Mataio 27
27
Kua Tukulima atu ia Iehu ki a Pilato ke Fakamahino
(Maleko 15.1; Luka 23.1-2; Ioane 18.28-32)
1I te taeaopō o te aho na hohoko ai, na fai ai te tonu a nā ohitāulaga hili ma te kau toeaina uma, ke tāmate ia Iehu. 2Oi fakatonu ai e ki lātou ke noanoa ia Iehu ma takitaki kehe mai kinā, ma tukulima atu ki a Pilato te kōvana Loma, ke fakamahino e ia.
Ko te Mate o Iuta
(Gāluega 1.18-19)
3 #
Gāl 1.18-19
Kua iloa e Iuta te fakalata ko Iehu kua fakahala, oi lagona ai e ia tona halamō lahi, ma fano ai kua toe fakafoki nā tupe hiliva e toluhefulu ki nā ohitāulaga hili ma te kau toeaina. 4Kua lea vē atu ia Iuta, “Ko au kua agahala ona kua kō fakalatagia he tino e hēai hana agahala, ma ka oti tauanoa ai ia.”
Kua tali mai ki lātou, “E hēai lele he mātou fekau ki ei. Faitalia lava koe ma te mea tēnā.”
5Kua togi e Iuta nā tupe hiliva ki lalo i loto o te Mālumalu, oi fano kehe ai; kua fano oi hihi lava ia.
6Kua fakaputuputu e nā ohitāulaga hili nā tupe hiliva ma lea vē, “Ko te tupe tēnei o te fakamaligi toto ma e fakahā i te Tūlāfono ke tuku ki nā fakaputuga tupe o te Mālumalu.#27.6 ke tuku ki nā fakaputuga tupe o te Mālumalu: pe ke fakaaogā mo te Mālumalu. ” 7I te umaga o te lātou talanoaga, na maua ai te lātou tonu ke fakaaogā te tupe ke fakatau ai te fenua o te tino gaohi ipu ōmea, ke fai ma fenua tanu o tagata nukukehe. 8Ko te mea ia na fakaigoa ai te kelekele tēnā ko te “Fenua o te Toto” ke pa mai lava ki nā aho nei.
9 #
Hkl 11.12-13
Oi na taunuku ai te kupu a te pelofeta ko Ielemia na lea ai vē, “Na kave e ki lātou nā tupe hiliva e tolu hefulu, te tau o tē na fuafua tona tau i te māliliega a iētahi o tagata o Ihalaelu, 10kua fakatau ai te fenua o te tino gaohi ipu ōmea, e vē ona fakatonu mai ai au, e te Aliki.”
Kua Fehiligia ia Iehu e Pilato
(Maleko 15.2-5; Luka 23.3-5; Ioane 18.33-38)
11Kua kave ia Iehu ki mua o te kōvana, ma kua fehili atu te kōvana ki ei, “Ko koe moni ko te tupu o tagata Iutaia?”
Kua tali mai ia Iehu, “Ko koe tēnā e lea ai.” 12Kae i te mōliaga o ia e nā ohitāulaga hili ma te kau toeaina, e hēki tali lele ki ei.
13Oi lea atu ai ia Pilato ki a te ia, “E kē lagona atu pe fia ia mea kua mōlia ai koe e ki lātou?”
14Kae kua hē fofou ia Iehu ke tali ki ei i he kupu e fokotahi, ma na kavea tēnā ma mea na ofo lahi lele ai te kōvana.
Kua Fakahala ia Iehu i te Oti
(Maleko 15.6-15; Luka 23.13-25; Ioane 18.39—19.16)
15E i ei te faiga nae māhani ai lava te kōvana Loma i te taimi o te Kaiga Fakamanatu o te Pāheka, e tatala e ia ho he pagotā e fokotahi, e fofou te kaifenua ke ia fakahaolotoa. 16I te taimi tēnā, nae i ei he pagotā lauiloa e igoa ki a Palapa.#27.16 Palapa: I kinei ma te fuaikupu 17, e lahi nā fakamaumauga e lea mai “Iehu Palapa.” 17Kua maopoopo mai te kaifenua, oi fehili atu ai ki ei ia Pilato, “Ko ai te fofou koutou ke kō tatala fakahaolotoa mo koutou? Ko Palapa pe ko Iehu, tē e takua ko te Mehia?” 18Auā kua ia iloa lelei lava ko te lotokino o nā takitaki o tagata Iutaia, na ki lātou kavakea ai ia Iehu ki a te ia.
19Ka koi nofo ia Pilato ma māfaufau ki hana fakaikuga, kae kaumai ki ei te faifekau mai tana āvaga: “Nahe i ei lele hau mea e fai ki te tino tēnā e hēai hana agahala, auā ko au na puapuagā lele i taku miti na fai i te pō, e uiga ki a te ia.”
20Kua tauanau e nā ohitāulaga hili ma te kau toeaina te kaifenua, ke lea ki a Pilato ke tatala ake ia Palapa, kae ke tāmate ia Iehu. 21Kua fehili atu ia Pilato ki te kaifenua, “Ko ai o te toka lua tēnei e fofou koutou ke kō tatala atua mo koutou?”
Kua tali mai ki lātou, “Ko Palapa,”
22“Ko he ā la te tatau ke kō faia ki a Iehu, tēia e takua ko te Mehia?” kua fehili vēnā atu ia Pilato.
Kua tali mai ki lātou, “Fakahātaulo te tino tēnā!”
23Kae kua fehili atu ia Pilato, “Aiheā, ko he holitūlāfono ā ta ia kua fai?”
Oi kāmata ai taukalalaga leo lahi ki lātou: “Fakahātaulo te tino tēnā!”
24 #
Teu 21.6-9
I te kiteaga e Pilato kua hē aogā ke fakaauau pea, ona ko tagata kua tau hē mafai ke tāofiofi, oi tago ai ki nā vai kua fafano ai ona lima i mua o te kaifenua ma lea vē atu, “E mamā au ma te toto o te tagata tēnei! E a koutou lava te mea tēnei!”
25Kua tali uma mai te kaifenua, “Ke i luga o ki mātou ma a mātou fānau, te toto o te tagata tēnā!”
26Oi tatala fakahaoloto ai e Pilato ia Palapa ki a te ki lātou; kae kua fakatonu e ia ke kini ia Iehu, ma tuku atu ai loa ke fakahātaulo.
Kua Fakatauemu nā Fitafita ki a Iehu
(Maleko 15.16-20; Ioane 19.2-3)
27Oi kave ai ia Iehu e nā fitafita a te kōvana ki loto o te fale o te kōvana, ma kua fakapotopoto uma te vāega tēnā o nā fitafita fakatāmilo ia Iehu. 28Kua tatala kehe e ki lātou ona kofu, oi fakakofu ai i he kofu tatao lanu kukula mālohi. 29Oi fai e ki lātou he pale i nā lālā o he lākau tālatala, kua fakapale ai tona ulu. Kua tuku e ki lātou ki tona lima taumatau he mealākau; oi tōtutuli ai i mua o ia ma fakatauemu ki ei. Kua lea vē ki lātou, “Ke manuia te Tupu o tagata Iutaia” 30Oi tūfeanu ai ki lātou ki a te ia ma ta tona ulu i he mealākau. 31Kua uma te fai o a lātou mea fakatauemu ki a Iehu, oi toe ui kehe ai e ki lātou te kofu tatao na ki lātou fakakofua ai, kae toe fakakofu lava i ona kofu. Oi takitaki ai e ki lātou ki fafo ke fakahātaulo.
Kua Fakahātaulo ia Iehu
(Maleko 15.21-32; Luka 23.26-43; Ioane 19.17-27)
32Ka koi ōatu ki lātou ki fafo o te kakai, kae fetaui ma he tamāloa mai Kulene, ko Himona tona igoa. Oi fakamālohia ai e nā fitafita ia Himona, ke amo e ia te hātaulo o Iehu. 33Kua pa atu ki lātou ki te koga e takua ko Kolokota, ko te uiga o te igoa tēnei ko te, “Ulupoko.” 34#Hal 69.21I kinā na tuku atu ai e ki lātou ki a Iehu he uaina kua palu ki ei he mea kokona; kae na tofo oi oti ki ei, kae e hēki inu ki ei.
35 #
Hal 22.18
Kua fakahātaulo e ki lātou ia Iehu, oi fai ai te lātou vili ke iloa ai te mea kofu o Iehu e maua e te tino. 36Kua uma te mea tēnā, oi nonofo ai lava i kinā, oi leoleo ia Iehu. 37I luga ake o tona ulu kua ki lātou tūhia ai te mea na mōlia ai e vēnei, “Ko Iehu tēnei, te Tupu o Tagata Iutaia.” 38Oi fakahātaulo ai e ki lātou ni tino kaihohoa e toka lua fakatahi ma Iehu, ko tētahi i tona itū taumatau ma tētahi i tona itū tauagavale.
39 #
Hal 22.7; 109.25 Ko nā tino na kui ake i kinā, kua lūlū o lātou ulu ma fai a lātou kupu fakatauemu ki a Iehu. 40#Mat 26.61; Ioa 2.19Kua lea vē atu ki lātou, “Ko koe tēnā na lea e kē talepea ki lalo te Mālumalu, oi toe fakatū ai i nā aho e tolu? Fakaola lava la koe e koe. Kāfai ko koe ko te Ataliki o te Atua, fanaifo la ki lalo o te hātaulo!”
41Kua vēnā foki oi fakatauemu nā ohitāulaga hili, nā faiakoga o te Tūlāfono ma te kau toeaina ki a Iehu ma lea vē, 42“Na fakaola e ia iētahi tino, ka ko tē e hē ia mafaia oi fakaola ia ia lava! E hē ko ia nei ko te Tupu o Ihalaelu? Kāfai e ia mafaia oi fanaifo ki lalo o te hātaulo, oi fātoā talitonu ai ki tātou ki ei. 43#Hal 22.8E talitonu ki te Atua ma lea ko ia ko te Ataliki o te Atua. Tātou kikila la pe i na fofou te Atua ke fakaola ki a te ia i te taimi nei!”
44E pa foki lava kinā tino kaihohoa na fakahātaulo fakatahi ma Iehu, na fakatauemu foki vēnā ki a te ia.
Ko te Mate o Iehu
(Maleko 15.33-41; Luka 23.44-49; Ioane 19.28-30)
45Kua ta te itūlā e hefululua i te aoauli, oi pōulitia uma ai te lau fenua kātoa ke pa ki te tolu i te afiafi. 46#Hal 22.1I te tolu i te afiafi, na kalaga leo lahi ai ia Iehu, “Eli, Eli, lama hapatani?” ko tona uiga, “Toku Atua, toku Atua, he ā te kua kē tuku tiakia ai au?”
47Ko iētahi tino nae i kinā, na ki lātou lagona atu ana kupu na kalaga ai ma kua lea vē, “Ko te tagata nei e taukalaga ki a Elia!” 48#Hal 69.21I te taimi lava tēnā, na vili atu ai hētahi o ki lātou ma he oma kua uma te lolō ki he uaina taugōfie; kua tuku e ia ki te pito o he mealākau, ma hiki ake ke fakainu ai ia Iehu.
49Ka ko iētahi tino kua lea vē, “Fakatali! Tātou kikila pe i na hau ia Elia oi fakaola ia!”
50Oi toe kalaga leo lahi ai ia Iehu, ma to ai loa tana mānava.
51 #
Eho 26.31-33
Oi haelua ai te kie pupuni i loto o te Mālumalu, mai luga ke pa ki lalo. Kua lūlū foki te kelekele ma māvaevae nā papa, 52kua mātalatala ia gutu o tugamau, ma e tokalahi ia tagata o te Atua na feoti, kae kua toe fakatutū ki te ola. 53Kua olo kehe mai o lātou tugamau, ma i te toe tū maiga o Iehu mai te oti, na olo ai ki te Kakai Paia, ma na kitea ki lātou e te tokalahi o tagata i kinā.
54I te kiteaga e te takitakikau o te toka helau fakatahi ma nā fitafita nae ki lātou leoleoa ia Iehu, te mafuie ma iētahi mea na tutupu, oi na ofo lele ai ki lātou ma lea vē, “E hako lava, ko ia tēnei ko te Ataliki o te Atua.”#27.54: ko te Ataliki o te Atua; pe ko he ataliki o he atua.
55 #
Luk 8.2-3
E tokalahi nā fafine nae mulimuli ki a Iehu mai Kalilaia ma fehoahoani ki ei, nae i kinā ma nae taukikila mamao atu. 56Ko iētahi o ki lātou iēnei, ko Malia te Makatala, ko Malia te mātua o Iakopo ma Iohefa, ma te āvaga a Hepetaio.
Ko te Tanuga o Iehu
(Maleko 15.42-47; Luka 23.50-56; Ioane 19.38-42)
57Kua pa ki te afiafipō, oi taunuku ifo ai he tamāloa maukoloa mai Alimatea; ko Iohefa tona igoa, ma ko hētahi foki ia o hoko o Iehu. 58Kua fano ki a Pilato ke tuku ake te tino o Iehu ke kave e ia. Oi fakatonu ai e Pilato ke fōki te tino o Iehu ki a Iohefa. 59Oi kave ai e Iohefa te tino o Iehu, kua āfīfī i he kie vavae mamā, 60ma tuku ki loto o te tugamau na fātoā uma te keli ki loto o he itū-mauga papa mo ia lava, ma ko hēki fakaaogā lele. Oi fuli ai e ia he fatupae lahi, kua pupuni ai te gutu o te tugamau, oi fano kehe ai loa. 61Ko Malia te Makatala, ma tētahi Malia, nae nonofo i kinā fakahagahaga ki te tugamau.
Kua Leoleo te Tugamau e nā Fitafita
62I te aho alafaki, ko te Hāpati tēnā, na olo ai nā ohitāulaga hili ma te kau Falehaio ki a Pilato 63#Mat 16.21; 17.23; 20.19; Mlk 8.31; 9.31; 10.33-34; Luk 9.22; 18.31-33ma lea vē ki ei, “Te kōvana, e ki mātou manatua ka koi ola tēnā tino talapepelo, na fai tana kupu vēia, ‘Ko au ka toe fakatū mai i te oti, kāfai e teka nā aho e tolu.’ 64Fakatonu ko ke leoleo fakalelei tona tugamau ke pa ki te tolu o aho, kae ke hē mafai ai e nā hoko o ia oi kaihohoa tona tino, ma lea ai ki tagata, ko Iehu kua toe fakatū mai i te oti. Ko te talapepelo mulimuli tēnei, ka hili atu lele te kino, i lo te talapepelo muamua.”
65Oi lea atu ai ia Pilato ki a te ki lātou, “Kave ni fitafita ma olo oi fai te mea e koutou iloa, e malu lelei ai te puipuiga o te tugamau.”
66Oi olo ai loa kua fakamau lelei te fatu e tapuni ai te tugamau ma fakapipiki ki ei te fakailoga e fakahā ai he tino e tago ki ei, ma tuku ai nā fitafita ke leoleoa.
सध्या निवडलेले:
Mataio 27: TNT
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Tokelauan New Testament © Bible Society New Zealand, 2009.
Mataio 27
27
Kua Tukulima atu ia Iehu ki a Pilato ke Fakamahino
(Maleko 15.1; Luka 23.1-2; Ioane 18.28-32)
1I te taeaopō o te aho na hohoko ai, na fai ai te tonu a nā ohitāulaga hili ma te kau toeaina uma, ke tāmate ia Iehu. 2Oi fakatonu ai e ki lātou ke noanoa ia Iehu ma takitaki kehe mai kinā, ma tukulima atu ki a Pilato te kōvana Loma, ke fakamahino e ia.
Ko te Mate o Iuta
(Gāluega 1.18-19)
3 #
Gāl 1.18-19
Kua iloa e Iuta te fakalata ko Iehu kua fakahala, oi lagona ai e ia tona halamō lahi, ma fano ai kua toe fakafoki nā tupe hiliva e toluhefulu ki nā ohitāulaga hili ma te kau toeaina. 4Kua lea vē atu ia Iuta, “Ko au kua agahala ona kua kō fakalatagia he tino e hēai hana agahala, ma ka oti tauanoa ai ia.”
Kua tali mai ki lātou, “E hēai lele he mātou fekau ki ei. Faitalia lava koe ma te mea tēnā.”
5Kua togi e Iuta nā tupe hiliva ki lalo i loto o te Mālumalu, oi fano kehe ai; kua fano oi hihi lava ia.
6Kua fakaputuputu e nā ohitāulaga hili nā tupe hiliva ma lea vē, “Ko te tupe tēnei o te fakamaligi toto ma e fakahā i te Tūlāfono ke tuku ki nā fakaputuga tupe o te Mālumalu.#27.6 ke tuku ki nā fakaputuga tupe o te Mālumalu: pe ke fakaaogā mo te Mālumalu. ” 7I te umaga o te lātou talanoaga, na maua ai te lātou tonu ke fakaaogā te tupe ke fakatau ai te fenua o te tino gaohi ipu ōmea, ke fai ma fenua tanu o tagata nukukehe. 8Ko te mea ia na fakaigoa ai te kelekele tēnā ko te “Fenua o te Toto” ke pa mai lava ki nā aho nei.
9 #
Hkl 11.12-13
Oi na taunuku ai te kupu a te pelofeta ko Ielemia na lea ai vē, “Na kave e ki lātou nā tupe hiliva e tolu hefulu, te tau o tē na fuafua tona tau i te māliliega a iētahi o tagata o Ihalaelu, 10kua fakatau ai te fenua o te tino gaohi ipu ōmea, e vē ona fakatonu mai ai au, e te Aliki.”
Kua Fehiligia ia Iehu e Pilato
(Maleko 15.2-5; Luka 23.3-5; Ioane 18.33-38)
11Kua kave ia Iehu ki mua o te kōvana, ma kua fehili atu te kōvana ki ei, “Ko koe moni ko te tupu o tagata Iutaia?”
Kua tali mai ia Iehu, “Ko koe tēnā e lea ai.” 12Kae i te mōliaga o ia e nā ohitāulaga hili ma te kau toeaina, e hēki tali lele ki ei.
13Oi lea atu ai ia Pilato ki a te ia, “E kē lagona atu pe fia ia mea kua mōlia ai koe e ki lātou?”
14Kae kua hē fofou ia Iehu ke tali ki ei i he kupu e fokotahi, ma na kavea tēnā ma mea na ofo lahi lele ai te kōvana.
Kua Fakahala ia Iehu i te Oti
(Maleko 15.6-15; Luka 23.13-25; Ioane 18.39—19.16)
15E i ei te faiga nae māhani ai lava te kōvana Loma i te taimi o te Kaiga Fakamanatu o te Pāheka, e tatala e ia ho he pagotā e fokotahi, e fofou te kaifenua ke ia fakahaolotoa. 16I te taimi tēnā, nae i ei he pagotā lauiloa e igoa ki a Palapa.#27.16 Palapa: I kinei ma te fuaikupu 17, e lahi nā fakamaumauga e lea mai “Iehu Palapa.” 17Kua maopoopo mai te kaifenua, oi fehili atu ai ki ei ia Pilato, “Ko ai te fofou koutou ke kō tatala fakahaolotoa mo koutou? Ko Palapa pe ko Iehu, tē e takua ko te Mehia?” 18Auā kua ia iloa lelei lava ko te lotokino o nā takitaki o tagata Iutaia, na ki lātou kavakea ai ia Iehu ki a te ia.
19Ka koi nofo ia Pilato ma māfaufau ki hana fakaikuga, kae kaumai ki ei te faifekau mai tana āvaga: “Nahe i ei lele hau mea e fai ki te tino tēnā e hēai hana agahala, auā ko au na puapuagā lele i taku miti na fai i te pō, e uiga ki a te ia.”
20Kua tauanau e nā ohitāulaga hili ma te kau toeaina te kaifenua, ke lea ki a Pilato ke tatala ake ia Palapa, kae ke tāmate ia Iehu. 21Kua fehili atu ia Pilato ki te kaifenua, “Ko ai o te toka lua tēnei e fofou koutou ke kō tatala atua mo koutou?”
Kua tali mai ki lātou, “Ko Palapa,”
22“Ko he ā la te tatau ke kō faia ki a Iehu, tēia e takua ko te Mehia?” kua fehili vēnā atu ia Pilato.
Kua tali mai ki lātou, “Fakahātaulo te tino tēnā!”
23Kae kua fehili atu ia Pilato, “Aiheā, ko he holitūlāfono ā ta ia kua fai?”
Oi kāmata ai taukalalaga leo lahi ki lātou: “Fakahātaulo te tino tēnā!”
24 #
Teu 21.6-9
I te kiteaga e Pilato kua hē aogā ke fakaauau pea, ona ko tagata kua tau hē mafai ke tāofiofi, oi tago ai ki nā vai kua fafano ai ona lima i mua o te kaifenua ma lea vē atu, “E mamā au ma te toto o te tagata tēnei! E a koutou lava te mea tēnei!”
25Kua tali uma mai te kaifenua, “Ke i luga o ki mātou ma a mātou fānau, te toto o te tagata tēnā!”
26Oi tatala fakahaoloto ai e Pilato ia Palapa ki a te ki lātou; kae kua fakatonu e ia ke kini ia Iehu, ma tuku atu ai loa ke fakahātaulo.
Kua Fakatauemu nā Fitafita ki a Iehu
(Maleko 15.16-20; Ioane 19.2-3)
27Oi kave ai ia Iehu e nā fitafita a te kōvana ki loto o te fale o te kōvana, ma kua fakapotopoto uma te vāega tēnā o nā fitafita fakatāmilo ia Iehu. 28Kua tatala kehe e ki lātou ona kofu, oi fakakofu ai i he kofu tatao lanu kukula mālohi. 29Oi fai e ki lātou he pale i nā lālā o he lākau tālatala, kua fakapale ai tona ulu. Kua tuku e ki lātou ki tona lima taumatau he mealākau; oi tōtutuli ai i mua o ia ma fakatauemu ki ei. Kua lea vē ki lātou, “Ke manuia te Tupu o tagata Iutaia” 30Oi tūfeanu ai ki lātou ki a te ia ma ta tona ulu i he mealākau. 31Kua uma te fai o a lātou mea fakatauemu ki a Iehu, oi toe ui kehe ai e ki lātou te kofu tatao na ki lātou fakakofua ai, kae toe fakakofu lava i ona kofu. Oi takitaki ai e ki lātou ki fafo ke fakahātaulo.
Kua Fakahātaulo ia Iehu
(Maleko 15.21-32; Luka 23.26-43; Ioane 19.17-27)
32Ka koi ōatu ki lātou ki fafo o te kakai, kae fetaui ma he tamāloa mai Kulene, ko Himona tona igoa. Oi fakamālohia ai e nā fitafita ia Himona, ke amo e ia te hātaulo o Iehu. 33Kua pa atu ki lātou ki te koga e takua ko Kolokota, ko te uiga o te igoa tēnei ko te, “Ulupoko.” 34#Hal 69.21I kinā na tuku atu ai e ki lātou ki a Iehu he uaina kua palu ki ei he mea kokona; kae na tofo oi oti ki ei, kae e hēki inu ki ei.
35 #
Hal 22.18
Kua fakahātaulo e ki lātou ia Iehu, oi fai ai te lātou vili ke iloa ai te mea kofu o Iehu e maua e te tino. 36Kua uma te mea tēnā, oi nonofo ai lava i kinā, oi leoleo ia Iehu. 37I luga ake o tona ulu kua ki lātou tūhia ai te mea na mōlia ai e vēnei, “Ko Iehu tēnei, te Tupu o Tagata Iutaia.” 38Oi fakahātaulo ai e ki lātou ni tino kaihohoa e toka lua fakatahi ma Iehu, ko tētahi i tona itū taumatau ma tētahi i tona itū tauagavale.
39 #
Hal 22.7; 109.25 Ko nā tino na kui ake i kinā, kua lūlū o lātou ulu ma fai a lātou kupu fakatauemu ki a Iehu. 40#Mat 26.61; Ioa 2.19Kua lea vē atu ki lātou, “Ko koe tēnā na lea e kē talepea ki lalo te Mālumalu, oi toe fakatū ai i nā aho e tolu? Fakaola lava la koe e koe. Kāfai ko koe ko te Ataliki o te Atua, fanaifo la ki lalo o te hātaulo!”
41Kua vēnā foki oi fakatauemu nā ohitāulaga hili, nā faiakoga o te Tūlāfono ma te kau toeaina ki a Iehu ma lea vē, 42“Na fakaola e ia iētahi tino, ka ko tē e hē ia mafaia oi fakaola ia ia lava! E hē ko ia nei ko te Tupu o Ihalaelu? Kāfai e ia mafaia oi fanaifo ki lalo o te hātaulo, oi fātoā talitonu ai ki tātou ki ei. 43#Hal 22.8E talitonu ki te Atua ma lea ko ia ko te Ataliki o te Atua. Tātou kikila la pe i na fofou te Atua ke fakaola ki a te ia i te taimi nei!”
44E pa foki lava kinā tino kaihohoa na fakahātaulo fakatahi ma Iehu, na fakatauemu foki vēnā ki a te ia.
Ko te Mate o Iehu
(Maleko 15.33-41; Luka 23.44-49; Ioane 19.28-30)
45Kua ta te itūlā e hefululua i te aoauli, oi pōulitia uma ai te lau fenua kātoa ke pa ki te tolu i te afiafi. 46#Hal 22.1I te tolu i te afiafi, na kalaga leo lahi ai ia Iehu, “Eli, Eli, lama hapatani?” ko tona uiga, “Toku Atua, toku Atua, he ā te kua kē tuku tiakia ai au?”
47Ko iētahi tino nae i kinā, na ki lātou lagona atu ana kupu na kalaga ai ma kua lea vē, “Ko te tagata nei e taukalaga ki a Elia!” 48#Hal 69.21I te taimi lava tēnā, na vili atu ai hētahi o ki lātou ma he oma kua uma te lolō ki he uaina taugōfie; kua tuku e ia ki te pito o he mealākau, ma hiki ake ke fakainu ai ia Iehu.
49Ka ko iētahi tino kua lea vē, “Fakatali! Tātou kikila pe i na hau ia Elia oi fakaola ia!”
50Oi toe kalaga leo lahi ai ia Iehu, ma to ai loa tana mānava.
51 #
Eho 26.31-33
Oi haelua ai te kie pupuni i loto o te Mālumalu, mai luga ke pa ki lalo. Kua lūlū foki te kelekele ma māvaevae nā papa, 52kua mātalatala ia gutu o tugamau, ma e tokalahi ia tagata o te Atua na feoti, kae kua toe fakatutū ki te ola. 53Kua olo kehe mai o lātou tugamau, ma i te toe tū maiga o Iehu mai te oti, na olo ai ki te Kakai Paia, ma na kitea ki lātou e te tokalahi o tagata i kinā.
54I te kiteaga e te takitakikau o te toka helau fakatahi ma nā fitafita nae ki lātou leoleoa ia Iehu, te mafuie ma iētahi mea na tutupu, oi na ofo lele ai ki lātou ma lea vē, “E hako lava, ko ia tēnei ko te Ataliki o te Atua.”#27.54: ko te Ataliki o te Atua; pe ko he ataliki o he atua.
55 #
Luk 8.2-3
E tokalahi nā fafine nae mulimuli ki a Iehu mai Kalilaia ma fehoahoani ki ei, nae i kinā ma nae taukikila mamao atu. 56Ko iētahi o ki lātou iēnei, ko Malia te Makatala, ko Malia te mātua o Iakopo ma Iohefa, ma te āvaga a Hepetaio.
Ko te Tanuga o Iehu
(Maleko 15.42-47; Luka 23.50-56; Ioane 19.38-42)
57Kua pa ki te afiafipō, oi taunuku ifo ai he tamāloa maukoloa mai Alimatea; ko Iohefa tona igoa, ma ko hētahi foki ia o hoko o Iehu. 58Kua fano ki a Pilato ke tuku ake te tino o Iehu ke kave e ia. Oi fakatonu ai e Pilato ke fōki te tino o Iehu ki a Iohefa. 59Oi kave ai e Iohefa te tino o Iehu, kua āfīfī i he kie vavae mamā, 60ma tuku ki loto o te tugamau na fātoā uma te keli ki loto o he itū-mauga papa mo ia lava, ma ko hēki fakaaogā lele. Oi fuli ai e ia he fatupae lahi, kua pupuni ai te gutu o te tugamau, oi fano kehe ai loa. 61Ko Malia te Makatala, ma tētahi Malia, nae nonofo i kinā fakahagahaga ki te tugamau.
Kua Leoleo te Tugamau e nā Fitafita
62I te aho alafaki, ko te Hāpati tēnā, na olo ai nā ohitāulaga hili ma te kau Falehaio ki a Pilato 63#Mat 16.21; 17.23; 20.19; Mlk 8.31; 9.31; 10.33-34; Luk 9.22; 18.31-33ma lea vē ki ei, “Te kōvana, e ki mātou manatua ka koi ola tēnā tino talapepelo, na fai tana kupu vēia, ‘Ko au ka toe fakatū mai i te oti, kāfai e teka nā aho e tolu.’ 64Fakatonu ko ke leoleo fakalelei tona tugamau ke pa ki te tolu o aho, kae ke hē mafai ai e nā hoko o ia oi kaihohoa tona tino, ma lea ai ki tagata, ko Iehu kua toe fakatū mai i te oti. Ko te talapepelo mulimuli tēnei, ka hili atu lele te kino, i lo te talapepelo muamua.”
65Oi lea atu ai ia Pilato ki a te ki lātou, “Kave ni fitafita ma olo oi fai te mea e koutou iloa, e malu lelei ai te puipuiga o te tugamau.”
66Oi olo ai loa kua fakamau lelei te fatu e tapuni ai te tugamau ma fakapipiki ki ei te fakailoga e fakahā ai he tino e tago ki ei, ma tuku ai nā fitafita ke leoleoa.
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Tokelauan New Testament © Bible Society New Zealand, 2009.