Mataio 15
15
Ko nā Akoakoga a nā Tupuna
(Maleko 7.1-13)
1Oi ōmai ai ni Falehaio ma ni faiakoga o te Tūlāfono mai i Ieluhalema ki a Iehu ma fehili vē atu ki ei, 2“He ā te hē uhitaki ai nā hoko o koe ki nā akoakoga na tuku mai e o tātou tupuna? E hē fufulua o lātou lima e vē ko te mea na fakatonu mai ai ki tātou, ka ko hēki kakai!”
3Kua tali mai ki ei ia Iehu, “He ā foki la te hē uhitaki ai koutou ki nā fakatonuga a te Atua, kae mulimuli lava koutou ki autou akoakoga? 4#Eho 20.12; 21.17; Teu 5.16; Lev 20.9Auā na vāgana te Atua, ‘Āva ki tō tamana ma tō mātua,’ ma ‘Ko ai lava e faia ni kupu kino ki tona tamana pe ki tona mātua, e tatau ke tāmate.’ 5Kae e akoako e koutou kāfai ni tino e i ei ni a lātou mea e ono mafai ke fehoahoani ai ki o lātou tamana pe ko o lātou mātua, ka kua lea vē koutou, ‘Ko te mea tēnei e mo te Atua,’ 6e hē tau āva la ki lātou ki o lātou tamana.#15.6: o lātou tamana: ko iētahi tuhituhiga e vē mai o lātou tamana pe ko nā mātua. Ko te koutou faiga tēnā kua fakahēaogā ai e koutou te fakatonuga a te Atua, kae ke mulimuli ai pea koutou ki autou tu māhani. 7Ko koutou ni tino āmio pepelo! Kai te hako lele o Ihaia i tana vāloaga e uiga ki a te koutou!
8‘Kua vāgana te Atua, Ko nā tino iēnei, e viviki mai ki a te au ia lātou kupu,
ka ko o lātou loto e mamao lele ma au.
9 #
Iha 29.13
E hē aogā ke tāpuaki mai ki lātou ki a te au,
auā e akoako e ki lātou ia tūlāfono a tagata e vēia ni Tūlāfono e āku!’ ”
Ko nā Mea e Hē Mamā ai he Tino
(Maleko 7.14-23)
10Oi kalaga ai ia Iehu ki te kaifenua ke hēleka ake ki a te ia, oi lea vē atu ai ki ei, “Fakalogo mai kae ke mālamalama lelei koutou! 11E hē ko nā mea e fano ki loto o te gutu o he tino te hē mamā ai i nā tu tau tāpuakiga; kae ko te mea e hau ki fafo mai te gutu.”
12Oi ōmai ai te kau hoko ki a Iehu kua lea vē atu ki ei, “E kē iloa te tīgā o nā loto o te kau Falehaio ki nā mea nae lea ai koe?”
13Ka kua tali mai ia Iehu, “Ko nā lākau uma e hēki totōa e toku Tamana i te lagi ka laga uma ki luga. 14#Luk 6.39Koutou la nā popole ki a te ki lātou! E takitaki e ki lātou nā tāuaho ka ko ki lātou foki ni tāuaho; kāfai e takitaki e he tāuaho hētahi tāuaho, ka pakukū uma ki lāua ki loto o he utu.”
15Oi lea atu ai ia Petelu, “Fakamālamalama ake te uiga o tau fakakupuga tēnā.”
16Kua tali mai ia Iehu, “Koi tutuha lava te koutou hē mālamalama ma iētahi tino. 17Ko koutou e hē mālamalama? Ho he mea e fano ki loto o te gutu o he tino, e fano ki loto o tona manava ma toe hau ai ki fafo o tona tino. 18#Mat 12.34Kae ko nā mea e hau ki fafo mai te gutu e hau mai te loto, ma ko nā mea iēnā e hē mamā ai he tino. 19Auā e hau mai te loto nā manatu kino e tupu ai te tāmate tino, te mulilua, ma iētahi uiga hē taupulea; te kaihohoa, te talapepelo, ma te fai tala fakakino. 20Ko nā mea iēnā e hē mamā ai he tino. Ka ko te kai kae hē fufulua nā lima e vēia oi fakatonu ai koutou e ki lātou ke fai — e hē ko he mea tēnā e hē mamā ai he tino.”
Ko te Fakatuatua o he Fafine
(Maleko 7.24-30)
21Kua tukua e Iehu te mea tēnā ka kua fano ki te kogāfenua e pili ki nā kakai ko Tulo ma Haitonu. 22Oi hau ai te fafine Kanana e nofo i te kogāfenua tēnā, e tagi ma kalaga vē atu ki a Iehu, “Te Aliki! Te Ataliki o Tavita, alofa mai ko ki a te au. Ko taku tama teine e ulufia e he tēmoni oi e i he tūlaga kino lahi lele.”
23Kae e hē vāia lele ki ei ia Iehu. Oi ōmai ai ona hoko kua tauanau ki a Iehu ma lea vē atu ki ei, “Uga ko te fafine ke fano kehe auā e taumulimuli mai ma taukekē!”
24Ka kua tali atu ia Iehu, “Ko au na uga mai oioti ki nā tino o Ihalaelu e vē ni māmoe kua gagalo!”
25Oi hau ai te fafine kua tōtuli i mua o Iehu ma lea vē atu ki ei, “Te Aliki, fehoahoani mai ko ki a te au!”
26Ka kua tali mai ia Iehu, “E hē ko he mea tatau ke kave te meakai a tamaiti oi togi ma nā kulī.”
27Kua tali atu te fafine, “Io e hako te Aliki, kae e pa foki lava ki nā kulī, e kakai ki nā matutuga e malili ki lalo o te laulau a to lātou matai.”
28Oi tali mai ai ia Iehu, “Te māfine, e aloā tō fakatuatua e lahi! Ko te mea e fofou koe ki ei, ka vēnā lava oi fai mo koe.” I te taimi lava tēnā, na mālōlō ai tana tama teine.
Kua Fakamālōlō e Iehu te Tokalahi
29Kua tukua e Iehu ia kinā, oi fano ai kui atu fakatafatafa i te Vaitūloto ko Kalilaia. Kua fano ki luga o he mauga oi nofo ai ki lalo. 30Kua ōmamai ki a te ia te tokalahi o te kaifenua, ma kaumai nā pipili, nā tāuaho, nā tino e hē kātoatoa te mālohi, nā gūgū ma te tokalahi o nā tino tauale, kua fakanonofo tafapili ki a Iehu; oi fakamālōlō ai ki lātou uma e ia. 31Na ofo lele ia tagata i te kiteaga e ki lātou kua tautatala nā gūgū, kua mālolohi nā tino nae hē kātoatoa te mālohi, kua havavali nā pipili, ma kua pupula nā mata o nā tāuaho; oi viviki ake ai ki lātou ki te Atua o Ihalaelu.
Kua Fafaga e Iehu Hētahi Kaifenua Tokalahi
(Maleko 8.1-10)
32Kua fakapotopoto mai e Iehu ona hoko, oi vāgana atu ai ki ei, “Ko au te alofa ki nā tino iēnei, auā ko te tolu tēnei o aho koi kinei lava ki lātou ma au, ma kua hēai ni a lātou mea ke kai. Ko au e hē fofou ke uga ke olo ka ko hēki i ei ha lātou mea e kai, auā nā he tino e matapogia i luga o te auala.”
33Oi fehili atu ai nā hoko ki ei, “Ko fea nei i te togāvao tēnei te ka maua ai e ki mātou ni meakai e lava ke fafaga ai te kaifenua tokalahi tēnei?”
34“E fia autou falaoa?” kua fehili atu ia Iehu.
“E fitu ia falaoa ma ni nai tamā ika,” kua tali mai ki lātou.
35Na fakatonu loa lava e Iehu te kaifenua ke nonofo ki lalo. 36Oi tago ai ki nā falaoa e fitu ma nā ika, kua fakafetai ki te Atua, oi tavaevae ai e ia ma foki ki ona hoko; oi fakahoa ai e te kau hoko ki te kaifenua. 37Kua kakai uma ki lātou ma kua mākokona. Oi fakaputu ai e te kau hoko nā tōega ma na tūtumu ai nā polapola e fitu. 38Ko ki lātou na kakai e toka fa afe ia taulelea, kae hēki faitaua ai ia fafine ma tamaiti.
39Oi uga ai e Iehu ia tagata ke olo ki o lātou kāiga, ka kua hopo ki luga o he vaka ma fano ki te kogāfenua ko Makatana te igoa.
सध्या निवडलेले:
Mataio 15: TNT
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Tokelauan New Testament © Bible Society New Zealand, 2009.
Mataio 15
15
Ko nā Akoakoga a nā Tupuna
(Maleko 7.1-13)
1Oi ōmai ai ni Falehaio ma ni faiakoga o te Tūlāfono mai i Ieluhalema ki a Iehu ma fehili vē atu ki ei, 2“He ā te hē uhitaki ai nā hoko o koe ki nā akoakoga na tuku mai e o tātou tupuna? E hē fufulua o lātou lima e vē ko te mea na fakatonu mai ai ki tātou, ka ko hēki kakai!”
3Kua tali mai ki ei ia Iehu, “He ā foki la te hē uhitaki ai koutou ki nā fakatonuga a te Atua, kae mulimuli lava koutou ki autou akoakoga? 4#Eho 20.12; 21.17; Teu 5.16; Lev 20.9Auā na vāgana te Atua, ‘Āva ki tō tamana ma tō mātua,’ ma ‘Ko ai lava e faia ni kupu kino ki tona tamana pe ki tona mātua, e tatau ke tāmate.’ 5Kae e akoako e koutou kāfai ni tino e i ei ni a lātou mea e ono mafai ke fehoahoani ai ki o lātou tamana pe ko o lātou mātua, ka kua lea vē koutou, ‘Ko te mea tēnei e mo te Atua,’ 6e hē tau āva la ki lātou ki o lātou tamana.#15.6: o lātou tamana: ko iētahi tuhituhiga e vē mai o lātou tamana pe ko nā mātua. Ko te koutou faiga tēnā kua fakahēaogā ai e koutou te fakatonuga a te Atua, kae ke mulimuli ai pea koutou ki autou tu māhani. 7Ko koutou ni tino āmio pepelo! Kai te hako lele o Ihaia i tana vāloaga e uiga ki a te koutou!
8‘Kua vāgana te Atua, Ko nā tino iēnei, e viviki mai ki a te au ia lātou kupu,
ka ko o lātou loto e mamao lele ma au.
9 #
Iha 29.13
E hē aogā ke tāpuaki mai ki lātou ki a te au,
auā e akoako e ki lātou ia tūlāfono a tagata e vēia ni Tūlāfono e āku!’ ”
Ko nā Mea e Hē Mamā ai he Tino
(Maleko 7.14-23)
10Oi kalaga ai ia Iehu ki te kaifenua ke hēleka ake ki a te ia, oi lea vē atu ai ki ei, “Fakalogo mai kae ke mālamalama lelei koutou! 11E hē ko nā mea e fano ki loto o te gutu o he tino te hē mamā ai i nā tu tau tāpuakiga; kae ko te mea e hau ki fafo mai te gutu.”
12Oi ōmai ai te kau hoko ki a Iehu kua lea vē atu ki ei, “E kē iloa te tīgā o nā loto o te kau Falehaio ki nā mea nae lea ai koe?”
13Ka kua tali mai ia Iehu, “Ko nā lākau uma e hēki totōa e toku Tamana i te lagi ka laga uma ki luga. 14#Luk 6.39Koutou la nā popole ki a te ki lātou! E takitaki e ki lātou nā tāuaho ka ko ki lātou foki ni tāuaho; kāfai e takitaki e he tāuaho hētahi tāuaho, ka pakukū uma ki lāua ki loto o he utu.”
15Oi lea atu ai ia Petelu, “Fakamālamalama ake te uiga o tau fakakupuga tēnā.”
16Kua tali mai ia Iehu, “Koi tutuha lava te koutou hē mālamalama ma iētahi tino. 17Ko koutou e hē mālamalama? Ho he mea e fano ki loto o te gutu o he tino, e fano ki loto o tona manava ma toe hau ai ki fafo o tona tino. 18#Mat 12.34Kae ko nā mea e hau ki fafo mai te gutu e hau mai te loto, ma ko nā mea iēnā e hē mamā ai he tino. 19Auā e hau mai te loto nā manatu kino e tupu ai te tāmate tino, te mulilua, ma iētahi uiga hē taupulea; te kaihohoa, te talapepelo, ma te fai tala fakakino. 20Ko nā mea iēnā e hē mamā ai he tino. Ka ko te kai kae hē fufulua nā lima e vēia oi fakatonu ai koutou e ki lātou ke fai — e hē ko he mea tēnā e hē mamā ai he tino.”
Ko te Fakatuatua o he Fafine
(Maleko 7.24-30)
21Kua tukua e Iehu te mea tēnā ka kua fano ki te kogāfenua e pili ki nā kakai ko Tulo ma Haitonu. 22Oi hau ai te fafine Kanana e nofo i te kogāfenua tēnā, e tagi ma kalaga vē atu ki a Iehu, “Te Aliki! Te Ataliki o Tavita, alofa mai ko ki a te au. Ko taku tama teine e ulufia e he tēmoni oi e i he tūlaga kino lahi lele.”
23Kae e hē vāia lele ki ei ia Iehu. Oi ōmai ai ona hoko kua tauanau ki a Iehu ma lea vē atu ki ei, “Uga ko te fafine ke fano kehe auā e taumulimuli mai ma taukekē!”
24Ka kua tali atu ia Iehu, “Ko au na uga mai oioti ki nā tino o Ihalaelu e vē ni māmoe kua gagalo!”
25Oi hau ai te fafine kua tōtuli i mua o Iehu ma lea vē atu ki ei, “Te Aliki, fehoahoani mai ko ki a te au!”
26Ka kua tali mai ia Iehu, “E hē ko he mea tatau ke kave te meakai a tamaiti oi togi ma nā kulī.”
27Kua tali atu te fafine, “Io e hako te Aliki, kae e pa foki lava ki nā kulī, e kakai ki nā matutuga e malili ki lalo o te laulau a to lātou matai.”
28Oi tali mai ai ia Iehu, “Te māfine, e aloā tō fakatuatua e lahi! Ko te mea e fofou koe ki ei, ka vēnā lava oi fai mo koe.” I te taimi lava tēnā, na mālōlō ai tana tama teine.
Kua Fakamālōlō e Iehu te Tokalahi
29Kua tukua e Iehu ia kinā, oi fano ai kui atu fakatafatafa i te Vaitūloto ko Kalilaia. Kua fano ki luga o he mauga oi nofo ai ki lalo. 30Kua ōmamai ki a te ia te tokalahi o te kaifenua, ma kaumai nā pipili, nā tāuaho, nā tino e hē kātoatoa te mālohi, nā gūgū ma te tokalahi o nā tino tauale, kua fakanonofo tafapili ki a Iehu; oi fakamālōlō ai ki lātou uma e ia. 31Na ofo lele ia tagata i te kiteaga e ki lātou kua tautatala nā gūgū, kua mālolohi nā tino nae hē kātoatoa te mālohi, kua havavali nā pipili, ma kua pupula nā mata o nā tāuaho; oi viviki ake ai ki lātou ki te Atua o Ihalaelu.
Kua Fafaga e Iehu Hētahi Kaifenua Tokalahi
(Maleko 8.1-10)
32Kua fakapotopoto mai e Iehu ona hoko, oi vāgana atu ai ki ei, “Ko au te alofa ki nā tino iēnei, auā ko te tolu tēnei o aho koi kinei lava ki lātou ma au, ma kua hēai ni a lātou mea ke kai. Ko au e hē fofou ke uga ke olo ka ko hēki i ei ha lātou mea e kai, auā nā he tino e matapogia i luga o te auala.”
33Oi fehili atu ai nā hoko ki ei, “Ko fea nei i te togāvao tēnei te ka maua ai e ki mātou ni meakai e lava ke fafaga ai te kaifenua tokalahi tēnei?”
34“E fia autou falaoa?” kua fehili atu ia Iehu.
“E fitu ia falaoa ma ni nai tamā ika,” kua tali mai ki lātou.
35Na fakatonu loa lava e Iehu te kaifenua ke nonofo ki lalo. 36Oi tago ai ki nā falaoa e fitu ma nā ika, kua fakafetai ki te Atua, oi tavaevae ai e ia ma foki ki ona hoko; oi fakahoa ai e te kau hoko ki te kaifenua. 37Kua kakai uma ki lātou ma kua mākokona. Oi fakaputu ai e te kau hoko nā tōega ma na tūtumu ai nā polapola e fitu. 38Ko ki lātou na kakai e toka fa afe ia taulelea, kae hēki faitaua ai ia fafine ma tamaiti.
39Oi uga ai e Iehu ia tagata ke olo ki o lātou kāiga, ka kua hopo ki luga o he vaka ma fano ki te kogāfenua ko Makatana te igoa.
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Tokelauan New Testament © Bible Society New Zealand, 2009.