Mʉkpanganɨa 10
10
Ɓombi ɓɔ dɔdɔ ambise ɔ mipo kʉta maja
1Mbise ɔ mipo kʉta maja, uduɓa ngʉwɔ ɓana ɓɔ Nɔa, atɨ Sɛmʉ, nɔ Hama, nɔ Yafɛtɨ, wa꞉ɓio ɓɔ: ɨɓɔ, ɓa꞉chwa tɨa ʉnɔtʉ.
2Ɓana nga ɓɔ Yafɛtɨ ɓa꞉ɓio atɨ Gɔmɛlɛ, Magɔgɨ, Madayɨ, Yavanɨ, Tʉɓalɨ, Mɛsɛkɨ nɔ Tɨlasɨ. 3Ɓana ɓɔ Gɔmɛlɛ ɓa꞉ɓio atɨ Asɨkɨnajɨ, Lɨfatɨ nɔ Tɔgalɨma. 4Ɓana nga ɓɔ Yavanɨ ɓa꞉ɓio atɨ Ɛlɨsa, Talasɨsɨ, Kɨtɨmʉ nɔ Lɔdanɨmʉ. 5Ɨɓɔ akɛ, ɓa꞉ɓio itindindi yɔ lɨfananja ngɨlɛ la꞉nanjana jɛnɛ amutii wɔ lipuu lɨta lɨkpɔkpɔ, nɔ amati wɔ ɓauji, kʉdɔ, ɓɔ꞉nagbonyonoko akɔ lɨkʉmbʉ di di di, akpatanakɨa nɔ mɨyakɨa ngɨyeɓo, nɔ akpatanakɨa nɔ ɓanja ngʉɓeɓo, nɔ akpatanakɨa nɔ mababa ngʉkeɓo.
6Ɓana nga ɓɔ Hama ɓa꞉ɓio atɨ Kʉsɨ, Mɨsɨlaɨmʉ, Pʉtɨ nɔ tɨa Kanana. 7Ɓana nga ɓɔ Kʉsɨ ɓa꞉ɓio atɨ Sɛba, Havɨla, Saɓʉta, Laama nɔ tɨa Saɓʉtɛka. Ɓana nga ɓɔ Laama ɓa꞉ɓio atɨ Sɛba nɔ Dɛdanɨ. 8Nɔ Kʉsɨ, a꞉nɔta ɓata kʉɔ mwana ngɔmɔ ino ɓɔ Nɛmɛlɔdɨ. Ɨyɔ Nɛmɛlɔdɨ akɛ, a꞉pʉnga jɛnɛ a꞉ɓio titingya ngɨyɔ pɛɨ, akɔ ɗite akɔ dɔdɔ. 9Ɨyɔ, a꞉ɓio kʉ mombi ɔ kɛkɛɛ akɔ upii, apɛɨ ɔ MAKWƆƁƗƗ. Yaka ngɨyɛ ɓa꞉chwɛiso-ɔɔ ɨtandɛ ngɨa ɓɔ: «Ga ndʉ Nɛmɛlɔdɨ, mombi ɔ kɛkɛɛ akɔ ɔ upii, apɛɨ wɔ MAKWƆƁƗƗ!» Ya꞉kwa ɓanɨ. 10Ɨyɔ, a꞉pʉnga-sɨ nɨdya ɓʉngama amati ɔ ihoi ngɨyɛ ya꞉ɓio agʉlʉ ɔ Babɛlɨ, nɔ Ɛlɛkʉ, nɔ Akadɨ, nɔ Kalɛnɛ. Ɓagʉlʉ ngʉɓɔnanɨ ɓaɓomu, ɓa꞉ɓio amati ɔ ɨkʉmbʉ ngɨyɔ Sɨnalɨ. 11Ndʉ Nɛmɛlɔdɨ a꞉ngwa inani, ɔ꞉tɔsa tɨa anɔ Asulia, aki a꞉tɔtuɓoko-ɛɛ gʉlʉ ngɨyɔ Ninawe, nɔ ɨyɔ Lɛhɔbɔtɨ-Ɨlɨ, nɔ ɨyɔ Kala, 12nɔ ɨyɔ Lɛsɛnɨ ngɨa a amusungati wɔ Ninawe nɔ Kala, gʉlʉ ngɨa ata mʉja.
13Mɨsɨlaɨmʉ a꞉ɓio ɨsɛngʉʉ yɔ Ɓalʉdɨ, nɔ Ɓaanamʉ, nɔ Ɓaalɛhabɨ, nɔ Ɓanafʉtʉhɨ, 14tɨa kʉ nɔ Ɓapatʉlʉsɨ, nɔ Ɓakasɨlʉhɨ ʉɓa, ɓa itindindi yɔ Ɓafilisitina, nɔ Ɓakafʉtɔlɨmʉ ɓɔ kpɛ.
15Tapio ngɨyɔ Kanana a꞉ɓio ino ɓɔ Sɨdɔna, yɛ꞉ka ananɨ tɨa Hɨtɨ. 16Ɨyɔ Kanana, a꞉ɓio kʉ ɨsɛngʉʉ yɔ Ɓayɛbʉsɨ, nɔ Ɓaamɔlɨ, nɔ Ɓagɨlɨgasɨ, 17kʉ nɔ Ɓahɨvɨ, nɔ Ɓaalakɨ, nɔ Ɓasɨnɨ, 18ɓata kʉ nɔ Ɓaalawadɨ, nɔ Ɓajɛmalɨ, nɔ Ɓahamatɨ. Ambise ngɨananɨ, madyaa kɔ lɨfananja di di di ngɨlɔ Kanana lɔ꞉nadaa ga ngbii. 19Mɨyɔ yɔ lɨkʉmbʉ ngɨlɔ Ɓakanana ya꞉sa, yɔ꞉tɔɓɔya ɓɔyanɨ ta anɔ Sɨdɔna, nɔ ʉgbaa ngʉwɔ Gɛlalɨ, akɔɓɔya anɔ Gaja. Yɔngwa ananɨ, yɔ꞉tɔsa nɔ ʉgbaa ngʉwɔ Sɔdɔmʉ, nɔ Gɔmɔla, nɔ Adɨma, nɔ Sɛbɔɨmʉ, nɔ, yɔ꞉tɔɓɔya ɓɔyanɨ ta anɔ Lasa. 20Ɓana nga ɓɔ Hama, ʉɓɔnanɨ akpatanakɨa nɔ lɨfananja leɓo, nɔ, akpatanakɨa nɔ maɗaɗa ngʉkeɓo, nɔ, akpatanakɨa nɔ lɨkʉmbʉ leɓo, nɔ, akpatanakɨa nɔ mababa kɔ ɓombi ngʉkeɓo.
21Sɛmʉ ngɨa a꞉ɓio mʉkʉʉ akɔ Yafɛtɨ, a꞉nɔta ɓata ɨyɔ kʉ ɓana. Ɨyɔ akɛ, a꞉ɓio ɨsɛngʉʉ yɔ ɓana ɓaɓomu ngʉɓɔ Ɛbɛlɨ. 22Ɓana nga ɓɔ Sɛmʉ ɓa꞉ɓio atɨ Ɛlamʉ, nɔ Asuli, nɔ Alɨpakɨsadɨ, nɔ Ludi tɨa kʉ nɔ Alamʉ. 23Ɓana nga ɓɔ Alamʉ ɓa꞉ɓio, atɨ Usi, nɔ Huli, nɔ Gɛtɛlɨ nɔ Mɛsɛkɨ. 24Alɨpakɨsadɨ a꞉nɔta ɨyɔ Sɛla, nɔ Sɛla ɔ꞉tɔnɔta ɨyɔ tɨa Ɛbɛlɨ. 25Ɛbɛlɨ a꞉nɔta ɓiga ɓegue ɓapɨnɨ, ɨyɔ pɛɨ a꞉ɓio ino ɓɔ Pɛlɛgɨ, dɔ akɔ angbinga ngɨananɨ, ɨya, ɓombi ɓa꞉nanjana-ɔɔ ɓɔ ngbii, akɔnɨsa akɔwolo lɨkʉmbʉ akɔ dɔdɔ. Nɔ, ɔ꞉tɔsʉa ɨyɔmɔ ino ɓɔ, Yɔkɨtanɨ. 26Yɔkɨtanɨ ɔ꞉tɔnɔta ɨyɔ, atɨ Alamɔdadɨ, nɔ Sɛlɛfʉ, nɔ Hajalɨmawɛtɨ, nɔ Yɛla, 27nɔ Hadɔlamʉ, nɔ Ʉjalɨ, nɔ Dɨkɛla, 28nɔ Ɔbalɨ, nɔ Abɨmaɛlɨ, nɔ Sɛba, 29nɔ Ofili, nɔ Havɨla, tɨa kʉ nɔ Yɔbabʉ. Ɨɓɔ ananɨ ɓaɓomu, ɓa꞉ɓio ta ɓana ɓɔ Yɔkɨtanɨ. 30Ɨkʉmbʉ ngɨyɛ ɓa꞉wolo-ɔɔ, ya꞉ɓio anɨngwa ta anɔ Mɛsa, nɔ, yɔ꞉ɓɔya ɓɔyanɨ ta anɔ Sɛfalɨ, aɨkʉmbʉ yɔ lɨkpangba, aki ɨpá yachʉchwaka-ɛɛ. 31Ɓana nga ɓɔ Sɛmʉ ʉɓɔnanɨ, akpatanakɨa nɔ lɨfananja leɓo, nɔ akpatanakɨa nɔ maɗaɗa ngʉkeɓo, nɔ akpatanakɨa nɔ lɨkʉmbʉ leɓo, nɔ akpatanakɨa nɔ mababa kɔ ɓombi ngʉkeɓo.
32Lɨfananja lɔ ɓana ɓɔ Nɔa, ɨlɔ ɨlɛnɛnɨ, akpatanakɨa nɔ lɨfananja ngɨleɓo, nɔ, akpatanakɨa nɔ mababa kɔ ɓombi ngʉkeɓo. Mababa kɔ ɓombi ngʉka ɓa꞉nadadaa akɔ dɔdɔ mbise ɔ mipo kʉta maja, ka꞉chwɛanɨa nɔ ɓana ɓɔ Nɔa.
सध्या निवडलेले:
Mʉkpanganɨa 10: buuN
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
© 2021, Wycliffe Bible Translators, Inc.