LAMPULAN 5
5
Ananias Hei Sapphira
1Hüyangpoi kahta ja min Ananias, shekonyu Sapphirawe-o monge, Iye fandei ja yüo; 2hüyangpoi Iye ngin ütam shekonyuwe shinge angne tam, hüyange tamme yahpeiye lampulan yashong me ang. 3Hüyangpoi Peterwe i: “Ananias, Yaha Üjao shaome ngaoleih ilak, hüyange kahtok ümee ütam tüohlak hangne Satanne nang mong maatampu? 4Hatüo manyüope hatüo nang jingne jeshihpu üje a? Hüyange hatüo yüo phei me peiye nang mongne yeje a? Hüma-a hangke nange nang mongjang me tüo teihyapu? Nange kahta sheshao me yeje, hüpoi Kahwang sheshao me tahleih ngaoyangki.”
5Aope Ananias tüopa ngao jai, I toita hüyange lüomah, hüyange tüo jaipu üshei yeonge nyam. 6Hüyange naoshelan powe tawe I mang wopsha, hüyange paiye teiye I mu.
7Hüyange ghonda lüm nanjing ngohyang phei me, hanghe ngai hatüo yeshingpe, I shekonyu ong. 8Peterwe yhate i, “Numan-e kahtok-a halan te hei yüopu heiya yejepu, üte ipha.” Hüyange yhawe jan, “Üm, halan te hei yüoki.” 9Hüyangpoi Peterwe yhate i, “Youngwanpa Yaha toklak jingne hangke nangni jamme taisho? Leiyah, nenok netanpa mupulan tafün shongme yong yange ngohnang, hüyange iman-e nang yahteilak.” 10Mokhshe I shongme yha toita hüyange lüomah. Hüwante naoshelan onge, yha liteiye ngoh-i-ye yahyüo, hüyange yha netanpa phei phinne mu. 11Hüyange bumeinoklan üshei hüyange tüopa ngaolan jaipu üshei tang me yeonge nyampu pei.
Lampulan-e Maapu Meitam
(1 Thes 1.1-10 leitüoh)
12Sha-a ükhong yo me lampulan yakke yashanyalilak hüyange füo maawe ling. Hüyange iman üshei mongja ne sheiyange Solomon nokshümphang me ngoh. 13Hüyangpoi iman phei omlak ülaolan yo me ao-o mong yeyong, tüoyangpoi ükhonge iman yongne tam. 14Hüyange Youngwanpate ütinglakpu sheko hüyange netan ükhong üyong iman phei ünyei om. 15Tüo kaiye Peter kemme linwante, I yashüm nehoi iman ütamte shümlak jingne, iman-e dakpalan chingyangko me yüowe, hüyange leng hüyange shinleng-aam me tüoh. 16Hüyange üne-o Jerusalem neikonpu chingnyulan mepu ükhonge dakpalan hüyange ünu yahawe shangne tampalan woi peiye jam-e jem, hüyange iman kahta lili meiye tam.
Lampulan Shangne Tampu
17Hüyangpoi Ütahpa Ngengpa hüyange I phei ngohpu Sadduceelan ükhong yeonge aohüng mükdakke yong. 18Hüyange iman-e lampulan pho hüyange chingnyu küpnok me küoang. 19Hüyangpoi Youngwanpa wangdang shongmokpawe yaning küpnok taten epne tamyange iman woitei, hüyange i, 20“Taitüoh hüyange khümjing me yongtüoh hüyange kahtalante numan-e hatüo üyin jeng ngao üshei itüoh.” 21Aope iman-e hatüo jai, iman-e wangngai ne oteiye khümjing te ong hüyange konnyüo.
Sha-a ütahpa ngengpa hüyange I phei ngohpulan, hüyange Israel pangshanlan khongkümpu jem, hüyange iman woipeilak jingne küpnok te shon. 22Hüyangpoi aope woipa lan ngoi, iman-e lampulan küpnok me ye-nge; tüokhei iman leihye hüyange ngao ipalante ngaolan i: 23“Aope toman küpnok te peingoi, yeonge meiye latyange nge hüyange yompalan üshei tafün shongme yonge ngoh: hüpoi aope toman-e taküp ep, toman-e ümong me ao-o ye-nge!”
24Sha-a khümjing woipa hüyange ngengpa üjenglanne aope tüolan ngao jai, lampulan jeng hangke shonlak she iman mongtoitai. 25Hüyangpoi kahta ja peiye imante i, “Jaitehu! Numan-e küpnok me küowe angpu kahtalanne khümjing me yongyange ükhongte konnyüo nangki!” 26Hüwante ngao ipalan phei khümjing woipa tai, hüyange ükhonge longe shüplak te nyamme iman-e mongshih yengaipe jünge iman woipei.
27Aope iman-e iman woipei, iman pangshanlan sheshao me yongne tam. Hüyange ütahpa ngengpawe imante tonge i, 28“Toman-e numante tüopa minme yenyüolak jingne mongjüonge ngaokeng pha. Hüyangpoi leihu numan-e nyüopu konne Jerusalem maateki, hüyange numan-e hatüo kahta li ne tampu (iy) ümeng tomante shahne tamhunang!”
29Hüyangpoi Peter hüyange lampulanne janne i: “Toman-e kahta phei-a Kahwang ngaopa jailak. 30#Hin 21.22-23.Teman Üpa Kahwange, numan-e pee ja me takke toiyangpu Jesu yange yene tam. 31I ahngpa hüyange yinyepa ne menglak, hüyange Israel te monglüppe hüyange ünu winpu phalak jingne, Kahwange yoi yakjah yeme I ongne tam. 32Hüyange tüolan jingne toman saki ngohnang, hüyange Yaha Üjao, ao Kahwange Ite jaipalante phayangki; I-o saki ngoh nang.”
33Aope iman-e tüopa ngao jai iman yeonge mongshih ngai hüyange iman toihuwe teih. 34Hüyangpoi Pharisee kahta hüyange ngaokeng nyüopa üyongja, hüyange kahta liliye wangshüm hüowe leipu Gamaliel she minpu kahta ja, pangshanlan sheshao me yong, hüyange lampulan nokshaote ja me yüowe tamlak jingne ngaopha. 35Hüyange Iye ükhong te i; Israellan, numan-e tüolan, kahtate hanghe linghuwe teih, tüo jingne kentingyah. 36Hangjingne hipak ütenja taiteki. Theudas I nying nyingke üyongne menge ngai, hüyange I phei kahta gho peli nanjing ngoh. Hüyangpoi I toi, hüyange I pinlan khongkümpu yan, hüyange mahshon. 37I phei me, shangtoi itpu hipak me Galileelan ja Judas she minpu ngai, hüyange kahtalan I pheite woi, hüyangpoi I-o toi, hüyange I phei te woipalan yanmah. 38Sha-a taowe numante ipha ning: “Hatüo kahtalante hango tahling, hüyange iman hüke ngohne tamtüoh, hangjingne hatüo toishao kahta mepu ne mengma-a, hatüo mahkülak; 39Hüyangpoi hatüo Kahwang mepu ne mengma-a, numan-e iman mahne tampu ye-ok külak; hüyange numan-e Kahwang phei-o tüi-e shonlak!”
40Tüokhei iman-e Iye hengpu ngao yah hüyange iman-e lampulan nyik-e ye, hüyange iman-e imante shüt, hüyange Jesu min me yengaolak jingne ngaopha yange teine tam. 41Tüokhei I min jingne wüotüopu ngelak ne wangnangki she, meitamme ompu jingne mongmei me iman pangshan ükhong mepu yanne tai. 42Hüyange nyihjeih she khümjing me hüyange nokme, Jesuwa Messiah she iman-e konnyüopu yelak.
सध्या निवडलेले:
LAMPULAN 5: KONYBSI
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
LAMPULAN 5
5
Ananias Hei Sapphira
1Hüyangpoi kahta ja min Ananias, shekonyu Sapphirawe-o monge, Iye fandei ja yüo; 2hüyangpoi Iye ngin ütam shekonyuwe shinge angne tam, hüyange tamme yahpeiye lampulan yashong me ang. 3Hüyangpoi Peterwe i: “Ananias, Yaha Üjao shaome ngaoleih ilak, hüyange kahtok ümee ütam tüohlak hangne Satanne nang mong maatampu? 4Hatüo manyüope hatüo nang jingne jeshihpu üje a? Hüyange hatüo yüo phei me peiye nang mongne yeje a? Hüma-a hangke nange nang mongjang me tüo teihyapu? Nange kahta sheshao me yeje, hüpoi Kahwang sheshao me tahleih ngaoyangki.”
5Aope Ananias tüopa ngao jai, I toita hüyange lüomah, hüyange tüo jaipu üshei yeonge nyam. 6Hüyange naoshelan powe tawe I mang wopsha, hüyange paiye teiye I mu.
7Hüyange ghonda lüm nanjing ngohyang phei me, hanghe ngai hatüo yeshingpe, I shekonyu ong. 8Peterwe yhate i, “Numan-e kahtok-a halan te hei yüopu heiya yejepu, üte ipha.” Hüyange yhawe jan, “Üm, halan te hei yüoki.” 9Hüyangpoi Peterwe yhate i, “Youngwanpa Yaha toklak jingne hangke nangni jamme taisho? Leiyah, nenok netanpa mupulan tafün shongme yong yange ngohnang, hüyange iman-e nang yahteilak.” 10Mokhshe I shongme yha toita hüyange lüomah. Hüwante naoshelan onge, yha liteiye ngoh-i-ye yahyüo, hüyange yha netanpa phei phinne mu. 11Hüyange bumeinoklan üshei hüyange tüopa ngaolan jaipu üshei tang me yeonge nyampu pei.
Lampulan-e Maapu Meitam
(1 Thes 1.1-10 leitüoh)
12Sha-a ükhong yo me lampulan yakke yashanyalilak hüyange füo maawe ling. Hüyange iman üshei mongja ne sheiyange Solomon nokshümphang me ngoh. 13Hüyangpoi iman phei omlak ülaolan yo me ao-o mong yeyong, tüoyangpoi ükhonge iman yongne tam. 14Hüyange Youngwanpate ütinglakpu sheko hüyange netan ükhong üyong iman phei ünyei om. 15Tüo kaiye Peter kemme linwante, I yashüm nehoi iman ütamte shümlak jingne, iman-e dakpalan chingyangko me yüowe, hüyange leng hüyange shinleng-aam me tüoh. 16Hüyange üne-o Jerusalem neikonpu chingnyulan mepu ükhonge dakpalan hüyange ünu yahawe shangne tampalan woi peiye jam-e jem, hüyange iman kahta lili meiye tam.
Lampulan Shangne Tampu
17Hüyangpoi Ütahpa Ngengpa hüyange I phei ngohpu Sadduceelan ükhong yeonge aohüng mükdakke yong. 18Hüyange iman-e lampulan pho hüyange chingnyu küpnok me küoang. 19Hüyangpoi Youngwanpa wangdang shongmokpawe yaning küpnok taten epne tamyange iman woitei, hüyange i, 20“Taitüoh hüyange khümjing me yongtüoh hüyange kahtalante numan-e hatüo üyin jeng ngao üshei itüoh.” 21Aope iman-e hatüo jai, iman-e wangngai ne oteiye khümjing te ong hüyange konnyüo.
Sha-a ütahpa ngengpa hüyange I phei ngohpulan, hüyange Israel pangshanlan khongkümpu jem, hüyange iman woipeilak jingne küpnok te shon. 22Hüyangpoi aope woipa lan ngoi, iman-e lampulan küpnok me ye-nge; tüokhei iman leihye hüyange ngao ipalante ngaolan i: 23“Aope toman küpnok te peingoi, yeonge meiye latyange nge hüyange yompalan üshei tafün shongme yonge ngoh: hüpoi aope toman-e taküp ep, toman-e ümong me ao-o ye-nge!”
24Sha-a khümjing woipa hüyange ngengpa üjenglanne aope tüolan ngao jai, lampulan jeng hangke shonlak she iman mongtoitai. 25Hüyangpoi kahta ja peiye imante i, “Jaitehu! Numan-e küpnok me küowe angpu kahtalanne khümjing me yongyange ükhongte konnyüo nangki!” 26Hüwante ngao ipalan phei khümjing woipa tai, hüyange ükhonge longe shüplak te nyamme iman-e mongshih yengaipe jünge iman woipei.
27Aope iman-e iman woipei, iman pangshanlan sheshao me yongne tam. Hüyange ütahpa ngengpawe imante tonge i, 28“Toman-e numante tüopa minme yenyüolak jingne mongjüonge ngaokeng pha. Hüyangpoi leihu numan-e nyüopu konne Jerusalem maateki, hüyange numan-e hatüo kahta li ne tampu (iy) ümeng tomante shahne tamhunang!”
29Hüyangpoi Peter hüyange lampulanne janne i: “Toman-e kahta phei-a Kahwang ngaopa jailak. 30#Hin 21.22-23.Teman Üpa Kahwange, numan-e pee ja me takke toiyangpu Jesu yange yene tam. 31I ahngpa hüyange yinyepa ne menglak, hüyange Israel te monglüppe hüyange ünu winpu phalak jingne, Kahwange yoi yakjah yeme I ongne tam. 32Hüyange tüolan jingne toman saki ngohnang, hüyange Yaha Üjao, ao Kahwange Ite jaipalante phayangki; I-o saki ngoh nang.”
33Aope iman-e tüopa ngao jai iman yeonge mongshih ngai hüyange iman toihuwe teih. 34Hüyangpoi Pharisee kahta hüyange ngaokeng nyüopa üyongja, hüyange kahta liliye wangshüm hüowe leipu Gamaliel she minpu kahta ja, pangshanlan sheshao me yong, hüyange lampulan nokshaote ja me yüowe tamlak jingne ngaopha. 35Hüyange Iye ükhong te i; Israellan, numan-e tüolan, kahtate hanghe linghuwe teih, tüo jingne kentingyah. 36Hangjingne hipak ütenja taiteki. Theudas I nying nyingke üyongne menge ngai, hüyange I phei kahta gho peli nanjing ngoh. Hüyangpoi I toi, hüyange I pinlan khongkümpu yan, hüyange mahshon. 37I phei me, shangtoi itpu hipak me Galileelan ja Judas she minpu ngai, hüyange kahtalan I pheite woi, hüyangpoi I-o toi, hüyange I phei te woipalan yanmah. 38Sha-a taowe numante ipha ning: “Hatüo kahtalante hango tahling, hüyange iman hüke ngohne tamtüoh, hangjingne hatüo toishao kahta mepu ne mengma-a, hatüo mahkülak; 39Hüyangpoi hatüo Kahwang mepu ne mengma-a, numan-e iman mahne tampu ye-ok külak; hüyange numan-e Kahwang phei-o tüi-e shonlak!”
40Tüokhei iman-e Iye hengpu ngao yah hüyange iman-e lampulan nyik-e ye, hüyange iman-e imante shüt, hüyange Jesu min me yengaolak jingne ngaopha yange teine tam. 41Tüokhei I min jingne wüotüopu ngelak ne wangnangki she, meitamme ompu jingne mongmei me iman pangshan ükhong mepu yanne tai. 42Hüyange nyihjeih she khümjing me hüyange nokme, Jesuwa Messiah she iman-e konnyüopu yelak.
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.