचि। 11आक्कुबि एक्क मेॽनुङ्मा चुआ। खो एपङ्बा निङ्बाङ् खारिक्माङ्ऎ खक्खक् पिखॆॽमिम्पा लॆटा हाङ् खो मिःक्म सङ्क खिङ्खिङ् लॆःॽमा माहेयुङ्सु। 12येसुऎ आक्क मेॽनुङ्मा खाङ्टकु हाङ् खोम् कॆक्पि सेःरु हाङ् लोसु, “आनामि टुक्मावाबाङ् नुबक्खाराना।” 13येसुऎ टाङ्पाम् हुक् आक्क मेॽनुङ्मामि खक्खक् लॆऎ डॆङ्कॽवाबि युङु, हाङ् आक्रलॽन मेॽनुङ्मा खिङ्खिङ् लॆपका हाङ् निवाँहाङ्मि निङ् ठेप्पकु।
14येसुऎ आक्क मेॽनुङ्मा नाचामॆ डिना नुबक्मिॽमिम्पा याहुडिचि खोम्ठम् खिम्पिऎ टुङ्घङ्पाऎ खाङ्टकुहाङ् सोम् खेॽमानुङ् याॽमिचि लोसुचि, “योम्पक् मुमाम् लागि ठुक्चि डिना पिडानि, मसॆ नुबक्मा यक्खुबाऎ ठुक्चि डिना हङ्सिॽन नुबकानॆ टर नाचामॆ डिना हॆॽनॆ।”
15येसुऎ आक्खाचि लोसुचि, “ओ काइसा निवाँ लॆखुबाचि, माल आन्नॆ नाचामॆ डिना आन्नामि पिक्चि हेनुकाम्निहाङ् योवा डुङ्सि लाखॆटाम्निनॆ? 16ग आबाराहाममि सामॆक्बिऎ साम्सामा, एपङ्बा निङ्बाङ् साइटानऎ हिक्भुङ्पा लॆ। नाचामॆ डिना आन्नामि पिक्चि हेनिन्टॽन ग मेॽनुङ्मा सङ्क साइटानमि ठुब्माराबाङ् हेम्पखॆॽमा लॆ हॆॽनॆ?” 17येसुऎ ऎम्पिॽमिम्पा खानावाँऎ खो इचाखुबाचि उम्चि टाङ्पाब्न ङेसिमा लुर लिसामि, टर होइढा डिरिक् याॽमिचि खोसॆ लॆःॽमिम्पा चोब्न आख्खॆॽमाहा योम्पक्बि चेन्चाआमि।
रायोमि चारिक् हाङ् सिढामि काठा
(मट्टि १३:३१-३३; मारकुस ४:३०-३२)
18हाङ् येसुऎ लोसु, “निवाँहाङ्मि हाङ्डाम् मान्टऎर कामानुङ् कॆ माङ् नुङ् ङॆॽमॆ? 19ग एक्क रायो साघामि चारिक् रक्मान, आक्क एक्क याॽमिऎ खोम् कठॆबारिबि लिरु, हाङ् आक्क पुबक्से सिङ् रकॆन लिबका हाङ् आक्कमि हाँगाबिगाबि सवाँचिऎ हाब्बाङ् हेबुचि।”
20हस येसुऎ लोसु, “निवाँहाङ्मि हाङ्डाम् मान्टऎर कामानुङ् कॆ माङ् नुङ् ङॆॽमॆ? 21ग चारेपा होम्बक्मिक्खुबा एक्क सिढा रक्मान। एक्क मेॽनुङ्माऎ चःक्मिम्पा डिरिक् खाॽमिॽबि मिःक्म सिढा ठुटिकु हाङ् आक्कसॆ चोब्न खाॽमि होम्बमिकु।”
बिॽबिॽपा लम्भॆरॆङ्मा
(मट्टि ७:१३-१४; २२-२३; ८:११-१२)
22येसु यारुसालेम खॆॽमार खो लाम्ढुमिम्पा लाम्फु गॆअङ्मॆअङ्हा हाटा नुङ् गाँवाँबि पेन्से याॽमिचि चिनुचि। 23आक्रल एक्क याॽमिऎ येसु सिमु, “टुङ्घङ्पो, माल निवाँहाङ्ऎ मिःॽम याॽमिचि टेःॽन उम्चि हिङ्वाबाङ् फागुकुचॆ।” येसुऎ खानावाँ ऎम्पिसे लोसु, 24“हेःरढारि बिॽबिॽपा लम्भॆरॆङ्माबाङ् निवाँहाङ्मि हाङ्डाम् हङ्सि भॆम्मा यगानॆ, मान्ठाभनॆ कॆ आन्ना लोकानि, डिरिक् याॽमिचि भॆम्मा यगुक्मि, टर भॆन्हिमिनि। 25हङ्सिॽयु भॆम्मॆ लः लुक्खॆहाङ् खिम्पिऎ टुङ्घङ्पाऎ लम्भॆरॆङ्मा सॆक्ठाङ्कु, हाङ् आन्ना चाइ ओम्फुबाङ्, ‘टङ्घङ्पो, काङ्कामि लागि लम्भॆरॆङ्मा हेम्बक्पिच्चिमॆ’ काकानि। हाङ् खोसॆ आन्ना गर लोकानि, ‘आन्ना हाम्पा टाडानिहा कॆ आन्ना लेसानिनि।’ 26हाङ् आन्नॆ लोकाम्नि, ‘काङ्का आनानुङ्न पेन्से चायुक्सिङ्का डुङ्युक्सिङ्का हाङ् आनॆ काङ्कामि गाँवाँबि चिन्युक्सुचिना।’ 27होइखेप्पा स खोसॆ आक्खाचि लोकुचि, ‘चाइबान कॆ आन्ना लोकानि, आन्ना हाबा टाडानिहा कॆ लेसानिनि। काइसा योम्पक् मुखुबा आन्ना काबाङ् खाइहाङ् इट्टानॆ।’ 28आन्नॆ आबाराहाम, इसाहाक, याकुब हाङ् चोब्न काम्नुहा निवाँहाङ्मि खानावाँ लोखुबाचि खोमि हाङ्डाम् हङ्सि पेम्मिम्पा खाङ्टकाम्नि। टर आन्ना चाइ बाहिरा कॽहाङ्कानि हाङ् आन्ना कॆङ् यिक्से हाबुकानि। 29बाखाटेम्पिहा चोब्न ठालबाङ् याॽमिचि निवाँहाङ्मि हाङ्डाम्पि टाःक्मिहाङ् भोजा चासि टाङ्पाम् ठालबि पेनुक्मि। 30हाङ् ग वाप्याकाम्नॆ, गरक्ल योम्पक् पिक्खुबा लोमिम्पाचि डॆङ्पि योम्पक् आपिक्खुबा लिक्मि, हाङ् गरक्ल योम्पक् आपिक्खुबाचि चाइ डॆङ्पि योम्पक् पिक्खुबा लिक्मि।”
यारुसालेम मिॽलासे येसुमि निवाँ टुःक्डॆ
(मट्टि २३:३७-३९)
31आक्रलॽन हिप्पा सुम्पा फारिसिचि टाआमि हाङ् येसु लोसुचि, “आना गबाङ् आम्पकॆहाङ् गॆअङ्मॆअङ्हा ठालबि खाइहाङ् इट्टॆ, मान्ठाभनॆ आना हेरोड हाङ् एन्टिपासऎ सेॽमा कामानुङ् यक्मॆ सि।” 32येसुऎ आक्खाचि लोसुचि, “खारानॆहाङ् आक्क स्याला गर लोसाम्नॆ, ‘एच्छक्लःढारि खारिॽमाङ्चि लाबक्मॆ नुङ् टुक्खाचि नुबक्मिॽमॆ योम्पक् मुङा हाङ् सॆॽलॽन काम योम्पक् लुक्पिकुङ। 33टर काङॆ काम योम्पक् मुसेमुसे यारुसालेम खॆॽमान लॆङा, मान्ठाभनॆ यारुसालेमबाङ् होइढा ठालबि निवाँहाङ्मि खानावाँ लोखुबाचि सेरुचिमिनि’।”
34“ओ यारुसालेमबिहा याॽमिचि, ओ यारुसालेमबिहा याॽमिचि! आन्नॆ निवाँहाङ्ऎ आन्नाबि पाङ्हाङ्पा निवाँहाङ्मि खानावाँ लोखुबाचि ऎॽवाहा खेप्पा लुङ्कॽवाऎ डॆराम्चिनि हाङ् सेराम्चिनि हाङ् हस आक्रक्न लॆःॽमा मिङ्कानि। आन्ना कोब्माडोब्माम् लागि कॆ काम् हुक् वारुॽमाऎ उम् पासाचि कुःप्माम् लागि लाप्रॆङ् फेसिन्टॽन फेसुङ् टर आन्ना माखासिआनि। 35मसॆ खाङानॆ, निवाँहाङ्ऎ आन्नामि खिम् याइकु हाङ् चाइबान कॆ आन्ना लोकानि, ‘हानाम्ढारि आन्नॆ पारभु निवाँहाङ्मि निङ्पि टाखुबा आसिका टक्चामिम्पान’ कासानिनि, आक्रलढारि आन्नॆ काङा खाङ्टङानिनि।”
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
© 2023, Wycliffe Bible Translators, Inc. and Nepal Bible Society