HAGONEGAHANI 3
3
Na guguruganiha tanga God
1Na ma ki girara i hagahagabeka teharira na ara ni marâ hato ga mauri i ano, na Araha God ki hagavorara. Na ma ki hagatea na gete, ki vi: “I monari, vi God ki hagapêpugamurua, vi siana kamuru ngaugi na guani na ara ni apinige i na agua ikê?”
2Na gete ki arami, ki vi: “Mareha! Igamirua ki koro ma, vigamuru ngaugi na guani na ara ni apinige ikê, 3nga noga ma na ani i ura i gupu. God ki hagapêpugamirua, vi siana kamuru ngaua na guana na apinige ngekana, se vigamuru hataria. Manga ngekana, igamirua kamuru page meme.”
4Na ma ki arami, ki vi: “Mareha! I pe monari. I asa vigamuru me renia. 5God ki vi vikana, suria i girara, vi manga igamurua ma kamuru ngaua, igamurua kamuru page maratorana God ma kamuru page giraragi na ta ki koro ma na ta ki era.”
6Na gete ki bâsia na apinige akana i bâkoro ngavê ma na guani ka koro era viga ngaugi. Ngaia ki tenia vi ngaua, hanana vi nahunia renia na giraraha. Vikê ngaia ki husia ta guana ma ki ngêa. Ngaia ki vatea o vaniana ta guana ma ngaia ki ngêa nogana. 7Matena garu ngê hato, ki parama, ma karu girara vi ngairerua karu rupaturi. Tahema ngairerua karu hêrigi na ahani na apinige na fiki ma karu hogo pusirerua renigi.
8Na manurahitana igê nga na tangiana ngekana ngairerua karu rongoa na Araha God i matematete igê na agua ngekana. Ngairerua karu ahi pania i berarogani na apinige. 9Ma na Araha God ki unia na mane, ki vi: “Igo i he?”
10Ngaia ki arami, ki vi: “Inê kê rongogo go matematete ikê. Inê kê magu ma kê ahi panigo, suria gê rupaturi.”
11God ki hagatea, ki vi: “Ti ki hagagirarago renia vi igo ko rupaturi? Go ngêa vari na guana na apinige, gê bani manimania tenigo?” 12Na mane ki arami, ki vi: “Na gete go vateê kani vateê na guana na apinige ma inê kê ngêa.” 13Na Araha God ki hagatea na gete, ki vi: “Tanu hega go kato vikana?” Ngaia ki arami, ki vi: “Na ma kani hagabekasiê kê ngêa.” 14Hemuri na Araha God ki vi tanga na ma, ki vi:
“Suria go kato vikana,
ki page era ngavê tangago.
I berarogata na ara ni marâ hato ga mauri i maveta
na hagaitangiha ke tarahugo igo getego.
Haganega tenia i ngekê igo ko angoango
ma ko ngaugi na momo suria na mêrihamu hagenani.
15Inê be katogamurua igo ma na gete, kamuru hemeronge.
Na raraha iamu ma na anina ka page hemeronge,
ma na anina ka page pu menamenaria na bêmu
ma igo ko page hanasia na popogani ugata.”
16Ma tanga na gete na Araha God ki vi:
“Inê be katogo ku mamasiaga, matena go obara
ma ko harahara, matena go apara kare.
Henaka, ma igo ko ama ni tenia nga mane iamu, ma ngaia ki marungigo
17Ma tanga na mane na Araha God ki vi:
“Igo ko tê viteana na gete iamu
ma ko ngêa na guana na apinige, gê manimania tenigo.
Tahema na mako ke hagatutunguhigo.
Igo ko page tagara raha i mu suria na ogaha iamu hagenani
tangagi na ngauha go mauri re.
18Na rauga era ma na tone ka page akê i mu iamu
ma igo ko page ataka mavê ko ngaugi na marâ i bemu.
19Igo ko page tagara raha ma ko mavamava,
hanana na mako ki vatego na ngauha,
mataro me ko aporo igê na mako, go râ me tenia.
Inê kê tagarahigo renia na mako
ma igo ko page voravora aporo renia na mako.”
20O Atama ki hêtana kaniana vi ka Eva, suria ngaia kani kenata na enoni hatohato. 21Na Araha God ki tagarahigi na gahu renigi na gavota na sipi ma na marâ vigana, ma ki vatererua o Atama ma ka Eva, karu hagesuru renigi.
22Ma hemuri na Araha God ki kato, ki vi: “Hoita, na enoni ka maratoraka ma ka giraragi na ta ki koro ma na ta ki era. Siana ke husia nikâ na guana na apinige ni mauriha mora ma tarema, i era ma ka mauri tare.” 23Tahema na Araha God ki kasira hura na enoni tenia na agua bâkoro i Etene, hanana ga tagarahia na mako tangagi na ngêra, suria ngaira ka râ me tenia na mako. 24Hemuri ngaia ki nakara na angero i na apanena akê i Etene, hanana ga anumasia. Ma ngaia ki naka i ngekana nikâ na tatapa na vavatana na gi, i ahorohoro ma ki sisiki i na ara ni agua. Vikana ki bara ngavê tanga ta na enoni, vige kari me hagarangia na apinige ni mauriha mora ma tarema.
सध्या निवडलेले:
HAGONEGAHANI 3: KCB
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
© 2011 Bible Society of the South Pacific
HAGONEGAHANI 3
3
Na guguruganiha tanga God
1Na ma ki girara i hagahagabeka teharira na ara ni marâ hato ga mauri i ano, na Araha God ki hagavorara. Na ma ki hagatea na gete, ki vi: “I monari, vi God ki hagapêpugamurua, vi siana kamuru ngaugi na guani na ara ni apinige i na agua ikê?”
2Na gete ki arami, ki vi: “Mareha! Igamirua ki koro ma, vigamuru ngaugi na guani na ara ni apinige ikê, 3nga noga ma na ani i ura i gupu. God ki hagapêpugamirua, vi siana kamuru ngaua na guana na apinige ngekana, se vigamuru hataria. Manga ngekana, igamirua kamuru page meme.”
4Na ma ki arami, ki vi: “Mareha! I pe monari. I asa vigamuru me renia. 5God ki vi vikana, suria i girara, vi manga igamurua ma kamuru ngaua, igamurua kamuru page maratorana God ma kamuru page giraragi na ta ki koro ma na ta ki era.”
6Na gete ki bâsia na apinige akana i bâkoro ngavê ma na guani ka koro era viga ngaugi. Ngaia ki tenia vi ngaua, hanana vi nahunia renia na giraraha. Vikê ngaia ki husia ta guana ma ki ngêa. Ngaia ki vatea o vaniana ta guana ma ngaia ki ngêa nogana. 7Matena garu ngê hato, ki parama, ma karu girara vi ngairerua karu rupaturi. Tahema ngairerua karu hêrigi na ahani na apinige na fiki ma karu hogo pusirerua renigi.
8Na manurahitana igê nga na tangiana ngekana ngairerua karu rongoa na Araha God i matematete igê na agua ngekana. Ngairerua karu ahi pania i berarogani na apinige. 9Ma na Araha God ki unia na mane, ki vi: “Igo i he?”
10Ngaia ki arami, ki vi: “Inê kê rongogo go matematete ikê. Inê kê magu ma kê ahi panigo, suria gê rupaturi.”
11God ki hagatea, ki vi: “Ti ki hagagirarago renia vi igo ko rupaturi? Go ngêa vari na guana na apinige, gê bani manimania tenigo?” 12Na mane ki arami, ki vi: “Na gete go vateê kani vateê na guana na apinige ma inê kê ngêa.” 13Na Araha God ki hagatea na gete, ki vi: “Tanu hega go kato vikana?” Ngaia ki arami, ki vi: “Na ma kani hagabekasiê kê ngêa.” 14Hemuri na Araha God ki vi tanga na ma, ki vi:
“Suria go kato vikana,
ki page era ngavê tangago.
I berarogata na ara ni marâ hato ga mauri i maveta
na hagaitangiha ke tarahugo igo getego.
Haganega tenia i ngekê igo ko angoango
ma ko ngaugi na momo suria na mêrihamu hagenani.
15Inê be katogamurua igo ma na gete, kamuru hemeronge.
Na raraha iamu ma na anina ka page hemeronge,
ma na anina ka page pu menamenaria na bêmu
ma igo ko page hanasia na popogani ugata.”
16Ma tanga na gete na Araha God ki vi:
“Inê be katogo ku mamasiaga, matena go obara
ma ko harahara, matena go apara kare.
Henaka, ma igo ko ama ni tenia nga mane iamu, ma ngaia ki marungigo
17Ma tanga na mane na Araha God ki vi:
“Igo ko tê viteana na gete iamu
ma ko ngêa na guana na apinige, gê manimania tenigo.
Tahema na mako ke hagatutunguhigo.
Igo ko page tagara raha i mu suria na ogaha iamu hagenani
tangagi na ngauha go mauri re.
18Na rauga era ma na tone ka page akê i mu iamu
ma igo ko page ataka mavê ko ngaugi na marâ i bemu.
19Igo ko page tagara raha ma ko mavamava,
hanana na mako ki vatego na ngauha,
mataro me ko aporo igê na mako, go râ me tenia.
Inê kê tagarahigo renia na mako
ma igo ko page voravora aporo renia na mako.”
20O Atama ki hêtana kaniana vi ka Eva, suria ngaia kani kenata na enoni hatohato. 21Na Araha God ki tagarahigi na gahu renigi na gavota na sipi ma na marâ vigana, ma ki vatererua o Atama ma ka Eva, karu hagesuru renigi.
22Ma hemuri na Araha God ki kato, ki vi: “Hoita, na enoni ka maratoraka ma ka giraragi na ta ki koro ma na ta ki era. Siana ke husia nikâ na guana na apinige ni mauriha mora ma tarema, i era ma ka mauri tare.” 23Tahema na Araha God ki kasira hura na enoni tenia na agua bâkoro i Etene, hanana ga tagarahia na mako tangagi na ngêra, suria ngaira ka râ me tenia na mako. 24Hemuri ngaia ki nakara na angero i na apanena akê i Etene, hanana ga anumasia. Ma ngaia ki naka i ngekana nikâ na tatapa na vavatana na gi, i ahorohoro ma ki sisiki i na ara ni agua. Vikana ki bara ngavê tanga ta na enoni, vige kari me hagarangia na apinige ni mauriha mora ma tarema.
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
© 2011 Bible Society of the South Pacific