LAMPULAN 2
2
Yaha Üjao Peipu
1Aope denga nyih mo ngoi, mengpalan üshei üken ja me jemme ngoh. 2Moksha me wangdang mepu wangyei wangyi leipu wüngke pei, hüyange iman shotte ngohjing noksa maa. 3Hüwante iman tangte vünkih yee shemme ngai, hüyange iman lili te pah. 4Hüyange iman üshei Yaha Üjaowe maa, hüyange Yahawe ngaitampuke mih ngao me ngao ne wang.
5Sha-a wangphang me ngohpu jat lili mepu peipu, wanglamte shangnyakpu Jehudilan Jerusalem me ngoiye ngoh. 6Aope iman-e tüopa wüng jai ükhong üyong jem; hüyange iman üshei yashan; hangjingne, kahta liliye yoi yoi ngao me iman-e ngaowe jai. 7Iman üshei nyam hüyange yashanne i, “Hatüo ngaopulan-a moilan Galilee lanne yeje a? 8Hümma-a hangke teman liliye yoi nyupuh ngao me jaipu shi? 9Teman-a Parthia, Media, hüyange Elam; Mesopotamia, Judea, hüyange Kapadosia mepu; Pontus hei Asia mepu, 10Phrygia hei Pamphylia mepu, Egypt hei Sairin ü-o mepu Libya kahtok nyoi mepu; teman ütam-a Rome mepu, 11Jehudilan hei Jehudi ne mengpu yinhulan moini; hüyange teman ütam Krit hei Arabia mepu hüyangpoi Kahwange lingpu toi üyong teman liliye yoi ngao me iman-e ngaopu jainang!” 12Hüyange iman üshei yashan, hüyange üpong yetüope hüke teingao, “Hatüo hanghe te leppu?” 13Hüyangpoi ülaolanne yaowe i, “Iman wuwüngti üla-e jokyangpu yang.”
Banghate Peter Ngaolan
14Hüyangpoi Peter, penme ja phei yongyange, üngwünne imante ngaowe i, “Jehudilan hüyange Jerusalem me ngohpu üshei, hatüo numan-e shingyah, hüyange na epyange ü-ngao jaiyah. 15Hangjingne numan-e teihpukih hatüolan wuwüngti-e jokpu ne yeje, hangjingne sha-a napning tupaji nanjing hei ngohnang; 16Hüyangpoi hatüo jeng Joel hipawe ngaoyangki:
17 #
Joel 2.28-32. “Kahwange i, üküm nyih me hatüo ngailak,
kahtanyuha üsheite ü-Yaha shoktamlak;
Numan hala yhala lanne ü-ngao pongtamlak,
hüyange numan naoshe lanne himang ngelak,
hüyange numan wupalanne mang manglak;
18Üting, hatüo nyih hei hipak me ü-shaoshanpu sheko hei netanlan tangme,
Ü-yaha shokke tamlak, hüyange iman-e itlak.
19Hüyange ütangye wangme yashanpu,
hüyange üphangye kahtok me
kahnyingwüngha füo, iy, vün, hüyange vünkhuh ünyak Taowe hüolak.
20Youngwanpa nyih üyong
hüyange müktishiwa peishao me, wanghe nyakke mahlak,
hüyange linnyu iy ne menglak.
21Hüyange hüke ngohlak, aoyinne Youngwanpa min me nyiklakei iman yinlak.”
22“Israel kahtalan, hatüolan ngao jaiyah! Nazareth mepu Jesu kahta ja, aowe ütahpa üngan toishao, kahnyingwüngha, füo, hüyange üngan hanghepa Kahwange I kaiye ling, numante meimeiye hüoyangki; hatüo numan-e yoi nying nyingke shingnang, hangjingne hatüo numan yo me tüome lingyangki. 23Hatüo Jesu, Kahwange wangngoipu juteih phei tümyangpu kih, numan-e tangpem me tak hüyange ünu kahtalan yakme toi ne tam. 24Hüyangpoi Kahwange lipu lungsa lan, yange yene tam, hangjingne lipuwe I tükke anglak ye-oklak ne ngoh. 25#Tüo 16.8-11.Hangjingne I jingne Davidte hüke i:
“Youngwanpa-a Ü-sheshao me taowe jinte nge,
hangjingne tao powe yetamlak jingne I ü yakjah yeme ngohnang.
26Tüokheima ü-mongjang mongmeiye ngoh,
hüyange ü yee mongong.
Üne-o ü püm-o monghüm puphei ngohlak.
27Hangjingne nange ü yaha yimchingme ye-anglak,
yejema-a nange nang Üjaopa namme yeteilak.
28Üyin lamnyulan nange üte hüo;
Nang shongme nange tao mongmeiye maatamlak.”
29“Jeiheinaolan, pajeiyong David jeng, I li hüyange mu, hüyange I mangjong tenyih ngoiye teman phei ngohnang she taowe numante ütingme ine ok. 30#Tüo 132.11.Tüokhei hipa ja ne mengpu khei, hüyange I mepu ja I ahngpa shotjing me shotne tamlak she Kahwange Ite jiengpu shinge, 31#Tüo 16.10.Iye hatüo teihtüowe Khrista yange yepu jeng ngao; ‘hüke I yimching me ye-ang, yejema-a püm-o namne yetam.’
32“Hatüo Jesu Kahwange yange yene tamyangki; hatüo jingne toman khongkümpu saki ngohnang. 33I Kahwang yakjah yeme yange ye hüyange Ipawe janyangpu kih, Imepu Yaha Üjao, hüyange numan-e sha-a hanghe jai hüyange nge hatüowa Iye tomante shokke tampu hünghao. 34#Tüo 110.1.Hangjingne David wangte woi ye-in, hüyangpoi Iye yoi nying nyingke i:
“ ‘Youngwanpawe Ü-Youngwanpate i, Ü yakjah yeme shottüoh,
35Taowe nang wepalan nang yalok jingne man-ang man-ang she.’
36“Tüokhei tüopa Jesu ao numan-e tangpem me toi, Kahwange I Youngwanpane-o hüyange Khrista ne-o menge tam she Israel nokphong üsheiye ütingme shingyah.”
Üwangpa Ne Mengpu
37Aope iman-e tüopa jai, iman mongjang te shahpei, hüyange Peter hüyange ülao lampulan te i, “Jeiheinaolan, toman-e hang linglak shi?”
38Peterwe imante i, “Numan ünu winlak jingne numan monglüptüoh, hüyange numan kahta liliye Jesu Khrista min me bapti tüoh, hüyange Yaha Üjao hünghao numan-e yahlak. 39#Isa 57.19; Joel 2.32.Hangjingne numan hüyange numan hayim, hüyange üjai me ngohpu üshei, hüyange Youngwanpa teman Kahwange hangshin I tangte nyiklakei tüolan jingne janpu ngohnang.”
40Hüyange ülao ngao maapuwe Peterwe saki pha, hüyange imante henge i: “Hatüo ümengpa jin mepu numan-e numan nying nyingke yinyah!”
41Tüokhei aoyinne I ngao yah imante baptiye tam, hüyange tüonyih kahta haja lüm nanjing iman phei om. 42Hüyange iman-e iman nying nyingke lampulanne nyüopu jaiye, hüyange shüppe shapu me, hahyingpu me hüyange yoppu me hipak phünne pha.
Mengpalan Yo Me Üyin
43Hüyange kahta lili tangte nyampu pei; hüyange lampulan kaiye yashanyali hüyange kahnyingwüngha füo maawe ling. 44#Lam 4.32-35.Hüyange mengpalan üshei jamme ngoh, hüyange toiheinan lili eimon jingne meng; 45hüyange iman-e iman me nangpu hüyange toinan yao, hüyange kahta lilite wongpong ne mengpu ityange iman-e üsheite tamme pha. 46Hüyange nyih jeihshe mongjang ja phei iman-e yopnok me jem hüyange iman nokme an linge hah, iman-e mongongpu hüyange hoonglipu mongjang phei nük hah. 47Kahwang te yihlupu phawe hüyange kahta üsheiye imante meiye teih. Hüyange nyih jeihshe yinyangpulan shangtoi Youngwanpawe iman phei paowetam.
सध्या निवडलेले:
LAMPULAN 2: KONYBSI
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
LAMPULAN 2
2
Yaha Üjao Peipu
1Aope denga nyih mo ngoi, mengpalan üshei üken ja me jemme ngoh. 2Moksha me wangdang mepu wangyei wangyi leipu wüngke pei, hüyange iman shotte ngohjing noksa maa. 3Hüwante iman tangte vünkih yee shemme ngai, hüyange iman lili te pah. 4Hüyange iman üshei Yaha Üjaowe maa, hüyange Yahawe ngaitampuke mih ngao me ngao ne wang.
5Sha-a wangphang me ngohpu jat lili mepu peipu, wanglamte shangnyakpu Jehudilan Jerusalem me ngoiye ngoh. 6Aope iman-e tüopa wüng jai ükhong üyong jem; hüyange iman üshei yashan; hangjingne, kahta liliye yoi yoi ngao me iman-e ngaowe jai. 7Iman üshei nyam hüyange yashanne i, “Hatüo ngaopulan-a moilan Galilee lanne yeje a? 8Hümma-a hangke teman liliye yoi nyupuh ngao me jaipu shi? 9Teman-a Parthia, Media, hüyange Elam; Mesopotamia, Judea, hüyange Kapadosia mepu; Pontus hei Asia mepu, 10Phrygia hei Pamphylia mepu, Egypt hei Sairin ü-o mepu Libya kahtok nyoi mepu; teman ütam-a Rome mepu, 11Jehudilan hei Jehudi ne mengpu yinhulan moini; hüyange teman ütam Krit hei Arabia mepu hüyangpoi Kahwange lingpu toi üyong teman liliye yoi ngao me iman-e ngaopu jainang!” 12Hüyange iman üshei yashan, hüyange üpong yetüope hüke teingao, “Hatüo hanghe te leppu?” 13Hüyangpoi ülaolanne yaowe i, “Iman wuwüngti üla-e jokyangpu yang.”
Banghate Peter Ngaolan
14Hüyangpoi Peter, penme ja phei yongyange, üngwünne imante ngaowe i, “Jehudilan hüyange Jerusalem me ngohpu üshei, hatüo numan-e shingyah, hüyange na epyange ü-ngao jaiyah. 15Hangjingne numan-e teihpukih hatüolan wuwüngti-e jokpu ne yeje, hangjingne sha-a napning tupaji nanjing hei ngohnang; 16Hüyangpoi hatüo jeng Joel hipawe ngaoyangki:
17 #
Joel 2.28-32. “Kahwange i, üküm nyih me hatüo ngailak,
kahtanyuha üsheite ü-Yaha shoktamlak;
Numan hala yhala lanne ü-ngao pongtamlak,
hüyange numan naoshe lanne himang ngelak,
hüyange numan wupalanne mang manglak;
18Üting, hatüo nyih hei hipak me ü-shaoshanpu sheko hei netanlan tangme,
Ü-yaha shokke tamlak, hüyange iman-e itlak.
19Hüyange ütangye wangme yashanpu,
hüyange üphangye kahtok me
kahnyingwüngha füo, iy, vün, hüyange vünkhuh ünyak Taowe hüolak.
20Youngwanpa nyih üyong
hüyange müktishiwa peishao me, wanghe nyakke mahlak,
hüyange linnyu iy ne menglak.
21Hüyange hüke ngohlak, aoyinne Youngwanpa min me nyiklakei iman yinlak.”
22“Israel kahtalan, hatüolan ngao jaiyah! Nazareth mepu Jesu kahta ja, aowe ütahpa üngan toishao, kahnyingwüngha, füo, hüyange üngan hanghepa Kahwange I kaiye ling, numante meimeiye hüoyangki; hatüo numan-e yoi nying nyingke shingnang, hangjingne hatüo numan yo me tüome lingyangki. 23Hatüo Jesu, Kahwange wangngoipu juteih phei tümyangpu kih, numan-e tangpem me tak hüyange ünu kahtalan yakme toi ne tam. 24Hüyangpoi Kahwange lipu lungsa lan, yange yene tam, hangjingne lipuwe I tükke anglak ye-oklak ne ngoh. 25#Tüo 16.8-11.Hangjingne I jingne Davidte hüke i:
“Youngwanpa-a Ü-sheshao me taowe jinte nge,
hangjingne tao powe yetamlak jingne I ü yakjah yeme ngohnang.
26Tüokheima ü-mongjang mongmeiye ngoh,
hüyange ü yee mongong.
Üne-o ü püm-o monghüm puphei ngohlak.
27Hangjingne nange ü yaha yimchingme ye-anglak,
yejema-a nange nang Üjaopa namme yeteilak.
28Üyin lamnyulan nange üte hüo;
Nang shongme nange tao mongmeiye maatamlak.”
29“Jeiheinaolan, pajeiyong David jeng, I li hüyange mu, hüyange I mangjong tenyih ngoiye teman phei ngohnang she taowe numante ütingme ine ok. 30#Tüo 132.11.Tüokhei hipa ja ne mengpu khei, hüyange I mepu ja I ahngpa shotjing me shotne tamlak she Kahwange Ite jiengpu shinge, 31#Tüo 16.10.Iye hatüo teihtüowe Khrista yange yepu jeng ngao; ‘hüke I yimching me ye-ang, yejema-a püm-o namne yetam.’
32“Hatüo Jesu Kahwange yange yene tamyangki; hatüo jingne toman khongkümpu saki ngohnang. 33I Kahwang yakjah yeme yange ye hüyange Ipawe janyangpu kih, Imepu Yaha Üjao, hüyange numan-e sha-a hanghe jai hüyange nge hatüowa Iye tomante shokke tampu hünghao. 34#Tüo 110.1.Hangjingne David wangte woi ye-in, hüyangpoi Iye yoi nying nyingke i:
“ ‘Youngwanpawe Ü-Youngwanpate i, Ü yakjah yeme shottüoh,
35Taowe nang wepalan nang yalok jingne man-ang man-ang she.’
36“Tüokhei tüopa Jesu ao numan-e tangpem me toi, Kahwange I Youngwanpane-o hüyange Khrista ne-o menge tam she Israel nokphong üsheiye ütingme shingyah.”
Üwangpa Ne Mengpu
37Aope iman-e tüopa jai, iman mongjang te shahpei, hüyange Peter hüyange ülao lampulan te i, “Jeiheinaolan, toman-e hang linglak shi?”
38Peterwe imante i, “Numan ünu winlak jingne numan monglüptüoh, hüyange numan kahta liliye Jesu Khrista min me bapti tüoh, hüyange Yaha Üjao hünghao numan-e yahlak. 39#Isa 57.19; Joel 2.32.Hangjingne numan hüyange numan hayim, hüyange üjai me ngohpu üshei, hüyange Youngwanpa teman Kahwange hangshin I tangte nyiklakei tüolan jingne janpu ngohnang.”
40Hüyange ülao ngao maapuwe Peterwe saki pha, hüyange imante henge i: “Hatüo ümengpa jin mepu numan-e numan nying nyingke yinyah!”
41Tüokhei aoyinne I ngao yah imante baptiye tam, hüyange tüonyih kahta haja lüm nanjing iman phei om. 42Hüyange iman-e iman nying nyingke lampulanne nyüopu jaiye, hüyange shüppe shapu me, hahyingpu me hüyange yoppu me hipak phünne pha.
Mengpalan Yo Me Üyin
43Hüyange kahta lili tangte nyampu pei; hüyange lampulan kaiye yashanyali hüyange kahnyingwüngha füo maawe ling. 44#Lam 4.32-35.Hüyange mengpalan üshei jamme ngoh, hüyange toiheinan lili eimon jingne meng; 45hüyange iman-e iman me nangpu hüyange toinan yao, hüyange kahta lilite wongpong ne mengpu ityange iman-e üsheite tamme pha. 46Hüyange nyih jeihshe mongjang ja phei iman-e yopnok me jem hüyange iman nokme an linge hah, iman-e mongongpu hüyange hoonglipu mongjang phei nük hah. 47Kahwang te yihlupu phawe hüyange kahta üsheiye imante meiye teih. Hüyange nyih jeihshe yinyangpulan shangtoi Youngwanpawe iman phei paowetam.
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.