Mataio 25
25
Ko te Talafakatuha o nā Tautiti e toka Hefulu
1 #
Luk 12.35
“I te taimi tēnā, ko te Mālō o te lagi ka fakatuha vēnei. Nae i ei ni tautiti e toka hefulu na kave a lātou lāmepa ma olo ki fafo ke fakafeiloaki ki te tama fakaipoipo. 2E toka lima ki lātou e vālelea ma toka lima e popoto. 3Ko nā tautiti vālelea kua kave a lātou lāmepa kae kua hē kavea ma ni a lātou huāū fakaleoleo, 4ka ko nā tautiti popoto kua kave a lātou lāmepa ma kave a lātou huāū fakaleoleo. 5Kua tuai mai te tama fakaipoipo, oi kāmata ai oi tulemomoe nā tautiti ma iku ai kua momoe.
6“Kua ta te vaeluaga o te pō kae hau loa te kalaga, ‘Tēnei kua pa mai te tama fakaipoipo. Ōmamai oi feiloaki ki ei!’ 7Kua āla ki luga nā tautiti e toka hefulu ma kī ki luga a lātou lāmepa. 8Oi lea atu ai nā tautiti vālelea ki nā tautiti popoto, ‘Kaumai ko ni a mātou huāū, auā a mātou lāmepa ka mamate.’ 9‘E hēai he mea vēnā,’ kua tali atu nā tautiti popoto, ‘E hē lava mo ki mātou ma koutou. Olo ki te fale koloa oi fakatau mai ni autou huāū.’ 10Oi olo ai nā tautiti vālelea oi fakatau mai a lātou huāū; ma i te taimi tēnā na olo ai, kae taunuku mai loa te tama fakaipoipo. Ko nā tautiti e toka lima nae nofo hāuni, kua olo ma ia ki loto ki te kaiga o te fakaipoipoga ma na tapuni ai loa te faitotoka.
11 #
Luk 13.25
“Mulimuli ake oi taunuku mai ai iētahi tautiti ma taukalalaga ki te tama fakaipoipo, ‘Te aliki, Te aliki, oatu ko ki mātou ki loto!’ 12Kae kua tali mai te tama fakaipoipo, ‘E hēai he mea vēnā, e hē kō iloa koutou.’ ”
13Kua fakauma te tautalaga a Iehu, oi lea vē atu ai, “Koutou la ke mataala, auā e hē koutou iloa te aho pe ko te itūlā.
Ko te Talafakatuha o nā Kaukauna e Toka Tolu
(Luka 19.11-27)
14“I te taimi tēnā ko te Mālō o te lagi ka fakatuha vēnei. Nae i ei he tamāloa na hāuni e fano i hana malaga; kua fakamāopoopo mai e ia ana kaukauna ma tuku atu ai e ia ki a te ki lātou, nā meatōtino a ia ke ki lātou kikilagia. 15Kua tuku atu e ia ki a te ki lātou tau tokatahi, e fua lava ki te iloa ma te mālamalama o te tino; ki tētahi na tuku atu e ia ki ei te lima tāleni,#25.15: lima tāleni: E tuha ma te totogi o he tino faigāluega i te hefulu lima tauhaga. ki tētahi e lua tāleni, ma tētahi e fokotahi te tāleni. Oi fano ai loa i tana malaga. 16Ko te kaukauna na tuku ki ei nā tāleni e lima, kua fano fakavave oi fakagalue te tupe ma toe maua mai ai iētahi tāleni e lima. 17Na vēnā foki te mea na fai e te kaukauna na tuku ki ei nā tāleni e lua, ma na toe maua mai ai iētahi tāleni e lua. 18Ka ko te kaukauna na tuku ki ei te tāleni e fokotahi, kua fano oi keli te pu i te kelekele ma mumuni ai nā tupe a tona matai.
19“Kua teka atu he taimi mataloa, oi toe foki mai ai te matai ma kua fia iloa e ia pe ni a ta ana kaukauna na fai ki ana tupe. 20Ko te kaukauna na tuku ki ei te lima tāleni, kua hau ki loto ma tuku atu ki tona matai tētahi lima tāleni fakaopoopo. ‘Toku matai, na tuku mai e koe ki a te au nā tāleni e lima. Kikila, iēnei iētahi tāleni e lima.’ 21Kua lea atu ki ei tona matai, ‘Mālō ni, te kaukauna lelei ma te fakamāoni, ko koe kua fakamāoni i nā tamā mea. Ka kō tōfia koe ke pule i nā mea e lahi. Ulu mai loa ki loto nei, ta fiafia fakatahi ai!’
22“Oi hau ai ki loto te kaukauna na tuku ki ei nā tāleni e lua ma lea vē atu ki tona matai, ‘Toku matai, na tuku mai e koe ki a te au nā tāleni e lua. Kikila, iēnei iētahi tāleni e lua na maua i aku taumafaiga.’ 23Kua lea atu ki ei tona matai, ‘Mālō ni, te kaukauna lelei ma te fakamāoni. Kua fakamāoni koe i te kikilaga o ni mea e hē lahi, ka kō tōfia ai la koe ke pule i nā mea e lahi. Ulu mai loa ki loto nei, ta fiafia fakatahi ai!’
24“Oi hau ai te kaukauna na tuku ki ei te tāleni e fokotahi ma lea vē atu ki tona matai, ‘Toku matai, na iloa e au ko koe he tino faigatā; e tau e koe ia fua o nā lākau fatoaga i te mea e hēki totōa e koe ki ei ni fatu lākau, ma helehele e koe te mea e hēki lūlūa e koe. 25Ko au na mataku, oi fano ai au oi mumuni tau tupe i lalo o te kelekele. Kikila, ko te tupe la tēnei a koe.’
26“Kua lea atu tona matai ki ei, ‘Ko koe he kaukauna kino ma te paiē. Oi e kē iloa ni e kō taua nā fua o nā lākau fatoaga i te mea e hēki kō totōa ai ni fatu lākau, ma kō helehelea te mea e hēki kō lūlūagia? 27Na tatau lava la ke teu e koe taku tupe i he faletupe, kae ke maua uma ai e au fakatahi ma te ola, kāfai au e toe foki mai. 28Kave kehe loa nei te tupe mai ia te ia, ma fōki ki te tino e hefulu ana tāleni. 29#Mat 13.12; Mlk 4.25; Luk 8.18Auā ko ho he tino e i ei hana mea, ka toe fakaopoopo ki ei ma ka lahi lele ai ma totoe mo ia; kae ko te tino e hēai hana mea, e pa lava ki te tamā mea a ia, ka kave kehe mai ia te ia. 30#Mat 8.12; 12.13; Luk 13.28Kae vē la ki te kaukauna kino tēnei — togi ki fafo ki te pōuli; i kinā ka tagi ai ma te katigū o ona nifo.’
Ko te Aho Fakamahino
31 #
Mat 16.27; 19.28 “Kāfai te Ataliki o te Tagata e hau i tona mamalu fakatahi ma ana agelu uma, oi ka nofo i tona nofoāliki mamalu, 32ma ka ōmamai ia tagata o mālō uma ki a te ia. Oi vāevāe ai e ia ki lātou ki ni vāega e lua, e vē lava oi tuku kehekehe e te leoleomāmoe nā māmoe ma nā oti. 33Ka tuku e ia nā tino e vē ko nā māmoe ki tona itū taumatau, ma tuku nā tino e vē ko nā oti ki tona itū tauagavale. 34Oi ka lea atu ai te Tupu ki nā tino i tona itū taumatau, ‘Ōmamai, koutou iēnā kua fakamanuiagia e toku Tamana! Ōmamai oi fai mo koutou te tofi ki te mālō, kua uma te hāunia mo koutou, mai te kāmataga o te lalolagi. 35Auā, na fia kaia au, oi fafaga ai au e koutou; na fia inua au, oi fakainu ai au e koutou; na fai au ma tagata kehe, oi talia ai au e koutou ki loto o nā fale o koutou, 36na hē lavalavā au, oi fakakofu ai au e koutou; na tauale au, oi āhi atu ai au e koutou; na falepuipui au, oi oatu ai koutou oi kikila au.’
37“Oi ka tali vēnei mai nā tino āmiotonu ki ei, ‘Te Aliki, ko anafea nei na ki mātou kitea ai koe e fia kaia, oi fafaga ai koe e ki mātou, pe fia inua, oi kavatu ai e ki mātou he vai inu? 38Ko anafea te na ki mātou kitea ai ko koe he tagata kehe, oi talia ai koe e ki mātou ki loto o nā fale o ki mātou, pe hē lavalavā, oi fakakofu ai koe? 39Ko anafea nei foki te na ki mātou kitea ai koe e tauale pe ei loto o te falepuipui, oi oatu ai ki mātou oi āhi koe?’ 40Ma ka tali vē atu te Tupu ki ei, ‘E takutino atu e au ki a te koutou: ho he taimi lava na koutou faia ai te mea tēnei ki hētahi o ki lātou nei oku uho e pito hili te fakaalofa, na koutou faia te mea tēnā ki a te au!’
41“Oi ka lea vē atu ai ki nā tino i tona itū tauagavale, ‘Olo kehe ma au, koutou nā tino kua fakamālaiagia e te Atua. Olo ki te afi e hē mate kua uma te hāunia mo Hātani ma ana agelu! 42Auā na fiakaia au, kae hēki fafaga au e koutou, na fia inua au, kae hēki fakainua au e koutou; 43na fai au ma tagata kehe, kae e hēki talia au i loto o nā fale o koutou; na hē lavalavā au, kae hēki fakakofua au e koutou; na tauale ma i loto au o te falepuipui, kae e hēki koutou āhi atua au.’
44“Oi ka tali mai ki lātou ki a te ia, ‘Te Aliki, ko anafea nei te na ki mātou kitea ai koe e fia kaia pe fia inu, pe he tagata kehe, pe hē lavalavā, pe tauale pe i te fale puipui, kae hēki fehoahoani atu ki mātou ki a te koe?’ 45Ka tali vē atu te Tupu ki ei, ‘E takutino atu e au ki a te koutou: ho he taimi lava e hēki fehoahoani ai koutou ki hētahi o ki lātou nei e pito hili te fakaalofa, e hēki fehoahoani mai koutou ki a te au.’ 46#Tan 12.2Ko nā tino la iēnei, ka kave ki te fakahalaga e pa ki te fakavavau, ka ko nā tino āmiotonu ka maua e ki lātou te ola e fakavavau.”
सध्या निवडलेले:
Mataio 25: TNT
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Tokelauan New Testament © Bible Society New Zealand, 2009.
Mataio 25
25
Ko te Talafakatuha o nā Tautiti e toka Hefulu
1 #
Luk 12.35
“I te taimi tēnā, ko te Mālō o te lagi ka fakatuha vēnei. Nae i ei ni tautiti e toka hefulu na kave a lātou lāmepa ma olo ki fafo ke fakafeiloaki ki te tama fakaipoipo. 2E toka lima ki lātou e vālelea ma toka lima e popoto. 3Ko nā tautiti vālelea kua kave a lātou lāmepa kae kua hē kavea ma ni a lātou huāū fakaleoleo, 4ka ko nā tautiti popoto kua kave a lātou lāmepa ma kave a lātou huāū fakaleoleo. 5Kua tuai mai te tama fakaipoipo, oi kāmata ai oi tulemomoe nā tautiti ma iku ai kua momoe.
6“Kua ta te vaeluaga o te pō kae hau loa te kalaga, ‘Tēnei kua pa mai te tama fakaipoipo. Ōmamai oi feiloaki ki ei!’ 7Kua āla ki luga nā tautiti e toka hefulu ma kī ki luga a lātou lāmepa. 8Oi lea atu ai nā tautiti vālelea ki nā tautiti popoto, ‘Kaumai ko ni a mātou huāū, auā a mātou lāmepa ka mamate.’ 9‘E hēai he mea vēnā,’ kua tali atu nā tautiti popoto, ‘E hē lava mo ki mātou ma koutou. Olo ki te fale koloa oi fakatau mai ni autou huāū.’ 10Oi olo ai nā tautiti vālelea oi fakatau mai a lātou huāū; ma i te taimi tēnā na olo ai, kae taunuku mai loa te tama fakaipoipo. Ko nā tautiti e toka lima nae nofo hāuni, kua olo ma ia ki loto ki te kaiga o te fakaipoipoga ma na tapuni ai loa te faitotoka.
11 #
Luk 13.25
“Mulimuli ake oi taunuku mai ai iētahi tautiti ma taukalalaga ki te tama fakaipoipo, ‘Te aliki, Te aliki, oatu ko ki mātou ki loto!’ 12Kae kua tali mai te tama fakaipoipo, ‘E hēai he mea vēnā, e hē kō iloa koutou.’ ”
13Kua fakauma te tautalaga a Iehu, oi lea vē atu ai, “Koutou la ke mataala, auā e hē koutou iloa te aho pe ko te itūlā.
Ko te Talafakatuha o nā Kaukauna e Toka Tolu
(Luka 19.11-27)
14“I te taimi tēnā ko te Mālō o te lagi ka fakatuha vēnei. Nae i ei he tamāloa na hāuni e fano i hana malaga; kua fakamāopoopo mai e ia ana kaukauna ma tuku atu ai e ia ki a te ki lātou, nā meatōtino a ia ke ki lātou kikilagia. 15Kua tuku atu e ia ki a te ki lātou tau tokatahi, e fua lava ki te iloa ma te mālamalama o te tino; ki tētahi na tuku atu e ia ki ei te lima tāleni,#25.15: lima tāleni: E tuha ma te totogi o he tino faigāluega i te hefulu lima tauhaga. ki tētahi e lua tāleni, ma tētahi e fokotahi te tāleni. Oi fano ai loa i tana malaga. 16Ko te kaukauna na tuku ki ei nā tāleni e lima, kua fano fakavave oi fakagalue te tupe ma toe maua mai ai iētahi tāleni e lima. 17Na vēnā foki te mea na fai e te kaukauna na tuku ki ei nā tāleni e lua, ma na toe maua mai ai iētahi tāleni e lua. 18Ka ko te kaukauna na tuku ki ei te tāleni e fokotahi, kua fano oi keli te pu i te kelekele ma mumuni ai nā tupe a tona matai.
19“Kua teka atu he taimi mataloa, oi toe foki mai ai te matai ma kua fia iloa e ia pe ni a ta ana kaukauna na fai ki ana tupe. 20Ko te kaukauna na tuku ki ei te lima tāleni, kua hau ki loto ma tuku atu ki tona matai tētahi lima tāleni fakaopoopo. ‘Toku matai, na tuku mai e koe ki a te au nā tāleni e lima. Kikila, iēnei iētahi tāleni e lima.’ 21Kua lea atu ki ei tona matai, ‘Mālō ni, te kaukauna lelei ma te fakamāoni, ko koe kua fakamāoni i nā tamā mea. Ka kō tōfia koe ke pule i nā mea e lahi. Ulu mai loa ki loto nei, ta fiafia fakatahi ai!’
22“Oi hau ai ki loto te kaukauna na tuku ki ei nā tāleni e lua ma lea vē atu ki tona matai, ‘Toku matai, na tuku mai e koe ki a te au nā tāleni e lua. Kikila, iēnei iētahi tāleni e lua na maua i aku taumafaiga.’ 23Kua lea atu ki ei tona matai, ‘Mālō ni, te kaukauna lelei ma te fakamāoni. Kua fakamāoni koe i te kikilaga o ni mea e hē lahi, ka kō tōfia ai la koe ke pule i nā mea e lahi. Ulu mai loa ki loto nei, ta fiafia fakatahi ai!’
24“Oi hau ai te kaukauna na tuku ki ei te tāleni e fokotahi ma lea vē atu ki tona matai, ‘Toku matai, na iloa e au ko koe he tino faigatā; e tau e koe ia fua o nā lākau fatoaga i te mea e hēki totōa e koe ki ei ni fatu lākau, ma helehele e koe te mea e hēki lūlūa e koe. 25Ko au na mataku, oi fano ai au oi mumuni tau tupe i lalo o te kelekele. Kikila, ko te tupe la tēnei a koe.’
26“Kua lea atu tona matai ki ei, ‘Ko koe he kaukauna kino ma te paiē. Oi e kē iloa ni e kō taua nā fua o nā lākau fatoaga i te mea e hēki kō totōa ai ni fatu lākau, ma kō helehelea te mea e hēki kō lūlūagia? 27Na tatau lava la ke teu e koe taku tupe i he faletupe, kae ke maua uma ai e au fakatahi ma te ola, kāfai au e toe foki mai. 28Kave kehe loa nei te tupe mai ia te ia, ma fōki ki te tino e hefulu ana tāleni. 29#Mat 13.12; Mlk 4.25; Luk 8.18Auā ko ho he tino e i ei hana mea, ka toe fakaopoopo ki ei ma ka lahi lele ai ma totoe mo ia; kae ko te tino e hēai hana mea, e pa lava ki te tamā mea a ia, ka kave kehe mai ia te ia. 30#Mat 8.12; 12.13; Luk 13.28Kae vē la ki te kaukauna kino tēnei — togi ki fafo ki te pōuli; i kinā ka tagi ai ma te katigū o ona nifo.’
Ko te Aho Fakamahino
31 #
Mat 16.27; 19.28 “Kāfai te Ataliki o te Tagata e hau i tona mamalu fakatahi ma ana agelu uma, oi ka nofo i tona nofoāliki mamalu, 32ma ka ōmamai ia tagata o mālō uma ki a te ia. Oi vāevāe ai e ia ki lātou ki ni vāega e lua, e vē lava oi tuku kehekehe e te leoleomāmoe nā māmoe ma nā oti. 33Ka tuku e ia nā tino e vē ko nā māmoe ki tona itū taumatau, ma tuku nā tino e vē ko nā oti ki tona itū tauagavale. 34Oi ka lea atu ai te Tupu ki nā tino i tona itū taumatau, ‘Ōmamai, koutou iēnā kua fakamanuiagia e toku Tamana! Ōmamai oi fai mo koutou te tofi ki te mālō, kua uma te hāunia mo koutou, mai te kāmataga o te lalolagi. 35Auā, na fia kaia au, oi fafaga ai au e koutou; na fia inua au, oi fakainu ai au e koutou; na fai au ma tagata kehe, oi talia ai au e koutou ki loto o nā fale o koutou, 36na hē lavalavā au, oi fakakofu ai au e koutou; na tauale au, oi āhi atu ai au e koutou; na falepuipui au, oi oatu ai koutou oi kikila au.’
37“Oi ka tali vēnei mai nā tino āmiotonu ki ei, ‘Te Aliki, ko anafea nei na ki mātou kitea ai koe e fia kaia, oi fafaga ai koe e ki mātou, pe fia inua, oi kavatu ai e ki mātou he vai inu? 38Ko anafea te na ki mātou kitea ai ko koe he tagata kehe, oi talia ai koe e ki mātou ki loto o nā fale o ki mātou, pe hē lavalavā, oi fakakofu ai koe? 39Ko anafea nei foki te na ki mātou kitea ai koe e tauale pe ei loto o te falepuipui, oi oatu ai ki mātou oi āhi koe?’ 40Ma ka tali vē atu te Tupu ki ei, ‘E takutino atu e au ki a te koutou: ho he taimi lava na koutou faia ai te mea tēnei ki hētahi o ki lātou nei oku uho e pito hili te fakaalofa, na koutou faia te mea tēnā ki a te au!’
41“Oi ka lea vē atu ai ki nā tino i tona itū tauagavale, ‘Olo kehe ma au, koutou nā tino kua fakamālaiagia e te Atua. Olo ki te afi e hē mate kua uma te hāunia mo Hātani ma ana agelu! 42Auā na fiakaia au, kae hēki fafaga au e koutou, na fia inua au, kae hēki fakainua au e koutou; 43na fai au ma tagata kehe, kae e hēki talia au i loto o nā fale o koutou; na hē lavalavā au, kae hēki fakakofua au e koutou; na tauale ma i loto au o te falepuipui, kae e hēki koutou āhi atua au.’
44“Oi ka tali mai ki lātou ki a te ia, ‘Te Aliki, ko anafea nei te na ki mātou kitea ai koe e fia kaia pe fia inu, pe he tagata kehe, pe hē lavalavā, pe tauale pe i te fale puipui, kae hēki fehoahoani atu ki mātou ki a te koe?’ 45Ka tali vē atu te Tupu ki ei, ‘E takutino atu e au ki a te koutou: ho he taimi lava e hēki fehoahoani ai koutou ki hētahi o ki lātou nei e pito hili te fakaalofa, e hēki fehoahoani mai koutou ki a te au.’ 46#Tan 12.2Ko nā tino la iēnei, ka kave ki te fakahalaga e pa ki te fakavavau, ka ko nā tino āmiotonu ka maua e ki lātou te ola e fakavavau.”
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Tokelauan New Testament © Bible Society New Zealand, 2009.