Matej 16
16
E Fariseja kamen te dićhen e čudurja thaj e znakurja
1Ko Isus aviline e fariseja thaj e sadukeja e gindosa te iskušin les thaj manđenas lestar te sikavel lenđe o znako andar o nebo. 2A vo phendas lenđe: “Kana perel e rjat, phenen: ‘Avela lačhi vrjama kaj si o nebo lolo.’ 3A detharinako phenen: ‘Ađes avela nevreme kaj si o nebo lolo thaj mutno.’ Džanen te tumačin e nebosko izgled, a či džanen te pindžaren e znakurja e vrjamaće ande save trajin. 4Samo o bilačho thaj bi paćivalo naraštaj rodel znako, ali či delape lešće aver znako osim o znako savo dogodijsajlo e prorokošće Jonašće. Askal o Isus mukla len thaj đelotar.”
O Isus upozoril pire učenikonen pe farisejengo thaj e sadukejengo kvasco
5E Isusešće učenikurja teljardine pe okoja rig e jezerošći, ali bistardine te len pesa o mangro. 6A o Isus phendas lenđe: “Len tumen sama katar e farisejengo thaj e sadukejengo kvasco!” 7A von počnisardine te raspravinpe maškar peste, thaj phendine: “Godova sigurno phendas zato kaj či lijam o mangro.” 8O Isus džangla so ćeren svato thaj phendas: “Manušalen cikne paćipava! Sostar raspravin tumen maškar tumende kaj naj tumen mangro? 9Zar još uvek či haćaren? Zar či den tumen gođi ke okola pandž mangre pale pandž milje manuša thaj kozom pherde korpe ćidine kotora save ačhile? 10Thaj či den tumen gođi ke efta mangre pale štar milje manuša thaj kozom bare korpe ćidine kotora save ačhile? 11Sar či haćaren kaj či phendem tumenđe palo mangro kana phendem tumenđe te len tumen sama katar e farisejengo thaj e sadukejengo kvasco?” 12Askal haćardine kaj či phendas lenđe te len pes sama katar e mangresko kvasco, nego katar e farisejengo thaj e sadukejengo sikavipe.
O Petar priznail kaj o Isus si o Hristo
13A kana o Isus avilo ande krajurja oko e Kesareja e Filipešći, phučlas pire učenikonen: “So phenel o them, ko sem me o Čhavo e Manušesko?”
14A von phendine lešće: “Jek phenen kaj san o Jovano savo bolelas, aver phenen kaj san o proroko Ilija, a varesave phenen kaj san o Jeremija, ili varesavo katar e aver prorokurja.”
15Askal o Isus phučla len: “A tumen so tumen phenen ko sem me?”
16A o Simon Petar phendas: “Tu san Hristos, Čhavo e džude Devlesko!”
17O Isus phendas lešće: “Blago tuće, Simone e Jonašće čhaveja kaj godova či sikadas tuće o manuš, nego mungro nebesko Dad. 18A me phenav tuće: Tu san o Petar, thaj pe godoja stena vazdava mungri Khanđiri, thaj o vudar e Hadosko#16,18 e Hadosko značil o than kaj si e mule či nadvladina lat. 19Tuće dava e ćije katar o Carstvo nebesko thaj sa so phandes pe phuv avela phanglo po nebo thaj sa so razrešisares pe phuv avela razrešime ando nebo.”
20Askal o Isus strogo zapretisardas pire učenikonenđe te na phenen khonikašće kaj si vo o Hristos.
O Isus navestisarel piro smrto
21Katar godoja vrjama o Isus teljardas te objasnil pire učenikonenđe kaj moraš te džal ando Jerusalim thaj kaj okote but trpila e starešinendar, e šorvale rašajendar thaj katar e sikavne e Mojsiješće zakonestar, kaj avela mudardo thaj uštela andar e mule o trito đes.
22Askal o Petar akharda les pe rig thaj počnisardas te odgovoril les te na ćerel godova. Motholas lešće: “Gospode, arak Devla! Godova tuće nikada či tromal te dogodilpe.”
23O Isus boldape ko Petar thaj phendas lešće: “Džatar mandar, Sotono! Tu san mungri zamka kaj ćire gndimata naj e Devlešće, nego e manušešće!”
Sar šaj te avas e Hristošće učenikurja
24Askal o Isus phendas pire učenikonenđe: “Ako vareko kamel te džal pale mande, moraš te odreknilpe korkoro pestar, moraš te lel piro trušul thaj teljarel pale mande. 25Kaj svako savo kamel te araćhel piro trajo hasarela les; a ko hasarel piro trajo pale mande, araćhela les. 26So mol e manušešće te dobil sasto them, a hasarel piro trajo? So o manuš šaj del sago zamena pale piro trajo? 27Kaj me, o Čhavo e Manušesko, uskoro avava ande slava mungre dadešći, mungre anđelenca, thaj askal svakonešće boldava prema lešće dela. 28Čačes phenav tumenđe, varesave maškar tumende save si akate či merena dok či dićhena man, e Čhaves e Manušešće, sar avav mungre Carstvosa.”
सध्या निवडलेले:
Matej 16: RČB
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन