Marko 8
8
O Isus pravarel štar milje manuša
(Mt 15,32–39)
1Ande godoja vrjama palem ćida pes o but o them. A sar nas len so te han, o Isus akhardas peste pire učenikonen thaj phendas lenđe: 2“Žao si manđe katar o them, kaj si već trin đes manca, a naj len so te han. 3Ako bičhalav len ćhere bokhalen, malaksina po drom. A varesave lendar avile dadural.” 4Lešće učenikurja phučline les: “Sar vareko pe akava pusto than šaj arakhla sas dosta mangro pale sa akala manuša te han?” 5O Isus phučla len: “Kozom mangre si tumen?” A von phendine: “Efta.” 6Askal o Isus phendas e themešće te bešen tele pe phuv. Lijas e efta mangre, zahvalisarda e Devlešće, phagla e mangre thaj dijas e učenikonenđe, a von podelisardine e themešće. 7A sas len vi varekozom mačhora. O Isus zahvalisarda pale lende thaj phendas e učenikonenđe te vi len podelin e themešće. 8E manuša haline thaj čaljile. A e učenikurja ćidine efta korpe kotora katar o okova habe kaj ačhilo. 9A okote sas varekaj katar štar milje muškarcurja. Askal o Isus mukla len te džantar ćhere. 10Odma pale godova o Isus dija ande lađica pire učenikonenca thaj uputisajle ande dalmanitsko krajo.
E fariseja roden znako katar o Isus
(Mt 16,1–4)
11Askal aviline e fariseja thaj počnisardine te raspravin pes e Isuseja thaj te iskušin les, gajda kaj rodenas lestar te sikavel lenđe varesavo znako andar o nebo. 12Kana o Isus godova ašunda, handuk uzdahnisarda thaj phendas: “Sostar akava naraštaj rodel znako? Čače phenav tumenđe: Nisavo znako či dela pe tumenđe.” 13Askal đelotar lendar, dijas palem ande lađica thaj otplovisarda pe aver rig e jezerošći.
O Isus upozoril e učenikonen po uticaj e farisejengo thaj e caresko Irodesko
(Mt 16,5–12)
14A e učenikurja bistardine te len pesa mangro, pa ande lađica sas len samo jek mangro. 15Dok naćhenas prekal o jezero, o Isus upozorisarda len: “Len tumen sama katar o farisejsko thaj e Irodesko kvasco!” 16A von počnisardine te raspravin pes maškar peste: “Kava phendas zato kaj či lijam amenca mangro!” 17O Isus džanglas so gndin thaj phendas lenđe: “Sostar raspravin tumen kaj naj tumen mangro? Još uvek či razumin thaj či haćaren o značenje? Zar tumaro ilo gadići barosajlo? 18Jakha si tumen, a či dićhen thaj kan si tumen, a či ašunen. Zar či den tumen gođi? 19Kana phaglem okola pandž mangre thaj prvardem pandž milje muškonen, kozom pherde korpe ćidine kotora save ačhiline?” A von phendine: “Dešuduj.” 20“A kana phaglem okola efta mangre thaj pravardem štar milje muškonen, kozom pherde bare korpe kotora ćidine?” A von phendine: “Efta.” 21Pe godova phendas lenđe: “Zar još či haćaren?”
O Isus sastarel e manušes savo bijandilo koro
22Kana aresline ande Vitsaida, varesave manuša ko Isus andine jećhe kore manuše, thaj zamolisardine les te čhol pire vas pe leste. 23O Isus lijas e kore manuše palo vas thaj inđarda les avri andar o gav, čhungarda ande lešće jakha thaj čhuta pešće vas pe leste thaj phučla les: “Šaj dićhes vareso?” 24A o manuš dikhla thaj phendas: “Dikhav e manušen, ličin manđe sago e kaš save phiren.” 25Askal o Isus palem čhuta pire vas pe lešće jakha, thaj e manušešće godova drom skroz bolda pe o vido. Thaj sa jasno dićhelas. 26Askal o Isus bičhalda les ćhere thaj phendas lešće te na del ando gav.
O Petar phenel kaj o Isus si o Hristo
(Mt 16,13–20; Lk 9,18–21)
27Askal o Isus thaj lešće učenikurja đele ande okolne gava oko e Kesarija e Filipešći. Dok sas još po drom, o Isus phučlas pire učenikonen: “So phenel o them, ko sem me?” 28A von phendine lešće: “Jek phenen kaj san o Jovano savo bolelas, aver e phenen kaj san o proroko Ilija, a varesave phenen kaj san varesavo katar e prorokurja.” 29Askal phučla len: “A tumen, so gndin ko sem me?” O Petar phendas: “Tu san o Hristo!” 30O Isus oštro phendas lenđe te či phenen khonikašće akava pale leste.
O Isus phenel pale piri patnja thaj pale piro smrto
(Mt 16,21–23; Lk 9,22)
31Askal počnisarda te sikavel len e alavenca: “Me, o Čhavo e Manušesko, moraš but te pativa. E starešine, e šorvale rašaja thaj e sikavne e Mojsiješće zakonestar moraš te odbacina man. Avava mudardo thaj pale trin đes uštava andar e mule.” 32O Isus phendas lenđe godova gajda jasno. Askal o Petar lija les pe rig thaj lijas te ukoril les. 33O Isus bolda pe, dikhla pe pire učenikurja thaj ukorisarda e Petre alavenca: “Džatar mandar, Sotono, kaj tu či gndis pe okova so si e Devlesko nego so si e manušesko.”
Pharo si o drom okolengo kaj kamen te sledin e Isuse
(Mt 16,24–28; Lk 9,23–27)
34Askal akharda peste e theme thaj pire učenikonen thaj phendas lenđe: “Ako vareko kamel te džal pale mande, askal neka odreknil pe korkoro pestar, neka lel piro trušul, thaj neka džal pale mande. 35Kaj svako ko kamel te spasil piro trajo, hasarela les, a ko hasarel piro trajo zbog mande thaj zbog e Bahtali nevimata spasila les. 36Kaj so mol e manušešće te dobil sasto them, a te hasarel piro trajo? 37So o manuš šaj del sago zamena pale pesko trajo? 38Kaj ko ladžal mandar thaj katar mungre alava angle akava bipaćivalo thaj bezehalo naraštaj, vi me, o Čhavo e Manušesko, ladžava lestar kana avava ande slava mungre Dadešći e svete anđelenca.”
सध्या निवडलेले:
Marko 8: RČB
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन